Мостови (општо)

ЕСМ не е надлежно за санација на мостот ,,Беласица‘‘, туку само за повторно поставување на топловодните цевки

Затворениот мост Беласица не се знае кога ќе се санира за да биде пуштен за сообраќај. Од Град Скопје кратко ни одговорија дека во текот на наредните денови ќе ни дадат информација, што преземаат во врска со мостот. Засега единствено ЕСМ работи на терен. Отстранети се опожарените цевки од топловодната мрежа и почнуваат со инсталација на нови. Уверуваат дека нема да има прекини во снадбувањето со топлинска енергија оваа зима.

„Во моментов се вложуваат максимални напори инсталацијата да заврши во најкраток можен рок, со цел да се обезбеди сигурна и непрекината испорака на топлинска енергија до сите потрошувачи приклучени на дистрибутивната мрежа за следната грејна сезона. Санацијата на мостот, од друга страна, е во надлежност на Град Скопје. “

Директорот на институтот кој ги правеше проценките на штетите од пожарот, вчера информираше дека завршиле со инспекциски контроли и потребна ќе биде само лесна санација на мостот.

Мостот кој е една од главните артерии во градот, се поизвесно е дека нема да биде завршен до септември кога завршуваат летните одмори и почнува учебната година. Граѓаните ќе мора да патуваат и по еден час низ скопските улици, кружејќи за да стигнат до работа, на училиште, болница. Во неколку јавни настапи, уште пред месеци, градоначалничката на Скопје уверуваше на многу скоро пуштање на мостот. Мостот беше опожарен на 12 мај, по што веднаш беше затворен за сообраќај.

https://sitel.com.mk/esm-ne-e-nadlezhno-za-sanacija-na-mostot-belasica-tuku-samo-za-povtorno-postavuvanje-na-toplovodnite

Дупки на тротоарот на мостот „Обединети нации“ – Телма дознава утре затворен еден дел за негова санација



https://telma.com.mk/2023/08/30/dupki-na-trotoarot-na-mostot-obedineti-nacii-telma-doznava-utre-zatvoren-eden-del-za-negova-sanacija/

ГРАД СКОПЈЕ ПРЕД ЕДЕН МЕСЕЦ ГИ РАСКОПА ТРОТОАРИТЕ НА МОСТОТ „ОБЕДИНЕТИ НАЦИИ“ И ГИ ОСТАВИ ТАКА



Еден месец тротоарите на мостот „Обединети нации“ стојат раскопани и не се градат. Град Скопје на 15 август го откорна асфалтот од патеките за пешаци и велосипедисти од едната страна на мостот, во правец на движење од Влае кон Карпош. Поставени се прегради со кои е забрането движење и знак на Град Скопје дека се изведуваат градежни работи.

Но, иако е поминат цел месец, работите за поставување нов асфалт не се ни почнати, па мостот е небезбеден за движење на пешаци. Пешаците, велосипедистите, родителите со колички за бебиња и деца мора да се движат по коловозот на мостот кој е доста фреквентен и низ него се вози со голема брзина.

Од Град Скопје, како и во цел досегашен мандат на градоначалничката Данела Арсовска, не добивме одговор на нашето прашање зошто оваа фреквентна сообраќајница е раскопана и оставена така, со што е небезбедна за граѓаните.

Мостот „Обединети нации“ со години е во очајна состојба. Полн е со дупки и прокопи, а тротоарите се изрешетани па кога се минува низ нив се гледа реката Вардар. Деканот и професор на Градежен факултет Горан Марковски уште пред неколку години предупреди дека на мостот „Обединети нации“ му е потреба санација поради дотраеноста на некои делови.

Ексградоначалникот Петре Шилегов кон крајот на неговиот мандат најави дека мостот ќе се урива и ќе се гради нов со по три коловозни летни во двата правци, како дел од проектот за воведување на Брз автобуски превоз (БРТ). Но, со доаѓањето на функција на Арсовска овој проект беше стопиран, иако државата зема кредит од од 70 милиони евра од Европската банка за обнова и развој и сега плаќа камати од 350.000 евра годишно.

https://sdk.mk/index.php/dopisna-mrezha/grad-skopje-pred-eden-mesets-gi-raskopa-trotoarite-na-mostot-obedineti-natsii-i-gi-ostavi-taka/

К.Паланка

Градечки мост" и "Соларски мост" добиваат модерен и урбан лик со нова инвестиција - 14.000.000 денари, обезбедени од Владата на РСМ, преку ТАВ програмата.
Општина Крива Паланка со инвестицијата за реконструкција на овие два моста и дополнително, инвестицијата за изградба и проширување на централната градска улица, добива комплетно разубавен и променет лик на централното градско подрачје.







https://www.facebook.com/o.krivapalanka

На мостот „Беласица“ петти месец се вози по две ленти, новите цевки сè уште не се поставени

После осум месеци откако избувна пожарот на мостот „Беласица“, по мостот и натаму се вози само по две ленти, а поставувањето на топловодните цевки не е стигнато до никаде.

Градоначалничката Данела Арсовска неколкупати во изминатиот период изјави дека причината зошто мостот не се пушта во целост во сообраќај е поради безбедноста на работниците кои ги поставуваат цевките. Но, она што и денеска можеше да се види на терен е дека работници нема, а монтирањето на топловодните цевки, кои лежат на тревникот покрај мостот, не е ниту започнато.

На прашањето до ЕСМ до каде е монтирањето и кога во целост ќе завршат работите, оттаму нема прецизен одговор ниту објаснување зошто толку бавно се одвиваат активностите со оглед на фактот дека демонтажата на опожарениот топловод заврши уште кон крајот на август.

-Во текот на изминатиот период, ЕСМ Дистрибуција активно работи на санација на цевководот кај мостот Беласица. Успешно беа отстранети оштетените цевки и донесени се нови. Поставувањето на новите цевки е комплексна активност и бара сериозна посветеност и работа и се вложуваат максимални напори за санацијата да заврши во најкус можен рок. Додека траат активностите за поставувањето на новите цевки се користи алтернативниот вод на железничкиот мост кој има капацитет да врши континуирана испорака на топлинска енергија до потрошувачите – одговараат од ЕСМ.

Одговорот не се разликува од оној што го добивме уште во октомври, ниту пак укажува за каква комплексна активност станува збор што пет месеци по демонтажата на оштетените цевки уште не се започнува со поставувањето на новите.

Од почетокот на септември по мостот се вози само по две ленти, двете средишни не се пуштаат во употреба додека ЕСМ не ги постави цевките. Од Град Скопје тогаш потенцираа дека согласно експертскиот извештај за состојбата на мостот, утврдено е дека на него нема структурни оштетувања кои ја нарушуваат безбедноста.

Од извештајот е констатирано дека има површинско напукнување на надворешниот бетонски слој во средишниот дел на едната страна на мостот, предизвикано од горењето на изолацијата на топловодните цевки на ЕСМ, кое ЕСМ ќе го санира со цел поставување нови топловодни цевки како нивна обврска за овозможување непрекинато снабдување на граѓаните на градот со топлинска енергија, соопштија од Град Скопје.

Споменатиот извештај никогаш не беше презентиран во јавноста, а при крајот на годината, на мостот беше извршено тестирање со оптоварување од над 200 тона, за да се увиди дали неговата состојба е стабилна и дали е безбеден за сообраќај, со поставување на неколку натоварени камиони од двете страни по должината на мостот.

Според анализите, утврдено е дека мостот е во одлична состојба и е сигурен и безбеден за сообраќај и движење на граѓаните. Дополнително беше извршена прва фаза на пробно товарење, а во моментов се чека завршување на поставувањето на цевководот за топлинска енергија по што мостот ќе биде пуштен во целосна употреба – одговарија од Град Скопје за „Слободен печат“.

Од Градот очекуваме и одговор на прашањата дали тестирањето го изведувала лиценцирана фирма за испитување на мостовски конструкции која може да потврди дека мостот е безбеден или тоа го утврдиле вработени во ЈП „Улици и патишта“, но и на прашањето каква е поврзаноста на поставувањето на топловодните цевки со тоа што мостот не се пушта во употреба, односно зошто работниците би биле небезбедни доколку се одвива сообраќај на сите ленти на мостот, кога Град Скопје тврди дека мостот е во одлична состојба.

Во јавноста останаа неразјаснети многу дилеми околу мостот и нејасно е зошто доколку стануваше збор само за „козметичка“ санација, таа не завршува ниту осум месеци по пожарот.

Деканот на Градежен факултет Горан Марковски, непосредно по опожарувањето на мостот посочи дека доколку станува збор за мало оштетување на „Беласица“, санацијата ќе трае неколку месеци, ако е поголемо и цела година.

Безмалку девет месеци поминаа, а мостот не е целосно пуштен во употреба. Не знам што се работи сега таму, но предолго трае доколку навистина станува збор само за козметичка санација. Јас и понатаму сметам дека мостот не се испита како што треба – вели професорот Марковски.

https://gradska.mk/na-mostot-belasicza-petti-mesecz-se-vozi-po-dve-lenti-novite-czevki-se-ushte-ne-se-postaveni

В сабота ќе се прави ново товарење на мостот „Беласица“?

Мостот „Беласица“ наскоро би можел да биде пуштен за сообраќај и за тешки возила. Според информации на весникот ВЕЧЕР, оваа сабота треба да се направи второ товарење со шест полни камиони, распоредени еднакво од двете страни, за да се види во каква состојба е и дали е целосно функционален за сообраќај.

Тежината од 205 тони товар е приближно она оптоварување што го има мостот доколку е целосно исполнет со возила. Потоа ќе се врши мерење за да се утврди дали поместувањата од една точка до друга се во дозволените граници.

По една крајна лента во двата правца на овој фреквентен мост пред осум месеци (во септември 2023) беше пуштена за движење на лесни возила откако експертизата, на барање од Град Скопје, ја правеше Институтот за сеизмички отпорни градби и климатски промени, по големиот пожар што се случи лани во мај и покажа дека нема сериозни структурни оштетувања на конструкцијата и на преднапрегнатите кабли што ја нарушуваат безбедноста на мостот.

Тогаш професорот Михаил Гаревски од ИСОГКП рече дека му е потребна лесна санација на мостот, со оглед на површинското напукнување на надворешниот бетонски слој во средишниот дел на едната страна на мостот, предизвикано од горењето на изолацијата на топловодните цевки на ЕСМ, а таквите оштетувања се прифатливи според квалификациите прифатени во светот.

Потоа беше направено првото товарење, по кое поместувањата од таквото оптоварување беа во рамките на дозволените граници.

АД ЕСМ тогаш ги извади изгорените цевки од топловодот, требаше до почетокот на грејната сезона да постави нови за овозможување непрекинато снабдување на граѓаните на градот со топлинска енергија. Но, грејната сезона заврши, а цевките не се поставени.

Деканот на Градежниот факултет во Скопје, Горан Марковски, тогаш истакна дека се потребни продлабочени и пообемни испитувања за утврдување на состојбата на мостот за да може со сигурност да се каже дека може целосно да се пушти за сообраќај.

https://www.vecer.press/most-belasica/

Значи ќе има свечено пуштање во оупотреба пред избори на стар мост.

Изградени, но нефункционални – милионски мостови кои не водат никаде



https://mk.tv21.tv/izgradeni-no-nefunktsionalni-milionski-mostovi-koi-ne-vodat-nikade/

ПУШТЕН ЗА СООБРАЌАЈ ВО ЕДНА ЛЕНТА МОСТОТ НА ВАРДАР КАЈ БАШИНО СЕЛО ДОДЕКА СЕ ИЗБЕРЕ ИЗВЕДУВАЧ ЗА САНАЦИЈАТА



Мостот на реката Вардар кај Башино Село е пуштен за сообраќај, од ЈП за државни патишта (ЈПДП) најaвија дека тоа е времено решение. Сообраќајот се одвива со наизменично пуштење на возилата по средината на мостот, што се регулира со светлосна сигнализација. Може да сообраќаат автомобили, како и камиони со носивост до 40 тони. За оваа решение ЈПДП ги добило потребните дозволи од МВР.

„Врз основа на Одобрение за времена измена на режимот на сообраќај за време на санацијата, мостот на реката Вардар на регионалниот пат Р1312 делница Башино Село-Велес го стави во времен режим на сообраќај. Времен режим за регулирано одвивање на сообраќајот преку мостот е до воведување во работа на идниот изведувач на временото зајакнување на мостот“, соопшти ЈПДП.

По извршените дополнителни испитувања од стручни лица професори на Градежен фаакултет, одлучено е дека може да има движење по средината на мостот, оти тие столбови по широчина на мостот според анализите не биле оштетени, додека тие лево и десно, крајните од седумте на кои мостот се потпира, се оштетени. Санацијата ќе чини 320 илјади евра, ќе се третира долниот дел од мостот, горниот дел нема да се работи за да не се размрда од гребење на асфалтот и ставање нов. Ќе се поставува нов материјал на столбовите за да се зацврстат, најсовремено решение со третирање на мостот одвнатре. Монтирана е најсовремена опрема под самиот мост, која врши мониторинг 24 часа од безбедносни причини, секое движење по него се евидентира.

На прашањето кога ќе започне најавената реконструкција и кој ќе биде изведувачот, од ЈПДП кратко одговорија „Процесот е во фаза на еваулација, односно во фаза на избор на изведувач“. Соопштија и дека на јавниот повик за проектант на новиот мост кој треба да се гради на стотина метри оддалеченост од постојниот, се пријавиле три понудувачи и процесот е во фаза на склучување договор. Краткорочното решение, санацијата на мостот кај Башино Село, треба да го продолжи неговиот век на користење за 5-10 години.

„Целта на временото пуштање на мостот, е да се растовари сообраќајот во градот. Најлесно е да го затвориме и чекаме да почне реконструкцијата, но правиме сè за да се реши проблемот со сообраќајот во центарот на градот, да го олесниме животот на велешани“, кажа градоначалникот Марко Колев.

Мостот беше итно затворен на 3 јануари, по барање на Државниот сообраќаен инспекторат, откако од Градежниот факултет стигнале резултатите од редовната контрола која се извршува двапати годишно на оштетени мостови, кои покажале дека мостот е небезебден. Тогаш беше најавено дека мостот ќе биде реконструиран за три месеци. Новиот времен сообраќај создаде сообраен хаос низ градот, кога од еден во друг дел на Велес се патуваше по 30-40 минути. Мостот на Вардар, кај Башино Село го користат тешки возила, кои преку него влегуваат во индустирискиот дел на градот, но и за регионот на Азот, каде има каменоломи и се врши сеча на огревно дрво. Сега сите тие камиони во текот на ноќните часови, кога е доозволено да сообраќаат низ Велес, минуваат низ центарот на градот. Мостот е изграден 1971 од ЈНА како времен објект.

https://sdk.mk/index.php/dopisna-mrezha/pushten-za-soobrakaj-vo-edna-lenta-mostot-na-vardar-kaj-bashino-selo-dodeka-da-se-izbere-izveduvach-za-sanatsijata/