Skopje City Mall

39.000 m2 претставува GLA (Gross leasable area) кај Skopje city Mall. Аналогната бројка кај Ушче центарот во Белград изнесува 43.500 m2.

90.000 m2 претставува GBA (Gross building area) кај Skopje city Mall. Аналогната бројка кај Ушче центарот во белград е таа што ја спомна (120.000 m2) или 130k или 150k, во зависност од изворот (не ми е јасно како може толкава збрка да направат од ова...)

http://www.skopjecitymall.mk/MK/novosti/684/napredok_na_tekovnite_gradezhni_raboti_na_carrefour_vo_skopje_city_mall.aspx

17 април 2012
 
Од официјалниот веб сајт на Скопје Сити Мол:
 
http://www.skopjecitymall.mk/mk/galerija.aspx?gId=25
 
 

 


 

 

 

 



Edited by Dexter26 - 16-May-2012 at 18:49

http://www.skopjecitymall.mk/MK/novosti/685/dosega_ni_se_pridruzhija.aspx

Досега ни се придружија

Дознајте кои брендови досега го потврдија своето присуство во Skopje City Mall

Edited by Dexter26 - 26-May-2012 at 21:57

Објектот во изградба е во полн со работници и забрзано се гради. Мене ме интересира колку работници досега загинале/дали има такви/ при изведбата на овој објект? Слушнав бројки, но не би сакал да шпекулирам.

Skopje City Mall: Екстериер и ентереиер во заемна корелација Трговскиот центар "Скопје сити мол", сместен во општина Карпош, e архитектонско и дизајнерско дело на Laguarda Low, интернационална архитектонска фирма со седиште во Далас, Тексас, САД. Основана во 2000 година, оваа компанија беше една од неколкуте странски компании, кои учествуваа на тендерот за проектирање на шопинг-центарот "Скопје сити мол".

Во конкуренција на повеќе познати светски компании специјализирани за развој на ваков тип објекти, менаџерскиот тим на "Балфин МК" одлучи да им го додели проектот токму на Laguarda Low, во чие работно портфолио и професионално искуство се повеќе архитектонски решенија меѓу кои: Houston Pavilions, OC Bay, Phoenix City, Avenue Mall, Galleria Bucharest, Porta di Roma, Galleria Chengdu.

 

 

Инвестицијата на овој објект чини околу 70 милиони евра, а самиот трговскиот центар е составен од еден паркинг (подземно ниво) и три надземни ката со продавници и локали за разонода и забава. Менаџерскиот тим на "Балфин МК" заедно со локални архитекти директно учествуваа во креирањето на проектот, а сè со цел на Laguarda Low да им ги доближат навиките на локалното население имајќи го предвид фактот што "Скопје сити мол" е прв и единствен шопинг-центар од ваков тип во Македонија. Особено тешка задача беше да се имплементираат овие навики во објект од вакви размери. Имајќи го ова како цел, се создаде затворен простор кој беспрекорно функционира со надворешноста преку големиот број стаклени површини.

 

 

Појдовна идеја беше да не се добие комплетно затворен објект туку напротив, огромна retail површина, чиј екстериер и ентериер ќе бидат во тесна корелација, со природна светлина преку големите стаклени површини. За изведба на конструкцијата е користен армирано-бетонски скелетон, конструктивен систем со модуларен распон од 8,1 метар и висина на надземните етажи од 6 метри. Фундирањето е изведено во најголем дел како армирано-бетонски тракасти темели поради солидната носивост на почвата. Покривањето се врши со ПВЦ фолија на рамен кров, на кој се сместени најголемиот број технички простории. Стаклото како и кровната хидроизолација што се употребуваат на објектот, прв пат се произведени во ноември 2011 година. Овие уникатности го вбројуваат "Скопје сити мол" во јавни објекти кои овозможуваат максимална енергетска ефикасност.

 

 

Што се однесува до противпожарната заштита, преземени се сите активни и пасивни мерки за заштита на објектот, за кои и големите светски компании кои влегуваат во трговскиот центар имаат пофални зборови. Во градењето се оди дотаму што сите кабли поставени во трговскиот центар се halogen free, кои во случај на пожар не испуштаат отровни гасови. При изградбата на овој објект се користени најсовремени градежни материјали. Повеќето од нив за прв пат се употребени на овие простори, при што посебно внимание се однесува на начинот на нивната имплементација. Така, секој материјал мора да биде изведен според системското решение на самите прозиводители, што значи дека и целата гаранција околу квалитетот на изведените работи е обврска на самиот испорачател на материјалите. Исто така, статичката и асеизмичката стабилност на објектот е доделена на овдешни проектанти, и е реализирана согласно правилниците, односно позитивните законски прописи на Република Македонија.

 

Изградбата е во напредна фаза и се одвива според динамичкиот план, што претставува гаранција за планираниот термин за отворање, во третата четвртина од 2012 година. Сите дозволи и согласности за објектот се обезбедени во тесна соработка на локалните и централните власти, кои имаа особено разбирање и поддршка за овој проект.

http://www.porta3.com.mk/index.php?option=com_content&task=view&id=3328&Itemid=122

Превземено од страната на Skopje City Mall на фејсбук.

Edited by Мартин - 12-Jun-2012 at 15:39

Ај види на сликите на Бојан, не го покриваат.

НОВИ ПОЗНАТИ БРЕНДОВИ ВО „СKОПЈЕ СИТИ МОЛ“ „Афтершок“, „Алдо“ и „Ив Роше“ доаѓаат во Македонија Свеченото отворање на новиот трговски центар е најавено за три месеци Англиските модни брендови „Афтершок“, „Литл буда“ и „Ворлд оф аксесорис“, шпански „Бланко“, козметичката куќа „Ив Роше“, како и брендовите за чевли „Алдо“ и „Урбан џангл“ влегуваат во Македонија. Тие прв пат ќе отворат свои продавници во земјава во новиот трговски центар „Скопје сити мол“, кој треба да биде готов кон крајот на септември. Овие брендови се новите закупци на деловен простор во трговскиот центар. Претходно, инвеститорот на објектот, компанијата „Балфин МK“ ги објави звучните имиња, кои ќе имаат свои продавници во „Скопје сити мол“, како што се модните куќи „Зара“, „Бершка“, „Масимо Дути“, „Пул и беар“, „Страдивариус“, францускиот синџир супермаркети „Kарфур“ и австрискиот кинооператор „Синплекс“, кој ќе отвори девет киносали. Со новите закупци, бројот на брендовите што првпат влегуваат во Македонија се искачи на 40. Тие, со трговските имиња што веќе имаат свои продавници во Македонија веќе имаат закупено 85 отсто од вкупниот деловен простор. Свеченото отворање на новиот трговски центар е најавено за три месеци. Во тек се завршните работи на објектот, кој, според најавите, ќе биде еден од најмодерните во регионот. Секој ден работат по околу 600 луѓе, а во изградбата беа вклучени 40 градежни компании. - Сите градежни компании што работат на „Скопје сити мол“ се од земјава. Тие ангажираат свои подизведувачи, што значи дека околу сто градежни компании од Македонија се вклучени во проектот. Менаџментот донесе одлука да се ангажираат само домашни компании и тоа се почитува - вели Илија Божиновски, проект-менаџер на „Скопје сити мол“. Kомпанијата „Балфин МK“ веќе објави огласи за вработување, а истото го направија и дел од закупците на дуќаните. Од „Балфин“ објаснуваат дека интересот е огромен, со оглед на тоа дека во новиот трговски центар ќе се отворат над 2.000 работни места. - Со влезот на едни од најпознатите трговски брендови ја ставаме Македонија на пазарот. Односно, земјата се промовира имајќи предвид дека во секој нивни каталог ќе ја пишува и Македонија - вели Божиновски. Се проценува дека трговскиот центар во првата година ќе има околу 7,5 милиони посетители. Според објаснувањето од компанијата, во одреден момент објектот може да прими луѓе колку што може Градскиот стадион во Скопје. Вкупната инвестиција на „Балфин МK“ во „Скопје сити мол“ изнесува 70 милиони евра. Модерна градба од 100.000 квадрати „Скопје сити мол“ ќе биде максимално енергетски ефикасен објект, изграден по најсовремени светски стандарди. Трговскиот центар ќе се простора на околу 100.000 квадратни метри, со едно подземно и три надземни нивоа. Божиновски објаснува дека трговскиот ќе има најсовремен систем за греење и ладење, над 200 противпожарни врати, како и надворешни стакла, кои прв пат се користат во светот. Односно, стаклата максимално пропуштаат светлина, а минимално топлина. Во објектот се вградени над 65.000 квадратни метри бетон, над 7.100 тони градежно железо, 600 километри кабел, како и 20.000 квадратни метри хидроизолација на покривот.

http://dnevnik.com.mk/default.asp?ItemID=9D0CE5A1F06E9249A93EB2EEF8B56218

Па ќе има Burger King. Поуникатно од тоа во моментов, здравје.