Концесија на автопатишта

Originally posted by UrbanFreak Со тоа што сметам дека патниот правец источно од Штип мора да се реконструиа, прошири и се направи по сите стандарди на магистрален пат.

Веројатно мислиш на правецот према Кочани (се слагам), но исто така и правецот према Струмица мора да биде топ. Веќе премногу долго се влечкаме со тој пат... Јас лично од мал не сум патувал таму, ама од она што слушам, патот во целина воопшто не е за фалба.

Околу делниците Штип-Св.Николе-Миладиновци или Штип-Велес, мислам дека поприоритетно во моментов е Штип-Велес. Пократок, поедноставен и поевтин правец кој би се надоврзал на Велес-Бабуна-Прилеп и со тоа би го направил Велес битно сообраќајно средиште.

Овде не се слагам. Јасно дека тоа е поевтино и би можеле побрзо да го добиеме, но долгорочно мислам дека е полошо и понеисплатливо решение. Што се однесува до Велес, тој секако има голема сообраќајна важност која нема да ја изгуби ни доколку не биде автопатски поврзан со Штип. Мислам нема потреба со сила да го правиме поголемо или помало сообраќакно средиште отколку што налагаат реалните услови и потреби.

Да не заборавиме колку е битна Топилницата (што и да се случи со неа), за преработкана рудите од проработените  рудници во источна Македонија.

Отсекогаш сум се прашувал како се носи рудата до топилницата... Знаеш нешто повеќе за ова? Ако знаеш сподели, па би можеле да ја продлабочиме дискусијава.

Но рачунај дека топилницата во моментов виси, па како и да е, не е добро да ја земаме во предвид додека не се расчисти ситуацијата дали ќе остане на истото место, дали ќе се дислоцира, или нема воопшто да постои... Но доколку навистина генерира значаен сообраќај, се слагам дека треба да се вметне во равенката веднаш чим се разјасни нејзината иднина. Во секој случај нејзината иднина сигурно ќе биде разјаснета пред да почне да се гради автопат накај Штип, така да на ова поле се е ок.

И на крај ова е поефикасно и побрзо поврзување не нашите главни житници (Пелагонија и Овче полие) кои со соодветна пренамена и изградба на големи прехрамбено-преработувачки капацитети можат да бидат и тоа како стратешки битни за државата а сето тоа енормно би го зголемил транспортот.

Не сум сигурен дека би постоела толку голема потреба од нивно меѓусебно автопатско поврзување. Мислам дека добар магистрален пат помеѓу Велес и Кадрифаково (што би бил дополнително ослободен од целиот сообраќај накај Скопје кој во таков случај би одел преку автопатот преку Миладиновци) и понатаму автопат од Велес накај Пелагонија и онака не ја менува ситуацијата толку битно.


Edited by Cloverstack - 13-Jun-2008 at 13:07

@Кловер, абе си ме сватил погрешно. таман работа да дискутираме за локал патриотизам. Мислев на тоа дека ние не по наша вина, онака потсвесно некако ги разгледуваме опциите како би се стигало од Скопје до другите градови. Таман работа сељачки локал-патриотизам .

Читајќи ги анализиве јас сум повеќе за Штип-Велес да се прави автопат. Делницава треба да ја гледаме пред се од аспект на Штип (и источна Македонија). Можеби преку Св. Николе ќе добијат 8км пократка делница до Скопје (во споредба со делницата преку Велес) но спрема мене тоа е занемарливо ако се земе во предвид дека со делницата преку Велес ќе имаат им добара врска со Скопје (само +8км од алтернативата), ем добра врска со Велес, ем добра врска со Западна Македонија (преку Бабуна-Прилеп).

Што се однесува до Катланово-Велес, оваа делница би требала конечно да се дигне на вистински автопатни стандарди. Треба да се изгради уште една автопатска лента покрај правецот Велес-Катланово а правецот Катланово-Велес би требало да се користи како алтернативен пат. Така би ги снемало и ризикот на кој што сугерира Кловер, да се случи да се затвори комплетно коридорот север-југ поради некоја причина.


Edited by pbanks - 14-Jun-2008 at 11:53

Originally posted by pbanks Читајќи ги анализиве јас сум повеќе за Штип-Велес да се прави автопат. Делницава треба да ја гледаме пред се од аспект на Штип (и источна Македонија). Можеби преку Св. Николе ќе добијат 8км пократка делница до Скопје (во споредба со делницата преку Велес) но спрема мене тоа е занемарливо ако се земе во предвид дека со делницата преку Велес ќе имаат им добара врска со Скопје (само +8км од алтернативата), ем добра врска со Велес, ем добра врска со Западна Македонија (преку Бабуна-Прилеп).

Секако во право си дека таа варијанта ќе обезбеди подобра поврзаност со Велес и голем дел од Македонија, ама прашањето е сепак колкава е потребата таа врска да мора да е автопатска. Тука пак се навраќам на мојот став дека добар магистрален пат сосема добро ќе се справи со тој сообраќај, особено што ќе биде ослободен од сообраќајот кон Скопје, кој во таков случај би одел по автопат преку Свети Николе и Миладиновци. А главната потреба сепак е кон Скопје, па дури и минимални предности на автопатската траса преку Миладиновци во однос на тоа се клучни.

Од друга страна пак, автопат Штип-Отовица и добар магистрален пат Штип-Свети Николе-Миладиновци, го отвара проблемот што го спомна lslcrew. Голем број луѓе ќе го избегаваат автоптот ради патарини и ќе го закрчуваат магистралниот пат.

Што се однесува до Катланово-Велес, оваа делница би требала конечно да се дигне на вистински автопатни стандарди. Треба да се изгради уште една автопатска лента покрај правецот Велес-Катланово а правецот Катланово-Велес би требало да се користи како алтернативен пат. Така би ги снемало и ризикот на кој што сугерира Кловер, да се случи да се затвори комплетно коридорот север-југ поради некоја причина.

Дури и во овој случај, во делот од Петровец до Катланово нема баш добра алтернатива.
Во секој случај, Катланово-Велес да се направи конвенционален автопат веројатно ќе почекаме... А и со право, затоа што во споредба со градење на нови автопатски делници, навистина има низок приоритет во моментов.


Edited by Cloverstack - 14-Jun-2008 at 17:04

Дефинитивно. Само гласно размислувам како треба да се реши тој дел, инаку јасно е дека и овој квази автопат може уште долго да си ја врши работата.

Еден убав ден во подалечна иднина, кога ќе има комплетен конвенционален автопат од Скопје до Гевгелија, алтернативниот Р-103 ќе биде пат за мерак... Ќе биде работата да се мисли човек дали да иде по автопат или по Р-103...




Особено во клисурите е

А и покрај теренот, карактеристиките му се одлични...


Edited by Cloverstack - 14-Jun-2008 at 17:11

Originally posted by Cloverstack Еден убав ден во подалечна иднина, кога ќе има комплетен конвенционален автопат од Скопје до Гевгелија, алтернативниот Р-103 ќе биде пат за мерак... Ќе биде работата да се мисли човек дали да иде по автопат или по Р-103... Особено во клисурите е А и покрај теренот, карактеристиките му се одлични...

Па така е на многу места. Ај според го идниот автопат Гостивар-Кичево низ низината, низ тунели со оној горе преку Стража.

Originally posted by Cloverstack Алтернативен пат е обврска, но во случајов магистрален пат Штип-Миладиновци не е алтернативен пат на автопат Штип-Велес, то ест технички не ни може да се класифицира како алтернатива на автопатот (иако во суштина навистина обезбедува алтернатива за голем дел од луѓето што би го користеле евентуалниот автопат Штип-Отовица)

Да во право си... неможе да биде алтернативен пат ако идеме по прописи.

А она за камионите, доколку е навистина така, не ќе е лошо да го имплементираат на терен... Па колку само камиони го користат моменталниот никаков алтернативен пат на М-1, а можеш да замислиш каква би била ситуацијата доколку имаа барем малку подобар и пократок пат...

Не ме фаќај за збор но некакво правило во тој стил постои. Дали се однесува за сите транспортери или не незнам.


Edited by pbanks - 14-Jun-2008 at 18:39

Originally posted by Cloverstack Originally posted by GreatMakedon sto si gubite vreme da davate predlozi koj vladata nema ni da vi gi procita ni da gi implementira... taka da, fokusirajtese na ona sto e oficijalno planirano da se gradi. Не губиме време туку дискутираме. По твојава логика испаѓа дека скоро се што збориме на форумов е губење време... Јас единствено се надевам дека конечно ќе се вклучи некој што конкретно работи на оваа проблематика и дека ќе не запознае со некои факти што не ги знаеме. А плановите во моментов не се дефинирани и се прилично конфузни, па токму затоа и се наметна оваа дискусија. Што се однесува до владата, таа треба да се води по стручните совети и анализи, а не да пласира политички маркетинг во форма на нереални и штетни најави за автопати на секој чекор. Автопатско поврзување на Штип со Е75 е реална потреба на среден рок, за разлика од поврзувањето на Македонска Каменица со Делчево...

ok stom ne bilo sve definirano.. i sekako deka treba da se diskutira, no nekogas premnogu intimno gi svakate rabotite nekoj od vas, mislam, se nervirate mnogu.. eve na primer velite ne trebalo avtopat od bitola do ohrid. Ako vladata najde pari za toa zosto da nema? Ohrid e turisticka atrakcija, isto taka lani nekolku pati vozev od ohrid za bitola, pa megu ohrid i resen osobeno, nemat sansi da se pretica kamijon sto vozi so 40 na saat. Na MK i treba mnogu poveke avtopati nego sto ni se cini.

Originally posted by Cloverstack Дури и многу побогати држави немаат пари за се што ќе посакаат, а камо ли ние. Но дури и да имавме, како што повторив веќе неколку пати, се разбира дека не треба да се потрошат на таков автопат ако за тоа нема реална сообраќајна или стратешка потреба. Исто така автопатите не се плаќаат само со пари, туку и со еколошка цена од повеќе аспекти. Тоа што Охрид е туристичка атракција, не го менува фактот дека на тој пат едноставно нема, а во било каква догледна иднина нема ни да има доволно сообраќај за да оправда автопат. Проблемот на Охрид-Ресен со камионите и претекнувањето е сосема друга приказна и треба да се реши на друг начин. Веќе спомнав во еден претходен пост дека таму требаат прилично обемни зафати на голем дел од неговата должина. Но тоа не значи автоматски автопат... Тоа би значело негово проширување на местата каде што има субстандардна ширина, изградба на трета лента за искачување и претекнување, па дури и изградба на некои сегменти по нова подобра траса доколку за тоа има потреба. Со ова не само што би се решил проблемот со претекнувањето, туку и би се подобриле речиси сите карактеристики на патот, а со тоа би се зголемил и неговиот капацитет.

Да се надоврзам. Изградбата на автопатот е веројатно полесниот дел, потешкиот е одржувањето и трошоците околу него. Ако нема економска оправданост за автопат нема да има ни концесионер. Доколку државата го направаи (а државата сигурно може да најде пари) таа ќе треба и да го одржува од наши пари.  Доколку не постоела оправданост за изградба на автопат тоа значи дека наши пари се фрлаат во ветер. Одржливоста е битен ако не и најбитен фактор.
Ако тргнеме со таква филозофија дека ако за нешто се има пари треба да се гради по секоја цена без никаква вистинска анализа тогаш девалвираме низа професии кои се занимаваат со планирање на овие работи.

Токму тоа е проблемот кај нас во многу сегменти. Меѓу другото и во решенијата што ни ги сервираат и за сообраќајот за Скопје. Бидејќи луѓе туркаат бедни импровизации од око на сметка на издржани проекти изготвени од стручњаци кои нив не им изгледаат добро повторно од око.

Ќе се истепаат концесионери, поготово за оваа делница или за Штип-Делчево. Кога никој нема да им се јави на тендерот се надевам ќе се свестат.