Од соседството

Станицата на Крджалово:









Станицата на Јаблково:





Крај големиот индустриски центар, градот Димитровград:



Сликите се дело на членот VESO, од форумот bgrail.eu. Директен линк кон сликите: http://bgrail.eu/9-vt823.html?start=80#p22683


Edited by Andrej_LJ - 16-Jan-2012 at 14:16

3) Реконструкција и модернизација на пругата Софија-Пловдив по Коридорите 8 и 10. Овој најважен за државата сегмент е поделен на три различни лота, од кои најлесниот дел Пловдив-Септември веќе се гради и модернизира, додека делот Септември-Софија е во фаза на проектирање и најверојатно ќе оди во втората фаза за изведба и финансирање во рамковниот период 2014-2020.

4) Изградба и електрификација на железничката врска помеѓу Видин и Дунав мост 2-Романија, долѓ Коридорот 4, изградба на Патничка и Товарна станица во градот Видин. Изградбата е кон својот крај, тестовите се во фаза на изведба и се очекува оваа линија да почне со работа кон крајот на 2012 година со отворањето на новиот мост. Преку оваа пруга и мост се очекува во 2013 дневно да минуваат по околу 30 композиции, главно товарни возови.






Edited by Andrej_LJ - 16-Jan-2012 at 14:47

Во вториот програмен период (2014-2020) ќе следат многу повеќе инвестиции во железницата отколку во првиот. Целта на владата е да се подготват сите проекти пред 2014 година, така што кога програмата ќе заочне, веднаш да се аплицира за добивање на фондовите и започнувањето на изградбата. Во оваа фаза силите ќе бидат насочени рамномерно кон инфраструктурата и превозниот парк на БДЖ. Следните приоритети се зацртани до 2020 година:

1) Изградба, реконструкција и модернизација на линијата Софија-Мездра-Видин-Романија на Коридорот 4 (120 км/час за товарните, 160 км/час за патничките и 200 км/час за експресните возови). Изградбата на овој мега проект треба да чини 2,6 милјарди евра.

2) Реконструкција и модернизација на трасата Софија-Пловдив во делот помеѓу Софија и Септември, долж коридорите 8 и 10 (120 км/час за товарните, 160 км/час за патничките и 200 км/час за експресните возови).

3) Изградба, реконструкција и модернизација на трасата Софија-Перник-Радомир-Ѓуешево-Македонија (120 км/час за товарните и 160 км/час за патничките возови).

4) Реконструкција и модернизација на трасата Софија-Драгоман-Србија на Коридорот 10 (120 км/час за товарните, 160 км/час за патничките и 200 км/час за експресните возови).

5) Изградба на интермодални термилани во Софија и Русе.

6) Набавка на 100 нови композиции и локомотиви со индикативна вредност од над 300 милиони евра.

7) Модернизација, реконструкција и изградба на линиите Романија-Русе-Варна и Романија-Русе-Софија.


За крај сакам да ви покажам слики од жалната состојба на преубавата и голема (за селото се разбира) железничка станица во Ѓуешево, на границата со Македонија. Заради нашата неспособност пропаѓа пругата од Ќустендил до Ѓуешево, која е замислена како интернационален коридор, но поради својата неискористеност е препуштена на пропад:

Ќустендил:






Самата инфраструктура:





Зданието на зградата (во која има товарен, патнички, царински и административен дел) на станицата во Ѓуешево:





Влезот во меѓуграничниот тунел помеѓу Бугарија и Македонија, кој веројатно не е завршен:

Од Ќустендил до Софија сум патувал со воз пред неколку години и се сеќавам дека сегменти од пругата сеуште не беа средени. Инаку знам дека има два пара возови од Ќустендил до Ѓуешево, но кога го видов сега тунелот голема тага ме фати .

Бугарија ќе треба до Ќустендил целосно да ја среди пругата, бидејќи гледам до граница може да сообраќа само дизел маневарка, пругата е во очајна состојба. Ако добро се сеќавам, дел од пругата од Ќустендил кон Софија треба да се електрифицира и да се надгради, не се сеќавам дали максималната брзина на неа сега е максимални 80 или 100 километри на час.

Originally posted by Anrej_LJ 3) Изградба, реконструкција и модернизација на трасата Софија-Перник-Радомир-Ѓуешево-Македонија (120 км/час за товарните и 160 км/час за патничките возови).

Располагаш ли со повеќе детали?

Ова е информација пренесена од интервјуто со главните директори на НКЖИ (Националан Компанија Железопатна Инфраструктура) од пред неколку дена. Значи е официална информација и позиција:

Какви стъпки предприемате относно новия рамков период на ЕС от 2014 до 2020 година?

Ние наистина залагаме на новия програмен период. Там нещата са много деликатни . Едно от основните предизвикателства е трасето Видин-София, което макар да се проектира сега, се очаква да бъде изпълнено в периода 2014 - 2020 г. Линията ще бъде по изцяло нов маршрут и по нея ще има много сложни съоръжения, което ще изисква много разрешения.
София-Драгоман също ще е трасе, което ще се изгражда тогава, както и това през Перник до Гюешево.

Две нешта се сигурни-кочењето и влечењето на проектот од македонската страна ја намалува шансата Бугарија да инвестира во модернизација на трасата до Ѓуешево. Ако ние успееме да ја изградиме пругата до да речеме 2015 година, не гледам зошто Бугарија не би ја модернизирала својата делница до 2020 година. Пари има од ЕУ, мислам дека товарниот и патничкиот сообраќај ќе бидат многу поголеми одколку сега ние си замислуваме, бидејќи нашиот бизнис цело време кука и моли за железничка врска со Бугарија.
Второто сигурно нешто е дека најмалку половината делница на бугарска страна ќе биде целосно модернизирана: Софија-Радомир е траса која ги обединува К4 и К8 кон Солун и Скопје соодветно и таа ќе биде со сигурност приоритетна. Дури и делницата од Радомир до Ѓуешево да не биде модернизирана до 160 км/час, а само до 100, тоа ќе биде доволно бидејќи се работи за околу 60 километри.
Сепак сфатливо е зошто Бугарија има голем скептицизам околу ова-бидејќи Македонија е крајно несериозна, неодговорна и непредвидлива во однос на ова прашање. Доколку Македонија си ја заврши својата домашна задача, нема апсолутно никаков проблем да се модернизира бугарската страна. Има пари од ЕУ, има волја, проектите се изготвуваат за да бидат готови за следниот програмен период.

Да, исклучително непријатна вест беше тоа во декември, особено за нас македонците кои живееме во Словенија. Сега кога конечно се воведе ефтината авионска карта Венеција-Скопје останавме без воз. До пред едно 5 години имало по 4 воза дневно помеѓу Словенија и Италија, сега го укинаа и последниот EN (EuroNight) Budapes Keleti Pu.-Zagreb-Ljubljana-Venezia.

Ниедна варианта не е погодна... Возот преку Австрија оди за Филах, од каде те чека преседнување за Љублљана. Околу Филах се прават големи ремонти со чести затварања, така што возовите неретко каснат бидејќи возат под ристрикции. Возот пак од Нова Горица исто така ќе те изврти преку Јесенице, бидејќи не возат Нова Горица-Постојна-Љубљана. Ѓавол ипол со еден збор.
Исконтактирај ме можам да ти предложам други опции со нискотарифно комбиња кои се многу популарни во последно време во Словенија. Цената Венеција-Љубљана се движи во распонот помеѓу 20 и 25 евра во смер. Инаку се надевам ќе имаш и време да се сретнеме во Лајбах!

Originally posted by pbanks Ах, дефинитивно ги елиминирав опциите со воз, само сакав да ја споделам тука иформацијава каде 2 земји од ЕУ, шенген зона, со постоечка железничка инфраструктура.... во сред централна европа немаат железничка конекција помеѓу себе. Изненадувачки и срамно.

Жалната реалност е дека европа јужно од алпите и северно од алпите се два поразлични света. Само да тргнеш со автомобил од Скопје веднаш ќе ја приметиш разликата во целиот инфрструктурен систем како возиш на север, и некаде кај алпите се се достигнува врвот и останува константен тој врв на организација и квалитет колку и да идеш северно (тука се подразбира воглавно германија и скандинавските земји)

Грешката односно вината за укивување на возот за Венеција (единствениот помеѓу Словенија и Италија) е на ТренИталиа, не на СЖ или МАВ. Возот кој јас го имам користено преку 10 пати главно беше составен од унгарски вагони на МАВ (Унгарски Државни Железници), така што италијаните не учествуваа многу во зделката па тоа да им биде повод да го укинат (причината беше реформа во Италија со цел намалување на трошоците).

Инаку не би рекол дека Словенија е лошо поврзана со соседите.
Хрватска:
Загреб-6 воза дневно
Ријека-1 воз дневно

Австрија:
Виена/Грац-4 воза дневно
Филах/Залцбург околу 7 воза дневно (во зависност од сезоната)

Унгарија:
Будимпешта-1 воз дневно

Србија:
Белград-3 воза дневно

Чешка:
Прага-2 воз дневно преку Марибор и 3 воза преку Јесенице

Германија:
Минхен-2 воза дневно
Франкфурт/Штудгард-1 воз дневно

Швајцарија:
Цирих-1 воз дневно

Што се однесува пак до внатрешниот сообраќај, тој во Словенија е доста развиен, би рекол на ниво слично до чешкото, далеку повисоко од тоа на Балканот, пониско од тоа во Германија. Така на главните релации од Љубљана кон следниве градови има по многу возови:

-Цеље-Марибор: 15 директни воза во денот и уште 15 воза со преседнување на Зидани Мост. Вкупно 30 воза во 24 часа, што е мислена именка за релација како Скопје-Битола.
Копер: 3 директни и 2 со преседнување на Дивача. Вкупно 5.
Постојна: 19 директни воза во 24 часа.
Нова Горица: 13 воза сите со преседнување на Дивача или Јесенице.
Ново Место (кое не се наоѓа на главната пруга Љубљана-Загреб): 15 воза дневно
Литија-Кршко (на главната пруга Љубљана - Загреб): 21 воз во рамките на 24 часа
Крањ: 24 воза за еден ден.
Јесенице: 21 воза
Мурска Собота: 2 директни и 4 со трансфер на Прагерско.

Мислам дека нивото на железнички сообраќај во Словенија е завиден, а неговата улога огромна во транспортот на патници и стоки низ државата.