Велосипедски патеки и пунктови

9% не е шала (на некои делови гледам и преку 30-40 па и 50%, не ми е јасно како тоа некој може да го извози). Да не е за даунхил патекава?
Обичен човек (без кондиција) со обичен точак (6-7 speed) малку тешко дека ќе ја искачи. Али дозволени се паузи.

ГОТОВА ПРВАТА ПАТЕКА ВО ВЕЛОСИПЕДСКИОТ ПАРК НА ВОДНО СО КОЈА ЌЕ СЕ ОДВОЈАТ ПЕШАЦИТЕ ОД ВЕЛОСИПЕДИСТИТЕ

Заврши изведбата на првата велосипедска патека на скопската планина Водно. Деновиве треба да биде поставена вертикална сигнализација и, како што велат од Град Скопје, таа ќе го добие финалниот изглед. Оваа патека е дел од велосипедскиот парк наВодно, кој Градот го прави за да ја зголеми безбедноста на сите посетители на планината преку физичко одвојување на велосипедистите од пешаците и планинарите.

Патеката е со вкупна должина од 3.432 метри и се протега од полициската станица до Средно Водно. Патеката е со променлива широчина, најмногу до 3 метри и, како што велат од Град Скопје, ја следи постојната конфигурација на теренот и не го нарушува природното опкружување, а при нејзината изградба не се оштетени или исечени околните дрвја.

Патеката ќе биде официјално пуштена кон крајот на месецов со еднодневен настан односно фестивал за алтернативен туризам, кој Градот го организира по пат на јавен повик.

„Овој настан е дел од проектот кој го реализираат Град Скопје и Советот за регионална соработка. На истиот се очекува да учествуваат сите активни учесници во алтернативниот туризам, со главен акцент на велосипедизмот. Се надеваме на активно учество на што повеќе велосипедисти, а секако и на водечките компании за продажба на велосипеди и опрема во земјава. Со развој на алтернативниот туризам не само што се поттикнуваат здравите навики кај граѓаните, туку и се поттикнува и економскиот развој. Компаниите кои се занимаваат со продажба на ваков тип на опрема, па и можеби производи поврзани со здрава исхрана, ќе имаат можност на овој настан да ги промовираат своите производи. Ќе биде организирана трка со велосипеди по нагорната велосипедска патека, а за помладите можеби и трка со тротинети на паркингот на Средно Водно. Целиот настан ќе се организира на Водно на отворено, со големо внимание на протоколите и мерките за заштита од ковид-19“, вели Марко Тодоров, раководител на Секторот за локален економски развој на Град Скопје.

Патеката е нагорна планинска велосипедска патека и е една од трите велосипедски патеки предвидени за изведба годинава. Движењето во спротивна насока односно надолу ќе биде најстрого забрането. За оваа намена се предвидува патека која што ќе се изведе паралелно со оваа, а на неа ќе биде забрането движењето нагоре. Со тоа, велосипедистите ќе добијат комплетна алтернатива за искачување и спуштање на Средно Водно во однос на асфалтниот пат кој води до горе и е преоптеретен со сообраќај во деновите погодни за рекреација. Третата патека е предвидена за спуштање од врвот Крстовар до Средно Водно. Таа ќе биде за поискусните во овој спорт.

https://sdk.mk/index.php/dopisna-mrezha/gotova-prvata-pateka-vo-velosipedskiot-park-na-vodno-so-koja-ke-se-odvojat-peshatsite-od-velosipedistite/

Обележана вело патеката на улицата Васко Карангелески во Аеродром
Со ова бележење е затворен важен конектор меѓу два булевари и сега целиот блок (зелените згради во Аеродром) е заокружен со велопатеки на градските улици. Претходно блокот имаше велосипедски пристап од само едната страна, а сега има од сите четири (бул. Јане Сандански, бул. Србија, бул. АСНОМ и улицата Вако Карангелески).





https://www.facebook.com/p.shilegov/

Како бе може некој да се фали со ваков „проект“, буквално нацртале две паралелни бели линии на испукан тротоар Ха-ха-ха, пукнав од смеа

Originally posted by stef4o Обележана вело патеката на улицата Васко Карангелески во Аеродром Со ова бележење е затворен важен конектор меѓу два булевари и сега целиот блок (зелените згради во Аеродром) е заокружен со велопатеки на градските улици. Претходно блокот имаше велосипедски пристап од само едната страна, а сега има од сите четири (бул. Јане Сандански, бул. Србија, бул. АСНОМ и улицата Вако Карангелески). https://www.facebook.com/p.shilegov/

   

Маџари и Сингелиќ ќе добијат велосипедска врска со Центар, активистите го бараат истото и за Чаир

Скопските населби Маџари и Сингелиќ ќе добијат велосипедско поврзување со централното градско подрачје во рамките на тековната реконструкција на булеварот Александар Македонски. Градот Скопје за прв пат ќе врши експропријација на земјиште за да се изгради велосипедска патека по овој булевар, преку која граѓаните од овие две населби ќе можат да патуваат со велосипед до центарот на Скопје. Станува збор за продолжување на велосипедската рута 1 од проектот „Скопје велоград“, која во моментов е изградена на потегот од населбата Автокоманда до Карпош.

Од граѓанската иницијатива „На Точак“ ја поздравуваат ваквата одлука на градските власти, но и посочуваат дека ова треба да прерасне во редовна пракса при изградбата и реконструкцијата на улиците во градот. Тие деновиве испратиле и допис до Град Скопје во однос на најавата за одложување на изработката на проектната документација за тунелот под Скопското Кале, со чија што изградба општините Чаир, Бутел и Шуто Оризари преку Пластичарската улица треба да се поврзат со нова сообраќајница со центарот на Скопје.

Од „На Точак“ во дописот велат дека ако навистина има потреба од изградба на новата сообраќајница, која што треба да се поврзе кај Владата со булеварите „Св.Климент Охридски“ и „Илинден“, тогаш задолжително да се обезбеди безбеден пешачки и велосипедски сообраќај по неа. Тие бараат намалување на планираната ширина на коловозните ленти од 3,5 на 3 метри, тротоари со ширина од минимум 3 метри и велосипедски патеки од по 2,5 метри во двата правци на идната сообраќајница. Ако нема услови за вакво нешто, тогаш тие бараат да се изгради посебен пешачко-велосипедски мост и тунел за да можат граѓаните на овие општини поедноставно да стигнат до центарот на Скопје.

„Оваа врска по Климент Охридски ќе биде многу, многу атрактивна за пешачење и користење точак, за скратување дистанци меѓу Чаир и Центар, сакале или не. И ако не обезбедите специјален простор за нив, луѓето ќе го користат коловозот, ќе пречат на автомобилите, а и ќе ГИНАТ. Со најавените димензии, овој вијадукт ќе донесе пребрз сообраќај (околу 100 km/h) до Илинденска во срцето на Градот и ќе ја загрози безбедноста и амбиентот на живеење во најстрогиот центар. Поради сето наведено, бараме да се ревидира тендерската документација“, се вели во дописот испратен од „На Точак“ до Град Скопје.

Од „На Точак“ забележуваат дека токму граѓаните на Чаир и Бутел немаат ниту една велосипедска врска со центарот на Скопје, а треба да ги имаат и по улицата Цветан Димов и по идната сообраќајница што ќе се гради.

Инаку, „Мета.мк“ во изминатово лето пишуваше за конкретни предлози за развој на велосипедскиот сообраќај, вклучувајќи го и прашањето за изградба на нови патеки за движење на велосипедистите до периферните населби во Скопје.

https://meta.mk/madjari-i-singelikj-kje-dobijat-velosipedska-vrska-so-czentar-aktivistite-go-baraat-istoto-i-za-chair

И не сфаќам што е направено тука, пар трева, пар клупи, нигде не гледам држачи. Патем, што е посебното во проектов?

Чинам толку од проектов ништо посебно,можеби ќе постават уште држачи за велосипеди и толку ќе биде,тревата ако опстане ќе биде чудо...всушност просторот од пеплиште малку доби шминка а колку ќе потрае ќе видиме доста труд вложуваат да ја биде тревата ама нонстоп некој гази.Сепак добро е што колку толку некако се среди просторот.

Ако е за така тогаш треба сите плочки од Шехерезада до Зегин и отспротива да се заменат со нови по можност бекатон пошто ова другово е ужас(постојните се полуискршени,исцрнети,со лепени мастики и плус партал патека за слепи лица) секојдневно минувам оттука и на човек му требаат 4 очи,се напрегаш да поминеш поготово кога врне под цела железничка тече. Треба убаво темелно средување на целиот потег но очигледно не е во план а срамота е да се каже дека е главна автобуска и железничка во земјава а делува како напуштена. Ова со клупите и тревата е минимален и нецелосен зафат на кој потрошија скоро месец дена.

Проектот Велоштад кај Транспортен









https://www.facebook.com/skopjelab

Мачканици