Енергетика (општо)

Може да објасниш попрецизно на кој дел мислиш (според називите на скиците)? Инаку многу е интересен системов, само не ми е јасно која е улогата на сифоните? Исфрлање на талог?

Здраво на сите форумџии Долго време го следам форумот, па после долго време решив да направам акаунт.

Пишувам на оваа тема бидејќи ми текна на едно предавање од професорот Методија Несторовски пред година време, кој ни објаснуваше за сите овие енергетски објекти за кои претходно е зборено. Професорот бил учесник во правењето на финансискиот дел на проектот.

За Чебрен и Галиште најголем проблем биле инвеститорите. Имало интерес од Кинезите, меѓутоа барале гаранција дека македонската влада ќе гарантира за минимално ниво на откупена струја. Имено периодот на враќање на инвестицијата би бил минимум 20 години. Според временските прогнози Македонија ја очекуваат посушни години, па така и Црна Река би имала помал капацитет. Професорот вика дека дури и да има посушни години, инвестицијата најверојатно би се вратила. Доколку не се најде приватен инвеститор веројатно од државни пари ќе се прави.

Во однос на Луково Поле, еден од најконтроверзните проекти, за кој голем број на невладини и еколошки организации се вклучија, направена е ревизија на основниот проект. Под притисок за заштита на националниот парк, односно животните, како што разбрав направен е поголем мост каде што би можел живиот свет да поминува( професорот се изрази за зајците да поминуваат ).

Во однос на Вардарска долина, ако се сеќавате имаше некои најави за да се направи Вардар пловен, па преку Катланово со канал да се поврзе со Србија. Идејата не е исплатлива ни на долг рок, со оглед на тоа што мали бродови ќе можат да поминуваат, а со тоа и помал товар да носат. Од тие причини, Македонија е решена стратешки да ја гради Вардарска долина, која со целата моќност на сите хидроцентрали, би ја намалила зависноста на увоз на струја. Интерес имало повторно од Кинезите.

Овие проекти се од стратешко значење за нашата земја и се надевам дека еднаш политичарите ќе ја гледаат големата слика, без да гледаат да купуваат политички поени со мали краткорочни проекти.

(Сликано тука)

Менуваат топловоди, или нешто поврзано со гасификација?

Исто така, ме интересира дали некој знае до каде се простираат топловодите во Скопје, и дали се меѓусебно поврзани со оглед на тоа дека има неколку топлани во Скопје? Знае некој на пример дали во Драчево или во Сарај има парно греење?

Со повеќе енергетски извори до поголема стабилност

Енергетичарите се согласни дека енергијата во денешни услови треба да ѝ биде приоритет на секоја држава, а за некои од учесниците на конференцијата енергетската обезбеденост е директно поврзана со безбедноста на државата.


Треба да се искористат и обновливите извори на енергија

Конференција за енергетска безбедност на Западен Балкан

Колку енергетската стабилност на една земја е поврзана и со нејзината безбедност и колкаво внимание треба да се посвети на снабдувањето со енергенти се само дел од прашањата за кои дебатираа учесниците на вчерашната конференција „Енергетска безбедност во Западен Балкан - политики и предизвици“. Енергетичарите се согласни дека енергијата во денешни услови треба да биде приоритет на секоја држава, а за некои од учесниците на конференцијата енергетската обезбеденост е директно поврзана со безбедноста на државата.

- Бидејќи за секој дел од животот на граѓаните е потребна енергија, а ја нема секаде во исти количества, светските сили се во трка за снабдување со енергија. Европската Унија го утна концептот за енергетска безбедност, бидејќи го темелеше само на снабдување. Сега, со порастот на Русија како важен фактор на полето на снабдувањето со гас, ги увидоа своите пропусти - вели професорот Методи Хаџи Јанев.
Претставникот на Центарот за проучување на демократијата од Бугарија, Мартин Владимиров, истакна дека прашањето за „Јужен тек“ колку има економска природа, исто толку има и политичко и геостратегиско значење. Според него, поради немањето конкуренција на Балканот од друг снабдувач со гас, цените за овие земји се повисоки отколку во Германија и има простор за манипулации во трошокот за изградба на гасоводот.
- За да се зголеми енергетската безбедност треба да се зголемат и енергетските снабдувачи. Во Бугарија дури 60 отсто од граѓаните користат дрво или јаглен за греење, а кај нас прашањето е како да се гасифицира државата со помалку трошоци - истакна Владимиров.

Зависни од струја

За Македонија, според панелистите, е неопходно да се поврзе со повеќе снабдувачи на енергија и од различни извори за да не биде зависна од еден вид и еден доставувач. Во нашата земја доминира употребата на електрична енергија, што ја прави ранлива во случај на прекин со снабдувањето со овој енергент.
- Ние сме увозно зависна земја и околу 30 отсто од потрошената електрична енергија се увезени и од нив дел е за регулираниот, а дел за нерегулираниот пазар. Со изградбата на новите производствени капацитети очекуваме увозната зависност да се намали - истакна Марко Беслимовски од Регулаторната комисија за енергетика на Македонија.
Според Ана Стојиловска, која заедно со Андреја Богдановски е автор на трудот „Состојбата со енергетската (не)безбедност во Македонија“, земјава е ранлива на прекини на испораката на електрична енергија, која најмногу ја користат домаќинствата, а голем дел се користи и во индустријата.
- Дури 58 отсто од домаќинствата во Македонија користат електрична енергија за загревање, а секоја година се зголемува и увозот на електрична енергија, па можни прекини со снабдувањето би биле проблематични за енергетската безбедност на државата - рече Стојиловска.

Приклучок кон повеќе гасоводи

Според неа, Македонија треба да се фокусира на искористување на другите извори на енергија, поголем увоз на природен гас и искористување на обновливите извори на енергија, но и спроведување мерки за енергетска ефикасност и локални политики за гасификација.
- Македонија треба да се поврзе со повеќе гасоводи и на среден рок да го зголеми искористувањето на гасот преку постојниот гасовод и да го зголеми неговиот капацитет. Наедно, Македонија мора да го усогласи поврзувањето со гасоводот „Јужен тек“ со европската легислатива, но да размислува и за приклучување кон Трансјадранскиот гасовод - рече Стојиловска.

Според неа, клучно за енергетската безбедност на Македонија е да се спроведува енергетската стратегија и она што е предвидено во неа, како и да се формира Фондот за енергетска ефикасност, како една од клучните мерки за реализација на проекти од областа на енергетската ефикасност и обновливите извори на енергија.
Конференцијата беше организирана од фондацијата „Конрад Аденауер Скопје“, во соработка со аналитика, како дел од програмата „Животна средина, енергија и климатски промени“.

http://novamakedonija.com.mk/NewsDetal.asp?vest=11614104133&id=10&prilog=0&setIzdanie=23315

Вакви проекти се тие од типот што обичниот граѓанин воопшто нема да ги осети,т.е. никој ништо нема да забележи во нормалниот живот.

Сакам да повлечам паралела на пример со изградба на пат-сите ќе го видат и осетат новиот пат,а овде само ќе се има поголема стабилност на системот

Со Србија сме поврзани со 400 кв далекувод ама преку Косово,а не дирекно

           
Во Мариово ќе се гради нова термоцентрала





     
Предвидено е до 2020 година да трае реконструкцијата на термоцентралата „Битола“, додека на ТЕ „Осломеј“ до 2025 година. Во периодот од 2031 до 2035 година се планира изградба на електроцентрала од 300 мегавати во Мариово, период во кој ќе престане со работа термоцентралата во Битола




     
Ако се остварат предвидувањата во стратегијата, граѓаните од Мариово можат да се надеваат дека ќе заживее нивниот крај

Презентирана работната верзија на стратегијата за енергетика до 2035 година

Изградба на нова термоцентрала на јаглен во Мариово од 2031 до 2035 година, период во кој се очекува да престанат со работа термоцентралите во Битола, предвидува работната верзија на стратегијата за развој на енергетиката во Република Македонија за периодот до 2035 година, што вчера беше презентирана во Стопанската комора на Македонија. По 2030 година се очекува да започне изградбата на хидроцентралата „Чебрен“, како и други термоцентрали или комбинирани електроцентрали.
- Во стратегијата се предвидени три сценарија за понатамошен развој на енергетскиот сектор во земјава, а во основното е проектирана 2,3 отсто годишна стапка на пораст на потрошувачката. Најголем пораст е предвиден кај природниот гас и кај обновливите извори на енергија - вели академикот Глигор Каневче.
Тој ги презентираше новините од документот, потенцирајќи дека е предвидено намалување на потрошувачката на електрична енергија, која од 35 отсто учество во вкупната енергија во 2014 г. се очекува во 2035 г. да се намали на 24 проценти. Искористеноста на природниот гас од сегашните 1 отсто предвидено е да достигне 16 проценти од вкупно искористената енергија.
- Во поглед на термоцентралите, предвидено е до 2020 г. да трае реконструкцијата на ТЕ „Битола“, додека на ТЕ „Осломеј“ до 2025 година. Во периодот од 2031 до 2035 г. се планира изградба на електроцентрала од 300 мегавати во Мариово, период во кој ќе престане со работа термоцентралата во Битола. По 2035 г. и понатаму ќе имаме две електроцентрали, „Мариово“ и „Осломеј“. Проектирано е исто така енергетскиот сектор да се поддржи и од хидроцентралите „Бошков мост“, „Црн камен“, „Луково поле“, а се планира и доградба на уште еден агрегат на „Шпилје“ - појаснува Каневче.

Инвестиции во
обновливи извори

Меѓу другото се планира канал од Вардар до Козјак, со кој ќе се обезбедат плус 110 киловат-часа енергија од оваа хидроцентрала. Со дислокација, пак, на пругата во Велес повторно се актуализира изградбата на хидроцентрала во овој град, а за периодот по 2030 година се планира и изградбата на долгоочекуваната „Чебрен“.
- Во поглед на термоцентралите „ТЕ-ТО“ и „Когел“ по 2030 година ќе им помине рокот, но се планирани нови слични објекти, од кои ќе се обезбедат 200 мегавати енергија. Планиран е и пораст на ветерните електроцентрали, кои до 2020 година треба да обезбедуваат 63,2 мегавати и дополнителни 50 мегавати до 2025 г. Фотоволтаици до 2020 г. ќе имаме девет, а уште пет до 2025 година. И за ветерниците и сончевите електроцентрали е предвидено по 2025 година да се градат без повластени тарифи.

Ќе се зголемува
цената на струјата

Стратегијата предвидува да расте и потребата од природен гас, кој треба да достигне 1,2 милијарда нормални кубни метри.
Во вкупната енергија е проектирано од 50 отсто јагленот да падне на 20, додека искористеноста на природниот гас од 4 проценти да се зголеми на 20 отсто, а предвидено е емисијата на стакленички гасови да остане на исто ниво.
Претседателот на Здружението за металургија, Митко Кочовски, и директорот на рудникот „Бучим“, Николајчо Николов, прашаа дали во стратегијата е водено сметка за индустрискиот развој, истакнувајќи дека не е можен развој на БДП без вклучување на развојот на индустријата. Високата цена на струјата, ниското учество на индустријата во потрошувачката на енергијата, недостигот од проекции за ископ на јаглен и како тој ќе се транспортира до термоцентралите, беа дел од забелешките на енергетичарите и претставниците на индустрискиот сектор присутни на дебатата организирана од Македонската енергетска заедница при Стопанската комора на Македонија.
- Во проекцијата е внесено дека цената на струјата ќе се движи околу 90 евра за мегават-час, но прашање е колку оваа цена е реална со оглед на сегашната, која се движи околу 40 евра. Доколку цените на електричната енергија не се зголемат, се доведува во прашање инвестицијата во нови електроцентрали, особено на оние по 2026 година и на приватните, на кои им треба економска исплатливост - вели Кочо Анѓушев, претседател на МЕА.
Тој појаснува дека и сегашните приватни електроцентрали не работат со полн капацитет, бидејќи цената на струјата е многу ниска. Анѓушев исто така истакна дека многу е важно прашањето на јагленот и пронаоѓањето нови наоѓалишта или локации од каде што ќе се увезува и како ќе се транспортира до електроцентралите.
- Исто така дискутабилна е и проекцијата од обновливи извори да се добиваат над 300 мегавати енергија, и тоа само од ветерници и сончеви панели. Во некој убав сончев ден може нагло да се произведе многу енергија, дали мрежата ќе може да ја прими истата таа - прашува Анѓушев.


Автор: Петранка Талеска / petranka.t@novamakedonija.com.mk      Фотографија: Игор Бансколиев
http://novamakedonija.com.mk/NewsDetal.asp?vest=113151710104&id=10&prilog=0&setIzdanie=23369

Засега се оди со варијанта мариовскиот јаглен да се транспортира до Битола и да се настави животот на РЕК Битола.Нова ТЕЦ највероватно или нема да се гради или ќе му се даде на некој странски инвеститор да ја изгради

за сега се оди ЕЛЕМ да добие нова зграда а наскоро можеби и современа со институт за нуклеара енергија

може ќе се угледаат и на америве, иако нашето е најдобро да тера ко руско-европски кросовер

Pa i svetka Petka i Kozjak se obnovlivi izvori na energija.