Верски објекти (општо)

Џамиите имаат најфлексибилна каноника во поглед на формата и архитектонскиот стил... кај нас се градат џамии во потрадиционален стил

Originally posted by kultuzin Originally posted by zabegan Џамиите имаат најфлексибилна каноника во поглед на формата и архитектонскиот стил... кај нас се градат џамии во потрадиционален стил Ти изгледа не си видел евангилистички цркви, да видиш што е флексибилитет.

добро де, поентата ми беше јасна... инаку, технички гледано, ниедна религија не пропагира строг стил на градење на објекти

Новата црква "Успение на Пресвета Богородица" - Маврово

 
Кај мене е баш спротивното.
 
Ми се допаѓа да видам новоизградени цркви и манастири со поинаков изглед кој скршнува од традиционалниот.
 
Тоа што не ми се допаѓа е тоа што се мали и зафаќаат многу мал простор, исто како да сме повторно во турско време кога црквите не смееле да надминат одредена висина и задолжително морало да се симнуваат верниците кон влезот на црквата, наместо да се качуваат.

Se soglasuvam, čekor vo taa nasoka e soborniot hram vo Skopje.

Originally posted by Dexter26  Тоа што не ми се допаѓа е тоа што се мали и зафаќаат многу мал простор, исто како да сме повторно во турско време кога црквите не смееле да надминат одредена висина и задолжително морало да се симнуваат верниците кон влезот на црквата, наместо да се качуваат.

Со ова не се согласувам, големината на македонските цркви не е физичка туку духовна. Неколку пати сум се сретнал со католички поови од Хрватска кои се воодушевени токму од духовноста на нашите цркви. Она што им дава монументалност е нивната позиционираност. Како на пример Јован Канео, толку мало црквиче но на такво место што му дава неверојатна големина. Исто е и со безбројните манастири низ државата.

мислам дека Декстер збори за практична големина на црквите, а не духовна или докажувачка... црквите треба да служат за собирни настани на народот и религиозни празнувања, а да запалиш свеќа и да се помолиш, можеш било каде и пак ќе ја има истата духовна тежина, а како капела може да послужи било каков објект...
затоа е попрактично секоја доминантно христијанска населба да има свој централен храм соодветен на големината на населението и урбанистичките норми, изградена соодветно на потребите и барањата на тоа население (затоа што сепак се гради за нив)
строго сум против тоа безвезно да се расфрлаат параклиси насекаде од тој аспект


што се однесува до стилот, канониката се состои во формата и позицијата на објектот и цртањето на икони и фрески, нивна позиција, олтар и т.н... за се друго, нема правило
причината поради која повеќе ги почитуваш и ги чувствуваш старите цркви и манастири е поради нивната историја и уметност... каменот и циглата немаат никаква улога во тоа
а и навистина е нелогично да се зборува за традиционален стил, затоа што во Македонија постојат многу стилови низ историјата... дури и византискиот стил кој кај нас најмногу се почитува, има свои најразни варијации и тоа е видливо и на око... ако бараме традиција во македонија, таа се содржи во фреските, иконите и резбите, кои немаат допирни точки со надворешниот лик
па зошто не би оставиле и ние белег во историјата со современи стилови, онака како што оставиле сите пред нас? експлоатацијата на византискиот стил (кој е крајно пластичен во новоизградените цркви) повеќе ми личи на плагијатура и кич, отколку на одржување на традиција

Манастирот во Зрзе... Се градат конаци









фотографиите се преземени од фејсбук страницата на Управа за заштита на културното наследство

Edited by Џоле - 02-Jun-2014 at 07:06

Се истражуваат пештерната црква и монашката населба во Зрзе

Почнаа истражувања на локалитетот „Св. Преображение“-Зрзе за да се добијат продлабочени познавања за значењето, хронологијата и програмските решенија на фрескодекорацијата на пештерната црква и на параклисот во монашката населба. Истражувањата се вршат со поддршка од Министерството за култура и на Институтот за старословенска култура од Прилеп.

Предвидени се документирање и хемиска анализа на малтерот и на сликарските бои врз фрагментите од фрескодекорацијата, по што ќе биде направена компаративна анализа со сликарството од манастирската црква „Св. Преображение“ и мирската црква „Св. Никола“. На овој начин ќе се создадат услови да се определи хронологијата на сликарството, да се утврди неговото потекло, по што ќе се направат графичка и дигитална реконструкција на дел од програмата на живописот на пештерната црква и на параклисот.
- Со ваквите истражувања ќе се понудат продлабочени познавања за животот, карактерот и за другите аспекти на монашката населба и на културниот комплекс „Св. Преображение“-Зрзе, а преку хемиските анализи и конкретните идејни решенија ќе се овозможат конзервација, реставрација и презентација на овие фрагменти како следен чекор за нивна заштита - велат од Министерството за култура.

Вовлечен во планинските пазуви во северниот агол на висорамнината Пелагонија се наоѓа прастариот силен планински извор над селото Зрзе. Уште од раноантичките дамнини ова место било оградено со силен одбранбен ѕид. Првите истражувања открија силен културен хоризонт од хеленистичко време, монети, теракотна статуетка. Вториот културен хоризонт веќе ѝ припаѓа на доцната антика. Врз хеленистичкиот ѕид бил подигнат уште посилен малтерен одбранбен ѕид.
Во непосредна близина, околу 100 метри северно на малото плато, била подигната ранохристијанска базилика. Во средниот век ова место станува величествен црковен центар и значаен свет за монасите-пустиножители.
- Токму поради сите овие комплексни вредности, археолошкиот комплекс Зрзе е третиран во рамките на владините капитални проекти, со идеја да се истражи и афирмира како една од врвните културни туристички и археолошки атракции во Македонија - велат од Управата за заштита на културното наследство
http://www.novamakedonija.com.mk/NewsDetal.asp?vest=63141128214&id=16&setIzdanie=23190

Предворјето на Свети Наум, Охридско



ohridpress.com

Edited by Џоле - 03-Jun-2014 at 16:36