Во селото Извор на земјиштето на поранешната база на Гранит веќе е подигнат камп за работниците.Засега само неколку контејнери.

Кинеско гратче никна крај селото Извор



Забрзано се гради населбата крај селото Извор, Кичевско, во кое ќе бидат сместени работниците на кинеската компанија „Сино хидро корпорејшн лимитед“, кои ќе бидат ангажирани на изградбата на новиот автопат Кичево - Охрид. И покрај топлото време, работници од повеќе македонски компании деновиве го завршуваат првиот дел од таканаречениот кинески град.

- Околу два месеца целосно сме фокусирани во изградбата на овој комплекс, каде што ќе бидат сместени работниците од Кина. Покрај изградбата на бараките во кои ќе бидат сместени работниците, во овој мал град ќе има и управна зграда, каде што ќе се наоѓаат луѓето што ќе го водат целиот проект, а во комплексот се гради и работничка менза со сите неопходни содржини - вели Мусли Муслиоски, раководител на ова градилиште од компанијата „Пилана Плачковица“.
Не се бара луксуз

Работниците ангажирани на овие објекти велат дека платите се добри и дека нивното работно време е од 8 до 17 часот, а за викендите се слободни.

Од кинеска страна постои надзорен орган, кој будно ги следи квалитетот и динамиката на работата и материјалите што се вградуваат во овој град.
- За цело време на изградбата на оваа населба постојано сме под буден надзор на луѓето од кинеската компанија, кои се грижат објектите да бидат квалитетно изградени и по сите стандарди. Зачудува фактот што Кинезите не инсистираат на голем луксуз, дури во идната менза сметаат дека на подот не мора да се ставаат керамички плочки, што од наша страна секако дека не беше прифатено.

Како и да е, до почетокот на август сите започнати објекти ќе бидат комплетно завршени и предадени во употреба и, според нашите пресметки, во нив ќе можат да се сместат околу 300 работници. По завршувањето на првата фаза ќе продолжиме со вториот дел од оваа населба, во која по финализирањето ќе бидат сместени околу 600 работници - додаде Муслиоски.

Се поставуваат контејнери

Во непосредна близина на кинеската населба, Градежниот институт од Скопје формира своја населба од контејнерски тип, во која ќе бидат сместени службите од овој институт ангажирани на автопатот.

- Во 21 контејнер ќе бидат сместени надзорниот орган и лабораториите. Ќе се испитуваат квалитетот на бетонот и геомеханичките својства на асфалтот. Во девет контејнери ќе бидат сместени и нашите лаборатории. Контејнерската населба комплетно ќе биде завршена до крајот на јули. Не можам да ви ја соопштам точната бројка на луѓе што ќе работат во овие контејнери, но се очекува во нив да функционираат околу 60 лица. Што се однесува до нивното сместување, тие што се од поблиските градови ќе патуваат секојдневно, додека оние што се од Скопје и од подалечните градови најверојатно ќе бидат сместени во Кичево или во Охрид - рече Сребре Великичевски од Градежниот институт на Македонија, раководител на оваа населба.

Жителите од селото Извор се жалат од неконтролираното движење на машините по селскиот пат, кој деновиве претрпел сериозни оштетувања.

- Без некој да нѐ праша по селскиот пат деновиве поминуваат тешки булдожери, под чија тежина асфалтот попушти и на повеќе места е оштетен. Ако продолжи ова самоволие на компаниите што градат тука, тогаш од селскиот пат за брзо време нема да остане ништо - се пожалија изворчани, кои ги сретнавме во полициската станица во ова село, каде што од органите на редот побараа да се спречат овие појави.

http://novamakedonija.com.mk/NewsDetal.asp?vest=71114102495&id=10&prilog=0&setIzdanie=23222

Edited by Џоле - 11-Jul-2014 at 12:39

Засега се работи на пристапни патишта до местата каде ќе има темели за мостовите.Темпото е поспоро,бидејќи има некои проблеми со самиот проект и непредвидени ситуации.Изградбата на патот сигурно нема да заврши за тоа време што го кажа владата.

Шефот на делницата од Гранит ми е близок човек,па ќе имам информации од прва рака,плус и службено ќе бидат активен ако се користи експлозив за пробивање на трасата

од пред неколку дена(една недела) и е сликано од кај влезот во Кичево од страна на Охрид

Овие се од пред околу 15-20 дена.











Edited by jyvation - 26-Jul-2014 at 17:48

Бидејќи не сум најдобро запознаен, еве ќе прашам:
 
Автопатот Кичево - Охрид нема да биде по истата траса по која е сегашниот пат ?
 
Прашувам бидејќи пишувате за мостови, а од сликиве гледам дека се копаат нови траси, па претпоставувам дека нема да биде истата траса.
 
Како за споредба, автопатот Скопје - Тетово е истиот пат што беше и претходно, само го проширија. Одлично помнам дека на почетокот од летото 2001 или 2002, кога почнаа градежните работи, се копаше веднаш до постоечкиот пат Скопје - Тетово, а на крајот од истото лето, патот - кој тогаш веќе стануваше автопат, беше до некаде асфалтиран.
 
Но автопатот Кичево - Охрид ќе се гради по друга траса, односно нема да се проширува веќе постоечкиот пат, или погрешно разбирам некои работи ?


Edited by Dexter26 - 26-Jul-2014 at 18:14

погорнине слики би требало да се од оваа локација:

41.446455, 20.819858

каде би требало во близина да започнува тунелот под Пресека

местото од каде е сликана првата фотографија е приближната локација на еден од поголемите мостови на оваа делница

^ ^ ^ ^
Базата малку подолу од кампот


И гледана од горе, отприлика локацијата - едниот крај на планираниот мост , а лево е другиот крај.На средина на сликата пробиеното во правец кон Кичево, во подолната слика пак


Ова во далечина е делот некаде пред Извор во правец кон Кичево, убав дел е трасиран почетно (бр. 1 на сл. слика)


Копано и делумно трасирано е и кај селата Попоец и Малкоец (2,3 и 4 - видливо од кај чешмата пред Пресека).По некоја логика според местата на работа вака некако би одело


Edited by Тркало - 03-Aug-2014 at 23:19

Штата за природата. За жал таа секогаш е жртва а развојот , не ми е по ќејф но нема бегање од глобализацијата и светските трендови.

Заврши изградбата на кинеската населба кај Извор

Во овој комплекс ќе бидат сместени работниците од кинеската компанија што ќе го гради автопатот
СЕ ЗАБРЗУВААТ АКТИВНОСТИТЕ ЗА АВТОПАТОТ КИЧЕВО - ОХРИД Заврши изградбата на кинеската населба кај селото Извор што за потребите на компанијата „Синохидро корпорејшн лимитед“ ја изгради скопската фирма „Плачковица-Ел-Мик“. - Во предвидениот рок од два месеца ги комплетиравме шесте објекти, кои за потребите на кинеската компанија „Синохидро“ ги изградивме кај селото Извор. Во овој комплекс изградивме шест приземни бараки, од кои четири ќе послужат за сместување на работниците од кинеската компанија, во една барака ќе биде сместена мензата, а друга ќе послужи за сместување на администрацијата. Веќе почна да пристигнува и неопходниот инвентар и наскоро сите објекти ќе ги примат првите станари - рече Иван Симоновски, еден од косопствениците на пиланата „Плачковица“. Во текот на изминатите два месеца пиланата „Плачковица“, покрај сопствените работници, во изградбата на објектите ангажира и други работници, претежно од Кичево, како и подизведувачи. Инаку, работите за време на изградбата беа следени од надзорниот орган на работодавецот „Синохидро“. - Цело време над нашата работа надзор вршеше кинеската компанија „Синохидро“. Со мали исклучоци, Кинезите беа задоволни од нашата изведба, лесно наоѓавме заеднички јазик за малите недостатоци, кои ги отстранувавме, што беше уште еден комплимент за нашата компанија. Единствено преостана до почетокот на грејната сезона Кинезите да одлучат на кој начин ќе ги затоплуваат бараките, кои се градени според сите светски стандарди - додаде Симоновски. Деновиве се врши и партерното уредување на просторот, со што ќе се добие финалниот изглед на овој мал град. Наскоро се очекува значително да порасне и бројноста на работници на „Синохидро“ на автопатот Кичево - Охрид. Во непосредна близина на кинеската населба финишира и изградбата на работните простории од контејнерски тип на Градежниот институт на Македонија од Скопје.

http://www.novamakedonija.com.mk/NewsDetal.asp?vest=81514183923&id=9&setIzdanie=23251