Ова со натписите како некој србин/хрват/босанец мајтап да си играл со Македонскиот јазик + не е на кирилица.

Во најскоро време мора да са поправат овие работи.

+

Скиснато ми е од вакви мали, но МНОГУ значајни пропусти.
Можеби Македонија треба да има посебно тело што ќе се занимава токму со вакви работи.

Edited by theMac3donian - 16-Jun-2011 at 14:09

Нема ништо погрозно од македонски јазик напишан на латиница.Ова по ИТНО да се исправи.

МИНИСТЕРСТВОТО ЗА ТРАНСПОРТ И ВРСКИ НАЕСЕН ЌЕ ОБЕЛОДЕНИ ДАЛИ ЌЕ ВЛОЖИ ВО ОСТАНАТИТЕ ФАЗИ

Новите жичници зависат од продадените карти



Конечната одлука за изградба на втората и на третата фаза од овој проект ќе ја донесе Министерството за транспорт и врски, а пресудни ќе бидат бројките во извештајот на Јавното сообраќајно претпријатие „Скопје“ за посетеноста на правата фаза од Средно Водно до Милениумскиот крст

Посетеноста на новата жичница ќе биде пресуден фактор Министерството за транспорт и врски да одлучи дали во иднина ќе продолжи со изградба и на втората и на третата фаза од оваа туристичка атракција во парк-шумата. Извештајот треба да го добијат од Јавното сообраќајно претпријатие до септември годинава.

Како што е познато, првата фаза беше комплетирана минатиот месец, воедно ставена во функција, и тоа од Средно Водно до Милениумскиот крст. Почетната станица на втората фаза е планирана кај Институтот за белодробни заболувања во Козле, па с` до Средно Водно, а третата секција, како што беше објавено на почетокот од градежните работи на овој проект, треба да почнува од кај црквата „Свети Јован Крстител“ и да оди с` до болницата.

- Анализата за посетеноста и исплатливоста ќе покаже дали се исплати да се градат останатите фази. Доколку анализата биде позитивна, ќе се пристапи кон изградба на жичницата на релација Скопје - Средно Водно - потенцираат од Министерството за транспорт и врски.

Надлежните не одговорија кој е прагот и задоволителната бројка што им е потребна за да одлучат дали ќе инвестираат во заокружување на овој проект.

Објаснија само дека во согласност со договорот, австриската компанија „Допелмаер“, која беше избрана на тендер за изградбата, беше обврзана да изработи основна техничка документација за трите секции, но да ја гради само првата фаза.

Директорот на Јавното сообраќајно претпријатие „Скопје“, Мишо Николов, кое го стопанисува првиот дел од жичницата, изјави дека во извештајот што го изготвуваат ќе приложат податоци за бројот на продажбата на карти.

Според него, сега засега интересот на граѓаните за возење со жичницата не спласнува.

- За две недели, откога е во функција, се возеле приближно 44.000 граѓани. Најголем број од нив ја посетуваат жичницата за време на викендот, додека во работните денови тој број е помал, иако и тогаш има интерес. Во текот на работните денови се продаваат помеѓу 500 и 1.300 карти - информира директорот.

Појасни дека во работни денови сообраќаат два автобуса до Средно Водно, а за викенди засилуваат со повеќе.

- Тогаш капацитетот и не е исполнет. Се возат по 15 до 20 луѓе во автобус. Меѓутоа, во саботите и во неделите, кога е и најголем бројот на граѓани, пуштаме во сообраќај уште два автобуса, и тогаш сите се преполни - рече тој.

Според бројките што ги кажаа надлежните при пуштањето на првата фаза на 3 јуни годинава, кабините се движат со брзина од 6 метри во секунда. Од Средно Водно до крстот се стигнува за 4 минути и 18 секунди. Има вкупно 28 кабини, кои собираат по осум патници, и две за четири патници. Воедно во нив може да се пренесуваат и велосипед и скијачка опрема.

Вкупната должина на целата траса е околу 3.000 метри и чини 6,7 милиони евра.

Од јули поскап билет за возење

До крајот на овој месец билетот за возење на возрасни ќе чини 50 денари, додека за деца и за стари лица возењето е бесплатно. Од јули картата ќе чини 100 денари за возрасни и 50 денари за деца. Само во вторник и во петок пензионерите ќе имаат можност за бесплатно возење, онака како што Градот изгласа Одлука и за возење во автобусите на ЈСП.

http://www.dnevnik.com.mk/?ItemID=E2F5F4D75D6ECB44AA7F27232DDCE2E5

точно, за да опстои како превозно средство треба да има квалитетни дестинации, а кај нас, освен „брилијантната“ идеја за манастир, ништо не се инвестира
главно жичарницава треба да работи во функција на крстот, бидејќи оние што се дојдени за рекреација на водно и чист воздух, а не да го посетуваат крстот како туристичка атракција... сите посетители на водно може да се земат во предвид само кога ќе биде изградена целосната линија, бидејќи тогаш ќе има профит од општо посетители на водно, а не само од оние на крстот, па да доаѓаме до ситуации да се дума вака
уште од сега жичарава ми личи како да е пропадната инвестиција бидејќи моментално се користи само бидејќи е новитет, ако не се мисли на идни времиња, со текот на времето нејзиниот тренд ќе се излити

Жичницата на Водно за викенд ќе работи од 9 до 21 часот


Жичницата “Милениумски крст“ секој петок, сабота и недела ќе работи со продолжено работно време, од 9 до 21 часот.   

Возењето на жичницата за возрасните граѓани над 62 (жени) и 64 (мажи) години и за децата до шест години не се наплатува, додека за другите, цената на билетот е 50 денари. Но, цената од 50 денари за билет ќе трае само еден месец, односно ќе биде промотивен период. Откако ќе заврши промотивниот период од еден месец, билетите за возрасни ќе бидат 100 денари, а за деца 50 денари, додека на постарите граѓани нема да им се наплатува билетот.

Жичницата што го поврзува Средно Водно со “Милениумскиот крст“ располага со 28 кабини за по осум лица и две ВИП кабини за по четири лица. За прв пат беше пуштена на трети јуни.

http://www.netpress.com.mk/vest.asp?id=88175&kategorija=1

Добра вест но сепак додека не се збогати содржината во и околу крстот нема поента качување. Што ќе рече секој што бил еднаш нема никаква причина да оди и по втор пат. Туку јас се надевам дека ќе се најде човек со идеи и на просторот околу крстот ќе му се случи она што се случува со золошката градина. Но како прво и основно треба да се обнови и осветли крстот .

Што се однесува до вториот дел на жичарницата мислам дека за сега нема потреба. Она што треба да се направи е сепак да се забрани до средно водно да се вози со кола. Решението го гледам во паркинг некаде на подножјето на водно а качувањето до средно водно да биде исклучиво со автобуси. На почеток со овие кои ги имаме а подоцна со панорамските. И онака констатиравме дека плус 15 те кои се нарачени се премногу. Мислам дека на овој начин добро би се икористиле.

Edited by kultuzin - 23-Jun-2011 at 12:58

Доколку се продолжи до матка уфф ке биде топ, мислам дека подобро е да се продолжи од водно до матка, од колку од козле до средно водно ,тогаш навистина ке имаме јаки глетки ,и многу јака атракција што според мене ке привлече туристи.

Cloverstack@ измерил и вика 8км =)

Крстовар - Матка = 17км по земјен пат. Бидејќи жичарница би се градела по воздушна линија оддалеченоста би била околу 16км. Имајќи в предвид дека сегашната жичарница е долга 1,6км и чини 6,7 милиони евра, инвестицијата за жичарница до Матка би била околу 67 милиони евра. Со овој податок би требало да заврши дискусијата околу шпекулацијата дека жичарницата ќе се продолжува до Матка.

Добро за жичарницава секој ден ќе има вести колку луѓе влегле дали ќе се доградува...па пред месец дена се отвори, а више се прават триста анализи за иднината,претерано според мое мислење.