Бул. Љубљанска (+ Мост од Карпош 4 кон Злокуќани)

Точно е се тоа, но сепак ќе станува се поатрактивно за просечниот купувач од висока средна класа поради ниските критериуми. Основна комунална инфраструктура има, патчињата им ги асфалтираа, а кога ќе се случи поврзувањето со Словенија и Карпош, проширување на Скупи итн., очекувајте и наплив од нови инвеститори кои ќе прават мини комплекси или типски куќи, како и влез на разни бизниси како маркети и угостителство. Цената очекувам да има нагорен тренд барем 10 години по изградбата на овие проекти. Впрочем, тоа е и правецот кон кој ќе се шири градот, што е ок, но начинот на кој тоа ќе се прави ни е јасен на сите.

Уште неколку рендери емитувани во емисијата Незадолжително изградбата се вели дека ќе почне за неколку месеци







https://www.facebook.com/CityofSkopje

линк од целото видео,за мостот се говори во првите 10 мин

https://www.facebook.com/CityofSkopje/videos/333700924431505

според нивните кажувања треба мостот да минува тука



Edited by stef4o - 15-Aug-2020 at 14:37

И овој мост ли ќе биде искривен?

Па, реално помислив на Беласица, зашто е пример како не треба да изгледа мост и треба да се трудат градските власти тоа да го избегнуваат.

Мостот Љубљанска ќе се протега на вкупна должина од 940 метри, поврзувајќи ги бул. Илинден и ул. Скупи, а се очекува да биде готов во наредните 18 месеци.
Самиот мост значително ќе го забрза и олесни движењето на сообраќајот во овој дел од градот, а со широчина од 24 метри и 4 коловозни ленти, вклучувајќи и пешачки и велосипедски патеки од двете страни, мостот Љубљанска е архитектонско решение кое ќе влијае позитивно на циркулацијата на возила во градот.











https://www.facebook.com/p.shilegov/videos/1166449517164932

Град Скопје најавува нов мост меѓу Карпош 4 и Злокуќани (ВИДЕО)



Градоначалникот Шилегов го потпиша договорот со Владата на РСМ и ТАВ со кој се овозможува реализацијата на проектот за мостот на улица Љубљанска во Карпош. Вредноста на договорот изнесува 382,5 милиони денари со вклучен ДДВ, а рокот на изведба е до крајот на 2023 година.

Непреченото функционирање на сообраќајот и намалување на метежот е еден од приоритетите на градот. Токму затоа, покрај работата на мостот „Михајло Апостолски” на бул. АСНОМ, се започнува со работа и на уште еден мост кој ќе поврзе два дела од градот. Со изградбата на овој мост ќе се поврзат улицата Љубљанска и бул. Илинден со улица Скупи во Општина Карпош.

Мостот е предвидено да има 4 коловозни ленти, пешачки и велосипедски патеки од двете страни на коловозот. Вкупната должина на сообраќајницата изнесува 940 метри додека должината на самиот мост изнесува 113 метри.

Договорот е потпишан во согласност со одлуката на Владата за прераспределба на средствата од концесионерот ТАВ, кои беа наменети за изградба на карго аеродром во Штип во вкупен износ од 35 милиони евра со кои почнува реализацијата на 99 инфраструктурни проекти во 75 единици на локалната самоуправа низ државата.


https://mk.tv21.tv/grad-skopje-najavuva-nov-most-megu-karposh-4-i-zlokukani-video/

Edited by stef4o - 11-Jul-2021 at 11:27

OSSP на катастар ја има вцртано трасата и јавно е достапна, малтене во векторски формат, иако нема download. Сите други твитери и визуелизација се непрецизни.

Скопје ќе го добие првиот висечки мост за автомобили



Мостот треба ги поврзува улиците „Илинденска“ и „Скупи“, и Општина Карпош со општините Ѓорче Петров, Бутел, Чаир и Шуто Оризари.

Во наредните 18 месеци се очекува да биде готов автомобилскиот висечки мост „Љубљанска" што ќе ги поврзува улицата „Скупи" со булеварот „Илинденска". Мостот вреден шест милиони евра, ќе биде широк 24 метри и четири коловизни ленти, пешачки и велосипедски ленти од двете страни, а ќе значи нова врска и спојување на градот, граѓаните и нивна комуникација.

-Мостот „Љубљанска" е прв висечки и ќе биде запамтен како архитектонско чудо. Ќе ја растовари и избалансира сообраќајната фреквенција, ќе овозможи брз пристап од скопската Обиколница до Општина Карпош, поврзување на општините Ѓорче Петров, Бутел, Чаир и Шуто Оризари, ќе значи нова и подобра комуникација не само на Скопје, туку и на граѓаните, истакна премиерот Заев.

-За само четири години почнуваме со изградба на вториот мост, кој на секој начин е спојување на градот, луето и нивна комуникација, истакна Шилегов.

https://kanal5.com.mk/skopje-kje-go-dobie-prviot-visechki-most-za-avtomobili/a489913