Битолски сообраќај (општо)

Originally posted by гитардемон Многу сум горд што го најдов ова: http://www.kristibombol.com/uploads/proekti/Elaborat.pdf Сепак некој направил многу детална студија за ова. Браво. Sирнете ја, интересно е кој не видел како тоа изгледа.

Во студијава е наведено влезот/излезот да биде улица како што е и сега само реконструирана ама општината сепак се реши за Булевар. Што за мене мислам дека правилно постапи

Во толку дискусија за Скопје 2014 никој не се потруди да искоментира нешто за гаражите во Битола. Во моментов немам време, ама утре ќе се потрудам да искажам еден поопсежен став зошто треба да се градат некои, а зошто не треба некои делови од ова. Сепак би сакал да слушнам и мислење од другите членови на форумот, сепак ова ако се реализира ќе биде еден од најголемите градежни зафати во Битола во последните 20-30 години, а и богами најважен.

Edited by гитардемон - 11-Feb-2010 at 16:56

Е сега да кажам јас што мислам. Уште од мало дете сум се мислел зошто има паркинг во најнајцентралниот дел од центарот на градот, а никој не се решил да направи подземен паркинг (ама како мал не знаев што се тоа вреќи пари) Јас како идеја го поддржувам во целост, но убеден сум дека тука политиката има замешано прсти премногу, поради неколку причини.

1) Има подземна гаража на само 100 метри оттука со капацитет за барем 200 возила која не се користи веќе 10 години откако е изградена.
2) и 3) Успеаја да добијат фондови од државата и од ЕУ за булеварски влезови (иако теоретски тоа беше поради тоа што се дел од Е-65), а не можеле за паркингот да извадат некоја илјадарка па запнале да има полно дуќани. Значи некој тука ќе има голем профит од дуќаните.
4) Изгорени се да го тргнат споменикот на борците од 2СВ и на Манаки, и во центарот да си изградат фонтана и да го закачат Филип некаде таму.

Јас си го замислувам ова на сосем поинаков начин.
Таа катната гаража веднаш до пионерскиот дом и во летната бавча на киното Македонија не само што е непотребна, туку таа е веројатно најголемата глупост на светот. До неа ќе води само еден чикмак кој е широк одвај 3 метри и е вечно окупиран со возила на жителите на таа улица кои немаат гаража, а нормално никој од нив нема да сака да плаќа за паркинг во катната гаража.
Од друга страна ако е бесплатен паркингот, никогаш нема да има место само станарите на околните згради се доволни да ја пополнат.
Тоа дека децата ќе немало каде да им играат, или дека ќе се загаделе е смешно, ама тоа е македонскиот народ јебига (назад зад зградата на ЈАТ има само кал, трња и паркирани возила)

За подземниот паркинг под плоштадот Гоце Делчев (да, тоа се смета за плоштад, иако е паркинг), можам да кажам само дека како што се гледа на петтата слика од горните рендери, планирано е да биде на две нивоа, арно ама нивото -1 ќе биде со 20 паркинг места и сè друго ќе биде дуќани. Оправдувањето, како што веќе реков, е дека немало пари, а вака ќе дојделе пари (демек ќе има навала за да си купат дуќани уште пред да се изгради паркингот).

Исто така, денивелацијата на патот воопшто не ми се допаѓа бидејќи почнува уште одма пред хотел Епинал. Може да се направи некои 50-тина метри потаму кон Пелагонка. Навистина корзото во тој дел ќе се сведи на само еден пешачки мост над денивелирана сообраќајница, и наместо да имаме широк простор (пример во форма на некое плато пред хотел Епинал сè до домот на културата и хотел Македонија).

За споменикот нема потреба да коментирам, не е сигурно, ама јас сум убеден дека сакаат да наместат нешто такво таму. Јас викам ако мора да биде патриотско нека биде некој убав јарбол (не како оние на владата), барем ќе се вклопува некаде во центарот.

Исто така, мислам дека подземната гаража под ТЦ Пелагонка 2 би била многу корисна, има 2 влеза/излеза еден спроти друг, поврзана е со лифт и скали со надземниот дел од ТЦ Пелагонка, а е во строгото централно градско подрачје. Капацитетот ќе да е некаде околу 150 места ми се чини (тоа што е дел станбена зграда, дел деловни канцеларии мислам дека не е проблем, ако сака општината ќе најде чаре).

Сè на сè, еве како го замислувам тоа, и мислам дека е многу попрактично вака. Подземна гаража под Пелагонка 2 со 2 влезоизлези, подземна гаража под плоштадот исто така со 2 влезоизлези (еден надземен, еден подземен), а денивелирањето да почнува уште од кај крстосницата кај гроздот од источната страна, а да завршува кај крајот на домот на културата, блиску до Пелагонка 2 на западната страна. Малце набрзинка, вака:

Денес во 16 часот беше миниран дел од ридот кај населбата “Стрелиште“ во Битола, за вкопување на двете цевки со голем пречник за канализација и водовод. Градежната сезона во Битола денес беше започната, како рече градоначалникот Талески, бучно со минирање, а во таа насока ќе се одвива и целата оваа градежна сезона. Минирањето го направи специјализирана минерска фирма која сосема безбедно го минира местото, а потоа и го активира експлозивот. Целата работа беше успешно завршена, а поради карпестите места каде треба да поминува новиот булевар, кај црквата “Св. Недела“, се предвидува дека ќе бидат потребни уште две минирања. На самото место беше и градоначалникот на Битола, Владимир Талески, кој по безбедно завршената работа рече: -Денеска дел од ридот на патот кај светонеделските гробишта, беше миниран поради тоа што градежните машини не можат да го копаат каменестиот дел. Овде како се работи проектот за уредување, односно модернизирање на влезот на Битола од страната на Прилеп, со поддршка на Министерството за транспорт и врски, како дел од патот М-5. Сообраќајот и целокупното движење на пешаците беше запрено со помош на сообраќајната полиција, а возилата и пешаците беа препраќани по ново изградената улица “Кукуш“ кај населбата “Ушици“. Поради специфичноста на работите на новиот булеварски влез, денес не се кажа до кога ќе траат работите и кога овој дел на Битола ќе биде комплетно завршен. Текст и фото: Сашо Ристевски

http://www.informator.ws/novosti-od-bitola/12104-2010-03-19-22-04-42.html

---

Видео со минирањето.



---

BONUS:

Originally posted by lslcrew гитар ти озбилен си за динамитов?! Многу гледаш Brainiac!

И Двојче изгледа гледа Braniac

Edited by гитардемон - 20-Mar-2010 at 06:47

Битолските семафори не работат Среда, 21 Април 2010 17:37 Битола веќе два недели сообраќајно функционира без семафори.Три фреквентни крстосници во градот не располагаат со светлечка сигнализација. „ Па причината е дефект најнормален дефект на старата инсталација вие знаете од кога се поставени овие раскрсници кои се регулирани со светлосна сигрализација."- вели Зора Симјановска раководител на Комунално одделение Тендерски избраната фирма е од Скопје, па потребно е време за да дојде и да го отстрани дефектот.Тендерот за избор на нова фирма која ќе ја одржува светлосната сигнализација е во тек дотогаш на повик скопјаните ќе ни ги поправаат семафорите, но и на овој тендер битолска фирма нема да ја земе работата за годишно одржување. „ Битолските фирми немаат лиценца за софтеврот, софтеврот е на Еурософт од Скопје и општината ја откупи за градот."- вели Зора Симјановска раководител на Комунално одделение. За да се избегнат проблемите од овој вид Општината во размислување. „ Ние планираме кај Безистенот тука раскрсницата да ја решиме со кружен тек но тоа зависи од урбанистичко идејно решение."- вели Зора Симјановска раководител на Комунално одделение. Трајно решение базирано врз идеи имало и за други крстосници низ градот, но сеуште се трагало по најдобриот проект.На улицата Железничка не била предвидена светлосна сигнализација таму состојбата ќе се решавала со сообраќајни знаци, кои денес чекаат да ги добијат и да почнат со поставување , или со правец на движење, еднонасочен или двонасочен.

TEPA TB


Edited by гитардемон - 21-Apr-2010 at 18:34

Во Битола општинските багери узурпираа приватен имот 03.06.2010 18:59 Драги Павловски   Изградбата на булеварскиот пристап кон Битола ја отвори и првата кавга на локалната власт со сопственик на приватен имот. Драги Павловски е сопственик на две парцели од 3.000 метри квадратни кај населбата „Стрелиште“ кои биле одземени со експропријација во 1977 година, но бидејќи во законскиот рок од 10 години ништо не се изградило, сопствениците имотот си го повратиле. Во овој период додека течат градежните работи, Павловски не успеал да се нагоди со градските татковци и вчера, како што вели, по нивни налог влегле багерите и го узурпирале неговиот имот. „Во Катастарот се водам како сопственик. Во текот на денешниот ден ангажирав стручно лице кое поднесе барање за издавање на времена мерка за да се запрат градежните работи , се до завршувањето на постапката за експропријација и утврдување на надоместокот. Се надевам дека овој пат ќе биде издадена таква мерка зашто очигледно, постои кршење на Уставот и законите“, рече денеска Драги Павловски, соптвеник на имотот. Од Општината сакаат да се нагодат, иако се поочигледно е дека за проценка на оваа парцела ќе има судски епилог. „Господинот што реагира преку медиуми, досега нема дојдено кај нас и да каже дека сака да ги стопира градежните работи. Кога писмено ќе ни се обрати, ние веднаш ќе ги стопираме“, вели Зора Симјановска, координатор на проектот. Булеварскиот влез од патниот правец М-5 кон Битола во должина од 2,3 километри и ширина од 24 метри ќе се гради етапно, без да се знае колку ќе има имотни спорови. Изградбата на булеварскиот влез кон Битола, за Општината ќе донесе уште многу предизвици бидејќи допрва ќе има пазарења со ЕВН за приватен имот и за други приватни имоти, а исто така и за подземната инфраструктура на оваа локација за која се уште нема никаков катастар. http://a1.com.mk/vesti/default.aspx?VestID=123858

Молам координати за факултетот за јавна администрација 

Е добро де зошто да пребарувам и лутам, а без гаранција дека е обележано и дека ќе го најдам... Додека Македонија не биде детално и точно обележана, пологично ми е да прашам некој што знае со сигурност. Ќе ти вратам со гугл кога ќе прашаш нешто за Скопје  

Edited by Cloverstack - 29-Jun-2010 at 00:02

Не видов дека сум во битолски сообраќај (неколку нишки имам отворено паралелно) и за момент се шокирав додека не видов дека се работи за битола во првите неколку реченици. Веднаш низ глава ми се сврте оној искршен дел од скопска Партизанска од Соборна до Градежен Факултет.

Edited by lslcrew - 29-Jun-2010 at 04:11

Јас пред некој ден се вратив во Битола, и најверојатно првата фаза (?) од овој проект е завршена.
Преасфалтирана е на потегот од Факултетот за Јавна администрација до таа раскрсницата (улици Тошо Даскало, Стрчин и Партизанска).

Барем се работи нешто