[А2] Деве Баир - Ќафасан

Крстосницата-убиец ќе влезе во Коридорот 8

Оштетена магистралата кон Деве Баир

Надојдената Крива Река на повеќе места ја оштети магистралата кон Деве Баир, поради што на тие места транзитот кон Бугарија привремено се одвиваше по една коловозна лента. На повеќе места надојдените води го поткопаа патот на неколку километри од излезот на Крива Паланка, а најкритично беше на делницата кај местото Дервен. Урната беше и заштитната ограда на овој меѓународен пат.

- Привремено ги санираме штетите на поткопаниот пат и ја обезбедуваме делницата за сообраќај. Поставени се патокази и знаци за предупредување и внимателно возење на овој дел од магистралата. Сега се прави процена на штетите, но потребна е и целосна заштита со поставување бетонски столбови, за што се известени сите надлежни органи во државата. Бидејќи станува збор за меѓународен пат, по кој секојдневно минуваат голем број возила преку граничниот премин на македонско-бугарската граница, неопходно е обезбедувањето на делницата да биде направено што поскоро - вели Игор Тодоровски, раководител на РЕ на „Македонијапат“ од Крива Паланка.

Кривопаланчанци велат дека не виделе толкаво зголемување и излевање на Крива Река речиси 40 години, кога биле однесени повеќе деловни објекти и мостови во центарот на градот. Коритото на реката деновиве достигна широчина од над 40 метри, а жителите од селата Узем и Костур се целосно отсечени поради урнатиот бетонски мост кој ги поврзуваше со магистралата и со градот.

- Веќе 4 дена целосно сме блокирани, нивите се поплавени, а реката се претвори во море. Со намалувањето на нивото на водата штетите се' повеќе се гледаат, насекаде има паднати електрични столбови, искорнати дрвја и наноси, а поткопана е и трафостаницата. За среќа, избегната е многу поголема катастрофа. При најинтензивните врнежи нивото на реката беше само 50-ина сантиметри пониско од јаловиштето на рудникот „Тораница“ и малку недостигаше тоа да се урне и да не' однесе сосе куќите, а целото село да го снема - велат жителите од Узем.

Локалната власт работи на санирање и проценување на штетите.

- Формирана е Комисија за утврдување на состојбата и на штетите, а механизацијата и оперативата постојано работат на терен. Но, секој ден се јавуваат нови оштетувања, така што Општината не може да постигне сите да ги санира. Штетите се огромни, ни недостига механизација и не знаеме каде попрво да интервенираме - вели Бранко Велиновски, раководител на одделението за инспекциски надзор.

Од Општината велат дека најприоритетно е да се регулира коритото на Дурачка Река во населениот дел од градот и да се изврши расчистување на насадите на дрвја по течението на Крива Река од Узем до Конопница, кои го изместуваат текот на реката и прават големи штети. Токму овие две подрачја и најмногу беа погодени од надојдените води на реките.

Ќе се регулира „раскрсницата-убиец“ кај Здуње