Некое време беше затворена главната црква во Прилеп,имаше интервенција на ѕидовите во внатрешноста,досега ентериорот беше бел измалтарен и немаше атмосфера на типична црква, по интервенцијата се гледаат самите материјали од кои е изградена црквата и изгледа доста поубаво.

Слики
http://prilep.gov.mk/news/mk/crkvata-sv-blagoveshtenie-povtorno-otvorena-za-gragzanite/

ПО ЕДЕН ВЕК КИЧЕВО ЌЕ ДОБИЕ НОВА ЦРКВА

По еден век во Кичево ќе биде изградена нова православна црква. Црквата ќе го носи името на словенските просветители “Св. Кирил и Методиј“, а ќе биде лоцирана на крстосницата на патот за Крушино и Магистралниот пат

- Конечно се надминати сите пречки за почеток на изградбата на црквата Св.„ Кирил и Методиј“. Во текот на овој месец ќе почне изградбата на храмот, а со божја помош и со помош на големиот број верници од градот и државата, за година две ќе го изградиме овој, толку посакуван, храм, изјави за Нова Македонија Тони Петрески,претседател на црковниот одбор.

Инаку камен темелникот за новата црква беше ставен на ден Петровден 2002 година, но поради неразрешени имотно правни односи на дел од плацот, изградбата на истата беше одлаган полни 10 години.

Сега во Кичево има една црква Св.„ Петар и Павле“.



ПС.човекот кој пречеше во изградбата на црквата има куќа дива градба блиску до плацот каде треба да се гради црквата,и секоја година оградата ја померува по некое метро,така да сега има ограда како прстен од 1м околу крстот каде е каментемелникот.

41°30'25.09"С

20°57'10.50"И

Дали Битола се откажа од изградба на нова црква пред Саат-кулата?

Власта зборува за овој објект само во пресрет на денот посветен на свети Нектариј Битолски, заштитник на градот

Битола - Дали власта во Битола се откажа од изградба на новата црква во срцето на градот!? На просторот пред Саат-кулата, во сакралниот триаголник кој го сочинуваат храмот „Св Великомаченик Димитриј“, Јени-џамија и Исак-џамија, локалната власт и Преспанско-пелагониската епархија пред повеќе од една година најавија дека ќе никне православен храм, најверојатно посветен на свети Нектариј Битолски, заштитник на градот Битола. Но, плановите за новата црква засега стојат во место. Власта за овој објект зборува само во пресрет на денот посветен на свети Нектариј Битолски.

Последните вести од локалната самоуправа во Битола се исти како во почетокот на годината, дека Општината ќе почне со изработка на ДУП, односно со измени и дополнувања за централното градско подрачје, како и тоа дека еден дел од процедурата со месеци е закочена во Завод и музеј од каде што се очекува стручно мислење за тоа дали во срцето на Битола може да никне нов верски објект.

„Првата фаза привршува, ќе отпочне да се прави ДУП, што ќе значи вцртување маркица за новиот храм лоциран до Саат-кулата“, вели градоначалникот на Битола, Владимир Талески.

Иницијативата за изградба на нов православен храм беше на Преспанско-пелагониската епархија. Талески вели дека се договориле со митрополитот Петар храмот да биде еден од највелелепните црковни објекти изградени во поново време.

„Со владиката Петар се договоривме дека црквата ќе ја изградат најдобрите мајстори со најдобрите материјали и таа ќе плени со својата убавина. Општина Битола сака да го направи тоа. Ние, како администрација сме убедени дека тука правиме голем исчекор. Црквата ќе биде едно од најдобрите обележја во градот“, вели градоначалникот.

Од Завод и музеј Битола велат дека се' уште се работат конзерваторските основи.

За новата црква битолската опозиција смета дека ќе биде компензација за џамијата во пограничното село Лажец. Според СДСМ, наместо црква во паркот, попрактично би било да се даде приоритет на изградбата на Соборниот храм во Битола кој се гради со децении.

Според битолското муфтиство, локацијата токму кај Саат-кулата, но и поширокиот дел од централното градско подрачје е имот на ИВЗ. Муфтијата Плуми Велиу реагираше дека земјиштето е предмет на денационализација, за што допрва треба да се одлучува. (А.Б.)

http://www.utrinski.com.mk/?ItemID=9A50185B5AA66D4CB49526CFB778003A

Св. Архангел Гаврил - Карпош, Куманово

Десет години се гради нова црква во Куманово,но објектот бавно напредува.На иницијатива на здружението Коледари и со поддршка од свештенството од Кумановско-полошката епархија, пред десетина години започнала изградбата на оваа црква,но досега е стигнато само до карабина.

На празник, чие што име го носи црквата, Св. Архангел Гаврил , кум беше градоначалникот,кој се обврза дека ќе ги поттикне бизнисмените во градот и сите кои можат да помогнат да дадат донации за црквата побрзо да биде завршена.

Црквата се наоѓа во кумановската населба Карпош, и ако градежните работи се забрзаат се очекува таа да биде готова најдоцна за две години.






Сликите се од јуниј 2012, моментално се ставени кровните плочи који на сликите уште ги нема.

Малку по надоле во населбата Доброшане се гради уште една црква, која истотака е во 3 фаза на градење.



Edited by Makedonij - 15-Jan-2013 at 19:16

Како ќе изгледаат новите конаци на манастирот Богородица Пречиста

Новите конаци на манастирот Света Богородица Пречиста се градат на местото на некогашните конаци кои изгореле кон средината на минатиот век. Камен темелник беше поставен на 2 Август, Илинден, на денот кога беа канонизирани светите пречистански преподобномаченици.

Како изгледале некогашните конаци:

http://kicevo.mk/konaci-precista/

Значително за него е и тоа шо во црквата има место и за не крстените, во предниот дел на црквата може да флеваат и муслимани, који, и ја посетуваат црквата поради чудотворната икона на Пресвета Богородица.

Во Ерусалим имаме локација за Македонска црква

Како мирјанин, Станинов апелира до МПЦ да најде сила и можности да направи фонд и да ја купи локацијата за црква, работа што, според него, е веќе 90 отсто завршена. За ова, како што вели, имаме поддршка од израелската влада, но и од нашите полубраќа Палестинците





Токму на местото каде што Исус Христос се движеше по патот на страдањето до Голгота, позната како улица Виа Долороса во Стариот Ерусалим, требаше да се наоѓа и храмот на Македонската православна црква-ОА. Работата беше речиси завршена, но и покрај неколкуте посети во 1999, 2000 и во 2001 година на Ерусалим, проектот за црквата замре. Вака Сашко Станинов, адвокат и поранешен функционер во Владата на Љубчо Георгиевски, објаснува како настанала идејата за верски храм на МПЦ во светата земја. Тој потврдува дека тоа можело да стане реалност уште во 1999 година, кога бил главен иницијатор и предводник на таквата идеја. Вели дека пред него, во 1999 година, во светата земја не бил никој од тогашната влада.
Неодамна, дознавајќи од дипломатски извори, „Нова Македонија“ објави дека во лобирањето за тоа како ќе се изјасни нашата држава во Обединетите нации по прашањето за приемот на Палестина како членка-набљудувач, наводно биле вклучени и двете страни, кои лицитирале со изградба на црква на МПЦ на териториите на Израел и на Палестина. Официјална потврда на информациите не можевме да добиеме ниту од македонските ниту од израелските или палестинските власти, но во разговор со аналитичари и црковни великодостојници, како и со упатените во односите на Македонија со Израел и со Палестина, дознавме дека идејата досега не е реализирана главно поради непризнаениот статус на МПЦ во православието. Дополнителен проблем е што Грчката црква во Израел има доминантно влијание во православието, што се оценува како сериозна пречка за каква било реализација на проектот.

Каде што се спојуваат крстот и месечината

Желбата на Станинов била голема и се појавила уште кога првпат го посетил Ерусалим. Токму на местото каде што требало да се наоѓа Македонската црква почувствувал огромна енергија.
- Првата посета на македонската делегација беше во 2000 година. Кога Ехуд Олмар беше градоначалник на Ерусалим, тогаш се роди идејата за храм на МПЦ во светиот град - додава Станинов.
Како што вели нашиот соговорник, тогаш имало предлози да поставиме табла со молитвата „Оче наш“ на местото каде што Исус ја кажал уникатната формула за отворање на патот до увото на неограничената енергија, што обичниот човек ја нарекува Господ, а квантните физичари - неограничена енергија. За разлика од тоа, сите патријарси и архиепископи заклучиле што е Господ - дека тој е неограничена енергија.
- Во Ерусалим не може да се гради. Затоа сакавме да купиме објект за црква. Тоа и се оствари - вели Станинов.
Тој додава дека во една од делегациите одлучиле црквата да не ја сместат на локација каде што ќе има големи врати што се отвораат со далечински управувач, туку објектот да се наоѓа на местото како што е претскажано во откровението по свети Јован.
- Таму се вели дека онаму каде што ќе се спојат крстот и месечината, еден библиски народ ќе направи црква и ќе го слави името божје. Ја имавме таа можност сликовито во таа персонификација да бидеме на тоа место - вели Станинов.
Во 2000 година во делегацијата се вклучил и владиката Наум, од струмичката епархија кој, како што вели Станинов, со сета сила и енергија настојувал да најде решение. Сепак, тој смета дека во целата идеја и борба, реализацијата на проектот црква во Ерусалим не му одговарала некому внатре во МПЦ.
- Сепак, Господ го чува тоа место за нас, ние сме божјата промисла. И премиерот Никола Груевски и челниците од МПЦ го знаат местото, за кое сопствениците добија понуда од 30 милиони долари и не ја продадоа локацијата. Плацот не смее да биде отуѓен ниту на Палестинци, ниту на Евреи - додава Станинов.

Црква во Ерусалим до 2018 година

Неговиот став за локацијата на црквата бил јасен. Тој инсистирал црквата да се наоѓа во светиот град, а не надвор од него, зашто само така ќе се создало нешто единствено и македонско.
- Нашата вековна желба и идеја на Ѓорѓи Наумов, ексминистерот за правда, кој се залагаше за законско одбележување на 2.000-годишнината од раѓањето на Исус се имплементира во Милениумскиот крст и на Плаошник - вели Станинов.
Како мирјанин, Станинов апелира до МПЦ да најде сила и можности да направи фонд и да ја купи локацијата за црква, работа што, според него, е веќе 90 отсто завршена. За ова имаме поддршка од израелската влада, но и од нашите полубраќа Палестинците.
- Драго ми е што на еден начин Македонија се придружи во групата на, не конкретно поддржувачи на Израел, туку поддржувачи на љубовта божја, односно изградив Музеј на холокаустот во Скопје и им ги врати имотите на Евреите - нагласува Станинов.
Тој вели дека Македонија со Израел не водела војна, нема никакви спорови во врска со јазикот, идентитетот, религијата. Станинов додава дека премиерот Груевски не ветил дека ќе го исполни ова, но затоа би сакал од душа да вети, ако не во проектот „2014“ барем во проектот 2018-та да се направи црква во Ерусалим.
Следната цел е таму да се постави молитвата на Господ на 99 имиња, чија универзална љубов се спојува на ова парче место, кое се нарекува Македонија.


„Оче наш“ на македонски во Ерусалим

Поглаварот на МПЦ, г.г. Стефан, во 2007 година извршил осветување на плочата со текстот на молитвата „Оче наш“ на македонски јазик со староцрковни букви во Ерусалим. Покрај неговото име, на плочата е потпишано и името на фамилијата Станинов-Вуковски.
- На тоа место каде што се наоѓа француската црква добивме дозвола и Господ дозволи да добиеме признание под нашето име. Плочата е на завидно место на влезот на самиот храм - вели Станинов.
Тоа била 155-та поставена плоча по ред. По неа, плочи се поставени на уште шест други јазици, но и текст за луѓе со оштетен вид.
Кога се лепела петтата табла за слепите на македонски јазик во Ерусалим паѓал снег, вели Станинов.


       
Автор: Радмила Заревска            
http://www.novamakedonija.com.mk/NewsDetal.asp?vest=1291390303&id=9&prilog=0&setIzdanie=22791

Edited by gjoko - 30-Jan-2013 at 01:02

вероватно конаци кои по обичај ќе ги користат `погорните` слоеви на МПЦ

Originally posted by lslcrew Еве нешто што најдов по нет.... Возобновување на црква Св. Димитрија - плоштад Охрид.Според кажувањето на г.Благојче Вељановски,со благослов на Митрополитот Дебарско-кичевски и Плаошкиг.Тимотеј,пред три години формиран е иницијативен одбор за возобновување на црквата Св.Димитриј–градски плоштад Охрид, и конституиран е исто и црковен одбор.Според проект,основата на црквата е со димензии: 17,5 м во должина, 12,5 м во широчина, на две висини и плус петте куполи и камбанарија со градски саат. Ваквата димензионираност се базира на преданијата за изгледот на старата црква,а проектот го има изработено архитектот Ристо Андоноски.Старата ранохристијанска црква св. Димитрија била изградена во VI век и постоела до доаѓањето на турците, во XIII – XIV ја срушиле и врз темелите изградиле џамија, која постоеше до 1947 година.Во 1961 година археолозите, Вера Битракова и Елена Чипанова при истржувањето на темелите утврдиле дека тука била црквата, а пронајдена е и иконата на Св. Димитрија и средишниот мермерен столб. Параклисов е изграден врз местото на нејзините темели.Во параклисот се слуша прекрасното византијско црковно пеење на презвитера Дивна Љубоевиќ. http://preminportal.com.mk/content/view/189/71/

Originally posted by Danielbtmk Postaven-kamen-temelnik-na-nova-crkva-vo-kocanskoto-selo-Vidoviste]Поставен камен темелник на нова црква во кочанското село Видовиште.Во присуство на голем број верници и гости од населените места Видовиште, Мородвис и Зрновци, во кочанското село Видовиште е поставен камен темелник на нова црква, која ќе го носи името на „Свети Климент Охридски“.Чинот на осветувањето на камен темелникот на новата црква го изврши Митрополитот Брегалнички господин Иларион во сослужение на свештено служители од Брегалничката епархија. Ова е уште еден храм од низата храмови што се градата под покровителство на Македонската православна црква и посебно сум среќен што на ова древно место ќе никне храм, кој ќе му служи на народот, како што тоа беше пред стотина години кога на овој простор постоеше Мородвишката епископија како епископски центар,истакна во своето обраќање пред присутните митрополитот Брегалнички,господин Иларион. Градоначалникот на Општина Зрновци Блаже Станков, во чиј атар се наоѓа селото Видовиште, потенцира дека црквата ќе се гради со сопствени средства и истата треба да биде готова за три месеци. Село без црква, е како народ без корен, па затоа ја градиме оваа црква на нашиот патрон Свети Климент Охридски, рече Станков. Финансиските средства се обезбедени од општинскиот буџет и донација од верници од општина Зрновци. Posted: 29-Mar-2012 at 14:55 By Danielbtmk

ставање на камен темелникот на црквата во с. Видовиште, на ден 29.03 четврток во 12 часот ги покануваме сите верници кои сакаат да присуствуваат на овој свечен ручек



Izgradba na crkvata vo tek vo Vidoviste...24. junij 2012





Црквата „Св Климент Охридски“ во с.Видовиште 28. januar 2013