Аеродроми

За време на обиколката која ја спроведе заедно со претставници на концесионерот ТАВ, вицепремиерите Зоран Ставрески и Владимир Пешевски и министрите Миле Јанакиески и Зоран Коњановски, премиерот Груевски ги посети делот од пистата што се доградува, и новиот терминал, карго терминалот, административната зграда и нова противпожарна и спасителна станица за воздухоплови кои се во градба. 

- Изградбата на објектите треба да приврши некаде меѓу јуни и септември. Дел од објектите ќе бидат готови во мај и јуни, а дел во септември и октомври годинава, така што засега се оди според планот. Ќе се инвестираат вкупно над 120 милиони евра само во Скопје и Охрид плус средствата кои ќе бидат неопходни за изградба на штипскиот карго аеродром, изјави премиерот Груевски по обиколката на објектите.

Тој посочи дека продолжувањето на полетно слетната писта на скопскиот аеродром ќе овозможи слетување на интерконтинентални летови со што, како што рече, ќе се зголеми категоризацијата на аеродромот и ќе се овозможат повеќе приходи и повеќе летови, но и повеќе можности за граѓаните.

- Се гради и десет пати поголем терминал за патници од постојниот кој располага со 4.000 метри квадратни, како и карго терминал со 10 пати поголем капацитет за стоки кој ќе има капацитет од 40.000 тони годишно, исткана премиерот Груевски.

Претседателот на Владата рече дека се гради и нова административна зграда за аеродромот, пет објекти за Министерството за одбрана, два клиометри пристапен пат со клучка, паркинг простор за околу 250 возила и за 100 такси возила, како и паркинг за автобуси и рент а кар возила.

- Планирано е да се набават и противпожарни камиони, болнички возила и друга опрема, а исто така, опрема е предвидено да се набави и за охридскиот аеродром „Св. Апостол Павле“, како и да се изгради карго аеродром во близина на Штип, рече премиерот Груевски и додаде дека изградбата на аеродромот во Штип ќе почне по завршувањето на потребните мерења согласно стандардите на ЕУ.

Времето кое е неопходно затоа, посочи, веќе е започнато да тече од минатиот април.

http://vlada.mk/?q=node/6274