Сообраќајна сигнализација и информативни табли

Message Topic Search Topic Options Post Reply Create New Topic Printable Version

Еве ќе почнам со сообраќајната сигнализација на обиколницата (конкретно патоказите), затоа што таа е најнова и нормално е да очекувавме барем делумно корегирање на досегашниот дилетантски и импровизаторски однос кон овие работи.
Но за жал излезе дека покрај старите болки, се воведуваат и нови грешки и недоследности.

Прво ќе го кажам тоа што е за пофалба:

- Големи патоказни табли

- Воведување на знаци со симболите за најава на излези и јазли

- Конструкциите за поставување на таблите изгледаат квалитетно и масивно

Е сега следува подолгата низа на работи кои не се ок:

- Апла погрешни патокази, со турлитава во нумерацијата на патиштата, која не само што не е точна туку од патоказ до патоказ е и контрадикторна на самата себеси (Овој случај е кај клучката Стенковец. Иако патоказите не се на самата обиколница, тие се сега новопоставени во функција на обиколницата)
За ова и им пишав до фондот, ама одговор не добив. Мислам дека грешката до сега требало и сами да ја увидат и да ја корегираат, но за жал тоа сеуште не е случај.

- Ставање на цртичка кај броевите од Е-мрежата. Треба да е Е65 на пример, а не Е-65.

- Употреба на францускиот јазик. Знам дека ова го воведоа како некаква регулатива, ама е тотална глупост и треба што побргу да се менува. Нема тотално занемарливи „поволности“, а само прави гужва, одзема простор и ја прави сигнализацијата потешка за читање.
Интересно, ги постирав сликите од обиколницата на еден холандски форум, а од таму бргу го најдоа патот и до ССЦ. И на двете места форумашите веднаш реагираа со чудење и критика за францускиот кој очигледно на сите им изгледа како промашај, освен на некој наш бирократ што добил „бистра“ идеја.

- Воопшто недоследна употреба на јазиците.
Прв пример: кога веќе инсистираат на странски јазици, зошто за поедини топоними се
користи латинска транскрипција со условно кажано српско-хрватски букви - Priština
Друг пример: недоследниот превод Обиколница - Transit - Peripherique. (и ова упадна во очи на ССЦ)
Трет пример: недостаток на кирилица на знаците кои ги одбележуваат вијадуктите и реката лепенец. Ова не е само недоследност во сигнализацијата, туку и кршење на законите на РМ.

- Недостаток од наведени дестинации. Ова е проблем сам по себе, но е уште почудно кога ќе се земе во предвид дека некои табли се доволно големи за да се впишат уште дестинации а стојат скоро празни, а од друга страна некаде ќе се прави непотребно повторување со употреба на француски, наместо тој простор да се искористи за корисна информација.

Edited by Cloverstack - 28-Jul-2008 at 08:34