Возен ред

За воља на вистината мора да се земат предвид усте неколку фактори:

- Во Србија многу од пругите со бомбардирањето беа уништени па беа принудени на брзина (неквалитетно) да се обноват.
- Дојде одвојување на републиките а со тоа многу железнички работилници, фабрики, производители останава на други територии а со тоа и обновата стана недостапна за голем дел на возниот парк, резевни делови за истите како и материјали за инфраструктурата. Воведени се царини, давачки, тендери, ...
- Новите држави не се прилагодуваа брзо во новите ситеми а со тоа транспортотв остана на маргините.

А за надминување на ваквата состојба секако е и долгонајавуваниот меѓудржавен договор за заедничка мобилна царина, а со тоа и побрз премин на границите, додека во иднини не се отворат границите.

Но фактот дека и по 20 години сеуште сме во транзиција говори се.

Бојан тоа веројатно дека вчера на сите композиции до Битола имаше по 4 вагони, па изгледа нашиве останале без истите потребни за до Бгд
Шала на страна, МЖ континуирано си игра со својот, сеа веќе удобен углед, кај патниците.
Зошто не разберат дека секогаш кога има било каков концерт во Прилеп или Битола, затоа што таму реално најчесто ги има надвор од Ск, не пуштат максимален број на вагони кои ги имаат во тој момент на располагање. Вчера по којзнае кој пат ми се деси да ко џукела стојам 4 саати до Ск до Бт. Преполни беа сите 4 вагони со млада раја која одеше на коцерт. Нека се информираат подобро кога има такви ивенти, нека сткратат по некој вагон или нека лимитираат број на карти. Не плаќаме сите за џабе по 5 евра.
Плус вчера се пунеше возот и во Велес и во Прилеп.
Малце информација и мало редуцирање на другите понерентабилни линии и сите ќе бидеме задоволни.
Вака само сакаат да не избркаат од возовите и за следечи коцерти да си идеме со кола или бус.
МЖ, поработете си малце на УСЛУГИТЕ!

Originally posted by zookisk Па што не одиш со автобус ако не ти се свиѓа патувањето со МЖ. Туку не ти се даваат околу 800 денари за повратен билет од Скопје до Битола или пак 2000 и кусур денари за со кола комплет со патарини. Затоа пријателе ќути си и свиркај си бидејќи голема е разликата од железничкиот повратен билет до Битола кој чини 335 денари и автобускиот кој чини негде околу 800 денари отприлика или пак околу две илјадарчиња за со кола...

Ти да не работиш у МЖ па се најде повреден случајно?
Прво со кола не е 2000, освен ако не одиш со БМВ. Плус ретко кој оди сам накај Бт за концерти. Математика вика дека со 1400 денари си таму и назад + вклучени патарини, поделено со 3 искача 450 денари. Која е предноста што ја дава МЖ? Мирис на старо железо, валканост и неудобност. Проблем е што поголем дел од луѓето што патуваат се вљубеници во железницата општо и сакаат да патуваат со воз. Но тоа не значи дека МЖ треба ко стока да не третира. Кај им е тука грижата за патниците. Тебе ако ти е у ред да патуваш у вакви возови (нз дали уопште си патувал) е твоја ствар, но ова мора јавно да се каже за да им текне дека се потребни промени.
Плус, мојата критика не се однесува за тоа каква е состојбата на вагоните, но за 5 евра можат да ми овозможат бар седиште. Никој за тие пари не бара внатре клима и стјуардеса да го послужува. Но за 5 евра во никој случај не смее да се добива да седиш наслонет на врата цел пат, 4 саати.

Бидејќи во овој временски период се прецизира возниот ред на возовите за наредната 2012 година, би го дал мојот предлог - возен ред направен според моменталните капацитети на МЖ-транспорт. Секако бројот на патничките вагони е најголема грижа:


Скопје-Гевгелија 6:10(п), 9:35(п), 16:45(п), 19:35(п);
Гевгелија-Скопје 4:50(п), 9:50(п), 15:00(п), 19:50(п);
(би сообраќале двете електромоторни гарнитури)

Скопје-Табановце 6:30(п), 8:30(е), 16:40(п), 19:05(п), 20:30(е), 23:00(п);
Табановце-Скопје 5:00(п), 6:40(е), 7:41(п), 16:37(е), 17:49(п), 20:17(п);

Скопје-Битола 7:20(п), 14:30(п), 17:15(е), 18:35(п);
Битола-Скопје 3:30(п), 6:00(е), 14:00(п), 18:55(п);

Скопје-Кичево 6:55(п), 16:40(п), 19:10(п);
Кичево-Скопје 5:30(п), 9:30(п), 19:00(п);

Скопје-Кочани 6:20(п), 16:00(п);
Кочани-Скопје 9:25(п), 19:05(п);

Скопје-Велес 13:30(п), 22:40(п);
Велес-Скопје 5:05(п), 14:30(п);

Скопје-Белград 8:30(е), 20:30(е);

Скопје-Приштина 9:40(б), 17:20(б);


Некаков коментар на мојов предлог?

Originally posted by Cloverstack Дали за Ск-Табановце е потребна толкава фреквенција на возови во однос на другите линии?Всушност секогаш сум се прашувал колку луѓе ја користат таа линија, бидејќи единствена побитна дестинација е Куманово, а железничката станица Куманово е практично надвор од градот и со оглед на тоа не знам Кумановчани колку масовно го користат железничкиот превоз, а од друга страна автобускиот возен ред кон Скопје е прилично збиен.

Линијата кон Табановце не е нешто фреквентна, најчесто ја користат луѓето кои живеат во селските средини измеѓу Скопје и Куманово, а доста села се наоѓаат помеѓу овие два града. Има патници и од Куманово, но поради причината која ја наведе нивниот број е мал. Сепак, има луѓе кои имаат месечни билети и мора да им се обезбеди утрински превоз од Куманово и попладневен превоз од Скопје, стави ги и експресните возови кон Белград и излегува дека не е голем бројот на возови кон оваа дестинација.

Кои се новините во новиот возен ред на МЖ за 2012 година, има ли некој информации? Крајот на ноември вообичаено од компанијата го објавуваат новиот возен ред по дневните весници.

Ќе имаме ли некои нови возови или не дај боже укинување на дел од постоечките?

Originally posted by Vladimir P ВОЗЕН РЕД е од 11-12-2011 - 08-12-2012

Така е Владимир, но МЖ мора да го објави возниот ред во дневните весници неколку недели(барем 2 недели ми се чини дека беше) пред неговото стапување во сила.

Возен ред на релација Скопје-Белград-Скопје за новиот возен ред што стапува на сила на 11.12.2011 година:

СКОПЈЕ - БЕЛГРАД: 8:20(IC), 20:10(e);
БЕЛГРАД - СКОПЈЕ: 7:50(IC), 21:50(e);

Голема новост е продолжувањето на времетраењето на патувањето, особено на линијата од Белград кон Скопје, па така според новиот возен ред интерсити возот од Белград за Скопје ќе патува 9 часа и 57 минути . Од Белград нема некои поголеми новини во позитивен правец, на релација кон Загреб/Љубљана се укинува еден пар возови, барем сеуште не е ставен возот за Цирих, а сигурно се знае дека нема да сообраќа возот Белград-Минхен-Белград, се` друго е исто.

Синоќа само ги ѕирнав возовите за Битола и нема да има некоја промена освен вечерниот 4905 наместо во 19:25 ќе тргнува во 19:30 часот од Скопје...

Edited by zookisk - 03-Dec-2011 at 00:24

А кое би било образложението? Бидејќи постојново ги покрива потребите на оние од Битола, па и Прилеп, кои имаат еднодневна работа во Скопје или се на викенд дома. Незнам баш кои категории граѓани во Скопје се заинтересирани за обратната варијанта?

Освен ако некој не сака да пие кафе на Широк Сокак и да се врати, тоа може