Велосипедски патеки и пунктови

Евроамбасадорот Гир и градоначалникот Шилегов ќе го отворат „Велоштад“

Евроамбасадорот Дејвид Гир и градоначалникот на Скопје Петре Шилегов денеска официјално ќе го отворат паркингот за велосипеди „Велоштад“ во рамки на Транспортниот центар.

-Ова урбано место за велосипедистите ги задоволува нивните практични потреби кога станува збор за паркинг и сервисирање, а муралот финансиран од Европската Унија испраќа порака за подобра мобилност, спортска активност и здрав начин на живот, стои во соопштението на Делегацијата на ЕУ во Скопје.   

Како што наведуваат оттаму, отворањето на „Велоштад“ го заменува одбележувањето на Денот без автомобили, што годинава не можеше да се одбележи на традиционалниот начин со масовна велосипедска парада поради Ковид-19. Настанот истовремено се одржува во контекст на Европската недела на мобилност, што се надополнува со Европската недела на спортови. „Велоштад“ ги обединува двете пораки кои ЕУ ги испраќа на крајот на секој септмври – „Мобилност за сите со нула-емисии“ и „Биди активен“.   

Велосипедскиот паркинг со кој се урбанизира делот од Транспортниот центар е идејно решение на Теа Дамјановска и Михајло Стојановски и е поддржано од Германското друштво за меѓународна соработка (GIZ).

Делегацијата на Европска Унија го надополнува урбаното решение со мурал кој го става акцентот на важноста од достапен транспорт со нула-емисии за секого и ги поттикнува луѓето да негуваат поздрав стил на живот во текот на целата година. Муралот, финансиран од ЕУ, е дело на тројца дипломирани уметници: Сања Симоска, Сали Ертунц и Бранкица Јорданковска.

https://nezavisen.mk/evroambasadorot-gir-i-gradonachalnikot-shilegov-kje-go-otvorat-veloshtad/

доказ за тоа колку мала инвестиција е потребна за да се среди целиот простор на железничка
штета што просторот е таков што ретко кој би имал храброст да остави велосипед тука, па е малце утната инвестицијата

https://skopje.gov.mk/mk/vesti/2019/02102020_otvoranje_pionerska_velopateka_vodno/

Edited by Џоле - 03-Oct-2020 at 17:47

Да не го планираат прекинов автобуска, можеби?

Многу нелогичности има при реконструкцијата на оваа улица, чии последици веројатно допрва ќе ги гледаме.

Скопје со велосипедски рути да се поврзе со околните села и населби



Да се искористи постоечката железничка мрежа кон околните градови, но и железничкиот прстен во Скопје, како и да се надградат со потребните краци. Да се испланира велосипедска мрежа од велосипедски патеки, но и велопатишта (велосипедски рути целосно издвоени од моторниот сообраќај) кои ќе го поврзат Скопје со околните населби, кон Скопска Црна Гора, кон Матка, кон Марков Манастир, кон Таор и Катланово по текот на Вардар, кон Косово по Качанички пат и реката Лепенец, е само дел од визијата на „На точак“ за развој на Скопскиот плански регион за следните пет години.

Според неформалната група на скопски велосипедисти „На точак“, со тоа ќе се овозможи на жителите од помалите и рурални населени места да се движат од село во село безбедно на велосипед, да доаѓаат до Скопје, како и граѓаните на Скопје и туристите да стигнат со велосипед до овие места.

-Тоа ќе помогне за поинаква структура на сообраќајот (нема само автомобили да се сигурната опција), велосипедот ќе учествува со повисок процент во сообраќајот, но позитивно ќе влијае не само на природата, туку и на спортот, рекреацијата, здравјето на луѓето, туризмот и економскиот развој на цел регион. Скопскиот регион ќе стане поздраво место за живеење, а попривлечно за посета – сметаат од „На точак“.

Тие додаваат дека како дел од континенталната велосипедска мрежа на Европа (Euro Velo) РУТА 11 која ги поврзува Норвешка и Грција (https://en.eurovelo.com/ev11/fyro-macedonia) минува од Куманово до Скопје и продолжува по текот на Вардар кон Грција и сметаат дека нејзиното локацискo проектирање и изградба треба да биде приоритет за регионот.

-Скопскиот регион во следните 5 години треба да ги постави основите на одржливост на кои би се развивал понатаму. Не веруваме дека во 5 години тоа може да го достигне, но може да започне да се движи во вистинска насока – потенцираат од „На точак“.

Тие сметаат дека Град Скопје или било која општина не треба да се грижи само за територијата во рамки на своите граници, туку Скопје мора да се гледа во корелација со приградските населби, руралните населби, околните планини, целата котлина, па дури и блиските градови кои се на толку мала дистанца што луѓето секојдневно сообраќаат на работа до/од Скопје (како Велес, Тетово, Куманово), а особено сообраќајот, мора да се гледа целовито.

-Мора да се направат сериозни анализи за движењето на луѓето и како да се направи поодржливо. Во Скопје секојдневно кон метежот придонесуваат не само неговите граѓани, туку и оние што прават дневни патувања за работа. Во моментов, најсигурен превоз е автомобилот, но неговото прекумерно користење создава мноштво проблеми (метеж, загадување, климатски промени, здравствени проблеми, намалена продуктивност). Мора и другите опции да се направат сигурни и привлечни – нагласуваат од „На Точак“.

https://www.vecer.press/скопје-со-велосипедски-рути-да-се-повр/

Токму и тоа е причина повеќе во Македонија да се укинат патарини за доминантниот внатрешен сообраќај. А за транзитерите преку лето да се најде начин преку некаква "еколошка такса" на граница да им се наплати колку се може, за камионите може да се воведат вињети за ако те застане полиција и готово. Една огромна маса луѓе се решила да остане да живее во блиски градови на Скопје >50км и да не го трупа и оптеретува главниот град, а ние дополнително им го отенуваме животот со наплата на патарини. Укинување би било еднако како на секој човек кој патува на дневна основа да му се качила платата 2000-3000 денари месечно. Пошто владеачката партија тврди дека спроведува политика "парите кај граѓаните" еве им револуционерна идеја.

Дали некој има информација, дали во скоро време се планира вело-патека на Јадранска Магистрала, имаат ли некаква замисла властите бидејќи возење на 5цм од шлепери е крајно непријатно.

Edited by Влатко - 29-Oct-2020 at 09:28

Како и да е, со години возам на тој потег и е крајно опасно а од друга страна доколку има вело патека голем дел од населението од северниот дел на градот би ја користеле. Па прашањето ми е дали некој има било каква информација околу ова.

ПОСТАВЕНИ ВЕЛОСИПЕДСКИ СЕМАФОРИ
На улицата Никола Карев, на постоечките семафори кај Транспортен центар, деновиве беа поставени нови лантерни наменети за велосипедистите.
Вакви семафори за велосипеди до сега беа поставени и долж ул. Борис Сарафов како и на бул. Свети Климент Охридски, а наскоро ќе бидат поставени на уште неколку локации низ Скопје.
Град Скопје, во континуитет работи на комплетирање на уличната инфраструктура за зголемување на сообраќајната безбедност на велосипедистите, па оттука покрај формирање на велосипедските патеки и поставување на ваква вертикална сигнализација.





https://www.facebook.com/CityofSkopje