Sky City (Џеваир облакодери и трговски центар)

Одењето во висина е чиста мегаломаниjа не од практични туку од лични исфрустрирани причини. Не сме ние држава со 10 милиона па да градиме облакодери туку одваj 2 милиона (може ни толку не сме повеќе) а броjката секоjа година ОПАЃА. Можеби само за украс ќе ни бидат овие згради. На изглед се океj.

Originally posted by gorco Најголемата глупост, после зградите на Водно, Црниче, Пржино и Припор, во Скопје е ова! Да беше Македонија, споредено со Холандија према површина и број на жители, ќе разберев потреба од волкави зданија. За почвата каде што се градат да не збориме ... насред линијата на раседот.

ова со раседов се недокажани чаршиски приказни... никој не гради милионски облакодери за да му се срушат во првиот помал потрес
кога веќе правиме споредби, во цела источна Азија има облакодери (областа на најактивните земјотреси, поплави и вулкани), па ништо...

подобро е да се изградат 10 четириесеткатници ,него ли 40 десеткатници(помала градежна површина = повеке зеленило)

И од Лисиче

Џеваир Холдинг почнува со продажба на станови

Облакодерите во Аеродром стигнаа до врвот

Првата од четирите висококатници коишто ги гради турскиот холдинг Џеваир во општина Аеродром стигна до врвот. Изминатиот викенд градежните работници го изѕидаа најгорниот кат од првата кула, а инвеститорот најавува дека за неколку дена ќе започнат со продажба на станови во најлуксузниот станбен комплекс кој се гради во државата

Првиот од двата облакодера во општината Аеродром кои ги гради турскиот холдинг Џеваир" стигна до врвот. Викендов градежните работници го изѕидаа последниот кат на едната висококатница, додека втората заостанува со два ката и треба да биде завршена до крајот на месецот. Според најавата од инвеститорот, за неколку дена од почетокот на август ќе почне продажбата на станови во најлуксузниот комплекс кој се гради во државата.

Двете од предвидените четири висококатници коишто турскиот инвеститор почна да ги гради минатата година стигнаа до врвот за нешто повеќе од 12 месеци што е многу побрзо од предвиденото. Според динамиката, еден кат се градел по просечно пет дена. Станбено-деловните објекти се на просторот меѓу булеварите "Трета македонска бригада" и "Србија", но двете висококатници се гледаат од секој дел од градот бидејќи се највисоки.
- Благодарение на современата технологија и добрата организација, за пет дена градиме по еден кат. Во наредните неколку дена ќе бидат изградени првите две висококатници. Темелите и плочата се поставени и за вторите две, но на нив ќе се работи откако ќе завршиме на веќе почнатите. Секоја зграда има од 180 до 185 столба, широки по еден метар, а длабоки по 24 метри. Тоа ќе бидат најбезбедните згради, способни да издржат земјотрес од 10 степени, објаснува за Вечер Ејуп Учак, задолжен за односи со јавност во "Џеваир холдинг". Спред него, првите две згради ќе бидат вселиви до почетокот на 2015 година, а со продажба на станови компанијата ќе почне на почетокот на следниот месец.
-Штом ќе завршиме со изградбата, со карабината на првите две, веднаш ќе ги почнеме другите две згради. Изградбата се спроведува со метод на тунел-изградба, најбезбеден за земјотресни зони и најбрз за висококатници. Затоа оди толку брзо. Со проектот ќе изградиме 1.376 станови. Во секоја кула ќе има по 344 стана, почнувајќи од еднособни до трособни, објаснува Учак и додава дека во зависност од интересот на купувачите може да се направат и поголеми станови, па дури и да се купи цел кат.

-Кога ќе бидат завршени ќе имаат приземје и 40 ката, со вкупна висина од 130 метри. Објектите исто така имаат и по две подземни нивоа, објаснува Учак.


Најголем интерес за станови од 30-ти кат, па нагоре
Според проектот, четирите 42-катни солитери во Аеродром ќе имаат вкупно 1.376 стана. Со нив ќе се обезбеди простор за живеење за околу 6.000 луѓе.
-Има многу заинтересирани купувачи, а најголем интерес има за становите од 30-ти кат, па нагоре. Интересот за купување на стан во облакодерите е многу поголем отколку што очекувавме. Луѓето доаѓаат и си резервираат катови. Освен од Скопје, има интерес и од другите градови во Македонија. Цената се уште ја немаме дефинирано, пред се, бидејќи ова се единствени луксузни станбени објекти коишто воопшто се изградени во Македонија. На почетокот на август ќе го објавиме огласот за продажба и таму ќе бидат дефинирани сите услови за купување на стан во облакодерите, објаснува Учак. Тој вели дека голем интерес има посебно од гастарбајтерите што работат надвор од земјата, што значи дека ако купат станови ќе има и голем прилив на пари од странство.
- Ќе имаме сопствени канцеларии каде ќе има претставници и од банките и на лице место ќе се потпишуваат и договорите за купопродажба во согласност со банката за оние кои ќе купуваат на кредит, појаснува Учак

Поставени темелите за четирикатен трговски центар
Освен станбениот дел, во комплексот на турскиот инвеститор е предвидена и изградба на трговски центар од 24-25 илјади квадратни метри и бруто површината за издавање од 17 илјади квадратни метри. Во него предвидено е да има маркет, бутици, кафулиња, ресторани, но и шест кина на најгорниот кат. Паркирањето ќе биде решено подземно, на две нивоа. Како во секоја од зградите, така и во трговскиот центар. Вкупниот капацитет на сите објекти е 7.000 паркинг-места.
Локацијата во Аеродром, со површина од 21.150 квадратни метри, Џеваир холдинг" ја купи уште во мај 2010 година. За квадратен метар плати 4.700 денари, односно вкупно околу 1,6 милион евра. Целиот проект ќе ги чини 300 милиони евра.

http://www.vecer.com.mk/default.asp?ItemID=777159E4CB96104585049397619CF83F

еве фотографии од денес

Превземено од Facebook

Се гледаат и од село Бањани, на Скопска Црна Гора

Od kaj Aerodromot samo volku (ne)se gledaat
http://imgur.com/Jm3hLM9.jpg


Edited by Portal - 11-Aug-2013 at 18:35

сите се на море,нема кој да слика