Интернет и телекомуникации

Од јуни поефтинуваат СМС пораките
05.05.2011 | Македонија | Извор: Макфакс
Намалување на малопродажната цена на СМС пораките од јуни, најавуваат од Агенцијата за електронски комуникации (АЕК), која неколку месеци води постапка за намалување на големопродажната цена која мобилните оператори ја плаќаат меѓусебно.

Од воведувањето на мобилната телефонија во Македонија, пред 15 години, цената на СМС пораките е непроменета при што од АЕК се надеваат дека од јуни со измените на големопродажната цена ќе дојде и до намалување на цената која ја плаќаат крајните потрошувачи.

„Постапката за донесување на големопродажна цена на СМС пораките ја започнавме пред неколку месеци. Согласно законските одредби целата постапка трае неколку месеци и очекуваме во јуни да заврши целата постапка со што големопродажната цена би се намалила затоа што нашата анализа покажа дека 15 години е истата цена“, изјави   Роберт Ордановски, директор на АЕК.

Со намалување на цената на СМС пораките ќе се зголеми обемот на користење на оваа услуга. Како што додаваат од АЕК, со оваа регулатива во Франција бројот на испратени пораки тројно пораснал.

Од Агенцијата информираат дека ќе има и промени во преносливоста на бројот, односно целата постапка да може да се заврши за еден ден. Од септември преку звучен сигнал ќе бидат информирани корисниците дека повиканиот број извршил промена на мобилниот оператор, а ќе се зголеми и грижата за правата на корисниците со што подетално ќе се разгледува содржината на претплатничките договори.

Агенцијата најави дека донесена е регулатива со која ќе се обезбеди универзална услуга која опфаќа целосен телефонски именик, како и услуги за лицата со посебни потреби.

Со универзалната услуга граѓаните ќе добијат пристап до телефонски именик преку кој ќе можат да дојдат до информации за претплатничките броеви и на мобилните оператори.

Добар глас надалеку се слуша

А дали некој се сеќава на времето кога смс беше бесплатен во Македонија?

Јас се сеќавам и памтам дека кога најавија дека ќе се плаќа, за инат пратив 30тина глупи и безврска пораки. Ама низ годините, ми ги наплатија и тие, и тоа дебело.

Ама кога пораките беа со јавување на оној бројот 1551 или 070 1551, како ли беше, и му се читаше текст на некој младич таму што ја внесуваше преку компјутер пораката. Ч беше 3/4, Ш беше £, и некои такви зафрканции. Ова 1994-1995, така нешто.

ФИНИШИРААТ ПОДГОТОВКИТЕ НА ХОЛАНДСКИОТ ВИРТУЕЛЕН ОПЕРАТОР

За еден месец WTI Macedonia почнува со фиксна и интернет

Од компанијата информираат дека во финална фаза е тестирањето на техничките системи и решенија, како и потпишувањето на договори за меѓусебно поврзување со домашните оператори. Со мобилна телефонија WTI Macedonia ќе почне веќе од септември откако ќе потпише договор со национален роаминг партнер

Виртуелниот оператор Ворлд Телеконект Интернешнел Македонија (WTI Macedonia) најавува дека кон средината на идниот месец ќе започне со нудење услуги во фиксната телефонија и интернет. Од компанијата информираат дека во финална фаза е тестирањето на техничките системи и решенија, како и потпишувањето на договори за меѓусебно поврзување (интерконекција) со домашните оператори. Со мобилна телефонија WTI Macedonia ќе почне веќе од септември оваа година, откако ќе потпише договор со национален роаминг партнер.
-Нашата стратегија е да обезбедиме иновативни и квалитетни услуги во секое време и секое место за нашите клиенти - вели за ВЕЧЕР, Гер Ротинк, новиот извршен директор на (WTI Macedonia) кој се очекува официјално да ја преземе функцијата во текот на следните 10 дена.
Како една од првите негови одлуки беше преиспитување на среднорочната стратегија со поголем фокус на воведување на водечките услуги во индустријата на услугите со додадена вредност на пазарот во Македонија, многу порано од планираното. Ротинк вели дека веднаш ќе побара итни средби со извршните директори на сите оператори во Македонија, за да се испита потенцијалот од можната соработка и воедно да ги финализира преговорите со избраниот национален роаминг партнер.

WTI Групацијата од Холандија на македонската јавност и се претстави кон крајот на ноември минатата година откако претходно доби нотификација за работа како виртуелен оператор во земјава. Од компанијата, која е глобален провајдер за конвенционални телефонски услуги и услуги базирани на Воип протокол, односно услуги кои овозможуваат поевтини интернационални разговори, тогаш најавија дека по неколку месеци ќе стартуваат со работа. Ротинг признава дека официјалното отпочнување на услугите на WTI Macedonia е малку одложено поради проширувањето на инвестиционата стратегија на ниво на целата групација.
- WTI и Boekhorn групациите се целосно посветени на македонскиот пазар и остануваме благодарни на извонредната поддршка и трпение на Владата на премиерот Никола Груевски, како и поддршката од тимот на Агенцијата за електронски комуникации и нејзиниот нов директор. Дијалогот со надлежните министерства и другите институции во Македонија, како што е УСАИД, дополнително придонесоа кон забрзување на нашата инвестициона стратегија и во текот на следните недели ќе ви откриеме уште најмалку два нови проекта во кои ќе инвестираме, а се комплементарни веќе постоечките активности во полето на телекомуникациите - вели Ротинк.

Во согласност со изјавите дадени за медиумите на крајот од минатата година од страна на Марсел Боекхорн, самоизградениот холандски милијардер кој е и главниот инвеститор во WTI Групацијата, други компании од групацијата на Боекхорн се очекува да влезат на македонскиот пазар во текот на следните неколку месеци со цел да се формира посилна поддршка кон тековните активности на WTI Macedonia.
-Драматичното зголемување на планираните инвестиции од страна на Боекхорн Групацијата ќе и овозможи на својата ќерка-компанија WTI Македонија, до крајот на годината покрај основните услуги за фиксната и мобилна телефонија, да преземе и главна улога во воведување на иновативни решенија во сегментот на услуги со додадена вредност.

Услугите на WTI Македонија и СИМ-картичките ќе функционираат исто како оние на постоечките оператори.
-Потрошувачите ќе добијат не само подобри цени, туку и услуги кои им се нив
порелевантни. Имаме намера да бидеме иновативен оператор и силно веруваме дека
нашето доаѓање на македонскиот пазар директно ќе влијае врз сите претплатници, а
не само врз оние кои ќе ги користат нашите услуги - велат од WTI.
Целна група на WTI ќе бидат фамилијарните корисници, како и оние кои многу често телефонираат во странство, посебно оние што се јавуваат кај свои роднини во дијаспората.

http://www.time.mk/read/495185b336/30b19d59d9/index.html

-Со помош на звучниот сигнал, кој има за цел да го информира претплатникот дека бираниот број е пренесен и можеби остварува поскап разговор, крајниот корисник ќе биде максимално заштитен од превисоки сметки - информираат од АЕК

Незнам дали е попаметно да донесат регулатива со која ќе се утврди единствена цена за разговори помеѓу мрежи. Незнам дали е ова законски можно, но секако е поелегантно решение од „звучен сигнал“.

Edited by tonikostov - 29-Aug-2011 at 09:00

Originally posted by tonikostov Незнам дали е попаметно да донесат регулатива со која ќе се утврди единствена цена за разговори помеѓу мрежи. Незнам дали е ова законски можно, но секако е поелегантно решение од „звучен сигнал“.

Ок сето тоа, но сепак потребен е звучниот сигнал бидејќи треба да знаеш дали си се поврзал со друг оператор бидејќи и покрај тоа што би имало единствена цена според твојов предлог, таа сепак би била повисока во однос на цената која важи за разговори во својата (сопствената) мрежа. Значи звучниот сигнал е многу културно решение, а и елегантно за да знаеш во секој момент дали треба да платиш повеќе. Многу поштено решение, поготово што не е нешто комплицирано, потребен е само плус уште еден сигнализациски канал или пак истото може да се имплементира во веќе постоечките сигнализациски канали.

Ја не реков ни дека пристапната мрежа праи нешто или па јадрената. Ова спаѓа во логички канали, поточно сигнализациски (или контролни како сакаш) кои се мапираат во доделениот, односно во физичкиот канал. Ја не напишав која мрежа има контакт или прави разлика едноставно кажав како се пренесува информацијата, односно звучниот сигнал. Исто е како Paging Channel (PCH), Notification Channel (NCH) и другите.
Нормално дека во рамките на доделениот канал се одвива тоа. Во овој случај може да се дефинира нов контролен канал кој е плус тие 9-10 кои се веќе дефинирани или па да се искористи некој од старите (веќе дефинирани). И пак ќе кажам не знам што ме сфати но за секоја ваква функција си има посебни канали (виртуелни-за да ме сфатат другите) кои се имплементираат во рамките на физичкиот канал. И на крај нормално дека не се користи SACCH, бидејќи тој е за hendover обично, а за SDCCH не знам дали треба да бидеш толку сигурен. И што има врска во кој мрежен дел се решава ова кога информацијата мора да стигне до тебе, што е тука спорно. Ти кажуваш кој процесира, ја кажував по што се пренесува.

StreetStruck не ме сваќаш што сакам да ти кажам. Ѕвонењето, оној познат звук од долги последователни тонови доаѓа од исто место до мрежата од каде што доаѓа и гласот на соговорникот. Ѕвонењето е дел од разговорот, а во некои држави и се тарифира зашто се користи канал. Е сега наместо ѕвонење, прво ќе се слушнат три кратки тонови и после тоа ќе следи ѕвонењето. Дури и во Vip мислам дека има можност да платиш наместо класично ѕвонење, кога те бараат на луѓето да им пушта песна што ти ќе ја одбереш. Сите канали и физички и логички што ги набројавме и јас и ти предходно се после точката во мрежата каде е битно дали корисник доаѓа од мигриран број или не. Миграцијата е регулирана некаде тамо во Core каде си комуницираат они со надворешната база на пренесени броеви, кај нас тоа е во Seavus, и после преку пристапната мрежа и сите овие канали воспоставуваат врска со корисникот. Кога ќе пројдат сите лоцирања, автентикација и чуда и кога ќе пројде целата гужва во рамки на TCH, односно кога ќе воспостави гласовна комуникација тогаш добиваш гласовен сигнал за бирање мигриран број.


Edited by lslcrew - 30-Aug-2011 at 17:53

Де бе не се нервирај. Во контекст на миракуликс дадов и по user-friendly објаснување, не се разбравме од почеток. Дека спомна сигнализационен интервал затоа.