Велосипедски патеки и пунктови

Па тие „привремени“ решенија во случајот на вело-патеки значат години што е еднакво на трајно. Исто така, ако ја следиш групата НаТочак имаат побарано алтернативно „привремено“ решение за спој на патеките при извршување на вакви зафати, како што е редот.

Се додека на оваа инфраструктура се гледа со подбив и само се додаваат моменти:

1. што ви сметаат контејнерите
2. што ви сметаат рабниците
3. што ви сметаат клупите
4. што ви сметаат автобуските
5. што ви сметаат...

ние нема ни да мрднеме од моментот на селска паланка со мисли за велеград.

Барање на обезбедување на адекватна рута за велосипедскиот сообраќај при изведување на градежни активности (особено оние кои траат подолго од неколку месеци) не се јадење „гомна“.

Последен пат кога поминав таму немаше ни обична рампа ставено, не па некаква обележена алтернативна рута околу хотел Русија. Велосипедската завршуваше во метална тараба. Ако е нешто сменето, супер.

Бреј ко Босфор да го премостуваат па му се запна да ги „браниш“ . На мапата си пишува „Состојба со велосипедската патека по текот на Вардар“. Факт е дека во сегашнава состојба на тој дел е недостапен, е сега колку ќе трае тоа товое „привремено“ е знак на прашање.

Инаку дали некој знае зошто кај Хром нема план за поврзување на делот од Ѓорче кон Сарај? Многу се губи тука од функционалноста на велосипедските патеки. Мислам не во Ѓорче има некоја си патека. Всушност има две патеки, една земјена (калива) кај реката и една над нивите со бекатон по која се движат и коли и пешаци.

Значи нема алтернативна рута, а ако нема за точаците, тогаш нема за ниту една категорија.

Никој не бранам туку кажувам како е на терен, и како е да се соочуваш со пречки секојдневно и подоцна да слушаш дека твоето било жалопојка.

Простачки се твоиве коментари.

Прототип „скопска урбана клупа“, веќе во масовна употреба, поставена за велоспедистите доколку се изморат да си седнат, да „испружат нозе“ и да одморат.
Или објаснето со тарабата на Шилегов, #Скопје #ЕднаПоинакваПриказна.

Нова пешачка и вело-патека од мостот „Близнаци“ до Јурумлери



Општина Гази Баба ќе почне со изградба на пешачка и велосипедска патека покрај реката Вардар на потегот од мостот „Тодор Александров“ (поранешен мост „Близнаци“) до Железниот мост кај населеното место Јурумлери во должина од 8 километри. Со тоа љубителите на пешачењето и велосипедизмот ќе имаат непрекината патека за движење од Сарај до Јурумлери од левата страна на Вардар.

Ова е барање уште од поодамна на жителите во овој дел на Скопје кои сакаат со уредени патеки покрај Вардар да се поврзат со центарот на градот. Истото барање е и од граѓанската иницијатива „На точак“, кои сметаат дека градоначалниците треба да имаат повизионерски политики за продолжување на патеките по кејот на Вардар кон исток и запад, кон Јурумлери и кон Сарај, кога би ги решиле прекините овој во Центар и би го поврзале остатокот од велосипедската мрежа со возливи рампи кон кејот од секој мост.

Прва наредна обврска што општината ќе ја реализира е изградба на пешачка и велосипедска патека од мостот кај салонот на „Мерцедес“ до железничкиот мост во Лисиче, со должина од близу 8 километри. Така добиваме безбедна патека, уредена и осветлена, на располагање на граѓаните. Со овој проект го уредуваме и останатиот дел покрај реката Вардар, со што на граѓаните им овозможуваме услови за спортување и рекреација тука во својата општина – вели градоначалникот на општина Гази Баба, Борис Георгиевски.

Смета дека во овие услови на пандемија, спортувањето и рекреацијата кај секој од нас се виде како потреба за да можеме полесно да го поминеме целиот хаос што овој вирус го направи.

– Наша обврска како општина е да овозможиме пристојни услови за рекреација и затоа посветени работевме на нашата цел да ги подобриме условите за спорт во општината. Градиме нови спортски сали во основните училишта и ги реконструираме веќе постојните. Изградивме нова спортска сала во ООУ „Вера Јоциќ“ во Хиподром, а започна и изградбата на салата во ООУ „Кирил и Методиј“ во Стајковци. Заедно со градот Скопје се изградија нови велосипедски патеки поред улицата „Благоја Стефковски“, булеварите „Александар Македонски“ и „Киро Глигоров“. Па, сега има велосипедски патеки кои ги поврзуваат населбите Хиподром, Ченто, Маџари, Триангла и Автокоманда – истакна Георгиевски.

Тој најавува и изградба на спортско рекреативен центар во Црешево, како и реконструкцијата на фудбалскиот терен кој се наоѓа во месноста Росов Rид во Булачани и фудбалското игралиште во Страчинци.

https://www.vecer.press/нова-пешачка-и-вело-патека-од-мостот/

Originally posted by user8642 Не разбирам што им е муабетот, да не се гради мостот?? Што сакаат?? А со тоа да има гужва на околните булевари, за што на друго место пак ќе се јаде бабури? Гледање само до носот, и само до утре. НаТочак од добра иницијатива заради масовификација дозволуваат да им ја корумпираат каузата разни фанатици кои поима немаат што зборуваат и треба да припазат малку на тоа каков впечаток остваат поединци што се претставуваат во нивно име.

Ги следам и поддржувам подолго време, али да, во групата владее апсолутизам и тотална хистерија кога се најавува/изведува некаква инфраструктура за моторен сообраќај дури и кога тоа подразбира пропратна пешачка/вело патека.

Да, но Кејот треба да стане сообраќаен велосипедски коридор од едноставно причина што на тој начин велосипедскиот сообраќај нема да има конфликти со возилата.

Мојата реакција за алтернативни рути, не беше само за конкретниот случај, туку општа постапка за сите градежни зафати.

Генерално, далеку сме ние од ВелоГрад, зашто мачкање боја и ова што тука се прави муабет се доста различни.

тие патчиња се направени далеку пред да го почнат мостот... и без градилиштето проблемот постои дека нема доволно скалила/патеки на кејот што ги поврзуваат двете нивоа
инаку привремени скали би имале смисла само ако не беше заграден целосно кејот, нешто слично како што имаше кај што се градеше Хилтон каде беше пропадната патеката

реално, нема да се трошат средсдства да се прават обиколници специајлно додека да се направи мостов... доволно е да има барем на наекои места патокази дека не може да се користи кејот за движење од точка А до точка Б