Подземна улица (К.Ј.Питу - Илинденска)

Од она што може да се види од проектот за варијантата кој е продолжување на илинденска во делот на Камени мост секако ќе треба да се иде со тунелско копање, претпоставувам најверојатно со истата машина со која би се вршело тунелско копање и во варијантата каде подземната би била продолжување на партизанска со тоа што ќе понира кај соборна. Јас мислам дека точно и тој дел на копот ја дига цената за оваа поефтина варијанта. А мојата логика вели чим веќе ќе се ангажира машина, зошто да не се направи првичниот план.....Да не спомнувам дека во тој случај подобро е да се направи поголем тунел кој ќе може да вдоми и железнички линии за градски шински превоз. Како и да е само ќе ја повторам старата поговорка: сиромавиот плаќа двапати.

Подготовките течат, под кејот на Вардар ќе се копа подземната сообраќајница
20/09/2013 // Пред 2 часа // ИНФРАСТРУКТУРА // Коментирај
podzemna soobrkajnica komplek banki
Почна постапката за изградба на подземната сообраќајница под кејот на реката Вардар, а сите подготовките се пред крај, тврди градоначалникотот на Град Скопје, Коце Трајановски, во интервју за МИА. Според него, Градот планира да изгради подземна сообраќајница од булеварот „Илинден“, под кејот на Вардар, до крстосницата кај Комплекс банки, со придружната инфраструктура. Подземната сообраќајница треба да биде долга 1.300 метри, од коишто 900 метри под земја

Град Скопје склучил договор со компанијата „Лимак“ од Република Турција со којшто се уредуваат односите за изградба на овој подземен булевар, во согласност со Деталниот урбанистички план за овој дел од градот, вели Трајановски.

„Компанијата „Лимак“, според договорот, откако ќе ја изгради подземната сообраќајница има обврска да ја предаде во владение на Град Скопје. Чекаме од компанијата „Лимак“ која го откупи земјиштето од Министерството за транспорт и врски да го подготви проектот за изведба на овој сложен зафат“, вели Трајановски.

Од покрупните инфраструктурни проекти, вели Трановски, се работиме на документација за проширување на улицата „Трета македонска бригада“, за проширување на булеварот „Партизански одреди“ до Ѓорче Петров, за улиците „Босна и Херцеговина“, „Павел Шатев“, „Христијан Тодоровски-Карпош“, „Даме Груев“ и многу други проекти.

Некои планирани зафати се во фаза пред реализација, за некои се распишани јавни повици за избор на изведувачи, а за трети се подготвуваат проектите, појаснува скопскиот градоначалник.
http://faktor.mk/archives/73295?utm_source=rss&utm_medium=rss&utm_campaign=podgotovkite-techat-pod-kejot-na-vardar-kje-se-kopa-podzemnata-soobrakjajnica

Очигледно „Фактор“ не е баш некој фактор во онлајн новинарството. Се мисли на подземната сообраќајница која турскиот инвеститор Лимак (кој го доби земјиштето кај Музеј на Град Скопје) ќе ја гради под Јужен булевар, а врз сегашниот „булевар“ ќе се градат објекти.

Edited by OCB - 20-Sep-2013 at 21:52

Здраво на сите бидејќи ова ми е прв пост на форумов.
Ме интересира дали некогаш како решение за подземна улица која ќе го растерети центарот е разгледувано улицата Димитрије Чуповски да се “прошири“ на тој начин што ќе се направи во две нивоа. Едно ниво, подземно, со 4 ленти во една насока. Второ ниво на исто ниво со сегашната улица, со 4 ленти во спротивна насока од подземните. Не ли е ова поевтино решение? Сепак се отвара проток на 4 нови ленти (а не 2 како во сегашното решение), поедноставно е за градба (нема да поминува под Камени мост и сл.)
Што мислите вие?

Ако веќе Даме Груев се проширува зошто она да не се направи како што викам. 4 ленти под земја во еден правец и 4 ленти на површина , во спротивен правец. Зборувам како замена за сегашното избрано решение.

Мислам на 4 ленти во една насока и 4 ленти во друга насока (под земја)

Не е проблем изградбата на подземната улица (кеј), проблем е доколку е со вкупно 2 ленти.

Originally posted by kultuzin Што и да е. Подземните улици се скапи решенија особено на места каде што има згради и неможе да се оди со површински коп. Имам информација за Градот Карлсруе (Karlsruhe) во Германија каде што за околу 2 километра подземна инфраструктура за трамваи и автомобили ќе се потроши приближно една милијарда евра. Градежните работи отпочнаа пред четири години и уште се работи на подготовка на теренот за бушење, а со бушење ќе се почне во октомври. Целиот проект е планирано да заврши некаде 2018 година, но не е за чудо да се пробие рокот. Затоа мислам дека како решение за Скопје многу подобро е да се прошири Даме Груев а Димитрија Чуповски да се затвори. Исто така треба да се форсира проектот за спуштање под земја на дел од Јужниот Булевар онака како што стои во договорот со фирмата која сака да го гради комплексот позади старата железничка.

Даме Груев изобилува со широчина, особено кај раскрсницата со улица Македонија. Ако земеме во предвид дека сакаат и автобусите да ги пренасочат на оваа траса, тогаш ќе се создаде тесно грло многу полошо отколку што е сега кај Рекорд.

Коце кажа дека се пазареле со фирмата што ја има зградата за обештетување да се сечи тоа парче што надвиснува

Мислам викаа дека по Чуповски ќе одат само автобуси кога ќе биде пешачка па нема тука да се пренасочат и нема да се прави тесно грло.