Топлификација

„Новите згради мора да се приклучат на парно греење“: ЕСМ е исклучок од барањата за поскапување на парното

Во моментов кога повеќето компании бараат зголемување на цените за парно греење и до 50%, ЕСМ, која снабдува 90% од жителите на Скопје, останува исклучок, дознава ТВ21. Марко Бислимовски, претседател на Регулаторната комисија за енергетика (РКЕ), изјави дека поволните цени на природниот гас би требало да влијаат на одржувањето на постоечките цени на парното греење.

-Имаме поволно цени за приоден гас, очекувам дека тоа ќе влијае на цената на парното, вели Марко Бислимовски, претседател на РКЕ.

Новина од оваа година е што веќе ги нема субвенциите, но пак за разлика од лани просечната цена на гасот е значително пониска. РКЕ е во процес на приготвување за главната седница на која ќе се одлучува за цените, закажана за понеделник. Еден од предизвиците за системот на централно греење во Скопје е поставувањето на новата топловодна цевка на мостот „Беласица“.

Кога ЕСМ ќе ја постави новата топловодна цевка под овој мост, не успеавме да добиеме информација од прес службата. Ниту директорот не одговори на нашите прашања. Таму се чека новата Влада да постави ново раководство.

Во моментов се користат алтернативни начини за пренос на топлинската енергија, но таа е со намален капацитет. Па доколку се случи, зимата да биде со температури длабоко под нулата, тогаш граѓаните би останале со ладни радијатори

За подобро да се искористат постоечките ресурси, РКЕ предложила измена на законот кој би обврзал секоја нова зграда во своето одобрение за градба да наведе начин на греење, со задолжително приклучување на централниот систем доколку е можно.

-Не може да проаѓа цевка за парно на сто метри од некоја зграда, а таа зграда да не се приклучи. И да им вели на граѓаните на струја да се приклучи. Значи ако имаме инфраструктура за топлинска енергија, ќе се греат на топлинска енергија, ако има инфраструктура за гас, таму ќе се користи гасот повеќе. Ако има, ако нема во ред е да се користи електрична енергија, вели Марко Бислимовски, претседател на РКЕ.

Над 90 насто од корисниците во Скопје парно добиваат од ЕСМ која обединува три фирми со снабдување, производство и дистрибуција на топлинска нергија. Во системот е и Топланата Скопје север и енергетика.

https://mk.tv21.tv/novite-zgradi-mora-da-se-prikluchat-na-parno-greene-esm-e-iskluchok-od-baranata-za-poskapuvane-na-parnoto/

И оваа грејна сезона нема да потече топлина под мостот „Беласица“

Цевководот ќе биде поставен во наредните неколку месеци и ќе биде целосно подготвен за наредната грејна сезона. Дотогаш, испораката на топлинска енергија кон централниот дел од градот и понатаму, како и во изминатата грејна сезона, ќе се врши преку функционалниот крак на примарниот топловод А, вклучувајќи ги и количините што ги испорачува ТЕ-ТО. На тој начин, и понатаму целосно ќе се задоволуваат потребите на потрошувачите на топлинска енергија, дури и во случај на ниски надворешни температури, образложуваат од АД ЕСМ



Топлинската енергија за потрошувачите нема да поминува под мостот „Беласица“. Од АД ЕСМ велат дека нема да бидат поставени цевките на топловодот за оваа грејна сезона.

– Цевководот ќе биде поставен во наредните неколку месеци и ќе биде целосно подготвен за наредната грејна сезона. Дотогаш, испораката на топлинска енергија кон централниот дел од градот и понатаму, како и во изминатата грејна сезона, ќе се врши преку функционалниот крак на примарниот топловод А, вклучувајќи ги и количините што ги испорачува ТЕ-ТО. На тој начин, и понатаму целосно ќе се задоволуваат потребите на потрошувачите на топлинска енергија, дури и во случај на ниски надворешни температури – образложуваат од АД ЕСМ.

Притоа, објаснуваат дека вложуваат сериозни напори за претстојната грејна сезона, која започнува на 15 октомври, да обезбедат сигурна и непрекината испорака на топлинска енергија до сите потрошувачи приклучени на дистрибутивната мрежа.

– Поради исклучителната неспособност или незаинтересираност на претходните раководства на ЕСМ Дистрибуција на топлина и на АД ЕСМ, новите раководства на двете компании се судрија со огромен предизвик пред почетокот на годинашната грејна сезона, да преземат ургентни мерки за надминување на сите пречки што предизвикаа застој во поставувањето на цевководот – ги објаснија од АД ЕСМ причините за одолжувањето на поставувањето на цевките.

Непречен почеток на новата грејна сезона беше една од темите и на неодамнешната средба помеѓу претседателот на Регулаторната комисија за енергетика, Марко Бислимоски, и генералниот директор на ЕСМ, Лазо Узунчев. Притоа, во исто време стана збор и за топловодот под мостот „Беласица“. Тогаш беше нагласено дека треба да се стави тој во функција и дека во иднина соодветно ќе бидат обезбедени новиот топловод и просторот за да се намали ризикот од повторување на случајот со опожарување на цевките.

Мостот беше запален во мај минатата година. За пожарот, МВР поднесе кривична пријава против 37- годишен скопјанец, за предизвикување општа опасност, и тој веќе е во затвор за друго дело.

https://www.vecer.press/i-ovaa-grejna-sezona-nema-da-potece-toplina/

ПОРАДИ ДЕФЕКТ БЕЗ ПАРНО ОСТАНА РЕЧИСИ ЦЕЛО СКОПЈЕ

Речиси цело Скопје претпладнево остана без парно греење. Од „ЕСМ Снабдување со топлина“ соопштија дека поради зголемени загуби на вода во топлификациската дистрибутивна мрежа има намален квалитет во испораката на топлинска енергија.

„Екипите на ‘Дистрибуција на топлина’ се на терен и активно работат на изолирање на проблемот, со цел воспоставување стабилен хидрауличен режим во системот и нормализација на снабдувањето со топлинска енергија. Се користат сите расположливи ресурси, а екипите преземаат засилени мерки и вложуваат максимални напори за што побрзо воспоставување на редовно снабдување со топлина до потрошувачите“, велат од „ЕСМ Снабдување со топлина“.

Од таму упатуваат на Центарот за грижа за потрошувачи на телефонските броеви (02) 3076 200 и 075400100, за дополнителни информации.

https://sdk.mk/index.php/dopisna-mrezha/poradi-defekt-bez-parno-ostana-rechisi-tselo-skopje/