Статија од Дневник во врска со набавката на возови, во која е спомната времетраењето на постапката и која брзина би ја развиле, иако не верувам баш во долуспоменатата брзина на движење, или пак таа ќе важи само за коридорот 10.

http://www.dnevnik.com.mk/?ItemID=50BD30A2F778FB4F939AC68B4D1D557D

Датум: 02.10.2012, 21:31

сосема нови возови, со што македонскиот железнички превоз ќе заличи на европскиот. Со заемот од 50 милиони евра од Европската банка за обнова и развој (ЕБОР) ќе се набават патнички возови кои нема да бидат со класични купеа, туку вагоните ќе бидат од отворен тип со удобни седишта како во возовите „интер сити“, кои сообраќаат помеѓу европските метрополи. Тие ќе бидат климатизирани, со лесен пристап за инвадилизирани лица и со интернет-врска во нив. Со парите од заемот ќе се набават и 150 транспортни вагони и ќе се обноват старите електрични локомотиви.

- Според европските и светските трендови, наместо вагон-композиции, возовите се 2,3 или 4-делни гарнитури зависно од потребите и од капацитетите на железничкиот сообраќај. Ние се одлучивме да купиме 3-4-делни возови, а секој од нив да има капацитет од 200 до 300 седишта. Ќе се набават четири гарнитури со дизел-моторни локомотиви и две електромоторни локомотиви. Дизел-композициите ќе се користат за превоз на патници по пругите кон Битола, Штип, Kочани и Kичево, а електромоторните ќе се движат по електрифицираната пруга по Kоридорот 10, од границата со Србија кон Грција - вели Оливер Деркоски, генерален директор на „МЖ транспорт“.

До крајот на годинава или почетокот на следната ќе заврши подготовката на тендерската документација, која, според барањата на ЕБОР, треба да ја одобри и консултант. Потоа ќе се распише јавниот повик и се очекува до средината на идната година да се знае името на доставувачот кога ќе се договори динамиката за испорака.

- За патнички гарнитури вообичаен рок на испорака е 1 до 1,5 година бидејќи нив производителите не ги чуваат на лагер, туку ги прават по нарачка. Товарните вагони очекуваме да ги добиеме поскоро, односно веќе до крајот на 2013 година. Со реализација на овој проект ќе бидеме мирни во следните 10-15 години во поглед на модерни и соодветни капацитети за превоз на патници и стока. Новите возови ќе го зголемат бројот на патници, а со тоа и нашиот приход. Планираме и да ги засилиме сите линии - вели Деркоски.

При набавката ќе се инсистира новите возови да може да развиваат брзини и до 140 километри на час. Директорот Дерковски вели дека гарнитурите ќе се движат со максимална брзина од 100 до 120 километри на час, што, според него, е доволно со оглед на големината на нашата земја. Засега на нашите пруги е ризично да се развие поголема брзина од 60 километри на час. Но со рехабилитација на железничката пруга по Kоридорот 10, која е најавена дека ќе почне в година, возовите ќе може да ја постигнат оваа брзина.

„МЖ транспорт“ ќе набави и 150 товарни вагони во согласност со барањата и потребите на македонските компании. Со тендерската документација ќе се бараат 60 рамни вагони, кои се погодни за превоз на контејнери или макари со лимови, и 90 отворени вагони, корита, кои служат за превоз на растресита стока, како руда, јаглен и слично.

Со планот за модернизација на железничкиот транспорт се предвидува да се модернизираат и 5-6 од сегашните 16 електрични локомотиви, што ќе зависи од понудената цена на јавниот повик. По обновата на неколку постојни дизел-моторни локомотиви, кои досега влечеа патнички вагони, тие ќе се вклучат во товарниот сообраќај, со што ќе се зголеми капацитетот за превоз на стока.