Св. Кирил и Методиј - Велес

Message Topic Search Topic Options Post Reply Create New Topic Printable Version

   05.02.2013, 10:22

Раскошен живопис добива црквата „Св.Кирил и Методиј“ во Велес

Поголем дел од живописот на црквата „Св.Кирил и Методиј“ во Велес е завршен, при што се очекува тој да биде целосно готов кон крајот на оваа година.

Живописот го изведуваа пет ликовни уметници од Македонија. Распоредот на живописот и сцените се одредени според каноните на Православната Црква, но во голема мера зависат и од архитектонското решение на храмот.

Храмот е доста голем и раскошен, па така и живописот е богат со многу сцени и светители. Во централната купола се наоѓа Исус Христос, под него е Небесната литургија, Пророците, а во четирите помали куполи се сместени Евангелистите. Во највисоките зони се сместени Великите празници, под нив Христовите маки и страдања, сцени од житијата на Светите Кирил и Методиј, старозаветни сцени, пророци, маченици...

Досега се завршени 1.000 метри квадратни од 1.600 колку што има во црквата и плус уште 400 од крстилницата. Црквата ќе има и голем иконостас од 40-тина икони, подни мозаици.

Доколку се оди според планираното, во текот на оваа година ќе се случи и осветувањето, најавуваат од Повардарската Епархија на МПЦ.  Храмот се наоѓа во центарот на градот, во Младинскиот парк и е дело на архитектот Тодор Паскали од Охрид и е на лик  по примерот на црквата „Св. Богородица“ во село Калишта, Струшко.Има 500 метри квадратни површина. Се гради во византиски стил, еднобродна со кршен камен и со камбанарија која е веќе готова, а ѕвоната беа излиени во Виена Австрија. Камен темелникот на црквата беше поставен во јуни 2006 година. (П.П.)

http://www.dnevnik.com.mk/default.asp?ItemID=963F56F36A6A82409AF1BFFEDFBF3963