Автопат Скопје - Блаце

Качаничка клисура






Edited by Joralemon - 12-May-2019 at 14:48

Првите километри од автопатот Скопје-Блаце, на есен

Наместо оваа пролет, како што беше најавено, најновата најава е дека првите два километри од автопатот Скопје – Блаце ќе почнат да се градат дури наесен. Тендерот за избор на изведувач за изградба на оваа приоритетна делница долга 12,5 километри требаше да биде објавен во февруари годинава, но од Министерството за транспорт и врски сега велат дека постапката ќе почне следниот месец. Причина за тоа се пречките на терен со економската зона Визбегово и гробиштата лоцирани во делот на трасата. Од министерството велат дека во секој момент чекаат ревидираниот проект да стигне во Јавното претпријатие за државни патишта, по што најдоцна до почетокот на следниот месец ќе почне тендерската постапка.
„Роковите се поголеми на меѓународните тендери во делот на автопатишта, мислам дека се меѓу 45 дена и 60, така да, до месец септември, ако сите постапки се завршени како што треба во делот на тендерирањето, ќе треба да биде отпочнат“, изјави Горан Сугарески, министер за транспорт и врски.

Останатите 10 и пол километри од автопатот кој што ќе треба да не поврзе со Косово пак, ако се заврши проектот до крајот на годинава, ќе почне да се гради следната градежна сезона.

„Не би сакал да шпекулирам со термини, нашите очекувања се некаде во октомври – ноември да заврши проектот, така да после тоа веднаш би се одело на тендерирање“, рече Горан Сугарески, министер за транспорт и врски.

Вицепремиерот Бујар Османи минатото лето вети дека оваа пролет ќе почне изградбата на автопатот Скопје – Блаце, што е децениско барање на бизнис заедницата. Според најавите од Владата планот е изграбата на оваа делница да се одвива во две фази. Првата од граничниот премин „Блаце“ до клучката Блаце во должина од околу два километра и треба да се изгради за 18 месеци. Вториот дел, до Скопје е долг 10,5 километри и треба да почне со градба следната година и да трае околу 36 месеци. Очекувањата се дека овој автопат ќе биде пуштен во употреба во 2023 година. Автопатот, кој ќе има четири тунели и осум моста чини околу 110 милиони евра, кредит од ЕБРД. Инаку, Косово ја заврши изградбата на автопатот од Приштина до македонската граница долг 55 километри за помалку од пет години. Вредноста на проектот изнесува 600 милиони евра. Автопатот ќе биде пуштен во употреба за 10 дена, а на настанот ќе присуствува и премиерот Зоран Заев.

https://www.alsat-m.tv/mk/првите-километри-од-автопатот-скопје/

https://plusinfo.mk/%d0%be%d0%b4-%d1%81%d0%ba%d0%be%d0%bf%d1%98%d0%b5-%d0%b4%d0%be-%d0%bf%d1%80%d0%b8%d1%88%d1%82%d0%b8%d0%bd%d0%b0-%d0%b7%d0%b0-%d0%bf%d0%be%d0%bc%d0%b0%d0%bb%d0%ba%d1%83-%d0%be%d0%b4-%d0%b5%d0%b4%d0%b5/

Дали и веќе има поента од ставање на вакви линкови?

До крајот на ноември ќе се прибираат понуди за изградба на автопатот Скопје – Блаце

Јавното претпријатие за државни патишта го објави вториот по ред тендер за изградба на првата фаза од автопатот Скопје – Блаце. До 29 ноември ќе биде отворен тендерот за доставување на понуди од заинтересираните градежни компании, по што ќе се пристапи кон избор на најповолен понудувач.

Финалната цена по која ќе се гради трасата долга два километри ќе биде позната по отворањето на понудите. Првичниот тендер беше поништен пред неколку дена од ЈП за државни патишта, поради фактот што на тендерот била доставена само една понуда со цени за изведба што го надминуваат буџетот предвиден за изградба на првата фаза.

Трасата од граничниот премин „Блаце“ до селото Блаце ќе се гради со сопствени средства на ЈП за државни патишта. Со првата фаза е планирано да се изгради и клучката, со која ќе се поврзе новиот автопат со локалниот пат за селото Блаце, се наведува во тендерот објавен на Електронскиот систем за јавни набавки. Рокот за изведба на првата фаза од автопатот Скопје – Блаце е 18 месеци.

Автопатот Скопје – Блаце ќе се гради во две фази, за што е предвидено да се одвојат околу 110 милиони евра. Втората фаза треба отпочне со реализација догодина. Целиот автопат долг 12,5 километри треба да се заврши до 2023 година.

https://meta.mk/do-kraјot-na-noemvri-ќe-se-pribiraat-ponudi-za-izgradba-na-avtopatot-skopјe-blacze/

Edited by stef4o - 22-Oct-2019 at 06:59

2 kilometri avtopat ke se gradi 18 meseci

Плус не знам кои од вас биле таму, но се работи за двата најлесни километри. Од граничниот премин до селото е всушност најширокиот дел во клисурата. Жив срам

Skapa bila ponudata. Pa koja firma ke dade dobra ponuda za 2 km avtopat... Toa tie ko da baras 2 kg kompiri po ista cena za kg kako 200 kg. Se gleda tendencijata so cepkanjevo ama ako Kineskite ne cinea sega ovoj ke cini... Site se isti!! Nesposobni!!

Три понуди на тендерот за автопатот Скопје – Блаце, изградбата ќе почне напролет

„Гранит“ и „Бетон“ од Скопје и бугарската компанија „ИСА 2000“ се заинтересирани да ја градат првата фаза од автопатот Скопје – Блаце. Јавното претпријатие за државни патишта во изјава за „Мета.мк“ потврдува дека на вториот по ред тендер биле доставени три понуди, кои беа отворени на 29 ноември – датум што претставуваше и краен рок за нивното доставување.

– Во моментов се врши евалуација на пристигнатите понуди согласно законските процедури. Во овој момент не може да се прецизира кога точно ќе започнат градежните работи на терен, но индикативно може да се очекува тоа да биде пролетта 2020 година – велат од ЈП за државни патишта.

Очекувањата се овој пат тендерот да биде успешно завршен, да се избере најповолен понудувач и изведувачот да се воведе во работа на изградба на првите два километра од автопатот Скопје – Блаце. Целокупната траса на оваа делница изнесува 12,5 километри. За втората етапа од реализацијата на автопатот се планира тендерот за избор на изведувач да се распише во периодот април – јуни 2020 година.

ЈП за државни патишта во октомври годинава го поништи првичниот тендер за изградба на првата фаза од автопатот Скопје – Блаце. Образложението на ова претпријатие беше дека на тендерот била доставена само една понуда, чија цена за изведба на двата километра го надминала буџетот предвиден за реализација на проектот.

https://meta.mk/tri-ponudi-na-tenderot-za-avtopatot-skopјe-blacze-izgradbata-ќe-pochne-naprolet/

Нашиов дел абер нема да го почнат а и којзнае колку ќе трае изградбата бидејќи ќе се одвива во три фази ко да прават пат од 100 а не од едвај 12 км.

Просечен јапонец за 3 месеци ќе го направи.