541 до Битола за 2Ч50 минути, Р Е С П Е К Т!

Какви се шансите да се намали тоа време на 2Ч40 минути?

И јас треба да се приклучам на ставот дека возниот ред сепак не се прекршува во толкава мера од страна на железница. Исклучок, а не пракса е кога возот сообраќа 4 и пол до 5 саати, иако никој не може да потврди дека со сигурност тоа нема да може да се случи. Мене лично ми се има случено во неколку наврати да се расипе дизел локомотивата, но истоврено(поретко) таа да пристигне 5 или 10 минути порано на дестинацијата во Скопје, т.е. Битола.

П.С. Треба да си планираш за секој случај 3 часа и 45-50 минути за битолскиот воз како секојдневна појава на времетраење на патувањето.

Wow, импресиониран сум. Стигнав и се вратив од Битола за по 3 и пол саати двата пати возење. Невозможно

(извинете за пост врз пост)

Цела Македонија чека на нови моторни гарнитури. Од владата и од МЖ се крстат во Европската банка за обнова и развој, која треба да даде согласност за кредитот во износ од 50 милиони евра. Ако веќе владата дала согласност, тогаш ЕБРД треба да му дозволи на МЖ-Транспорт да објави меѓународен тендер за купување на гарнитурите.

Апропо муабетов, раздалеченоста помеѓу Загреб и Сплит е 423 километри, а возовите истата ја минуваат за време од 6 часа и 10 минути до 9 часа и 9 минути, во зависност од тоа кој ранг на воз сообраќа. Времетраењето на патување помеѓу двата најважни града е ИДЕНТИЧНО на релацијата помеѓу Скопје и Битола.

Или во Романија, помеѓу Темишвар и Сибиу со воз се патува околу 7 саати за релација помеѓу 300 и 350 километри. Темишвар е втор град по големина во Романија, а Сибиу културен центар на Романија.

Од овие причини сметам дека не треба да не загрижува времетраењето на патување со воз помеѓу Скопје и Битола. Реално е да се споредуваме со соседите, а не со Германија или Швајцарија.

Не би рекол дека не треба да не загрижува. Пругата Битола-Скопје е проектирана за 120км/ч што значи дека растојанието од 232км би се поминувало за 2 часа (наместо 3 и пол) со експресниот воз доколку е реновирана (сменети прагови, шини...) и доколку се нови гарнитурите. Во тој случај автобусот воопшто и не би бил конкурентен со своите 3 и пол часа. Исто така без проблем би можеле да се прават еднодневни посети Битола-Скопје и обратно.

По повод фудбалскиот меч помеѓу Македонија и Хрватска, од Загреб денеска попладне ни пристигнува посебен навивачки воз со 7 ганц нови хрватски вагони кои би било добро да ги имаме во архива на Билд. Ако некој се најде на железничката станица во Скопје, нека направи некоја фотка.

Какви се нацртите на меѓународниот возен ред на МЖ-Транспорт за наредната година? Можеби изгледа смешно терминот „меѓународен“ кога имаме само 3-4 возови дневно, но ме интересира дали е возможно укинување и на досегашните два воза Скопје-Белград-Скопје и целосна изолација на Македонија?

Причината за ова прашање лежи во последните случувања во соседните земји. По се изгледа дека финансиските проблеми на Хрватски железници не се повод за укинување на голем дел од меѓународните возови од Белград. Според официјалната вест на сајтот на Хрватски железници, возовите Белград-Минхен и Белград-Филах (австриска граница) ќе сообраќаат и наредната 2013 година, но само на релација Винковци-Минхен и Винковци-Филах. За потсетување Винковци е пограничната станица помеѓу Хрватска и Србија. Објаснувањето на хрватите е дека српските железници немаат доволен број на електрични локомотиви за да го одржуваат целокупниот сообраќај на ниво на Србија. На тој начин, извесно е дека со новиот возен ред ќе остане само еден воз дневно кон Љубљана. Дали сличен потег планираат Српските железници и со нашите возови?

Originally posted by BOJAN Цела Македонија чека на нови моторни гарнитури. Од владата и од МЖ се крстат во Европската банка за обнова и развој, која треба да даде согласност за кредитот во износ од 50 милиони евра. Ако веќе владата дала согласност, тогаш ЕБРД треба да му дозволи на МЖ-Транспорт да објави меѓународен тендер за купување на гарнитурите.

Pa ne ceka bas cela Makedonija na novite motorni garnituri. Ima eden del od Makedonija koj e prilicno razvien (jugoistok) kade sto lugeto ne cekaat na novite garnituri bidejki nemaat zeleznica

Земајќи го во предвид фактот што возниот ред на Македонски железници за 2012/2013 година треба да излезе во јавност за неколку недели, како и секоја година се обидов да подготвам возен ред кој би можел да одговори на потребите на патниците. Еве го мојот предлог:

Скопје-Битола 7:30(е); 14:30(п); 17:10(е); 19:30(п);
Битола-Скопје 3:30(п); 6:00(е); 16:00(е); 18:45(п);

Утринскиот и попладневниот експресен воз би ги возеле модернизираните дизел моторни гарнитури Шпанци 712-103/104 и 712-105/106, додека патничките возови би ги возеле дизел локомотиви со патнички вагони;


Скопје - Кичево 7:55 (п); 16:50 (п); 19:10 (п);
Кичево - Скопје 5:15 (п); 10:25 (п); 19:14 (п);

За оваа релација би биле резервирани две кенеди само за вечерните поаѓања со по два патнички вагони, додека надвор од грејната сезона би можеле да сообраќаат дизел маневарките.


Скопје-Кочани 2:30(п)- сабота, понеделник, државни празници; 9:00(п) (со преседување во Велес); 15:40(п);
Кочани-Скопје 5:35(п); 16:40(п) (со преседување во Велес); 18:50(п) - петок, недела и државни празници;

На релација Скопје-Кочани-Скопје би сообраќала дизел-моторната гарнитура Шпанец 712-107/108, додека на релација Битола-Кочани-Битола би сообраќал Шпанецот 712-101/102. Токму вторава гарнитура би можела да се усогласи за идеално преседнување во Велес со утринскиот/вечерниот воз на релација Скопје-Гевгелија-Скопје


Скопје-Гевгелија 6:20(п); 9:00(п); 16:50(п);
Гевгелија-Скопје 4:50(п); 9:30(п); 17:00(п);

Стандард и понатаму би возеле двете електромоторни гарнитури Горбачов или електро локомотива со патнички вагони.


Битола-Кочани 7:00(п);
Кочани-Битола 16:40(п);

Како што објаснив, оваа линија би можел да ја држи некој од Шпанците. Да добиеме конечно поврзување на западот и истокот на земјава, но и Скопје со Кочани од наутро.


Скопје-Белград 9:40(е); 20:30(е);
Белград-Скопје 7:50(е); 21:50(е);

Би можело во дневниот експресен воз да се вклучи некој бифе-вагон на Српските железници, и така од новиот возен ред ќе бидат изоставени многу меѓународни возови, па можеби може ние да профитираме од тоа. Исто така, би било супер да се врати возот Скопје-Бар-Скопје во летните месеци.


Скопје-Приштина 10:20(б); 17:40(б);
Приштина-Скопје 6:00(б); 14:30(б);

Мислам дека конечно треба да профункционираат повторно два пара возови кон Приштина за да може патниците да појдат и пристигнат до одредена точка во текот на еден ден. Ако не можат ова да го направат двете железници, тогаш подобро нека не постои воз кон Приштина.

Скопје-Велес: 2:30(п), 6:20(п), 7:30(е), 9:00(п); 13:30(п); 14:30(п); 15:40(п); 16:50(п); 17:10(е), 19:30(п), 22:45(п);

Скопје-Табановце 6:25(п), 9:40(е), 16:30(п), 18:50(п); 20:30(е), 22:50(п);

Кон Велес и Табановце би продолжиле стандардно да сообраќаат идентичен пар на возови, бидејќи немаме доволен број на локомотиви и патнички вагони за зголемување на поаѓањата.



Предлагам секој петок, сабота, недела и државни празници да се воведе експресен воз на релација Скопје-Солун-Скопје. Од Скопје да поаѓа во 5:30 часот, додека од Солун во 20:00 часот. Овој воз во периодот од 1 јуни до 1 октомври да сообраќа секојдневно. Мислам дека на овој начин ќе се избегне периодот кога нема патници и возот создава загуби, но истовремено ќе се одговори на потребите на патниците во оние денови кога има потреба од врска со Солун.