Fine Holding

ај петок ако е добро времето ќе ѕирнам каде се движат камионите и дали се гради нешто

clover pa ne li prasa nekoj od rabotnicite do kaj e rabotata so kako koga kje gi udrat temelite?

Originally posted by Cloverstack Djole брз си ко молња

Абе не отидов до факултет, деновиве ќе одам, ама ете чим сте се снашле, нема потреба да барам Ионака само уште исчистена нива со надеж дека ќе почне нешто да се гради

Има некое раздвижување? Некој што е таму на ФОН може да пушти некоја фотка...

абе брат како да не ме мрзи кога не сум бил на факултет Од 17ти почнуваме, така да после 20ти ќе гледам да сликнам

Згарада за 4 илјади, еден куп други згради низ Скопје изградени, што се градат и што се предвидени. Изгледа лека полека цела Македонија ќе живее во Скопје. Ах колку сме само далеку од нормална држава.

ФИЈАТ ЦАНОСКИ, СТОПАНСТВЕНИК И СОПСТВЕНИК НА ФОН, НАЈАВУВА ГОЛЕМИ ИНВЕСТИЦИИ
Почна да се крева „Космос“
Елена Костовска

Стопанственикот Фијат Цаноски, во јавноста повеќе познат како сопственик на првиот приватен и најугледен универзитет во државава ФОН, ќе гради станбени згради на повеќе локации низ Скопје и еден трговски центар. Тој вели дека со градежништво се занимава цел живот и сега тоа ќе му биде главната дејност. Но, секако, ќе продолжи да го јакне и образовниот систем во државава. Универзитетот ФОН ќе се прошири со факултети за архитектура и за медицина. уВо градежништвото планирате да влезете како голем инвеститор. Можете ли да ни откриете некои детали?
- Со градежништво се занимавам цел живот, со сопствена фирма ја изградив и зградата на ФОН во Скопје. Сега планирам тоа да ми биде главен бизнис. Мојата фирма вработува 50 градежни инженери и архитекти и околу 150 мајстори и нискоквалификувани работници. Таа е опремена со механизација, која чини пет милиони евра. Оваа компанија ќе биде сериозна конкуренција на големите градежни компании на јавните тендери за високоградба, не зависно дали ги распишува државата или приватни инвеститори. уКаде се планирате да градите? Има најави за изградба на луксузни станови во Керамидница. За каква инвестиција се работи?
- Сопственик сум на повеќе локации во Скопје на кои планирам изградба на станбени згради, а на една локација на влезот на градот и изградба на трговски центар. „Космос“ е станбен комплекс што ќе го градам на границата меѓу општините Гази Баба и Аеродром, на површина од 90.000 квадратни метри. Јас сум инвеститор и изведувач на проектот со фирмата „Фине Скопје“. Комплетната инвестиција, заедно со купеното земјиште, ќе изнесува 40 милиони евра, а средствата се обезбедени од сопствени извори и во соработка со Тутунска банка. Се работи за две згради на 15 ката со околу 1.000 стана. На проектот ќе се работи во три смени и се очекува да биде завршен за година и пол. Тие ќе бидат први објекти што ќе ги нудат сите услови за живеење според европски стандарди. Градбата ќе биде од прва класа со висококвалитетни материјали, а на секој станар ќе му биде понудено сам да ги одбере материјалите за паркет и за плочки. уКолку ќе биде цената на еден квадратен метар за тие згради?
- На почеток становите ќе се продаваат по цена од 850 до 1.200 евра за еден квадратен метар во зависност од големината, местоположбата и висината на која се наоѓа станот. Сакам да нагласам дека купувачите на станови ќе можат да го искористат договорот со Тутунска банка и уште една друга банка, која нема сега да ја откријам, за добивање станбени кредити под многу поволни услови со 15 проценти учество, рок на отплата од 20 години и со поволна каматна стапка. Тоа ќе биде можност за млади брачни двојки по пристапна цена да купат луксузен стан. уВо јавноста, сепак, најмногу сте познат како сопственик на првиот приватен универзитет. Каква е состојбата со високото образование во земјава, како се справувате со нелојалната конкуренција?
- Да, ФОН е првиот приватен универзитет, кој пред седум години доби акредитација за работа. Во последните години се појавија многу приватни универзитети што не ги исполнуваат условите за работа во високото образование. Дел од факултетите не го исполнуваат ни почетниот услов, 50 проценти од наставниот кадар - професори и асистенти - да биде вработен кај нив. Критериумите останаа неисполнети и кај државните универзитети откако се одвоија факултети во секој град, каде што не се појавуваат професорите, а наставата ја држат асистенти. Ова е на штета на младите. Министерот за образование летово пред уписите откри нерегуларности кај „Њујорк колеџот“ и на Меѓународниот универзитет во Струга, но, за жал, не ги затвори иако не ги отстранија неправилностите. Мислам дека крајно време е високото образование да се донесе на прав пат. уКолку изнесуваат вашите инвестиции во високото образование и кои се вашите планови за во иднина?
- Во Универзитетот ФОН во Скопје, Струга, Струмица и во Гостивар имам инвестирано 30 милиони евра. Од ФОН не очекувам да остварувам профит, јас за профит имам други бизниси, кои ми носат профит и подготвен сум од тие фирми да префрлам пари на ФОН. Ние ги менуваме програмите во зависност од потребите на пазарот. Следната година планираме да отвориме факултет за архитектура, за чиишто потреби ќе ангажираме професори од италијанската проектантска фирма „Џуџаро“. Во иднина планираме и отворање медицински факултет за што сме во преговори со некои од болниците во земјава, како и со една турска болница, со која се планира и изградба на клинички центар. уКако домашен инвеститор, што мислите какви се условите за водење бизнис во земјава и дали државата ги штити домашните инвеститори?
- Сакам да изразам особена благодарност до општините и до градоначалниците за коректната соработка за да ги извадам потребните документи. Сметам дека државата треба да им даде повеќе поволности на домашните инвеститори, а не само на странските фирми. На една странска компанија што ќе гради станови во Аеродром и е даден попуст на комуналии што не важи за домашните инвеститори, а тие остануваат тука и тука ќе ја реинвестираат добивката. Странците добивката ќе ја однесат надвор.


Прв ротирачки ресторан во Македонија


Двете згради што ќе се градат меѓу општините Гази Баба и Аеродром ќе бидат затворен комплекс, заштитен со огради, и во него ќе може да се влегува само со картичка.
Се работи за луксузни станбени објекти кои ќе бидат опремени со мал трговски центар, детска градинка, фитнес-центар, базен, како и со сите потребни сервисни услуги, електричари, водоводџии, обезбедување и хигиеничарки.
Секој влез ќе има по четири лифта. На врвот од поголемата зграда, на 65 метри, ќе има ресторан од 1.500 квадратни метри, кој ќе биде прв во Скопје што ќе ротира и каде што гостите ќе имаат поглед на целиот град. Ресторанот ќе биде отворен за сите и ќе има посебен влез.

http://www.vreme.com.mk/DesktopDefault.aspx?tabindex=0&tabid=1&EditionID=2146&ArticleID=150188

Незнам за останатите, но од она што можам да го видам на рекламата што оди на А1 за објектов, ми изгледа одвратно.

мислам дека не им треба тоа зеленото стакло.... другото е пристојно.... за таа висина може да биде и нешто понеобично, но добро.... еве станбен објект е ама и тоа не е баш некојси изговор.....

Многу ми личи на еден робот од еден филм, ама ич не ми текнува ни роботот као се викаше, ни филмот. Ако му текне на некој на што мислам нека каже како се викаше. Имаше еден робот нешто  една фамилија живееше, главата му беше иста потполно како ресторанов на зградава.