Незнам дали е за овде но за тој пат е. Пред недела дена е излегнат тендер за реконструкција на Катланово-Велес објавен од Агенција за Дршавни Патишта

Најголемата македонска градежна компанија „Гранит“, специјализирана за нискоградба, склучи договор вреден 444,5 милиони денари (7,22 милиони евра) со државната Агенција за патишта, објави компанијата.

„Гранит“ го добил тендерот за рехабилитација на делницата „Катланово-Велес“од магистралниот пат М-1.

Според официјалните информации „Гранит“ се обврзал работата да ја заврши за 18 месеци од склучување на договорот, што значи до крајот на 2012 година.

Ако се споредува со приходите кои „Гранит“ ги остварил во првиот квартал годинава излегува дека овој договор е во вредност од половина од сите приходи кои ги остварила компанијата за првото тромесечје. Доколку пак се споредува со приходите за првиот квартал лани тогаш излегува дека овој договор вреди речиси колку сите приходи кои компанијата ги остварила лани за првите три месеци.



Зошто делницата Катланово-Велес, кога во обратна насока патот е во далеку,далеку полоша состојба ???

Одлична вест!

Според вас... ако ја направат таа делница тип топ, колкава ќе биде највисоката дозволена брзина?

Originally posted by N23 Одлична вест!

Ако дочекавме вакви новости да бидат одлични вести тогаш не знам што би правеле со крупни непочнати проекти. Прегу глава веќе па во Македонија приоритет треба да се делниците што не се завршени и што не се ни почнати. Ова е обично мачкање очи не дека нема да променат асфалт али ова е далеку од тоа што ни треба!!

Originally posted by Supervisor Originally posted by N23 Одлична вест! Ако дочекавме вакви новости да бидат одлични вести тогаш не знам што би правеле со крупни непочнати проекти. Прегу глава веќе па во Македонија приоритет треба да се делниците што не се завршени и што не се ни почнати. Ова е обично мачкање очи не дека нема да променат асфалт али ова е далеку од тоа што ни треба!!

Па ако знаеме колкава е успаноста на властите кон инфраструктурата, секој ваков зафат е одлична вест, па макар се работело и за 10 км. Особено што кај нас после направениот автопат никој понатаму не се грижи за негово одржување. Сепак мора да е за минимален поздрав ваквата одлука, затоа што после огромниот притисок од јавноста можеби на тие горе ќе им текне што се приоритети.

НАСКОРО ПОЧНУВА РЕКОНСТРУКЦИЈАТА НА НАЈФРЕКВЕНТНИОТ АВТОПАТ

Од Катланово до Велес по една лента

Предвидено е да се реконструираат 27,5 километри од оваа делница, а градежните работи треба да завршат за 18 месеци

На делови од автопатот од Катланово кон Велес наскоро ќе се вози по една лента поради претстојната реконструкција на оваа делница. Надлежните с` уште не објавуваат кога точно ќе почне реконструкцијата на најфреквентниот автопат во земјава бидејќи, како што објаснуваат, во моментов се снима теренот и се прави план за текот на градежните активности.

Неофицијално дознаваме дека се очекува градежната машинерија да го окупира автопатот кон крајот на август или во почетокот на септември.

Градежните работи на оваа делница ќе ги изведува „Гранит“. Според договорот што компанијата минатиот месец го потпиша со Агенцијата за патишта, предвидено е да се реконструираат 27,5 километри автопат од делницата од Катланово до Велес. Целиот проект ќе чини околу 7,2 милиони евра, а градежните работи треба да завршат за 18 месеци. По завршувањето на оваа делница се планира реконструкција на автопатот и во спротивен правец, односно од Велес кон Скопје.

Според проектот, во следната 1,5 година ќе се обновува асфалтот на овој дел од автопатот, односно ќе се рехабилитира коловозот. Паралелно со тоа ќе се санираат насипите и местата каде што има нестабилни карпи.

- Со овие активности ќе се спречат евентуални поголеми одрони на патот и ќе се зголеми безбедноста на патниците. Санацијата ќе ги опфати најкритичните точки на оваа делница, а на крај ќе се постави нова хоризонтална и вертикална сигнализација - велат од Агенцијата за патишта.

Оттаму објаснуваат дека на патот ќе биде воведен времен режим на сообраќај, кој подразбира затворање на една коловозна лента само на оние делови на кои ќе се работи во тој момент. На останатите делови од автопатската делница возилата ќе може непречено да ги користат двете ленти.

- Се разбира, граѓаните навремено ќе бидат известени за новиот сообраќаен режим - велат од Агенцијата.

Иако градежните работи може да почнат додека траат летото и годишните одмори, од Министерството за транспорт и врски потенцираат дека реконструкцијата нема да предизвика застој и проблеми во одвивање на сообраќајот.

- Сите градежни работи ќе се одвиваат наизменично на една половина од возната површина, а сообраќајот ќе се одвива без застој со соодветна сигнализација по една сообраќајна лента - велат од Министерството за транспорт.

Последната голема реконструкција на овој автопат беше пред околу четири години, кога делницата од Скопје до Велес беше затворена за сообраќај една година, а сообраќајот се одвиваше во две насоки по патот Велес-Скопје. Тогаш се реконструираа 10 моста со пари од НАТО.

Следува санација на мостовите

Реконструкцијата на автопатот Катланово-Велес во двете насоки е предвидена во програмата за работа на новата влада, каде што е наведен рокот од 2012 до 2014 година. Меѓу другите инфраструктурни проекти што треба да се реализираат се споменува и третата фаза од проектот „Рехабилитација и зајакнување на мостовите“ што треба да се врши во 2015 година.

http://www.dnevnik.com.mk/?ItemID=7BBF1C20FAD75F47B42F40A6E5154D59

Фала богу за ова. Сепак мислам дека другата насока (Велес-Катланово) требаше прва да се прави, оти е ко да возиш низ нива. Оваа страна (барем ја не се сеќавам) чинам не беше толку лоша.

Некој да не одел скоро према Велес ? До каде е реконструкцијата ?

денес возева на автопатот Скопје-Велес и делот што е реновиран солидно ми изгледаше,возењето е доста мазно за македонски услови,а како што забележав ставен е нов слој асфалт некаде до првиот тунел.касно се сетив и затоа сликав само една слика