Fine Holding

Уште на почетокот од Законот за просторно и урбанистичко планирање се вели дека
- (Член 3) изработувањто на урбанистички планови е работа од јавен интерес, и
- (Член 4) Начела во процесот на планирање и уредување на просторот се:
-- рамномерен просторен развој,
-- рационално уредување и користење на просторот, итн ...

Напишани вака овие зборови може да имаат широка интерпретација, но мислам дека од самата големина на Космос се гледа дека јавниот интерес е при крајот на листата. Во проектирањето на објектов инвеститорот пополнува огромен волумен со што е можно повеќе станови и личи дека првенствено е гледано на количеството профит од продажбата. Особено доаѓа до израз кога ќе се спореди со стариот ДУП (се'уште стои на сајотот на општината, не е ажуриран со сегашниот) според којшто има неколку (видливо плански распоредени) објекти со висина до 16.2 метри и 10.5 метри.

Немам ништо против Фијат Цаноски да го поседува и изгради целото тоа маало, и цела Ќерамидница ако е тоа во неговите можности, ако тоа е планирано и проектирано од урбанисти и останати стручњаци првенствено со мисла за квалитетен и пријатен живот. Пример за плански уреден простор за живот има од спротивната страна на Вардар - населбите Аеродром и Ново Лисиче. Едната „потковица“ или четврт од Ново Лисиче (од урбана единица А од ДУПот на Ново Лисиче) со 14 згради има 990 станови. Над половина од ова ќе бидат во само една зграда во Космос!

Во мое гледиште планирањето на просторот е една од основните работи за добар живот, определува основни прашања од секојдневието како каде човек ќе живее, ќе се рекреира, колку лесно ќе стигнува до работа, и дали тоа време ќе е поминато во квалитетна околина што придонесува за чувство на задоволство и благосостојба во животот. Но јас воопшто не сум урбанист по струка.

Ако меѓу вас има стручњаци во оваа област, какво е вашето мислење? Дали местото на оваа зграда е таму каде што е? Има ли добри практики при уредување на простор како овој, близу до кеј на река, и ако има како Космос се вклопува во таквите практики?