Паркирање и паркинзи (општо)

Треба да се изврши мерење колку подземни паркинг места се достапни, и секој кој има подземна гаража да се лиши од надземно паркинг место.

Дали има полнач за електрични возила во Охрид?

Зонското паркирање годинава влегува во Карпош

По воведувањето на зонско паркирање во Центар и Аеродром, годинава ваков вид на паркирање треба да се воведе и во Општина Карпош. Во населбите Карпош 1 и 2 уште пред една година жителите потврдно одговорија на анкетата која ја спроведе локалната власт за тоа дали сакаат или не регулирано паркирање, со надеж дека на тој начин ќе се надмине долгогодишниот сериозен проблем со недостигот на паркинг-места.

– Во Карпош 1 предвидената организација на сообраќајот во мирување го зафаќа потегот помеѓу улиците Гиго Михајловски, Иван Аговски, Даскал Камче, Руѓер Бошковиќ и Никола Тесла. Согласно направените анализи, со реорганизација и реконструкција на јавните површини на споменатите улици на кои би се вовело зонско паркирање, јавното претпријатие би овозможило 432 места за паркирање. Во Карпош 2 предвидено е да се оспособи потегот од булевар Осми Септември, улиците Бранислав Нушиќ и Веселин Маслеша, со што би се ставиле во употреба уште 352 паркинг места – прецизирано е во Инвестиционата програма на ЈП „Градски паркинг“ за 2021 година.

Паркирањето во Општина Карпош би било во Д зоната, што значи дека сите оние што не се жители на овие населби би плаќале по 30 денари од час. Подготовката на теренот во двете населби за воведување зонско ќе започне на пролет.

– Штом ќе овозможат временските услови ќе направиме подготовка на теренот за воведување на зонско паркирање во Карпош 1 и 2, но и во Лептокарија и кај Млечен. Општина Карпош има потреба од зонско паркирање, притисокот на возачите и граѓаните кои живеат на оваа територија е голем, па тоа ќе се реализира во текот на 2021 година. Размислувавме за воведување на зонско паркирање и во Кисела Вода, во делот кај Расадник, но по направените анкети сфативме дека граѓаните не се согласуваат со таквата идеја – информира директорот на „Градски паркинг“, Борче Јакимовски во „Утрински брифинг“.

Градоначалникот на Карпош, Стефан Богоев, во неодамнешто интервју за „Слободен печат“ објасни дека паркирањето би било бесплатно за граѓаните резиденти до три нивни возила, додека пак сите што живеат во подалечните населби или во други општини би плаќале по 30 денари од час. Сепак, според него, поради тесните улици во населбите воведувањето на зонско има извесни проблеми.

– Во Карпош 1 главно се потесни, сервисни улици, а зонското паркирање, исцртувањето места подразбира и ослободување на тротоарите од возила, со што значително ќе се намали капацитетот за паркирање во одредени населби (особено во Карпош 1 и кај „Млечен“). Затоа се подготвува нов предлог, кој ги зема предвид спецификите на микро ниво, по населби, со цел и резидентните граѓани да не се соочат со недостиг на паркинг места. Решението мора да биде функционално и одржливо на долг рок – рече Богоев.

Покрај воведувањето зонско паркирање во овие две населби во Карпош, годинава претпријатието планира да уреди 18 паркинг- места на улица Орце Николов, 40 на Кале, на улица Самоилова, потоа 103 места кај Сточарски институт. Нови места за паркирање ќе се уредат и кај Музеј на современа уметност, кај СЦ „Борис Трајковски“ и во Лептокарија во Карпош 3, но нивниот број ќе биде дополнително утврден откако ќе се изработи сообраќајно техничко решение, односно Проект за регулирање на сообраќајот.

ЈП „Градски паркинг“ во моментов располага со 8220 паркинг места – 1720 на паркиралишта со наплатна рампа, 5450 во зоните за паркирање и 1050 во катните гаражи.

https://www.slobodenpecat.mk/zonskoto-parkirane-godinava-vleguva-vo-karposh/

Се гради паркингот кај поранешната полициска станица

Општина Ѓорче Петров стартуваше со изградбата на ветениот паркинг-простор на местото на поранешната полициска станица.
Оттаму информираат дека капацитетот на паркингот е за педесетина возила.
Доколку временските услови дозволат, паркингот ќе биде пуштен во употреба за еден месец.





https://www.vecer.press/се-гради-паркингот-кај-поранешната-по/

Резидентните паркиралишта не се паркинг за сите возачи

Паркинг-главоболки на Општина Центар: живеалиштето оди во пакет со паркинг-место за автомобил
Проблемите со паркирање во Општина Центар колку-толку успешно се решаваа со воведувањето зонско паркирање и со формирањето на јавното претпријатие „Паркинзи на Општина Центар“. Сепак, и покрај тоа, граѓаните наидуваат на проблематични ситуации предизвикани од разни несекојдневности. Токму таквите невообичаености и проблеми бараат или финансиски средства или лутање по бирократските шалтери со намера регулирање на документацијата заради добивање на т.н. резидентно паркинг-место, кое би требало да следува заедно со имањето живеалиште (стан, куќа) на граѓаните.
Мнозинството жители се задоволни од целокупниот воспоставен систем на претпријатието задолжено за паркирањето во Центар. Сепак, има и повеќе граѓани што наишле на одредени проблеми. Најчесто причините се поради нерегулирани лични податоци во нивните лични документи, или, пак, затоа што се сопственици на повеќе од едно возило.
Весна Блажески-Синадинова, жителка на Општина Центар, во допис до истата општина реагира дека добила казна во износ од 960 денари, бидејќи, како што вели, по седум години дознала дека не може да паркира пред зградата каде што е сопственик на стан и има налепница како резидент на Општина Центар. Таа за своето возило добила налепница од ПОЦ меѓутоа за друга адреса, односно за локацијата на стан во сопственост на нејзиниот сопруг, а за истата адреса налепница поседувал и нејзиниот сопруг.

Вели дека ниту таа ниту нејзиниот сопруг немале проблем при паркирање на паркинг-простор на местото каде што не живее, а каде што е лоциран нејзиниот стан.
– На телефон ми беше кажано дека досега било толерирано паркирање, но од сега ПОЦ се решил за порестриктивна политика! Граѓаните на Општина Центар не знаат и не се свесни дека не можат да си паркираат пред зградата каде што се сопственици на стан бидејќи се со различна адреса на лична карта на Општина Центар! Ми беше кажано дека ако сум сопственик на повеќе од еден стан во Општина Центар, за секој од нив треба да доплаќам по 250 денари од прво возило месечно – револтирано реагира таа.
Општинските власти информираат дека во согласност со Правилникот за начинот и постапката за издавање повластена паркинг-карта за јавни паркиралишта со наплата со кои управува ЈП „Паркинзи на Општина Центар“ сите жители што по лична карта живеат на територијата на Општина Центар и што поседуваат сопствено возило добиваат повластена паркинг-карта (ПКЖ) со која може да паркираат на сите комерцијални паркиралишта со кои стопанисува претпријатието, освен на резидентните паркиралишта што не се наменети за нив, паркиралиштата од затворен тип, зоната 0 и катната гаража „Судска палата“.
– По исклучок, во согласност со членот 14 од Правилникот за издавање ППК, доколку се работи за единствено патничко моторно возило во семејството, ПКЖ се издава врз основа на нотарски заверено полномошно, под услов властодавецот и полномошникот да се сопружници и еден од нив да е жител на Општина Центар, а властодавецот да е сопственик на патничкото моторно возило – предмет на корисничкиот договор. Доколку, пак, властодавецот го издава полномошното за сопствено второ или трето возило, ќе се смета дека барателот на ПКЖ не ги исполнува условите за користење на повластената паркинг-карта – информираат од Општината.

Оттаму додаваат дека физичките лица што имаат во сопственост моторно возило и станбен простор во Oпштина Центар, кој не е регистриран како нивно живеалиште според личната карта, а за кој поседуваат имотен лист, како и физичките лица што се сопственици на моторно возило, а имаат станбен простор под закуп на подрачјето на Општина Центар за кој имаат склучено нотарски заверен договор, добиваат привремена паркинг-карта за станари (ВПКС) и може да паркираат само во секторот каде што им е издадена налепницата, но не и на резидентните паркиралишта.
– Госпоѓата што се жали дека не може да се паркира пред нејзината зграда има веќе склучено кориснички договор за повластена паркинг-карта на друга адреса во Општина Центар и можност бесплатно да ги користи сите други комерцијални паркиралишта со кои стопанисува ЈП ПОЦ. Исто така, постои можност да се направи уште еден кориснички договор за другата адреса со надомест во согласност со ценовникот за услуги и надоместоци доколку станот по имотен лист е во нејзина сопственост, или да ја промени адресата во лична карта ако живее на таа адреса како што се вели во нејзиниот допис за да може да ги користи резидентните паркиралишта во тој сектор. ЈП „Паркинзи на Општина Центар“ нема направено никакви измени прекуноќ, овие правила важат со години и важат за сите. Многу граѓани ги злоупотребуваат услугите на претпријатието и постојано наоѓаат начин да ги заобиколат правилата. Затоа, ЈП ПОЦ ќе продолжи со интензивно контролирање и воведување ред на паркиралиштата со кои стопанисува со намера да се реши проблемот со паркирањето и да се стави крај на сообраќајниот хаос во Општина Центар – информираат од Центар.
Оттаму додаваат дека ЈП „Паркинзи на Општина Центар“ секогаш транспарентно ги носи одлуките и за сите измени во подзаконските акти, кои прво се одобруваат од Управниот и Надзорниот одбор на претпријатието, а потоа и од Советот на Општина Центар, навремено ги информира граѓаните преку медиумите, официјалната веб-страница на претпријатието и социјалните мрежи.
Резидентните паркиралишта на претпријатието постојат од самото негово формирање. Пред две години, со намера да се воведе поголем ред на овие паркиралишта, ЈП ПОЦ започна со поставување блокатори на сите возила што се затекнуваат на резидентно паркиралиште, а не се корисници резиденти на секторот во коj се паркирани, за да им се овозможи на жителите на Општина Центар непречено да ги користат резидентните паркиралишта – велат општинските власти.

https://www.novamakedonija.com.mk/makedonija/skopje/резидентните-паркиралишта-не-се-парк/

Деновиве многу галама се прави по социјалните мрежи за интензивни акции на пајак службите низ Стар Аеродром,според мене е сосем оправдано бидејќи се застанува буквално среде улица(особено кај Еквилибриум) а и пред сите други продавници има по неколку коли.
Дека треба барем еден монтажен треба ама исто така станарите од новите згради требало да си купат паркинг место под зграда доколку не им следувало со станот бидејќи кога тогаш ова ќе им се случи оставајќи ја колата наоколу.





https://www.facebook.com/jassumodopstinaaerodrom

Галамата е само политички leftist jibber-jabber, да се ќари политички поен некој од една помала партија, осетиле поле за поентирање и мислат дека ете шанса за некој глас повеќе. Ако се наведат станарите да паркираат во гаражи тогаш ќе има место за да нема паркирање пред еквилибриум. Не е крив кафичот што постои, предвидени се такви дејности според ДУП. И паркинзите треба да се баш за оние што се "на проаѓање". Да не треба случајно гостите у еквилибриум да си купат гаража во близина ако сакаат да одат таму. Паркирањето на гостите во угостителските објекти е еднакво, ако не и повеќе, легитимно од паркирањето на станарите. Мора да се прекине со оваа навика во Македонија да се протажира кампања дека станарите имаат повеќе право на околните површини. Таа лоша пракса што се направи со повластените зонски паркирања на јавни површини мора да прекине.

Edited by user8642 - 09-Feb-2021 at 15:28

Originally posted by user8642 Галамата е само политички leftist jibber-jabber, да се ќари политички поен некој од една помала партија, осетиле поле за поентирање и мислат дека ете шанса за некој глас повеќе. Ако се наведат станарите да паркираат во гаражи тогаш ќе има место за да нема паркирање пред еквилибриум. Не е крив кафичот што постои, предвидени се такви дејности според ДУП. И паркинзите треба да се баш за оние што се "на проаѓање". Да не треба случајно гостите у еквилибриум да си купат гаража во близина ако сакаат да одат таму. Паркирањето на гостите во угостителските објекти е еднакво, ако не и повеќе, легитимно од паркирањето на станарите. Мора да се прекине со оваа навика во Македонија да се протажира кампања дека станарите имаат повеќе право на околните површини. Таа лоша пракса што се направи со повластените зонски паркирања на јавни површини мора да прекине.

не се работи за тоа кој има повеќе право, туку за селективното казнување на граѓаните што е одамна проблем
нормално е дека правилото е „не го крши законот и нема да бидеш казнет“, ама кога двајца граѓани подеднакво ги кршат ама едниот само го казниваат, доаѓа до фрустрации и дополнителна игнорантност

инаку, сиот тој проблем со паркинг местата местата че се реши само ако се забрани становите да се продаваат одделно од нив... жалосно е колку паркинг места имаат обезбедено овие објекти и колку стојат празни

што се однесува до проблемот со Еквилибриум, можеби ресторанот не е должен да обезвбеди паркинг, ама граќаните не се должни да се паркираат до маса... барем Аеродром сеуште има паркинзи наоколу и бесплатни и што се наплаќаат, ако сакаш да се движиш наоколу, ќе си платиш место и готово

Станари на Максим Горки чекааат по половина час за да се ослободи паркинг место за да си одат дома

Станари сме на улицата Максим Горки број 14 во центарот на Скопје. Накратко Ви го изнесуваме нашиот долгогодишен проблем за користење на паркинг услуги на нашата улица, кој кулминираше со забрана од страна на ЈП Градски Паркинг Скопје за користење паркинг на улицата на која живееме и паркирање две улици подалеку од живеалиштето.
Секојдневен проблем е неподносливата фрекфенција на улицата којашто се создава заради масовно паркирање на улицата (којашто се наоѓа до самиот плоштад Македонија), а поради којашто сме принудени секојдневно да чекаме по половина час до час за да се ослободи паркинг место и да се паркираме. Речиси две децении од страна на сите градоначалници (Центар и Град Скопје) добиваме ветување дека ќе се изнајде решение на овој проблем, ветување за воведување резидентен паркинг, но од сето тоа остануваат само празни ветувања, а ситуацијата на терен е секојдневно зголемување на стресот и притисокот да се паркираме и да си дојдеме дома (особено сега во време на пандемија).
Кулминација на сето ова беше дописот добиен од ЈП Градски Паркинг Скопје на средината на месец март 2021 со кој не повикуваат да доставиме на увид потребна документација за да се продолжат дозволите за паркирање, без најава на никакви промени. Притоа, на самиот шалтер при доставата на документите усно сме известени дека од 01.04.2021 година само станарите од зградата број 14 и 16 (за која не се издадени паркинг дозволи) имаат забрана за паркирање на улицата на која живееме (паркиралиште Максим Горки А06) и дека ќе можеме да се паркираме преку две улици, на паркиралиштето А5 (за кое досега имавме усна дозвола дека ако не можеме да најдеме паркинг на А06 дозволено е да се обидеме на А5, но секогаш безуспешно бидејќи истото е преполно). Значи, сите останати жители на улицата ќе продолжат да се паркираат тука, вклучувајќи ги и жителите на споредните улички до Максим Горки, а само ние како жители на зградата број 14 на Максим Горки не смееме да користиме паркинг на улицата на која живееме.
На наше инсистирање упатени бевме телефонски да се обратиме кај госпоѓа Валентина (раководител во ЈП Градски Паркинг, согласно информацијата од вработените на шалтер), која одбиваше да го чуе и разбере секое наше образложение на оваа апсурдна ситуација, со кратки објаснувања дека оставале простор за издавање нови станарски дозволи, дозволи на лица кои работат во близина, како и за поголемо комерцијално работење на претпријатието на улицата. Да потсетиме дека основно станарско право е да се паркираме на улицата на којашто живееме, а дополнително претпријатието може да врши комерцијално работење. Во случајов, комерцијалното работење е над нашето право за паркинг, но само за мал дел од корисниците (жителите на нашата зграда, во која дел од нас живееме и преку 50 години).
Револтирани од дискриминирањето и понижувањето од страна на ЈП Градски Паркинг, упативме писмен допис со барање за решавање на овој проблем до нив, Градоначалникот на Град Скопје г-н Петре Шилегов и Град Скопје – Сектор за сообраќај, а одлучни сме да се обратиме и на повисока инстанца доколку не наидеме на никакво разбирање од нивна страна. (Забелешка: испртениот допис е потпишан само од дел од станарите и без печат од заедницата на станари поради изолација заради ковид на дел од станарите, вклучувајќи го и претседателот ЗС)
Можеби, навидум мал проблем, за нас е долгогодишен проблем што предизвикува секојдневни нервози. Ваквото малтретирање на користење паркинг преку две улици од местото на живеење, особено сега во време на пандемија, е показател за ставање на материјалните интереси наспроти интересите на жителите, а уште повеќе што е директна дискриминација на нас. Ова е најкратко што можеме да го изнесеме проблемот (верувајте има уште моменти во целиот проблем, но се задржуваме на најбитното).
Ви се заблагодаруваме на одвоеното време и Ве замолуваме за објава на нашата реакција, со надеж дека ќе помогне надлежните институции да покажат разбирање за проблемите што ги создаваат и да станат свесни за дискриминацијата и понижувањето што го вршат врз нас.

https://24info.mk/станари-на-максим-горки-чекааат-по-пол/

Битка за паркинг во Центар





Изградбата на две улици во исто време им го наруши раатот на дебармаалци. Паркинг нема ниту за лек. Новата ревизија во Центар, пак ги налути дел од станарите на „Максм Горки“. И тука паркингот е сериозeн проблем. Жители од двете локации го контактираа Радио МОФ, за да видиме каде е проблемот.

Станарите од зградата 14 на улица Максим Горки, велат дека имаат долгогодишен проблем за користење на паркинг на улицата. Тврдат дека на станари кои со децении живеат тука, им било забрането да се паркираат до домот, додека на нивно место надлежните им дозволиле паркирање на лица кои работат, а не живеат во близина. Станарите додаваат дека кон средината на март оваа година, требало да достават на увид потребна документација за дозволи за паркирање, но на шалтерот биле известени дека од 1 април, зградите број 14 и 16 на улица Максим Горки имаат забрана за паркирање на паркингот на улицата.

„Само станарите од зградата број 14 и 16, за кои не се издадени паркинг дозволи, имаат забрана за паркирање на улицата на која живееме (паркиралиште Максим Горки А06) и ќе можеме да се паркираме преку две улици, на паркиралиштето А5, за кое досега имавме усна дозвола дека ако не можеме да најдеме паркинг на А06 дозволено е да се обидеме на А5, но секогаш безуспешно бидејќи истото е преполно. Значи, сите останати жители на улицата ќе продолжат да се паркираат тука, вклучувајќи ги и жителите на споредните улички до Максим Горки, а само ние како жители на зградата број 14 не смееме да користиме паркинг на улицата на која живееме“, велат тие.

Станарите велат дека се обратиле во ЈП Градски Паркинг, од каде, како што велат, им било образложено дека се остава простор за издавање нови станарски дозволи, дозволи на лица кои работат во близина, како и за поголемо комерцијално работење на претпријатието на улицата.

„Да потсетиме дека основно станарско право е да се паркираме на улицата на којашто живееме, а дополнително претпријатието може да врши комерцијално работење. Во случајов, комерцијалното работење е над нашето право за паркинг, но само за мал дел од корисниците (жителите на нашата зграда, во која дел од нас живееме и преку 50 години“, велат тие.

Од Град Скопје, велат дека преку ЈП „Градски паркинг“, се организира паркинг на голем број локации. Уверуваат дека ќе има паркинг за станарите, без да прецизираат за кои згради, и на кои паркинзи.

„На конкретните локации нема да има промена на системот, и сите станари ќе можат да го користат паркингот на Максим Горки, но само за тие кои ги исполнуваат условите за категорија „станар“, согласно правилникот за станарски дозволи. Од тие причини деновиве од ЈП „Градски паркинг“ контактираат со жителите на објектите во овој реон со цел да спроведат ревизија (ажурирање) на станарите кои имаат право да го користат овој паркинг, бидејќи истата не е извршена подолг временски период“, велат од Град Скопје.

Паркинг нема ниту на улицата „Аминта Трети“, односно „Ленинова“

Поради градежни дејности на улица Орце Николов, улицата Аминта Трети, која деновиве си го врати старото име „Ленинова“, времено е прогласена за двонасочна, наместо еднонасочна улица. Станарите од улицата реагираат на ваквата промена, бидејќи и овде паркирањето стана невозможна мисија.

Иван К. е долгогодишен станар во зграда на улица Чедомир Миндеровиќ, споредна улица на „Ленинова“. Тој вели дека проблемот со метежот и недостатокот на паркинг места бил донекаде решен со одлуката од пред неколку години кога улицата станала еднонасочна, но временото решение повторно ги отворило старите рани.

„Со времената промена на улицата се направи повеќе метеж отколу решение. Бидејќи не е дадена алтернатива за тргнатите паркинг места од улицата, резидентните улици се преполнија со нерезидентни автомобили. Раскрсницата на која се врши изведба е заглавена од лошиот избор за пренасочување и промената на насока на движење, а не поради зголемен метеж”, вели тој.

Од Град Скопје не упатија до Општина Центар и МВР, велејќи дека преку нив се контролираат целосните или привремените сообраќајни режими.

Град Скопје нема врска со промената на сообраќајниот режим на улицата Аминта Трети (Ленинова). Согласно нашите информации, истото е привремено и се спроведува како дел од проектот кој го реализира Општина Центар за реконструкција на улицата Орце Николов“, велат оттаму.

Од Министерството за внатрешни работи пак, не известија дека се изведуваат градежни работи врз основа на Одобрение за времена измена на режимот на сообраќај и од тие причини е извршена времена измена на режимот на сообраќај на улицата „Аминта Трети“,

„Сообраќајниот режим е променет од еднонасочен во двонасочен кој ќе важи се до завршување на градежните работи на ул.„Орце Николов“, а потоа ќе се воспостави стариот режим на сообраќај“, велат од МВР.

Граѓаните сега коментираат дека и покрај времената одлука, проблемот што го имаат со метежот и паркингот на „Ленинова“ е многу голем.

„Временото решение иако во теорија би требало мене да ми е корист бидејќи не кружам, ме остава заглавен во огромен метеж во кој никој не ги знае новите насоки на движење. Тоа допринесува времето за враќање од работа да се зголеми тродупло, за на крај да стигнам на улицата и да немам каде да паркирам. Секојдневно треба да комуницирам со надлежниот работник од ПОЦ, а и пајак службите“, вели Иван.

Општина Центар е една од најгусто населените места во Скопје. Проблемите со паркингот се присутни две децении.

https://www.radiomof.mk/bitka-za-parking-vo-centar/