Украдени над 30 садници од жардиниери во Автокоманда
Чуварската служба на ЈП „Паркови и зеленило“ вчера фати крадец на садници од жардиниерите во Автокоманда.
Од
6 март кога почна садењето во бетонските жардиниери на булеварот
„Александар Македонски“ се украдени над 30 зимзелени садници од
различен вид. Најголем дел од украдените садници се увозни и ги нема во
нашите расадници.
За уредување на зеленилото во Автокоманда
минатиот месец беа набавени 100 листопадни садници, 50 калемени вида и
600 зимзелени садници. Чуварската служба на претпријатието е ангажирана
24 часа, но и покрај сите мерки на заштита, сепак, се случуваат кражби.
Јавното претпријатие апелира до граѓаните кои ќе забележат ваква појава
во зелените површини да ги информираат на телефон 070 /508-260 и 02
/3062-677. (Н.Б.)
Изгледа беа озбилни со овие инспекции!!! Се надевам ќе продолжат !
За секој фрлен отпадок - казна
Градските комунални инспектори продолжуваат со казни за секој
фрлен отпадок на јавна површина. Минатата недела за само еден ден се
казнети пет граѓани. Со 30 евра е казнета една скопјанка за фрлен
отпушок во паркот жена Борец, а исто толку ќе платат и четворица
возрасни мажи за фрлен отпадок.
-Комуналната градска инспекција согласно законските прописи веќе два
месеца врши контрола низ градот и досега со асистенција на полицијата,
на околу 50 граѓани им врачи платни налози за сторените прекршоци,
оставање, фрлање или горење на отпад на јавни површини. Во случај да
платат на самото место или во рок од 8 дена, казната ќе им биде
намалена за 50 отсто. Во спротивно ќе мора да платат цел износ, но и
трошоци за прекршочна комисија, објаснуваат во Градот. Оттаму додаваат
дека казните се и до 200 евра.
Додека комуналните инспектори велат дека казните имаат позитивно
дејство врз граѓаните, скопјани, иако главно ја поздравуваат акцијата,
сметаат дека треба да се реагира не само во централното градско
подрачје, туку и во останатите делови од градот.
Апел до граѓаните да не ја нагрдуваат урбаната слика
Комуналната инспекција на Општина Аеродром заедно со сезонските
работници постојано регистрира уништени кошници за отпадоци поради тоа
што некои граѓани во нив ги оставаат кесите со ѓубре наместо да ги
фрлат во контенјерите. Последниве денови таква појава е забележана на
автобуската станица спроти ТЦ „Скопјанка“, каде што кошниците за
отпадоци секојдевно се полни со домашно ѓубре. Со ваквиот нецивилизиран
однос на дел од граѓаните, покрај нарушувањето на животната средина, се
нагрдува и урбаната слика на општината. Општината Аеродром повторно
апелира до своите граѓани да не го фрлаат домашното ѓубре во кошниците
за отпадоци, ниту на кое било друго недозволено место, бидејќи за
отпадоците од домашното ѓубре постојат контејнери кои ги празни и чисти
ЈП „Комунална хигиена“. Граѓаните кои ќе бидат фатени на самото место
како фрлаат смет во кошничките, ќе бидат казнети од Комуналната
инспекција на општината. Исто така, со цел да се подобри животната
средина и да се подигне културата, Општината ги повикува граѓаните,
доколку забележат вакви појави, да ги пријават на телефоните 2 401-528
и 2 401-533 и на и-мејл адресите: aerodrom@aerodrom. gov.mk и
odnosi.so.javnost @aerodrom.gov.mk. (Н.Б.)
ИЗРЕЧЕНИ УШТЕ 11 КАЗНИ ЗА ФРЛЕН ОТПУШОК И ОТПАД НА ЈАВНА ПОВРШИНА
Градската комунална инспекција, вчера, на две
локации во градот, спроведе акција за казнување на несовесните граѓани
кои фрлаат отпушоци и отпад на јавна површина. Во вчерашната акција,
која се спроведе во близина на ТЦ Бисер и на градскиот плоштад,
градските инспектори изрекоа 11 мандатни казни.
Градска комунална инспекција, во согласност со Закон за управување со
отпад, а со асистенција на полицијата, во изминативе три месеци, врачи
52 платни налози за незаконско оставање и фрлање отпад и догорчиња на
јавна површина.
Казната за фрлен отпушок на јавна површина е 30 евра, а доколку
прекршителот го плати надоместокот за сторениот прекршок во рок од 8
дена, од врачување на платниот налог, глобата би изнесувала 50%.
Инаку, казните за нарушување на комуналниот ред во градот, во зависност од прекршокот, се движат во висина од 30 до 200 евра
По
првомајскиот пикник, екипите на „Паркови и зеленило“ вчераутро од
Градскиот парк собраа три трактори смет, односно 15 кубни метри
различни отпадоци-хартија,пластика,стаклена амбалажа и друго. Од
карактеристичниот пејзаж Гази Баба екипите собрале околу 400 килограми
ѓубре, а ќе продолжат да чистат и викендов, за кога се очекува да
соберат уште 500-600 килограми ѓубре. На Водно, само од паркиралиштата
и од патеките се собрани над еден тон отпадоци. Планината ќе се чисти и
наредниве денови, а од „Паркови“ проценуваат дека оттаму ќе соберат два
тона ѓубре. Во СРЦ „Сарај“ ќе се чисти во наредните десет дена. Таму
дневно со расфрлани отпадоци се полнат два-три камиони.
СТАВ Скопјани не го сакаат својот град
Голем број скопјани и понатаму ќе останат
безнадежни случаи кога станува збор за екологијата во градот, оти некои
навики никогаш не се менуваат. Сликата на уживање во природата за Денот
на трудот - 1 Мај изгледала некако вака. По скопските излетнички места
не само што биле распалени скари на сите страни, туку и „добрите“
домаќинки и домаќини ги оставиле околу себе сите видови отпадоци што
одат пред и по ручекот: кеси, ѓубре од салати, коски, пластични шишиња
од сокови, стаклени шишиња од пиво и од ракија, лименки, обвивки од
чоколада и од „смоки“. Градските информации за собраното ѓубре по
традиционалниот пикник се поразни. Во Градски парк, Сарај, Водно, Гази
Баба, биле оставени тони и тони ѓубре, кои „Паркови и зеленило“ мора да
ангажира неколку камиони и армија работници за да го врати „сјајот во
тревата“. Само од Сарај и од Водно ѓубрето ќе се изнесува во следните
десет дена. Да живееш во град, самото по себе, не значи дека си
граѓанин. Да се биде граѓанин значи да се има основен кодекс на урбано
однесување, кој подразбира обврски кон себе и кон општеството,
природата, соседите. Скопјани мора да научат дека ѓубрето е за во канта
за отпадоци, цвеќињата не се за крадење, клупите не се за кршење,
отпушоците не смее да се фрлаат по улици, а соседите треба да ги
оставите да спијат кога е време за тоа.Една земја нема што многу да се
надева дека ќе влезе во напредното друштво на културните европски
држави ако има граѓани со вакви примитивни навики.
Украдени се бронзените бисти од дворовите на основните училишта
„Мирче Ацев“ и „Ѓорче Петров“. Бистите кои се тешки 40 килограми, биле
украдени во средата доцна навечер, а кражбата била забележана утрото
следниот ден од вработените во двете училишта. Кражбата била веднаш
пријавена во полиција која извршила увид. Неодамна беа искршени и 14
прозорски стакла во училиштето „Ѓорче Петров“. Општината и полицијата
преземаат мерки за брзо откривање на сторителите.
Општина
Ѓорче Петров ќе преземе мерки за дополнителна и засилена безбедност на
училиштата и градинките на својата територија во овој период на годишни
одмори. Ќе се засили контролата од страна на Агенцијата за обезбедување
„Водно“ и полициската станица. (В.Д.)
Пак искршени прозорците на училиштето „Ѓорче Петров“
Повторно се искршени 14 прозорци во основното
училиште „Ѓоре Петров“, кое е на територијата на истоимената општина.
Пред десетина дена, во ова училиште беа искршени исто толку прозорци.
Полицијата се' уште трага по непознатите сторители што ја украдоа
бронзената биста на патронот на училиштето „Ѓорче Петров“ и по тие што
во ноќните часови ги кршат стаклата. За да се спречат ваквите атаци врз
имотот, Општината презеде мерки за подобра безбедност ангажирајќи
приватни агенции за обезбедување.
за стаклата, што знам , некои луѓе нејќат стакло, можда мислеле дека внатре е жешко па провев да направат а за отпадоците во градски парк и за отпушоците, па не гледам нигде канти во паркот, паркот не е мало тревниче и мислам дека треба да има или повеќе мали на секои пет чекори или помалку големи, налик на контејнери а за отпушоците нема ваљда пепељара да носам, треба да стават канти соодветни за таа намена стално се жалат за „несовесните“ граѓани, а ништо не прават во врска со ова ги поддржувам казните, но прво нека створат услови за чиста средина
за стаклата, што знам , некои луѓе нејќат стакло, можда мислеле дека внатре е жешко па провев да направат а за отпадоците во градски парк и за отпушоците, па не гледам нигде канти во паркот, паркот не е мало тревниче и мислам дека треба да има или повеќе мали на секои пет чекори или помалку големи, налик на контејнери а за отпушоците нема ваљда пепељара да носам, треба да стават канти соодветни за таа намена стално се жалат за „несовесните“ граѓани, а ништо не прават во врска со ова ги поддржувам казните, но прво нека створат услови за чиста средина
ај не зезај тоа е само алиби. За отпушоците до некаде држи вода тоа што го викаш но што е со отпадоците, хартивчињата итн. Толку ли е тешко да се стави хартивчето во џеб (или да се поноси во рака) до првата канта? Во неделата во Охрид видов едно мало говедо како јаде хамбургер и ладно ја фрли хартијата на плочникот кај хотел Гранит, ми идеше да го удавам во езеро. BTW канти имаше колку сакаш.
Граѓаните се главните кривци, во овој случај надлежните само ја влошуваат ситуацијата дополнително.
Повторно се крадат капаци, а отворените шахти се опасни за граѓаните
Од АД „Топлификација“ велат дека лани им биле украдени 79 капаци од шахти
Снежана Калабакова
По парковите, тротоарите,
паркинзите и улиците повторно снемува капаци од шахти. Нивните
сопственици велат дека капаците им се крадат од моментот кога повторно
проработија отпадите за старо железо, каде што крадците и ги продаваат.
На удар се особено капаците од леано железо, какви што се оние на АД
„Топлификација“ или на ЈП „Водовод и канализација“. Од ова јавно
претпријатие, поради честите кражби на капаците, решија отворените
шахти да ги покријат со бетонски капаци. Така, „Водовод“ им го одврати
вниманието на оние кои им фрлија око токму на нивните капаци од
шахтите. На тој начин ги заштитија и граѓаните, кои не ретко можеа да
настрадаат кога ќе налетаат на шахта без капак.
Имало случаи
кога пешаци се здобивале со скршеници токму поради пропаѓање во
отворени шахти, а со цел да се заштитат следните кои ќе наидат,
граѓаните поставува гранки, картони или други видови материјали за да
ги предупредат на опасноста, која демне особено ноќе. Многу поризични
се отворените шахти на улиците, каде што со автомобил лесно може и
смртно да се настрада, коментираат дел од скопјани. Токму поради
ваквите ризици, дел од компаниите кои имаат шахти низ градов побарале и
помош и поголема соработка од полицијата, со цел да им се влезе во
трага на оние кои најчесто ги крадат и ги продаваат капаците. Велат
дека имало и случаи кога крадците биле фатени, но најчесто, тоа е
невозможно, бидејќи капаците од леано железо многу лесно се дробат во
ситно железо и така го продаваат во отпадите, па токму заради тоа,
тешко им се влегува во трагата.
„Деновиве, излегувајќи од
паркингот зад „Мекдоналдс“, забележав отворена шахта. Но, многу
пострашно беше кога со автомобилот речиси со целото тркало за малку ќе
пропаднев во амбис од педесетина сантиметри, колку што беше длабока
отворената шахта на улицата кај Романската амбасада, раскажува
скопјанецот Зоран Таневски. Тој посочи дека надлежните мора посериозно
да се ангажираат и да им влезат во трага на оние кои се занимаваат со
овој бизнис, а притоа не водат сметка за последиците врз граѓаните.
Од
АД „Топлификација“ велат дека не им е непозната оваа појава, и лани им
биле украдени 79 капаци од нивните шахти. Ваквите активности, велат,
стивнаа во периодот кога не работеа отпадите за старо железо. Но штом
тие проработија, кражбите се интензивираа. Затоа испративме писма до
полициските станици, велат од претпријатието, и побаравме поголема
соработка. Два случаја се решија со станиците од Карпош и од Пролет,
кога крадците беа фатени, а капаците од шахтите во овие населби ни беа
вртатени, објаснија од „Топлификација“.
Еве нешто ново, од денеска. Сега ги крадат и капаците од телефонија, кој се поголеми и потешки. (лево и десно од ул. 29 Ноември сите капаци се украдени)
Ја би ги обесил оние што окупуват, па тогаш ќе престанат и тие што крадат
Купови разновиден отпад на двете страни на коритото и на дното, на потегот од Вруток до Чегране
ГОСТИВАР - Во непосредна близина на мостот на реката Вардар, кај
зградата на Основниот суд во Гостивар, на три места, несовесни возачи
на миксери истуриле поголеми количини бетон. И не само тоа. На овој
простор речиси секој ден ги чистат миксерите со бетон, а отпадоците ги
истураат во реката, со што ја загадуваат водата.
Поради високите
температури, се' помалку вода има во коритото, која од изворот се
пренасочува во каналите за наводнување на плодните површини во
Полошкото Поле. Во зависност од потребите за електрична енергија, се
вклучуваат турбините во хидроелектричните централи „Вруток“ и „Равен“,
што е реткост летово, па затоа не дотекуваат води од Мавровско Езеро.
Сето тоа овозможи на виделина да се појават купови разновиден отпад на
двете страни на коритото и на дното, на потегот од изворите на реката
во село Вруток, па се' до атарот на селото Чегране.
Коритото
на Вардар е претворено во голема депонија. Очигледно, на жителите што
живеат покрај реката најлесно им е ѓубрето да го фрлаат во неа. Оваа
појава е присутна со години, а лете е поизразена. Се добива впечаток
дека локалната самоуправа, надлежна за хигиената и за чување на
животната средина, оваа појава немо ја посматра и не презема никакви
активности. Со новите измени на законот, казните за прекршоци против
природата се драстично зголемени.
РИГОРОЗНИ КАЗНИ ЗА ПИШУВАЊЕ ПАРОЛИ Прохибиција и за графитите
За
пишување графити на јавни места законот предвидува мандатна казна од 50
евра. Младите луѓе, пак, кои цртањето графити го сметаат за израз на
креативна уметност, а не за чкртаници што нанесуваат штета, од
септември ќе добијат плато кај фонтаната и околу споменикот Гоце Делчев
во Градски парк. - Просторот ќе биде уреден токму за овој вид
изразување и замислен како стимул за уметничко изразување - вели Аљоша
Шопар, од секторот за планирање и уредување на просторот на Град
Скопје. Строгата законска забрана на ѕидовите низ градот да се цртаат
графити и да се казнуваат сторителите, според предлагачите, треба да
спречи нанесување материјална штета на објектите и нивно нагрдување,
независно дали се работи за јавни установи, приватни куќи или за
станбени објекти. Намерата на законскиот проект е да им се стави крај и
на паролите со политичка, вулгарна и со непријателска содржина.
Трошоците за чистење варираат во зависност од употребената боја и
подлогата. Постојат хемиски методи, абразивни постапки, а цената за
еден квадратен метар е од 50 евра до повеќе од 200 евра. - Спрејот што
го употребуваат младите за цртање графити или пораки сега може да се
отстрани со два слоја од специјалниот премаз „Синтерпак“ во бела боја,
што чини поевтино од нова фасада. Но, зошто и тој непотребен трошок -
прашува Христо Ивановски чија зграда е мета на љубители на графити.
Според законот што треба да се донесе, казните за сторителите ќе ги
пропишуваат специјално обучени комунални редари, униформирани полицајци
и општински комунални инспектори. Ако прекршителот нема пари да ја
плати казната во моментот кога е фатен на самото место, тоа ќе може да
го направи на суд. Но, казната тогаш му се зголемува трипати. Во делот
на санкциите дадена е можност на замена на изречената казна со најмалку
едно деноноќие општокорисна работа што ќе ја одреди судот. Младите,
пак, на кои графитите им лежат на срце, па дури и им се опсесија и
начин на изразување, сметаат дека ова е неправедно. Саше П., на пример,
кој студира графички дизајн и припаѓа на групата млади чиј вид на
изразување се графитите, не сака ни да чуе да престане со неговото
хоби, но ја поздравува идејата за соодветно место за нивно изразување,
како и во секој голем европски град.
Во врска со графитите, иако на многу места не ми сметаат, мислам дека тоа треба во принцип да е исклучително строго регулирано, затоа што во спротивно работите ќе се релативизираат и ситуацијата нема да се подобри...
На кое културно ниво сме, и на кое ниво ни е свеста, може да се види и од тоа како дивјачки се ишкрабани дури и Камени мост и Калето... Додуша не се работи за графити во права смисла на зборот, туку за обични шкрабаници.
Еве пред некој ден бев на Кале. Катастрофа... Ѕидините се нашкрабани на секој чекор. Да беше до мене, за вакви работи би имало драконски казни! Еве еден од многуте примери:
... Да беше до мене, за вакви работи би имало драконски казни! ...
Очигледно не е !
Еве ти една идилична слика, "скороевич" со неговиот престиж си се паркира под дебела сенка да не му се оштети бојата, чистачите чистат и пробаваат да исчистат и под колата и на крај главниот јунак ЧУВАРОТ НА РЕДОТ И ПОРЕДОКОТ седи, и со мртов ладен поглед гледа и .... и, по извесно време среќно си заминува.
крај
И тие „ДРУГИТЕ“ имаат свој удел во сето ова околу нас.
Добро, ја зборев конкретно за шкрабаници врз културно-историски споменици...
За ова ти што викаш, ваљда гребење на кола би било добар почеток. Колку и да звучи парадоксално, изгледа треба да се најдат неколку диверзанти со поголема граѓанска свест и да напраат малце 'ршум, па дебилите да се подзамислат каде ќе паркираат. А кога службите не си ја вршат работата, таков исход можеби конечно ќе ни ја разбуди свеста!
За ова ти што викаш, ваљда гребење на кола би било добар почеток. Колку и да звучи парадоксално, изгледа треба да се најдат неколку диверзанти со поголема граѓанска свест и да напраат малце 'ршум, па дебилите да се подзамислат каде ќе паркираат. А кога службите не си ја вршат работата, таков исход можеби конечно ќе ни ја разбуди свеста!
кловер заради ефективност чисто ќе те надополнам т.е. подисправам... ова се однесува до оние урбани херои кои би се активирале во сличен поход. прво нека се користат со помалку инвазивни методи како лепење налепници или истурање ѓубре по шофершајбна но секако прво 24 часовно предупредување а доколку го повтори дивјаштвото а во 90% од случаите го повторуваат тогаш да се пристапи со таква блага диверзантска казна. а за строга казна би предложил бушење гуми како доволно болна варијанта за опаметување но не и гребење и тангирање со ауто лак кои единствено би ги одобрил доколку дивјаштвото е претерано пример како случајот на истурање бетон во вардар или прегазување млади фиданки!
но најдобро би било да се активираат сите редарски механизми кои постојат во државава па на фин начин и без гребење и без фарбање да им ги испразнат џебовите посебно на вакви фрлачи со бесни коли па воедно и буџетот да ќе се полни но мора дури и на евидентирана пријава т.е. за снимено дивјаштво да се наплаќа казна, иако дивиот сограѓанин го напуштил местото на дивеење во меѓувреме, додека не се инсталираат камери на секој агол како што е по сите метрополи, пр. во лондон за непрописно паркирање казната ти стигнува на сметка дома а доколку сакаш можеш да се прошеташ до станица и да те послужат со евидентиран материјал од јавниот систем за надгледување, но пред се тие камери се баждарени од ревизорски и судски органи...
во хрватска пример снимкиве од камерите по тунелите и автопатите сеуште не можат да се користат како доказ баш бидејки не се баждарени гледав пред некој ден на хтв за тоа зборуваа но велат дека набрзо и законски и процедурално ќе го решат тој проблем и ситуациите како ваквите дивјаштва како U-turn на полна веќе ќе бидат минато или прилично редуцирани...!
кловер заради ефективност чисто ќе те надополнам т.е. подисправам... ова се однесува до оние урбани херои кои би се активирале во сличен поход. прво нека се користат со помалку инвазивни методи како лепење налепници или истурање ѓубре по шофершајбна но секако прво 24 часовно предупредување а доколку го повтори дивјаштвото а во 90% од случаите го повторуваат тогаш да се пристапи со таква блага диверзантска казна.
Да, во право си, ама мене ми се темни пред очи од такви случаи, па затоа одма отидов на максимална казна Во секој случај ова сшто го предлагаш ми се допаѓа како прв чекор.
но најдобро би било да се активираат сите редарски механизми кои постојат во државава па на фин начин и без гребење и без фарбање да им ги испразнат џебовите посебно на вакви фрлачи со бесни коли па воедно и буџетот да ќе се полни
Да, најдобро би било вистински да се активираат механизмите, ама факт е дека тоа никако да се случи.
камери на секој агол како што е по сите метрополи, пр. во лондон
Е ова ми е малце претерано, а и да не забегуваме со клишето за „сите метрополи“. Лондон е екстремен случај и таму реално веќе стапува на сила big brother... Немам ништо против видео надзор, но да не се претерува. Ваљда може да се угледаме на некој поизбалансиран пример него Лондон.
Во ред е дискусијава, но, прво и најосновно, незнам зошто полиција не реагира, а бар сеги ги има + 20%, со толку „приправници“ и една веспа која ќе шпарта низ Партизанска (или одреден реон) секој ден ставајќи им белешка со казни мислам дека полека ќе се среди.
Но кај нас имаме годишни помпезни кампањи за се и сешто, кој секогаш по правило траат само еден ден, и ефектот е „КАНПАЊСКИ“
А во врска со камерите, едино би се сложил стрикно за проблематични раскрскици, поново да може полицијата благовремено да реагира.
You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum