А1 Арена (Спортски центар „Борис Трајковски“)

На хокеј и уметничко лизгање во СРЦ „Борис Трајковски“

Од 5 март ќе профункционира монтажно игралиште со мраз, набавено од Канада, со сертификат од Европската хокеарска федерација

Деспина Трајковска


Од 5 март во кругот на спортскиот центар „Борис Трајковски“ ќе може да се игра хокеј и да се изведува уметничко лизгање на монтажно игралиште со мраз. Кон средината на февруари, пак, во Скопје се очекува да стасаат шестмина професионални хокеари од Русија и пар во уметничко лизгање од Украина, кои ќе ги тренираат заинтересираните.

На терен веќе се вршат изведбените активности за игралиштето, просторот е ограден и се поставуваат неопходните подземни инсталации. Во меѓувреме е стасана и дел од опремата потребна за хокејот, набавена од Канада.

Ратко Капушевски, директор на СРЦ „Борис Трајковски“, вели дека игралиштето и сите негови придружни елементи, како опремата и слично имаат сертификат од Европската хокеарска федерација. Тоа значи дека и кај нас ќе можат да се одржуваат меѓународни натпревари, и тоа под отворено небо и внатре во салата со оглед на тоа дека игралиштето ќе биде од монтажен карактер.

„Колку и да звучи несекојдневно, во Скопје повторно ќе се игра хокеј како некогаш, а ќе може да се изведува и уметничко лизгање. Освен осумте хокеарски и две екипи во уметничко лизгање што постојат во Скопје, игралиштето ќе можат да го користат и заинтересирани рекреативци. Целта на проектот е да ги анимираме граѓаните, пред се', младите и за овие спортови, па од тие причини ќе ангажираме и професионалци за одржување тренинзи“, вели Капушевски, кој очекува до 20 февруари во државава да стасаат некогашните хокеари од Русија и украинскиот пар во уметничко лизгање. Тренинзите ќе се одржуваат во четири групи, поделени според возраста. Од спортскиот центар велат дека заинтересираните уште отсега можат да се пријавуваат за тренирање хокеј или за уметничко лизгање.

Инаку, игралиштето ќе биде долго 56 метри, а широко 26 метри и ќе има една монтажна трибина, целото осветлено со специјални рефлектори. Мразот, пак, ќе се одржува со машини што ќе гарантираат дека игралиштето ќе може да биде во функција преку целата година. Неговата набавка воопшто целата реализација на проектот ја обезбедува СРЦ „Борис Трајковски“ од сопствениот буџет. Само за игралиштето од спортскиот центар платиле 340.000 евра.

http://www.utrinski.com.mk/?ItemID=19D32C2C3915FA4E82BBCB9380170FFE

Ок ова да се постави на друго место ама ако се узурпира паркингот околу салата со ова и покрај не доволниот број на паркинг места, не е во ред ..картинг стаза ...терен за хокеј ..што е следно? Па за секој поголем настан што се случува во салата потполно се исполнува капацитетот на паркинг просторот во пошироката околина.

За уметничко, хокеј и хокеј на трева е една федерација и иде во пакет. И за ова имаше во весници ако не го мрзи некој нека бара.

Sum se zbunil, toj  bil inlajn ne na treva. Znam deka bea poveke sportovi pod edna federacija.

Не ми е намерата да критикувам колку лоша сала има Скопје, туку само мала споредба со новата сала во Зеница.





Изградена е за 13 милиони евра. Ваква сала фали во Битола, Велес, Прилеп, Струмица. Така да лично не гледам дека треба посебно некој да биде горд со Борис Трајковски, па и со онаа фенси додавка "арена" Можда за некоја година на некој ќе му дојде паметот за нова сала.

Originally posted by гитардемон Изгледа не ти е јасно дека на форумов имаме два-три архитекти преку сила. Сите други сме љубители-аматери (истиот збор е ова). Мене, и на уште 10000 читатели на форумов ни е јасно дека салата не исполнува критериуми, и тоа го имаме сублимирано барем 100 пати досега, само не ми е јасна целта на твоето константно повторување како расипана лента. Добро, знаеме дека не исполнува скоро никакви критериуми, ама тоа што ти ќе се повторуваш во сите нишки нон стоп нема баш и да промени ништо! А ако не мислиш дека сите сали се слични побарај само малку сали во NBA, NHL, NCAA (за сите спортови) и слични американски професионални лиги па споредувај екстериери. Не ти ја разбирам поентата навистина. Ете, се сложивме по 100-ти пат дека салата е катастрофа. И што сега? Ќе ни повториш за една недела пак? Едно е критичко мислење, а друго е непотребно повторување. Направи ја дистинкцијата сам.

Постов ти е прилично некоректен.Би рекол безобразен.Она расипана лента поготово...На темава за СЦ Борис Трајковски имам вкупно напишано неколку поста,па следеа одговори,па пак одговори.Тоа се вика дискусија,која ти ете си решил да ја запреш.
Муабетот дека сите сали се слични е логичен,нема потреба тоа да се кажува воопшто.И никој не рече дека салата е катастрофа или дека не исполнува никакви критериуми,туку дека е мала за град како Скопје.
Логично е дека од моментот кога салата е веќе завршена да се зборува за фалинки-недостатоци од луѓе кои салата ја посетуваат од време на време,те кога има спортски настани.Ти можеби гледаш само слики,некој оди поретко или почесто во салата,па може нешто и да прокоментира.Или не смее?Не знам што има тука лошо?Темата не е затворена колку што знам.
Интересно е и тоа да напишеш 20 непотребни реда текст со кои ми даваш професорски совети што и како треба,а во тие 20 реда не се запрашаш зошто за нашава сала се потрошени толку пари колку се потрошени?И за што се потрошени?Тебе ти е можеби сеедно,мене можеби не ми е.

Не сум бил у салава од Македонија баскет кога играше квалификации па не ми е јасна една работа ? Еден паркинг го запоседна картинг а друг ова хокеарсково монатжно игралиште ? Па добро паркинг ќе остане ли ? Сакаме све и свашта да ставиме на едно место демек ќе има мултифункционален спортски ценатар, се е тоа океј ама ако и претходно си било така испроектирано. Сега ова што се става плус, картингот, хокеарсково игралиште мислам дека е сосема непотребно да се наоќа на оваа локација.

СПОРТ | 02.03.2011 Хокејот се враќа во Македонија По триесетгодишна пауза, се прават првите обиди за формирање македонска хокеарска лига. Но, дали е одбран вистинскиот момент за влегување во скапиот и специфичен проект? Неупатените би прашале: зарем некогаш се играл хокеј во Македонија? Во 1970 година во Скопје се играше светско првенство во хокеј на мраз. Иако играа екипи од Ц групата, селекциите од светот играа на лизгалиштето на Кале со комплетна опрема. Македонскиот главен град беше етикетиран како најјужната хокеарска точка во Европа. На почетокот на 80-те години екипата на Макотекс од Скопје стигна до првата Југословенска лига. Вардар беше на прагот да стане прволигаш. Меѓутоа, активностите нагло стивнаа и хокејот брзо згасна. Од пред неколку недели, на истото место, на лизгалиштето на Кале, по точно 22 години одеднаш се поајвија триесетина момчиња во хокеарска опорема. Ги раководи Томи Атанасовски, екс-хокеар на Вардар, сега директор и тренер на првата македонска репрезентација. „Хокеарската федерација на Македонија почна активно да работи оваа година. Имаме окулу триесет хокеари, кои ќе бидат распоредени во два или три клуба и тоа ќе биде основа за формирање на хокеарската лига.“ Наскоро хокеарски објект во „Борис Трајковски“ Марјан Капушевски Лизгалиштето на Кале ја завршува својата мисија за оваа сезона, но хокерскиот тим наскоро ќе се пресели во спортскиот комплекс „Борис Трајковски“, во чии рамки набрзо ќе никне хокеарски објект од монтажен карактер. Директорот на центарот, Марјан Капушевски, вели дека ќе се игра хокеј преку целата година.        „Игралиштето ќе биде во функција 12 месеци, што е многу важно за активноста и реализација на тренинзите.“ За вложените средства во овој проект Капушевски вели:        „За овој проект се потрошени 340 илјади евра, а вклучени се оградата за хокеј, подлогата за хокеј и опремата. Средствата ги обезбеди владата на Република Македонија.“ Специчен и скап спорт Томи Атанасовски, тренер на хокеарскиот подмладок Дека хокеарската федерација на Македонија се обидува да не биде организација само на хартија, иако е верификувана од ИХФ уште пред 10 години, е фактот дека се ангажирани тренери од Русија, кои ќе работат во наредните неколку години во Скопје. Исто така ангажирани се и двајца тренери од Украина за уметничко лизгање, додава Томи Атанасовски.       Тој вели дека во 2012 година Македонија ќе стартува во циклусот од квалификации за светското првенство.       „Следната година нашата репрезентација е пријавена да учествува во квалификациите во третата дивизија за светското прваенство, каде што се наоѓаат Јужна Африка, Мексико, Грција, Монголија. Тоа е последното скалило од кое мора да се почне. Со сегашните хокеари и оние кои се наоѓаат во странство ќе се обидеме да направиме нешто, а за 2013 година очекувам да имаме подобри услови за игра и подобра репрезентација.“ Не е спорно дека хокејот е исклучително атрактивен спорт, голем магнет за младите насекаде во светот. Но, факт е и дека со оглед на специфичноста, тоа е скап спорт. Останува да се види дали е избран вистинскиот момент за влез во проектот, кој бара големи вложувања за да успее. Автор: Златко Калински Редактор: Трајче Тосев

http://www.dw-world.de/dw/article/0,,6456734,00.html?maca=maz-TB_maz_TVA1-3119-html-cb

Edited by гитардемон - 02-Mar-2011 at 19:03

Малку ја спамирам нишкава, ама тоа е...

Петмина Македонци ќе играат во Грција На покана на хокеарскиот клуб Тесалоники од Солун, кој ќе настапи во првенството на Грција што ќе се одржи турнирски во Атина на 12 и 13 февруари, во дресот на овој клуб ќе играат и петмина хокеари од Македонија, членови на новоформираниот клуб Вардар. Тоа се браќата Ѓорѓи и Васко Грчев, Ристе Ајноваки и двајцата синови на Ѓорѓи Грчев, Димитри (18) и Кристијан (23). Ѓорѓи Грчев заедно со брат му Васко три сезони имаат играно за Тесалоники, порано клубот се викаше Ираклис, но во првенството на Бугарија бидејќи во Грција немаше клубови за да се организира првенство на оваа држава, која инаку со својата репрезентација игра на Светското првенство во Д група. Со Тесалоники, минатата година Ѓорѓи Грчев го освои првенството на Бугарија, во кое настапија пет екипи. По неколкугодишна пауза Хокеарската федерација на Грција донесе одлука да се обноват неколку клубови, така што во сабота во Атина на првиот турнир за првенството а Грција ќе настапат седум клуба, за кои покрај хокеари од Грција настапуваат и повеќе играчи од другите држави. -Во Грција има три затворени стадиони за хокеј, два во Атина и еден во Солун, беа зборовите на Ѓорѓи Грчев. Интересно е да се напише дека најголемиот во Атина повеќе години не се користеше за хокеј, беше преадаптиран во диско, но од пред неколку месеци повторно е отворен за лизгање. Инаку, за репрезентацијата на Грција играат околу 90 отсто играчи родени во Грција кои и тука живеат, останатите се од Русија, Канада и другите држави кои имаат грчки пасоши. Заедно со македонските хокеари, за Атина ќе замине и поранешниот економ на клубот „Скопје Макотекс“ кој играше во Првата лига на поранешна Југославија Мирче Јаневски кој ќе се запознае каква се опрема треба да се набави за новоформираниот клуб Вардар и што се друго ќе треба во формирањето на македонската репрезентација и за првото првенство на Македонија што ќе се одржи во почетокот на март на новото вештачко игралиште за хокеј зад салата „Борис Трајковски“ кое е во завршна фаза од изградбата. (М.М.) #      Статијата е прочитана 739 пати.

http://www.utrinski.com.mk/?ItemID=E4499CC6EDD0F84F9DAD45D19AC0762C

Edited by гитардемон - 02-Mar-2011 at 19:12