Originally posted by Мартин До толку ли не постои алтернатива за тунелов? Сигурно ќе биде страшен потфат да се направи и би сакал да го видам да се направи, меѓутоа ми делува како ужасно скапа идеја!

Лошото е дека нема алтернатива поради неколко причини генерално: екологиja и сеизмологиja


Edited by ink - 13-Mar-2014 at 21:29

Добро на Македонски е експресен пат, ти благодарам за објаснувањето

ПОЧИНА РАБОТНИК НА „ГРАНИТ“ ВО БАЊА ЛУКА

Почина работникот на скопската градежна фирма „Гранит“, кој што во неделата се здоби со повреди на градилиште во Република Српска, објави денеска белградски „Курир“. Златко Г. настрада од изгорениците по струјниот удар при изградбата на патот Прњавор - Добој. Повредите опасни по живот, работникот ги здоби кога подигнувал кип на камион што ги допрел жиците на далеководот, по што избувнал пожар.

„Тој беше приклучен на апарати за дишење во Клиничкиот центар во Бања Лука, но не успеа да се избори со тешките повреди и почина во понеделникот околу 23 часа“, пишува „Курир“.

Началникот на Општина Прњавор, Синиша Гатариќ ја обвини Владата на Република Српска и јавното претпријатие „Путеви РС“ дека се одговорни за несреќата, наведувајќи дека патот се гради без да постои главен проект и градежна дозвола.

„Да постоеше главен проект, сигурно во него некаде ќе пишуваше или ќе беше назначено дека постои електричен вод и сигурно овој несреќен работник немаше на тоа место да истовара посипен материјал“, нагласи Гатариќ. Според него, на местото каде што се случи несреќата, не постои ознака за висок напон.

Автопатот Прњавор - Доној го градат бањалучката фирма „Интеграл инжењеринг“ и скопски „Гранит“, пренесуваат српските медиуми.

http://www.utrinski.mk/default.asp?ItemID=770E7F9ECB34A142A0A23DAA641F6B4C

"Crvenim od stida zbog puteva"

Upitan o kašnjenju radova na putevima, Vučić je rekao da su za takvo stanje svi pomalo krivi, sve vlasti ali i dobar deo građevinskih kompanija koji je, kako je naveo, pristao na takav način rada, neozbiljan, polumafijški...

"Kada vam za koji dan budem crtao mapu, svaku deonicu, da vidite samo auto-puteve, ne lokalne, od stida ću da crvenim, ali ne znam šta će građani Srbije da urade sa svima nama. Ali to će sve da se promeni", rekao je premijer navodeći da će takva praksa da se promeni te da će do kraja 2016. godine biti u potpunosti završen koridor 10.

“U potpunosti će biti završen auto-put Beograd - Požega, a zatim će biti završena i gradnja od Požege do Boljara... Tu je i Grdelička klisura i 84 kilometara do Dimitrovgrada“, naveo je Vučić i pomenuo još brzi put Beograd - Zrenjanin za koji, kako je naveo, ima više koncesionih ponuđača, a koncesioni ugovor za taj put očekuje za tri meseca.

Premijer je naveo i da je na sastanku sa predstavnicicma najvećih stranih investitora u Srbiji dogovoreno da država daje garancije za izvođenje infrastrukturnih radova.

"Investitori će biti potpuno sigurni da će država obezbediti izgradnju infrastrukture za njihove projekte", rekao je Vučić i dodao da će država "znati kako da se razračuna sa lokalnim samoupravama koje ne budu poštovale rokove".

http://www.b92.net/biz/vesti/srbija.php?yyyy=2014&mm=05&dd=12&nav_id=847026

ПОЧНА ИЗГРАДБАТА НА АВТОПАТОТ ПРИШТИНА-БЛАЦЕ

Со свечесноста организирана во селото Углар, Косово Поле, беше означен почетокот на изградбата на автопатот Приштина-граничен премин „Блаце“ на косовско-македонската граница.



На свеченоста присуствуваа претседателот на Косово Атифете Јахјага, американската амбасадорка во Приштина Трејси Јакобсон, потпретседателот на македонската влада Муса Џафери, многу граѓани и претставници на политичкиот живот на Косово. Не присусуваше косовската опозиција, за која вредноста на автопатот е голема, а проектот преполн со нерегуларности.

Почетокот на работите на овој патен правец, кој се поврзува со автопатот „Ибрахим Ругова“, од границата со Албанија го означи косовскиот премиер во заминување Хашим Тачи. Тој на свеченоста соопшти дека автопатот ќе биде именуван по почесниот претседател на Демократската партија на Албанците во Македонија, Арбен Џафери. Според Тачи, Патот 6, како што уште се нарекува оваа делница, е проект од огромно значење за Косово.

- Автопатот ги поврзува народите на двете земји, на Косово и на Македонија, и многу е значаен за економскиот развој и се вбројува меѓу најзначајните приоритети кои ги презентиравме во „Новата мисија“ пред граѓаните на Република Косово, изјави меѓу другото Тачи, алудидајќи на изборните ветувања.

Тачи упати голема благодараност до американско-турскиот комзорциум „Бехтел-Енка“ кој ќе го гради автопатот.

- Продолжуваме со историјата на успеси во Косово. Само пред неколку месеци завршивме со изградбата на патот 7, автопатот „Ибрахим Ругова“. Денеска почнуваме со изградба на новиот автопат, величеснтвен проект за Косово и пошироко, рече меѓу другото Фехми Мујота, министер за инфраструктура.

Потпретседателот на македонската влада Џафери изјави дека овој пат го олеснува слободното движење на Албанците од двете страни на границата, но и на другите во регионот.

Според потпишаниот договор ќе бидат инвестирани 820 милиони долари, а работите треба да завршат на крајот од 2017 година.

Originally posted by Џоле Многу пари се тоа за шеесетина километри автопат... Можеби теренот е планински и тежок за градба, ама не мора по секоја цена да се гради автопат ако не е економски исплатлив.

Апсолутно се сложувам и веројатно со право реагира тамошната опозиција. Премногу е, каков и да е теренот, а колку што јас сум патувал натаму, не ми изгледа премногу комплициран.

Originally posted by Џоле Нашиот дел изнесува 17 км, ама нашиве власти се однесуваат многу ноншалантно, како да не сакаат да се изгради делницата Блаце-Скопје.

Повеќе би рекол претпазливо. За нашите 13км проектот е завршен, а идејата беше да се оди со ЈПП. Освен тоа, логиката и искуството велат дека подобро да видиме реален ангажман и обврзување од другата страна, затоа што нивната задача е поголема, а и како држава се финансиски и политички понестабилни од нас. Сепак се работи за партнерски однос кога има билатерално поврзување.

А ова е напредокот по двете делници на автопатот Струма:

Лот 2 Дупница - Благоевград. Очекува се да биде завршен Март 2015









Ова е напредокот по лот 4 Сандански - Кулата (на границата со Грцja). Треба да биде завршен ова есен.

Oд Белград до Златибор за час и половина



Рокот за завршување на делниците на Коридорот 11, Oбреновац – Уб и Лаjковац – Љиг, е 30 април 2017 година, изјави денес српскиот премиер Александар Вучиќ и додаде дека очекува да нема никакво доцнење и дека од Белград до Златибор ќе може да се стигне за час и половина. Премиерот Вучиќ, заедно со кинескиот амбасадор Ли Мaнчaнг, денес беше на градилиштата на овие делници. Тој би сакал, доколку може, работите да бидат завршени до крајот на 2016 година. Дотолку повеќе што се издадени сите градежни дозволи, а за експропријација остануваат само пет проценти од земјиштето.
Договорот за изградба на двете делници од Коридорот 11, во вкупна должина од 50,2 километри е склучен во мај минатата година, а работите почнаа во декември истата година. Изведувач е кинеската компанија Шандонг хај-спид.
Делницата на автопатот на Коридорот 11, од Обреновац до Уб е долга 26,2 километри, а од Лајковац до Љиг 24 километри. На првата делница ќе бидат изградени 14 мостови и една клучка кај Уб, додека на другата ќе има 16 мостови, клучка и еден тунел долг 990 метри.
Учеството на српски претпријатија во реализацијата на овие работи се очекува да биде најмалку 40 проценти. Вредноста на инвестицијата изнесува 333,7 милиони долари.

http://www.porta3.mk/od-belgrad-do-zlatibor-za-chas-i-polovina/

Edited by jyvation - 12-Oct-2014 at 01:29

Го изгледав видеото со задоволство. Бидејќи пред три години патував за Италија преку Србија, Хрватска и Словенија, ќе го дадам моето мислење за автопатите во овие земји.

Како прво, Македонија и Словенија не можат да се споредуваат зашто речиси во сите сегменти од живеењето Словенците се светлосни години понапред. И мислам дека тоа ни е јасно на сите нас.

Како второ, кога ќе тргнеш од Македонија и ќе влезеш во Србија, забележуваш мала (речиси незабележлива) промена во квалитетот на коловозот и патната сигнализација. Она во што Србија е подобра од Македонија се крајпатните одморишта (често придружени со некаков угостителски објект), кои кај нас речиси и да ги нема. Во однос на чистотата покрај автопатите, Србија е речиси на исто, ако не и на исто ниво како Македонија.

Разликата се забележува кога од Србија ќе влезеш во Хрватска. Хрватите имаат понови, поодржувани, подобро означени и почисти автопати и одморишта покрај нив.

Кога ќе влезеш во Словенија, веќе сфаќаш дека си во европска земја. За нивниот автопат кон Италија можам само пофални зборови да кажам. Беспрекорно одржуван, чист, обележан, никакви крпеници на асфалтот... Како што вели Денко во горниот пост, Македонија може само да сонува за таков автопат. А и да го изградиме, ќе го упропастиме за брзо време, како што упропастивме и многу други нешта поради нашата несериозност.

За споредба, автопатот во Италија беше далеку понечист од оној во Словенија, што многу ме зачуди, со оглед на тоа дека верував оти Италија е поголема земја, па со тоа и многу поорганизирана.

Како трето, за нас важи онаа српска (или чија и да е) изрека „Што јужније, то тужније“. На враќање од Италија добро го осетив тоа преку возењето по нивните и нашиот автопат. А преку (не)одржуваноста на еден автопат можете да изградите реална слика за една држава. И таа слика можеби ќе отскокнува само 5% од вистинските состојби во сите други сегменти на таа држава.

Ете, накратко, тоа беа моите впечатоци. Можам уште да мрчам, ама нејќам.

Edited by Џоле - 13-Aug-2014 at 14:27

Кина ќе поддржи изградба на автопат од Тирана до македонска граница

Кина иразила интерес за изградба на автопат, кој ќе ги поврзува Албанија и Македонија, преку моделот на концесија.
Оваа вест во средата ја пренесуваат известувачите на албанските медиуми кои ја следат посетата на албанскиот премиер Еди Рама на Кина.
Кинескиот премер Ли Кеќианг го прифатил барањето на официјална Тирана таа да го гради автопатот „Руга е Арберит“ кој Тирана ја поврзува со граничниот премин на Албанија со Македонија кај Дебар.
Со изградбата на овој автопат далечината од Дебар до Тирана се намалува од 170 колку што изнесува сега на само 70 километри.
Истите извори наведуваат дека Пекинг е заинтересиран да гради пристаниште на албанското крајбрежје кај Шенѓин на Јадранско море , што било понудено од страна на албанскиот премиер Еди Рама.