Diamond of Skopje (Limak)

Како се купуваат? Кога немаш кај да инвестираш, недвижнината е најсигурна работа. Тука ќе можеш да го издаваш, Airbnb, на странци кои се спремни и повеќе да платат при посета на Скопје, ќе си зимаш пари, со културен народ бизнис ќе си тераш, и така.

Прилично поарен рендер извајле на нивната страна за молов од тој во видеото за цел комплекс....ќе видиме шо ќе излези на крај.


Edited by Џоле - 06-Mar-2022 at 11:16

https://diamondmall.mk/

КРЕНАТА ПРВАТА ОД ЧЕТИРИТЕ 20-КАТНИЦИ НА ЈУЖЕН БУЛЕВАР ВО ЦЕНТАРОТ НА СКОПЈЕ



Крената е првата од четирите 20-катници кои турската компанија „Лимак“ ги гради на Јужен булевар во центарот на Скопје. Првата зграда се наоѓа кај зградата на „Тутунска банка“ односно на крајот на трасата каде што треба да излегува подземната сообраќајница.

Во моментов се работи и на втората 20-катница која ќе биде веднаш до неа и веќе се изградени неколку ката. Другите две висококатници ќе се градат на другиот крај на Јужен булевар односно кај подвозникот на улицата Бихаќка. Под зградите треба да минува подземната сообраќајница, која во моментов граѓаните не можат да ја видат зад тарабите со кои е заградено градилиштето. Инвеститорот вели дека улицата се гради и онаму како се кренати зградите таа е пробиена.

Според најавите подземната сообраќајница треба да биде готова во 2023 година, а Град Скопје треба да ги изведе приклучоците односно да изгради три кружни текови за влез и излез.

„Најтешката работа е завршена, поголемиот дел од тунелот под земја е пробиен односно направен е ископот, поставени се потпорни ѕидови и подземни инсталации. Сега останува полесниот дел во градењето на улицата. Градежните работи се одвиваат во делови или блокови односно завршуваме еден дел од улицата и потоа таму се продолжува со работа односно се креваат објекти. Потоа се гради друг дел од улицата па содржините кои се над неа. Без да се изгради тунелот не може да се кренат зградите. Зградата која ја гледате кај ‘Тутунска банка‘ е прва од четирите кули. Таа се гради бидејќи тунелот во тој дел е готов и сега продолжуваме со негово градење натаму“, изјави за САКАМДАКАЖАМ.МК лани во август Чагри Шерен, проект менаџер на компанијата „Лимак“.

Според проектот, улицата ќе биде со должина од 800 метри и широка 37 метри. Ќе има по две ленти во секој правец и две линии за трамвај во средината. Вкупната површина на која се гради целиот комплекс е 325 000 метри квадратни, од кои трговскиот центар ќе биде со површина од 47. 000 метри квадратни и веќе е почнат да се гради, а ќе се наоѓа зад Музејот на Град Скопје. Ќе има 4 згради, две источни и две западни со 20 ката, три нивоа паркинг простор и 17 ката станбени единици. Делот меѓу трговскиот центар и кулите ќе биде шеталиште со јавни содржини. Инвеститорите велат дека во комплексот ќе има 3.200 паркинг места и 11.000 метри квадратни зелена површина.

Договорот за Јужен булевар под земја со турскиот инвеститор „Лимак“ беше потпишан на 12 март 2012 од тогашниот градоначалникот Коце Трајановски и на тогашната прес-конференција беше најавено дека ќе се почне со градба за една година. Но, повеќе од 6 години на терен ништо не се работеше, ниту пак од Град Скопје кажуваа зошто проектот не се реализира.

Со доаѓањето на градоначалничката функција на претходниот градоначалник Петре Шилегов, од „Лимак“ рекоа дека ги надминале проблемите со добивањето на потребните дозволи и во септември 2018 почнаа градежните работи.

https://sdk.mk/index.php/dopisna-mrezha/krenata-prvata-od-chetirite-20-katnitsi-na-juzhen-bulevar-vo-tsentarot-na-skopje/

Поглед кон кулата од подалеку(од твитер)

Започна финалното одбројување до големото отворање на Diamond Mall – новиот трговски центар во строгиот центар на Скопје

Новиот трговски центар Diamond Mall се очекува да биде отворен во март 2023 година. Тој е интегрален дел од мултифункционалниот комплекс Diamond of Skopje што е лоциран во строгиот центар на Скопје. Компанијата „Лимак“ инвестира 250 милиони евра во изградбата на овој проект, а покрај големиот трговски центар, дел од него се и хотелот со пет ѕвезди Limak Skopje Luxury Hotel, четири станбени кули со 772 станови, деловен центар, уредена зелена површина од 11.000m² и затворен паркинг простор за 3.200 возила.

Diamond Mall располага со 180 продавници со вкупна површина за закуп од 48.000m², како и зона за забава (Dream Zone) со површина од 7.000m², што е повеќе од кој било друг мол во земјата и пошироко. Овој простор опфаќа едукативни и забавни содржини наменети за различни возрасни групи, од деца од најмала возраст до млади. Исто така, во состав на Diamond Mall постои и специјален автентичен простор „Gourmet Avenue“, наменет за различни типови на кафулиња, барови и ресторани од отворен и полуотворен тип.

Со ваквиот уникатен архитектонски концепт, кој ќе понуди врвно искуство преку комбинацијата на шопинг, забава и дружење, Diamond Mall со сигурност ќе прерасне во новото популарно собирно место за сите жители и посетители на македонската метропола.

Освен врвната локација, голема предност што оди во прилог на ваквиот концепт е достапноста, односно лесниот пристап на сите посетители на молот, независно дали доаѓаат со возило, со јавен превоз или пешки. Имено, молот располага со голем број различни влезови кои овозможуваат лесна пристапност од кој било дел на централното градско подрачје. Дизајнот на Diamond Mall е компактен, прилагоден на потребите на купувачите, без непотребни галериски површини што овозможува лесна навигација, голема прегледност и видливост на брендовите за посетителите.

Во изградбата на Diamond Mall се применети највисоките и најсовремените стандарди за изградба на ваков вид објекти.

https://fokus.mk/zapochna-finalnoto-odbrojuvane-do-golemoto-otvorane-na-diamond-mall-noviot-trgovski-tsentar-vo-strogiot-tsentar-na-skopje/?fbclid=IwAR1qF-csrTbKVSIOjz1afDvTfe6Kw76PRnoqN93VaQ9dAIJMzbpOXzGgzhU

Денешни,кај првата 20 катница се монтира скеле





и втората веќе се издигнува

https://www.facebook.com/yagmurscaffoldingsystems/

https://sdk.mk/index.php/naslovna/podzemnata-ulitsa-kaj-juzhen-bulevar-dhabe-ke-bide-gotova-vo-2023-arsovska-veli-dotogash-ne-mozhat-da-se-reshat-imotno-pravnite-odnosi-a-kamoli-da-pochne-gradba-na-pristapite/

Кулите на Дајмонд од новиот парк во Кисела Вода