Универзална сала

Се согласувам со Urbanista и zabegan. Да не беше во прашање популистички потег на истово место (доколку останеше како локација за сала) ќе се направеше нова сала со подземен паркинг на повеќе нивоа итн.

А исто така, да не одам оф-топик, но зградата на Архитектонски и Градежен не е убава. И да, може да се најде оправдание од архитектонски аспект, но доволно е да се видат зградите на архитектонските и градежните факултети на универзитети во странство и да се спореди колкава е таа „убавина“ на таа зграда.

Edited by skopskodete - 03-Mar-2021 at 22:27

ПРВО ЌЕ СЕ ПРАВИ ФАСАДАТА И КУПОЛАТА НА УНИВЕРЗАЛНА САЛА, ПА НАЕСЕН ВНАТРЕШНОСТА, ВЕЛИ ШИЛЕГОВ

Град Скопје го распиша тендерот за реконструкција на фасадата и покривот на Универзална сала, со што пролетва конечно треба да почне обновата на објектот. Градежните работи ќе бидат поделени во две фази, односно првата фаза ја опфаќа надворешноста на салата, а откако тоа ќе биде завршено ќе се почне со внатрешноста на објектот за што се прави посебен проект.

„Градежните работи мора да бидат поделени во две фази, бидејќи во суштина правиме комплетно нова сала. Очекувам во мај да стартуваат градежните работи, а до септември надворешноста заедно со санитарните јазли да биде готова, по што веднаш ќе се почне со втората фаза која ќе вклучува решение за функционалноста на објектот, за сценската технологија и распоредот на седиштата. Наредната година се надевам дека пандемијата на ковид-19 ќе биде зад нас, а граѓаните ќе можат да уживаат во добри концерти во реконструираната Универзална сала“, вели градоначалникот Петре Шилегов.

Со проектот ќе се задржи постојната форма и габарит, односно се зачувува духот на Универзална. Куполата ќе биде зголемeна и навечер осветлена. Ќе се употребат нови материјали на фасадата за таа да биде енергетски ефикасна, а истовремено се зголемува и противпожарната заштита.

Со проектот за внатрешноста кој во моментов се прави ќе се реши и најгорливиот проблем на салата, немање фоаје. Проектот предвидува префрлање на санитариите на друга страна и на сметка на тоа се зголемува фоајето. Се прави внатрешна реорганизација на просторот и нов распоред на седиштата кои сега се тесно поставени, односно ќе се намали бројот од 1.500 на 1.100 или 1.200.

Средствата за обнова на концертната сала во висина од 2 милиони евра се обезбедени од Владата.

Изведбениот проект е донација на проектантското биро „Мегарон инженеринг“.

https://sdk.mk/index.php/dopisna-mrezha/prvo-ke-se-pravi-fasadata-i-kupolata-na-univerzalna-sala-pa-naesen-vnatreshnosta-veli-shilegov/

Оградиле со тараби(твитер)

Започна реконструкцијата на Универзална сала, легендарните столчиња заминаа во историјата [галерија]







Започна реконструкцијата на Универзалната сала во Скопје. Столчињата од гледалиштето што имаше капацитет да прими околу 1.500 лица деновиве беа изнесени од објектот – симбол на солидарноста што целиот свет ја покажа кон Скопје по земјотресот од 1963 година. Просторот околу Универзална сала е ограден веќе неколку недели, а во моментов се врши и ископот на земја на платото пред концертната сала.

Градот Скопје на почетокот од јуни годинава го склучи договорот за реконструкција на Универзална сала, кој е во вредност од речиси 1,9 милиони евра. Градежните работи на терен ќе ги изведува скопската фирма „Универзал-Балкан“, додека архитектот Бујар Муча и неговото архитектонско биро „Мегарон“ на Градот Скопје и на скопјани им го отстапија идејниот проект за реконструкција на Универзална како донација.

Скопскиот градоначалник Петре Шилегов вети дека автентичниот изглед на Универзална сала нема да се менува, објектот ќе го задржи постојниот облик и големина за да се сочува колективната меморија за Универзална како симбол на меѓународната солидарност искажана кон Скопје по катастрофалниот земјотрес од 1963 година.

Историските податоци велат дека Универзалната сала започнала со работа во далечната 1966 година. Концертната сала беше затворена во 2015 година, откако подолг период претходно чекаше да дојде на ред нејзината реконструкција. Во меѓувреме, во времето на владеење на ВМРО-ДПМНЕ беше преименувана во „Конгресен центар Александар Македонски“.

Објектот има извонредно интересна историја. Универзалната сала била проектирана од бугарските архитекти Станкови (Јарослав, Љубомир и Владимир) и нивната сестра К. Станкова-Мутафова. Занимливо е да се спомене дека по идентичен проект бил изграден објектот на Софискиот циркус, којшто настрадал во катастрофален пожар во 80-тите години на минатиот век.

Универзалната сала е симбол на меѓународната солидарност, бидејќи во обезбедувањето средства за нејзината изградба учествувале со свои донации дури 35 земји од целиот свет. Со свои донации во финансиски средства во изградбата на Универзалната сала учествувале: Авганистан, Австралија, Аргентина, Боливија, Бразил, Гвинеја, Ирак, Иран, Индонезија, Израел, Јордан, Јемен, Јапонија, Камбоџа, Куба, Канада, Кипар, Либан, Либерија, Луксембург, Мали, Монголија, Мароко, Монако, Нигерија, Нов Зеланд, Пакистан, Судан, Сенегал, Сирија, Шри Ланка, Турција, Тунис, Уругвај, Чиле и странски туристи кои ја посетиле Југославија.

https://meta.mk/zapochna-rekonstrukcijata-na-univerzalna-sala-legendarnite-stolchinja-zaminaa-vo-istorijata-galerija/

Предизборно ќе се изнагледаме вакви сликички

По повеќе од педесет години скопската Универзалната сала доби нови темели



Реконструкцијата ќе се одвива во две фази. Првата, со оглед на тоа дека станува збор за монтажен објект вклучува обнова на фасадата и на покривот, а ќе има и корекции во постоечката конструкција со цел подобра противпожарна заштита. Скопскиот градоначалник Петре Шилегов вели првите резултати од реконструкцијата и новата надворешност ќе можат да се видат на почетокот на октомври.

„Идејата е кога веќе ги трошиме јавните пари, кога веќе градот и државата вложуваат во концертната сала да бидеме сигурни и убедени дека во наредните педесет години ќе немаме проблем со универзалната сала. Гледате и самите какви се новите темели, се наоѓаме токму кај нив ова е делот каде што работевме во изминатиот период кој не беше видлив за голо око, но како велат дека добра куќа од темели се прави.“ вели Петре Шилегов – Градоначалник на Град Скопје.

Во втората фаза ќе се реконструира внатрешноста, а предвдидено е уредување на објетот со нова акустика, светло, канцеларии, фоаје, тоалети, бина, тераси, мебел и седишта, чиј капацитет ќе се намали на 1100 до 1200 за да бидат покомотни за седење, вели градоначалникот Шилегов. Тој уверува дека и покрај овие промени Универзалната сала ќе го задржи автентичниот изглед и стариот дух.

„Објектот ќе стане и енергетски ефикасен и во самото проектирање е предвидено и греење и ладење самовентилација на објеткот така што ќе имаме сериозна интервенција во машинскиот дел во сценскиот, во делот кој побараува работа на техниката, целосно поставуање на нова техника.“ вели Петре Шилегов – Градоначалник на Град Скопје.

Реконструкцијата на надворешноста на салата изнесува 1.9 милиони евра, а сумата за внатрешноста дополнително ќе биде определена.

Проектот „Универзална сала“ се очекува да се заврши до наредната концертна сезона.

https://kanal5.com.mk/po-povekje-od-pedeset-godini-skopskata-univerzalnata-sala-dobi-novi-temeli/a488489

Ова требаше да се сруши и од ново да се направи. Со вакви крпеници тешко дека ќе трае наредни 50 години.

Град како скопје нема ниту една концертна сала,концерти од тие една две светски ѕвезди што дошле,и од милион шунд "ѕвезди" што дошле од северната граница се одржуваат во спортска сала,која според некои пишувања ќе стане уште понедостапна.
Де факто самиот градпначалник излезе во интервју со неверојатна помпа дека ЌЕ се гради нова голема сала,токму за концерти од поголем калибар но и фестивали а зошто да не и претстави или стенд ап настани од светски ѕвезди.

Ова реновирање што ќе трае до ден локални избори е безпотребно,она што е потребно е одпочнување на градба на голема,соодветно опремена и удобна сала за концерти,која што очигледно никогаш нема ни да почне да се гради,или пак ќе почне,на следни избори.

Originally posted by Denko Originally posted by Vire Град како скопје нема ниту една концертна сала,концерти од тие една две светски ѕвезди што дошле,и од милион шунд "ѕвезди" што дошле од северната граница се одржуваат во спортска сала,која според некои пишувања ќе стане уште понедостапна. Де факто самиот градпначалник излезе во интервју со неверојатна помпа дека ЌЕ се гради нова голема сала,токму за концерти од поголем калибар но и фестивали а зошто да не и претстави или стенд ап настани од светски ѕвезди. Ова реновирање што ќе трае до ден локални избори е безпотребно,она што е потребно е одпочнување на градба на голема,соодветно опремена и удобна сала за концерти,која што очигледно никогаш нема ни да почне да се гради,или пак ќе почне,на следни избори. Ova e debatirano. Kapacitetot na "Univerzalna" e OK. Koncerti so poveke iljadna publika se odrzuvaat vo sportska sala ili hangar, i toa go imas vo cel svet. Problemot na Skopje e sto se srusi "Skopski saem".

Саем не е концертна сала, срамота е што се сруши ама Саем беше исто импровизација како СЦБТ

(@stef4o  linkovite nikogas ne ti rabotat, uvek ti idat na build.mk/forum)