Концесија на автопатишта

Ќе се шири патот Гостивар - Охрид Автор:  Митко Р. Јовановски Над 80 милиони евра од државниот буџет за 2009 година ќе бидат наменети за изградба на објекти во сообраќајната инфраструктура. Овие средства се само проекција, додека дефинитивниот износ за изградба на патната инфраструктура ќе биде утврден по завршувањето на консултациите што се водат меѓу министерствата за утврдување на буџетските проекции за 2009 година.   Зголемувањето на средствата за оваа намена е дел од владината политика за наредната година, која се состои во зголемување на капиталните инвестиции што ќе овозможат интензивирање на градежните работи во патната инфраструктура, која се планира да биде изградена по пат на концесии. Комисијата за стратегиски проекти во која членуваат министрите од економскиот дел на Владата и Фондот за магистрални и регионални патишта работат на дефинирање на приоритетите за 2009 година. Сепак, како што ни изјави министерот за финансии Трајко Славевски, предност ќе им биде дадена на патните правци во источна Македонија и на Коридорот 8 на потегот од Гостивар до Охрид, кој е „прогласен“ за тесно грло во домашниот патен сообраќај во летниот период.   Надлежен за реализација на проектите од патната инфраструктура е Фондот за патишта, каде што ја подготвуваат програмата за 2009 година. Секако таа ќе биде во согласност со веќе утврдениот концепт за изградба на мрежа со автопатишта со наплата на патарина, со контролиран пристап и со висок квалитет и стандарди. Проектот се состои од седум главни автопатни делници, кои се поврзуваат со постојниот систем на автопатишта со патарина за да формираат интегриран систем што ќе ја покрива земјата.   - Динамиката за реализацијата на овие проекти ќе зависи од брзината на завршувањето и изработка на проектната документација за која е потребен минимален период од 6 до 9 месеци. За повеќето од тие проекти се намирени финансиските трошоци и очекуваме идната година да се интензивираат градежните работи - велат нашите извори.   Изградбата на новите сообраќајници ќе биде по пат на концесии, за што пројавија големо интересирање од повеќе сериозни странски компании. Следен чекор е објавување јавен повик за претквалификации. Во текот на идната година за оние делници за кои евентуално нема да се избере концесионер, Владата предвидува да обезбеди средства за градба на нови автопатски делници што би се реализирале во следниот четиригодишен период. Средствата би биле обезбедени со рационализација на трошењата на буџетските корисници, но и со промовирање развојна буџетска политика преку зголемување на ставката за капитални инвестиции. За остварување на овие проекти македонската влада ќе го користи искуството на Хрватска, која во изминатите години имаше континуиран буџетски дефицит, но изгради повеќе сообраќајници, кои на државата ѝ носат значителен финансиски прилив.         Седумте нови автопатни коридори   1. Романовце до Узем (границата со Бугарија) преку Страцин и Крива Паланка 2. Заобиколницата Скопје до Блаце (граница со Косово) 3. Гостивар до Требениште 4. Ќафасан (граница со Албанија) до Битола преку Струга, Охрид и Ресен 5. Велес (Отовица) до Меџитлија (граница со Грција) преку Прилеп и Битола 6. Велес (Отовица) до Обел (граница со Бугарија) преку Штип и Делчево 7. Штип до Миладиновци преку Свети Николе http://www.novamakedonija.com.mk/DesktopDefault.aspx?tabindex=0&tabid=2&fCat=1&top=1&EditionID=181&ArticleID=7000

Малку подетално да го проанализираме планот за давање на автопатски делници под концесија.

Еве како би изгледала Македонија, доколку по некое чудо планот се оствари:



Од самата мапа, веднаш се гледа дека има доста недоследности...

Единствено објаснување кое можам да го претпоставам за форсирањето на Охрид-Битола и Велес-БГ е автопатски да се пополнат сите алки на т.н. централен коридор исток-запад (АЛ-Битола-Велес-Штип-БГ). Поради периферната поставеност на коридорот 8, можеби идејата е поцентралните делови на Македонија да добијат своја автопатска врска на правец исток-запад.

Но дури и да е така, се поставуваат неколку важни прашања:

1. Интензитетот на сообраќајот генерално ни е толку мал, што сме на „тенок мраз“ дури и за делници од коридорот 8 (кој има поголем проток на сообраќај и многу поголемо меѓународно стратешко значење), а камо ли да го удвојуваме и да ствараме алтернативи и „конкуренција“... Истото тоа во голема мерка важи и за Штип-Миладиновци во однос на Штип-Отовица. Се плашам дека ова ќе се одрази во тоа какви понуди ќе добиеме...

2. Зошто упорно Струмичкиот регион (а во пакет со него и Радовиш) се лишува од можности за развој??? Веќе почнува да смрди на политичка мотивација!
На толку автопати кои толку лесно ги цртаат, можеа да зацртаат еден и накај Струмица, град и регион кој заедно со Скопје и Полог најбргу се развива и заслужува поголеми инфраструктурни проекти.

3. Зошто се форсираат автопати далеку повеќе од нашите капацитети и потреби, а железницата никој не ја есапи? Што ќе ни се на пример две автопатски врски со Бугарија, а немаме ниту една железничка...
Веле Самак во едно неодамна постирано интервју на форумов ги нагласуваше автопатите како предуслов за привлекување на странски инвестиции. Исто така се пофали дека работат на носење инвеститор кој би отворил фабрика за автомобили во Македонија, како круна на инвестициите. Не знам како г-дин Самак земислува да се транспортираат тие автомобили... Зарем со шлепери? Се добива впечаток на оптимистичко но плитко дилетантско планирање. Очигледно дека (дури и да се реални очекувањата на владата за концесиите) странските инвеститори многу повеќе би преферирале пристојни железнички врски, отколку презаситеност со автопати...


Но еве спремен сум дури и да навивам за ваков (пре)оптимистички проект, само барем нека ја „урамнотежат“ мапата и нека предвидат поврзување Штип-Радовиш-Струмица. Ако е преоптимистички, барем нека биде преоптимистички за сите подеднакво!


Edited by Cloverstack - 13-Sep-2008 at 02:51

Црвени Брегови и Криволак изгледа на истото се мисли а?! 

Нема везе сепак и без таа реченица смислата се задржува.


Edited by lslcrew - 13-Sep-2008 at 03:23

3."Владата....фабрики....младите" ме асоцира на муабет од областа на политика и акономија, а што нема везе.

А за пругава очигледно државава нема пари да ја гради, а автопатите си се градат пошто обврска на државата е само тендерите да ги распише, тука нема трошење пари. Ја очекувам првиот момент кој ќе биде погоден за изградба на пруга со БГ дека ќе се искорсти. Уверен сум од темпото на владата дека пругата не е баталена. Знам дека сакаат да исфорсираат инфраструктура така да не стравувам ни малку.

3. Нема везе батали!!


Абе кловер не се разбираме! (како по обичај) Свесен сум дека пругата со Бугарија е еден од најприоритетните проекти на Македонија. Ама што да праиме кога толку пари немаме. За автопатите ќе дојде некој кешлија ќе го направи и готово. За пругата пари немаме!!! Ако нема ништо по весници и по нет, не значи дека не се планира!!! Сигурен сум дека некој во министерство и овој проект го турка!

Извадок од интервју со министерот за транспорт и врски Миле Јанакиески од Дневник

* Имаше голем интерес на повикот за концесионирање на десетина патни делници во земјава. Како ќе ги заштитите македонските граѓани да не бидат „одрани“ од скапите патарини од странските концесионери? - Согледувајќи ја потребата од подобрување на македонската патна мрежа, ние почнавме неколку проекти за рехабилитација и доизградба на македонските патишта. Проектот за развој и имплементација на автопати со наплата на патарина преку давање концесија, всушност е имплементирање на препораките што Владата ги доби од консултантската куќа „Луј Берже“, која беше ангажирана со цел да направи сеопфатна анализа и да го предложи најдобриот модел преку кој Македонија ќе добие современи автопати според сите светски стандарди. Министерството за транспорт и врски, во соработка со Фондот за магистрални и регионални патишта ја почна оваа постапка преку објавување меѓународен јавен повик за доставување прелиминарни писма со намери за учество во тендерот за концесија на патиштата на кој се огласија вкупно 48 компании, финансиски институции и конзорциуми од повеќе европски земји, како и од Северна Америка, Индија, Кина и од Турција. Меѓу нив се фирми како австриските „Штрабаг“ и „Рајфаизен инвествентс“, хрватска „Ингра“, грчка „Терна“, американската „Бехтел“ и други кои веќе имаат земено патишта под концесија во земјите од регионот.Во процесот следна фаза е претквалификација на сите што се пријавиле на првичниот повик за пројавување интерес. Оваа фаза ќе заврши во овој месец, а компаниите што успешно ќе ја поминат претквалификацијата ќе учествуваат на тендерот за концесии на автопати со наплата на патарина. Проектите опфаќаат вкупно 560 километри патишта, поделени во седум одделни делници. Државата секако дека ги штити интересите на граѓаните и оттука по изборот на најповолен понудувач, во самиот договор за концесија ќе биде определена рамката во која идните концесионери ќе може да ја наплаќаат патарината по завршувањето на предвидените инвестиции.

http://www.dnevnik.com.mk/?ItemID=EDFC10E50231564A92308E46B17E9ACF

Малце не ми е јасно со планираниот автопат Романовце-БГ. Новиот автопат треба да почнува од романовце, а тоа е пред Куманово. А стариот (моменталниот) почнува од после Куманово. А како што знам трасата треба да биде истата. Значи сега каде новиот автопат ќе се надоврзе на старата траса?!

Во контекст на ова уште една слична вест

Австриската “Алпине” сака да ги гради патиштата во Македонија Австриската градежна комапнија “Алпине” минатата недела отвори претставништво во Македонија. Новата фима е подружница на “Алпине Бау Гмбх” од Салзбург, Австрија. Со неа ќе управуваат еден Македонец, Гоце Букилица-Јордановски и Словенецот Роман Мацун. Како основна дејност на новата фирма на “Алпине” е наведено изградба на автопатишта, аеродромски писти и спортски терени. Неофицијално, “Алпине” е меѓу компаниите кои се пријавени на тенедерот за изградба на регионалните патишта во Македонија со земање под концесија. Познавачите на градежниот бизнис велат дека австриската “Алпине” е многу заинтересирана да го добие овој бизнис. Инаку, “Алпине” моментално е во проблематична и затегната ситуација со Владата во Србија заради контроверзната концесија за изградба на трасата Хоргош-Пожега, на кој “Алпине” беше избрана за концесионер. Но, заради доцнењето во почетокот на градежните работи, српските власти сакаат да ја раскинат концесијата, за што Австријците бараат голема отштета. Ова е факт, кој не смее да биде игнориран кога ќе се одлучува кој ќе ги добие македонските патишта под концесија. Да се надеваме дека ако “Алпине” сепак стане концесионер, ќе се покаже подобро отколку во Србија.

http://www.total.com.mk/default.aspx?mId=16&eventId=12488

Дел од предложениве траси се сосема неатрактивни за било какви инвеститори и се кладам дека никоја фирма нема да застане сериозно за нив:
1) Штип-Кочани-Делчево-БГ.
2)Битола-Охрид-АЛ
Патните правци ниту влегуваат во некоиод европските транспортни коридори, ниту поврзуваат големи административни и индустриски центри ниту поминуваат низ богати и густо-населени општини.
Македонија треба да се сконцентрира на Коридорите 8 и 10, потоа на автопатот Скопје-Приштина. Друга важна магистрала која спојува неколку големи и важни градови би била Штип-Велес-Прилеп-Битола. Владата мислам дека грешно ги раздели пакетите и со тоа ги направи неатрактивни за инвестирање. Не е целта да се има автопат до секое мало градче, туку да се поврзат големите градови со престолнината и со соседните држави. До другите региони сосема е доволно да се има убав, нов, обичен пат.
Иначе вашето мислење за атрактивноста и густината на сообраќајот на овие делници какво е?

Да, никаква концесија за 15 км. Тоа е срамота да не може сами да го изградиме. Иначе со потоа не мислев по ред на реализација туку само набројував. Се согласувам дека Скопје- Приштина е атрактивна особено за камионскиот сообраќај. Македонија најмногу извезува на Косово, особено нафта од ОКТА но и ред други работи. Но вредноста на овој правец ќе се смали кога ќе се пушти автопатот Драч-Тирана-Приштина кој е веке во напредната фаза на изградба.