Од регионот (општо)

Ај те молам објасни ми зошто е тоа така!?

И што ако е во центар на балканот?
ПС Ниш е географски центарот на балканот но како и да е.
Ние да гледаме со Солун и Белград да се поврземе-патот кон Европа а Азија и Софија ќе причекаат,тоа апсолутно не е приоритет и не треба ни да биде бар не додека не се усоврши коридор 10.

@Денко: Мостот (БГ-Нови Сад) е готов, сега е затворен стариот (НОви Сад-БГ)заради реновиранје, така да сообраќајот се одвива целосно-во двата правци по новоизградениот. Прочитав дека до крај на годината треба да биде завршен. Кога јас поминав немаше мн гужва, но сепак е тесно грло.

@Block: Во врска е коридорите - не дека не е потребен коридор 8, но тука се јавува факторот време и кризата во Европа. Супер би било кога би имало автоапт од ОХ до бугарска граница. Но тој коридор веќе нема економска тежина, и поважно, тешко се најдуваат ефтини кредити за изведување. ЈАс верувам дека во наредните можеби 2 децении не ќе можат да се најдат. А нерационално е државата да почне да го гради. ПО мене можеби треба да се изведе железничко поврзување со Бугарија, не знам колку остана неизградено во времето на Бранко и уште колку пари треба.
Македонија треба да има алтернатива за К10, а тоа е поврзување со К4, кога тој ќе биде комплетен, и К8. Србија стана непредвидлива. кракот према Албанија... тешко дека ќе биде изведен. Албанија избра приоритет поврзување со КОсово и понатака преку К10 преку Србија, како и преку Јонско-ЈАдранскиот коридор, се разбира кога ќе почне да биде оперативен.

МОра да се има во предвид и демографијата, во Македонија, КОсово нема раст на население, а во Албанија дури и се намали заради иселување (сега ги има 2,7 милиони а пред 10 години беа 3,5 мил). Да се предвиди раст на економија дури и да биде 5%, колку што вели Груески за неколку години, сепак нема да има толкав обем за изградба на целиот К8.

Значи да заклучам, довршување на к10 кај Демир капија, и поврзување со Бугарија како опција. И ништо повеќе. Освен регенерација на постоечката внатрешна патна мрежа

Originally posted by Block Затоа што Македонија нема да има никакви реални придобивки. А Македонија уште се нема зафатено со коридор 10 камоли да се замараме со друго. секогаш повеќе се преферира Солун наместо еден град во периферијата како Софија.

Е , аз преди година писах че коридор 8 няма никакво значение ,поне за България.
Дълги години македонските власти не бяха заинтересовани по политически причини. Сега българскте власти не са заинтересовани по икономически причини.Няма никаква логика да влагаш няколкостотин милиони евро в проект с държави ,които поне за близките 20 години са извън европейската интеграция.Коридор 8 се появявя предимно в МК. и то когато наближат избори или има някакво вътрешно напрежение .
С магистралата до Игуменица , от която на всеки половин час тръгват фериботи към Италия при които стоките патуват без да бъдат обмитявани , няма никаква нужда да си строи пътен и жп. транспорт през Мк. и Албания.
С открването на Дунав мост 2 при Видин , с пускането на магистрала Струма от София към Гърция , целият транспорт от Северна към Южна Европа ще минава по тоз път.Да не говорим че в момента с Катар и Турция се водят преговори за два нови скоростни пътя.
Предполагам Белград е по-важен за Скопие отколкото София , но при положение че в единия град се срещат 2 коридора , а в другия -4 ,всеки сам може да си направи изводите.
Доколко София е периферен за Скопие е въпрос на политка , при положение ,че оттук ще мнават основните ауто и жп. коридори изток-запад и север-юг.
А и връзката на Мк. с Русия , Южен поток ,бившите съветски републики и цяла Азия минава през България , не през Сърбия.
Въпрос на прагмтично мислене.


Edited by Galileo - 04-Jul-2012 at 20:45

Галилео, тоа е погледот на Бугарија, но не и на Македонија.
Прво во Македонија минуваат само 2 коридора, додека во Бугарија минуваат цели 5 коридора. Македонија е многу позависна од коридорот 8 отколку е Бугарија зависна од него. Затоа токму Макеоднија, која е земја централно поставена спремо коридорот 8 најмногу би добила од неговата изградба бидејќи ќе бенефицира и од транзитот помеѓу Бугарија и Албанија. Македонија за Бугарија е можеби 10та+ трговска партнерка, додека Бугарија за Македонија е помеѓу Топ5те ако не и Топ3. Како помала земја, со помалку ресурси и полоша географскиа положба, Македонија е далеку позависна од Бугарија отколку обратно и затоа не треба да се изедначува бугарскиот со македонскиот поглед на К8. Бугарија наскоро ќе биде поврзана со автопат кон сите (до еден 5 соседи освен со Македонија, каде автопатот Струма ќе минува на 15 километри од нашата граница), додека Македонија останува сврзана со никого! Грција е во тешка состојба, а политичките односи се катастрофални, а во Србија или Централна Европа колку што знам јас последното море било пред милјарди години во Панонија! 

Втора работа е фактот што Софија е најблизок голем град за Скопје, што не важи и обратно. Во Софија има многу големи светски компании каде што работат не малку Македонци. Последниве години има многу директни или индиректни (преку лиценци) инвестиции во Македонија (нпр. менаџерот на Скопје Сити Мол е Бугарин колку што разбрав-Ивајло Иванов), така што Софија станува се поважна за Македонија и покрај политичките опструкции. А колку наши студенти има во Бугарија и колку наши државјани работат во Бугарија, особено во Софија? Илјадници, ако не и десетици илјади!

Трет фактор е што Коридорот 10 е далеку понепредвидлив кон Грција отколку паралелниот Коридор 4. Станавме сведоци на блокади на грчката граница, но само спрема Македонија, но тоа не беше случај и на границата со Бугарија. Поради политички причини Македонија не може и не смее да се наслони на Грција и да си дозволи да и биде единствена врата за стоката кон светот. Јасно е дека требаат алтернативи и тоа нашиот бизнис јасно го кажува (дури моли и апелира) секои неколку месеци, континуирано!

Не би се сложил дека К8 за Бугарија не е важен. Па од 500 километри автопати, на бугарска територија се изградени 400, што е веќе 80% од вкупната должина на коридорот. Пругата пак во Бугарија е изградена 100%, до самата македонска граница.
Наспроти ова, во Македонија се изградени само околу 33% од автопатиштата долж К8 (околу 100 километри од околу 300), додека железницата не бележи многу поголеми резултати.
Многу битна работа е фактот што долж К8 во Македонија се наоѓа и нашиот најголем туристички центар-Охрид, што без изграден автопат до Скопје, јас навистина незнам како мисли да развива туризам, макар и на најниското сегашно ниво. Со изградба на автопатот до Охрид, значајно се скратува и олеснува патувањето и кон Кичево и Струга бидејќи се елеиминираат планинските превои Стража и Пресека (кои за Македонија се важни како Шипка или Хаинбоаз за Бугарија)! Баш Кловер напомена пред некој месец колку значајно би се скратил патот доколку се изгради делницата Гостивар-Кичево.

Па мајку му стара, Македонија навистина не е Зимбабве па да не може да си дозволи да гради и пушта по 50км автопат годишно, тоа се само некакви 150 милиони евра, кои сега одат за златни статуи, огради, фасади и централини банки брцнати на сред плоштад. Аргументот дека пари нема едноставно неважи, а и дококу би важел задолжување со намена изградба на толку важна инфраструктура е тотално оправдано!

Да сумирам, вака ги гледам приоритетите во Македонија, патни правци без кои не би смееле да останеме и тоа би требало да ги започнеме сите наеднаш, час поскоро:

Долж Коридорот 8 тоа се следниве делници:

Гостивар-Кичево (околу 30kм/под 100 милиони евра)
Охрид-Мешеишта (околу 20км/под 50 милиони евра)
Куманово-Страцин (околу 30 км/под 70 милиони евра)

ВКУПНО 80 км/околу 200 милиони евра за период од 3 години се по 70 милиона годишно, што е смешна цифра!
Остануваат само потешките делници како Кичево - Мешеишта и Страцин-Кр. Паланка-Бугарска граница, која особено втората не ја гледам како потребна во следниве 10 години за разлика од првата.

Останатите приоритетни делници се:
Скопје-Блаце (15 км/под 50 милиони евра)
Миладиновци-Штип (околу 45 км/под 130 милиони евра)

Сепак доколку морам да бидам од овие делници, според приоритетност, одма би почнал со градба на Гостивар-Кичево, Охрид-Мешеишта, Миладиновци-Штип и Скопје-Блаце.

Делницата Куманово-Страцин разбирам дека во моментов нема доволно сообраќај за автопатско решение, но треба да се гледа подолгорочно. Најзапустените региони и градчиња како Кр. Паланка и Кратово ќе бидат многу подобро поврзани. Но, има уште еден можеби позначаен фактор. Имено со тоа би се пратил сигнал кон Бугарија дека Македонија конечно работи на поврзување преку автопат, па зошто да не и колективно паралелно градење барем на дел од автопатот Скопје-Софија. Ние до Страцин, тие до Радомир или Ќустендил за почеток. Барем да се изградат уште по 30 км автопат од секоја страна и веќе патот помеѓу овие два града ќе биде скратен за еден час.

Навистина незнам од каде доаѓа оваа фобија кон автопати кај нас и толкав страв пред нивното градење. Да не се лажеме изградба на автопати денес не е никаков голем или рискантен проект, а за среќа кај нас таа потреба сеуште чини многу ефтино. Во една Романија веќе цените за изградба на километар автопат се движат околу 8 и 10 милиони евра! Треба да се фати последниот воз! Да не се лажеме дека Македонија може воопшто да просперира доколку не ги изгради сите овие од мене горе-споменати делници, развој без основна инфраструктура е невозможен! И да не се заблудуваме-Македонија има капацитет (и умствен и технички и финансиски) за изградба на автопати и тоа со брзи темпови, недостасува само политичка волја, одговорност и далекувидност! Иначе штом можевме во 90тите години да пуштиме околу 100 километри автопат, зошто да не можеме сега?! Бидејќи темата кој колку и кога изградил е многу актуелна деновиве (без притоа да фаќам политички страни), треба да се признае дека буџетот на Македонија пред 15 години беше најмалку 5 пати помал отоколку што е сега! Значи тогаш многу поголем дел од стредствата се наменувале за изградба на голема инфраструктура, а сега таа бројка клони кон 0 евра, кога станува збор за автопатишта. Замислете како ќе изгледаше патувањето до Гостивар, доколку така мислеле и пред 15 години кога се градеше овој дел!? Кошмарно! Јавноста наместо да се плаши, треба активно да притиска и да захтева од власта изградба на крупна и неопходна инфраструктура!


Edited by Andrej_LJ - 04-Jul-2012 at 22:27

Автопат Марица (Оризово - Димитровград - Харманли - Свиленград - Турција)  А3 Е80

Още веднъж ке кажем дека съм согласен со повекето от твоите анализи.
Ако и да сум болгарин и аз не я жалим БГ.
Отговорот беше на кои повеке му е нужен коридор 8.
Ке биде интересно да чуеме повеке мнения от моето , твоето , на Павче и Block.

Би се осврнал само на дел од вашата дискусија.

Многу ми е смешно-жалостен аргументот дека Македонија не била интересна за Бугарија. Како аргументи наведени наводната „заостанатост“ на Македонија или пак заостанатост во ЕУ интеграциите. Овој дел не го насочувам кон она што го кажаа Галилео или Павче како поединци туку генерално кон ова очигледно популарно мислење во Бугарија. Се работи за истиот комплекс кој порано го потхрануваше она чувство на супериорност кај југословенските народи кон земјите позади железната завеса. Всушност, со децении дремејќи на дното на повеќето европски ранг листи од било како тип се работи за очајната потреба да постои барем една „полоша“ земја, за да не би биле последни. Во последните години, со шизофреничното однесување, Македонија стана погодна за ваква употреба во Бугарија но и пошироко на Западниот Балкан. Ние секако не сме имуни на идентичниот синдром. Всушност од секогаш сме го имале. Но најдобрата паралела во дадениов момент би бил нашиот однос кон Косово и Албанија, кои потценувајќи ги на сличен начин ги испуштаме како феноменални можности да излеземе од границите на нашата држава и да го етаблираме нашето економско и политичко влијание пошироко.

Како всушност стојат работите? Земјите и од западниот и источниот балкан стојат многу многу слично по сите параметри и разликите може да се мерат единствено во нијанси. Со исклучок на Хрватска и Словенија, тие се барем една класа полоши од вишеградската група па и балтичките земји и неколку класи полоши од повеќето западноевропски земји.

Моментумот кој Бугарија го има сега (во смисла на инфраструктурен развој и сл) е многу позитивен и сигурно ќе донесе свој позитивен придонес во многу сфери на животот во Бугарија. Но тој е далеку од некакво светско чудо кое што Македонија (или било која друга земја) не може или нема да го стигне и тие пресврти може да се случат многу бргу (има огромен број примери во последниве 20 години и во регионот и пошироко).

Да скратам. Како соседи, без никакви „романтични“ (или пост „романтични“) елементи земени во предвид, Бугарија мора повеќе да се интересира за соработка со Македонија и обратно Македонија со Бугарија. Софија-Скопје-Тирана (+ Приштина како крак) мора да се претвори во нова оска на комуникација и размена на Балканот, тоа е единствено логично. Доколку активно се градат тие релации, Коридорот 8 ќе се наметне самиот како прашање и како потреба.

Овде се дискутира за економската исплатливост на К8. далеку од тоа дека е важен за Македонија. НО се согласувам дека не е важен за Бугарија и за Албанија. Па ни за Косово. А тоа значи дека не е важен ни за ЕУ, нејзините фондови, банки и инвеститори. Затоа и нема да се изгради! МОжеме да фантазираме колку што сакаме. Затоа пак ќе потвлечам, за МАкедонија е доволно крак од Куманово до Деве Баир, и спојување со пругите. Не мора ни автопат, може како Те-Гостивар.
А од Гостивар до Охрид, па натаму до Драч, ЗАБОРАВЕТЕ. да не се заборава дека ако К8 сака да биде меѓународен коридор, треба дасе прошири и пристаништето во Драч. а тоа се веќе сериозни пари.

Ова другото, дали Бугарја е заинтересира, дали не сака, дали сме ние или други најлоши на светот е муабет за пред селска кафана.

А за Охрид како туристички центар поважен е аеродоромот отколку К8.