Патна мрежа (општо)

Пуштен во употреба патот Ајватовци - Мршевци Директорката на Агенцијата за државни патишта Наташа Валкановска и градоначалникот на општина Илинден Жика Стојановски и премиерот Никола Груевски денеска го пуштија во употреба локалниот пат Ајватовци - Мршевци. За изградбата на патот инвестирани се 13,5 милиони денари од Агенцијата за државни патишта. Патот е долг 3,9 километри и широк пет метри. Според Груевски, со реализација на проектот во иднина се очекува брз и непречен проток на лица и значително подобрување на комуникацијата и квалитетот на живот. - Она што го ветивме на изборите тоа и го остваривме. Почна и заврши изградбата на овој локален пат што поврзува шест населени места. Освен што ќе има значајно комуникациско влијание, значително помага и во друг дел,истакна премиерот. Тој посочи дека откако е изграден патот банките почнале да ги прифаќаат куќите како хипотеки доколку некој од жителите сака да подигне кредит. - Сите што имаат куќи не само што расте цената на нивните куќи, туку може да ги даваат како хипотеки. Пред изградбата на патот банките не ги прифаќале куќите како хипотеки, ако некој сака да подигне кредит. Откако е изграден патот во последниот период банките почнале да ги прифаќаат како хипотека, појасни претседателот на Владата. http://kurir.mk/makedonija/vesti/17935-Pusten-vo-upotreba-patot-Ajvatovci---Mrsevci

Многу ме интересира како булевар (железничка) од 2 и пол км кошта 2.5 мил евра, а ова 22 км кошта 2 мил.

Да де, не сметам дека железничка можеше да се направи за 500к. Муабетот ми е каква е таа реконструкција на 22 км за 2мил евра, особено што ја отвори премиерот и неговиот министеr. Затоа и ме зачуди, очигледно реновирале дупки.

Патните правци Кавадарци–Мушов Гроб и Струга–Дебар на тендер на Агенцијата за државни патишта

Кавадарци, 18 февруари 2011 (МИА) - Двата патни правци Р108 Кавадарци – Мушов Гроб и Р418 Струга – Дебар се најдоа на меѓународниот тендер за проектот за извршување на градежни работи за рехабилитација и подобрување на регионалните патишта во земјата од страна на Агенцијата за државни патишта.

За општина Кавадарци овој тендер е од голема важност бидејќи се работи за регионален пат кој го поврзува низинскиот со ридско-планинскиот дел од општината во должина од 16 километри значаен за неколку стопански субјекти  ФЕНИ Индустри и рудникот Ржаново, Кожувчанка, Горска, ШС Бор, винаријата Грков, жителите на селата од Бошавијата и поранешната општина Конопиште.

Оваа делница е дел од  регионалниот пограничен пат Кавадарци-Рожден-Старавина-Битола, за чија изградба е заинтересирана и Европската Унија. Патот е значаен и како крак од  патот кој  води од Кавадарци до Ски центарот Кожуф. Отворањето на тендерската документациија е на 4-ти април оваа година. бн/16:32

http://www.mia.com.mk/default.aspx?vId=81312979&lId=1&pmId=

mac3donian прошлата недела пушти некои слики за нов граничен премин со грција. Денеска кај нас сечеле лента за некој локален пат од село Богородица до месност викана понов мост. Може ли  ако можеш или некој друг од тој крај да ни ги објасни овие топоними и една мапа кај треба да е тој нов премин, дали овој локален пат кај нас има врска со тој премин?

Зелената линија е новиот пат. Сликата е токму кај што почнува новиот пат (на картата во близина на знакот за „забрането вртење лево“. Причината за овој пат најверојатно лежи во тоа дека „Принцес“ не сака патот пред хотелот/казино да е оптеретен. Па така се слушаше дека газдите инвестирале во овој пат, кој впрочем е само за возилата што доаѓаат од кај Гевгелија. Ако доаѓате од кај Богданци, вртењето лево е строго забрането. Според таксистите овој пат е пократок и е многу попрегледен од стариот (означен со црвено). Единствен проблем е тоа што патот не беше целосно завршен (во Февруари). Да не се сфатиме лошо, направен е се додека не наидува до веќе постојачката улица во Богородица. Значи 100м од патот се крш, додека не се излезе на главната улица во Богородица.

Друго на картата:
1. Граничен премин„Богородица“
2. Казино/Хотел „ФламинГО“ (навистина до денес мислев дека е Фламинго, но според се што гледам на интернет страницата казиното се вика ФламинГО.
3. Местото за кое се има направено „Урбанистички План“ не така одамна.
4. Веќе фамозниот „Принцез“ (Хотел/Казино)
5. Месноста „Милци“ за која исто така се има направено УП (овде е и Мото-Крос патеката).
6. Овде е казиното „Сенатор“ (не тој во градот) или поранешниот градски базен.
7. АМД „Дичо Панов“. Сместен во новата зграда покрај стариот е-75. (пост на форумов)
8. Мостот на Македонско-грчкото пријателство. Мост кој треба да води кон новиот граничен премин. На картата патот кон новиот граничен премин е означен со сино а со сино(испрекинато) е означена алтернативата. Значи овие се муабети и јас до сега немам видено детален план. Така зборуваат луѓето... т.е. каде од прилика треба да е патот.

Жолтиот Пат е стариот Е-75 и во најновиот број на Гевгелискиот Магазин има најави дека ова ќе се користи како излез за Гевгелија. (нешто на кое јас одамна претендирам)

Повеќе слики:

Нејасно ми беше ова за опците со границата. Благодарам во секој случај на скицава.

А под обиколница се подразбира поврзување на автопатот со Р112 (патот за Кожуф), или целосен прстен околу Гевгелија?

Прекрасна презентација theMac3donian 

Или тоа или преку с.Стојаково. За Стојаково има „Стар Пат“ и „Нов Пат“.
Преку Стариот пат се оди од Богданци или преку обиколницата на Богданци. Патот е доста тесен и има многу слепи кривини. Во еден збор треба да се пази кога се вози по него, бидејки е локален пат во буквална смисла. Луѓето од Богданци и Стојаково имаат многу ниви по овој пат, што значи тракторите се неизбежен дел од него.

Новиот Пат е попрегледен (скоро прав) и се наоѓа на раскрсницата Гевгелија-Ѓавото-Стојаково-Богданци. (На картата (од првиот пост) се наоѓа 2-3 км од кај што пишува Богданци ->. Овој пат е прегледен но е подолг и верувам дека секој од Богданци ќе го користи „Стариот Пат“.

Значи или Стар Пат - Нов Пат кои минуваат преку с. Стојаково или од кај „Рамада“. Локалното население ќе оди преку Стојаково, но за тие од страна, верувам дека сеуште ќе бидат насочени преку „Рамада“.

п.с. Патот на излезот от Стојаково кон Богородица е навистина катастрофа. Патот кон Богородица штом ќе излезеш од Стојаково е добар, но сепак е во ист кош со „Стариот Пат“ помеѓу Богданци и Стојаково. Тесен, непрегледен со грмушки и трски по страна во свијоци.