Веро Центар

А некој добро да го испосликаше ?

Андреј свесен си сепак дека станува збор за посран животен стандард. Кој ќе ти гради кино и куглање кога тоа една партија/билет за филн чини повеќе од скоро сечија дневница?

Јасно ми е сè и те поддржувам во cè, арно ама треба малку време за таа работа. Чекај, допрва секој трет ќе работи во мултинационална корпорација Со на таксист (земено како пример за социјален случај кај нас) плата нема куглање, кино и Pizza Hut, Domino's и KFC. Јасно ти е, ама и ти ќе да си dreamer ко мене

А колку фино ќе беше да имаше IMAX кино во него. Таквото кино сигурно ќе имаше промет бидејќи за разлика од обични филмови, 3D малце потешко се гледаат дома, а се повеќе се прават 3D филмови. Малку оф топик ама мислам дека тоа можеше да се стави во објект со оваа површина.

Администратори, ајде ставете гласање

Што направија со улицата позади? Ја асфалтираа ли?

уште да продолжуваше кон "Никола Карев"... туку ај да не барам преку леб погача )

Objekt radi reda! Kolku da se opravdaat deka ima grcki investicii vo Makedonija...

Originally posted by Tuvok Незнам зошто ама мене ми делува дека проектов е утка кога ќе споредиме со со локацијата и површината на која се градеше.

Сличен впечаток добив и јас. Еве ги двете работи кои може најбрзо и најјасно да се воочат:

1. Огромен дел од просторот е празен простор. И иако таквото пространството е пријатно и премиерно за еден ново изграден трговски центар кај нас, сепак се си доаѓа со своја цена. За сметка на тоа, бутиците се премногу мали, минијатурни; единствените две продавници кои се простираат на поголема површина се New Yorker, кој е на два ката и е солидно опремен, и Jumbo исто така на два ката и уште поголема површина од New Yorker. Преголема површина е одделена и за некакви барови, ресторани за брза храна и кафичи. Значи искористеноста на овој атрактивен простор е катастрофална, содржината е слаба, и се согласувам со некои од коментарите дека беше потребно да направат барем 2 кино сали или некаков простор за рекреација. 

2. Веро супермаркетот внесува неколку новитети кои ги нема многу по супермаркетите кај нас. Од нови типови на колички, вакуум цевки на касите за пренос на пари, до белгиски вафли и инстант кнедли. Може за жителите на ЕУ ваквите „новитети“ им изгледаат смешни, но во Македонија каде изборот на продукти е слаб како и темпото на воведување нови, особено оние од познатите марки, речиси се се смета како новитет. Маркетот е голем и снабден, па тука трговскиов добива еден +

За оценка и јас би почекал, уште не сум сигурен што да мислам. Сега за сега 4 е максимум што би дал

P.S. И јас имам некои слики но не се ништо поразлични од тие на Pbanks, така да ќе се воздржам од постирање


Edited by La Linea - 01-Sep-2010 at 16:47

Тоа и ми беше муабетот. Ова испаѓа како на Веро да им било доволно да имаат маркет и нивните канцеларии, ама кога веќе се јавиле за трговски направиле нешто колку да направат. Таков трговски не може да се задоволи само со два добри дуќани и други мали. А и што е поентата да има толку места за јадење кога самиот трговски нема доволно содржини за да ме задржи подолго внатре. Изгледа така ќе биде кај нас работата на секој изграден трговски по една позната продавница, а другите колку да пополнат простор.
Вака колку за споредба за трговски центри во регионот и приближно слична површина за градење може да го споредиме со Mall of Sofia. Па видете ги содржините таму видете ги кај нас.

http://mallofsofia.com/

Edited by Tuvok - 01-Sep-2010 at 17:08

Неколку забелешки имам за трговскиов. Прво надворешен изглед и местоположба комплет тој аспект веќе го имаме проценето и горе доле е оценет како згрешен. Може би неколку стотина метри повнатре некаде во маалото ќе беше паметно,  значи тоа расчистено. Друга работа е со ова приземјето паркинг, подрум нема, продавнцити нагоре. Малку конфузно ми делува. Внатре како е планиран не ми се допаѓа. Има неискористен простор огромен, атриуми ли се што ли се два. Е сега едниот со ескалаторите ајде некако проаѓа, ама тој другиот над супермаркетот воопшто н еми е јасен, а и тие дуќаните што се осамените таму на крајот некаде над супер-маркетот. Угостителскиот дел ми е некако предимензиониран што мислам дека после кратко време стоејќи така празен веро ќе се обиде да најде некој начин да го искористи тој простор. Угостителски објекти да станат дуќани, а и другиот празен простор ќе се обидат да го пополнат со некои штандови, тезги нешто како за штампање маици, накит некој, сувенири и ситнурии од тој тип. Па кај што е толку голем, па гледа према народна банка и наместо да биде како тераса со поглед, дали према центар или према Вардар каде што во иднина треба да има клучка и Вардар, па да има некој динамичен поглед, тука погледот е затапен со висока зграда пред тебе. Нема логика. Џамбо сеуште не ми е јасно сеуште, за него очекувам пазарот да го пристисне, да се пренамени тоа во скоро време. Толкав простор слободно ќе го пополни едно кино и дополнителни дуќани. Од новитети освен New Yorker и две три нови брендови пиво, посебно нешто и нема. А има и еден проблем со сообраќајното решение доле со паркингот, па збунети возачи слободно проаѓаат со возила буквално пред влезовите на трговскиот, нешто што не смее да се случи. Ова го видов на влезот од кај народна банка. И кога на се ќе се додаде тоа дека и малку посериозна фирма како веро се вклучила во трендот бекатон, од мене има една максимум тројка, а скоро ако му откријам уште некоја маана може и двојка да биде. А не видов ни дека има нешто кафиќ или дискотека, нешто што би донело и ноќен живот. Буквално не асоцира дека е објект што му е местото тука. Кога Скопје за некоја година ќе добие уште некој трговски и уште некој мол, се на се мислам дека овој ќе биде на дното на листата. А можно и за некои десетина години да се гледа на него како атрактивно градежно земјиште што и нема да биде нешто многу скапо. А и кровот кога ќе го погледам, како во аеродромски терминал да сум, а не во трговски. Може би во иднина низ тие двата атриума да се пробијат некои деве по повисоки згради до кај седум, осум, девет ката деловен простор што мислам дека ќе го извади. Не дека е до толку лош како што го опишав, ама ќе му оставам простор да се изрегулираат потребите на граѓаните и понудата и некои детски болести за неколку месеци, па да си го заземе местото.


Edited by lslcrew - 01-Sep-2010 at 19:07