✔ Улица Есенинова

Originally posted by Phiko Започнато е со уривање на куќата што стои среде улицава

Вчера кога поминував нешто се расчистуваше во дворот,добро е што има придвижување но ме збунија куќите што ги имам означено со црно кои мислев дека се дел од трасата но очигледно нема да се рушат,патем ниту оние скапани бараки до амбулантата не се целосно изрушени.

Мислам дека тука на трасата има уште еден проблем кој досега не сме му обратиле внимание и дека се спрема некоја импровизација. На трасата баш на линијата на коловозот лежи трансформатор.

ossp katastar gov mk

Отстранета е куќата:

Конечно пробиена улицата „Есенинова“ од Чешма до „Трета македонска биргада“

Улицата „Есенинова“, која беше пробиена од Чешма во Кисела Вода, до булеварот „Трета македонска бригада“ на влезот во Аеродром, претставува трето поврзување на двете големи општини Кисела Вода и Аеродром.

– Со изградбата на „Есенинова“ ги поврзуваме булеварите „Борис Трајковски“ и „Трета Македонска бригада“ во Аеродром. Оваа улица е од огромно значење за жителите на Кисела Вода, Аеродром и Центар затоа што оваа улица ќе претставува трето поврзување со урбаните делови на Аеродром и Кисела Вода – порача градоначалникот Петре Шилегов.

Булварот „Трета македонска бригада“ е долг повеќе од 2,6 км, а има само две поврзувања: едното кај булевар „Србија“, со булеварот „Борис Трајковски“ и второто кај Тутунски комбинат каде се создава голем сообраќаен метеж.

Со новата улица се скратува движењето, не мора да се оди на крстосниците кај Тутунски и метежот ќе се преполови. Ова служи за граѓаните кои патуваат од „Континентал“ во Гази Баба, кон Рампа и Чешма во Кисела Вода и со тоа се избегнува тесното грло кај Тутунски.

Новоизградената улица „Есенинова“ е долга 730 метри, со променлива ширина, односно, има две коловозни ленти и тротоари од двете страни низ Кисела Вода, а потоа четири коловозни ленти пред влезот во „Трета македонска бригада“. Поставено е улично осветлување со 20 столбови, нова водоводна и канализациска мрежа, а за тоа се дислоцираа постојните резервоари и бунари кои се наоѓаа на таа локација. Вредноста на изградбата на оваа улица е околу 71 милион денари со вклучен ДДВ.

https://nezavisen.mk/konechno-probiena-ulicata-eseninova-od-cheshma-do-treta-makedonska-birgada/

НОВАТА УЛИЦА ЕСЕНИНОВА СО КОЈА СЕ ПОВРЗУВААТ АЕРОДРОМ, КИСЕЛА ВОДА И ЦЕНТАР ЌЕ БИДЕ ГОТОВА ЗА 20 ДЕНА



Новата улица Есенинова, за поврзување на скопските општини Аеродром, Кисела Вода и Центар, ќе биде готова за дваесетина дена. Од Град Скопје велат дека е завршена експропријацијата на двете куќи кои се наоѓаа на трасата, веќе се урнати и во наредните три недели треба да финишираат земјените работи.

„Изместена и поставена е целата подземна инсталација, завршени се и бунарите кои се наоѓаат кај Тутунски комбинат. Кон средината на наредниот месец, оваа улица која е од огромно значење за жителите на Кисела Вода, Аеродром и Центар, ќе биде пуштена за сообраќај, со што ќе се реши тесното грло кај Тутунски комбинат’, велат од Град Скопје.

Град Скопје почна со пробивање и изградба на улицата Есенинова лани во агуст. Со изградбата на Есенинова ќе се скрати кружењето околу Тутунски комбинат, кое во периодите на најголемиот сообраќаен метеж трае од 5 до 10 минути. Побрзо ќе го минуваат овој дел од градот граѓаните кои патуваат по правецот од хотел „Континентал“ во Гази Баба до Рампа и Чешма во Кисела Вода.

„Од Чешма до Континентал ако досега се патувало 3 километри преку Центар или 8 километри преку Аеродром, сега преку трасата Есенинова – Никола Карев – Беласица ќе се патува само 2 километри, изразено во време тоа на граѓаните им заштедува од 10 до 15 минути“, додаваат од Град Скопје.

Новата улица ќе биде во должина од 730 метри, ќе почнува од Кисела Вода кај Рампа покрај пругата кон амбулантата „Пролет“ и ќе излегува на булеварот Трета македонска бригада во Општина Аеродром. Ќе има две коловозни ленти и тротоари од двете страни низ Кисела Вода, а потоа четири коловозни ленти пред влезот во Трета македонска бригада.

https://sdk.mk/index.php/dopisna-mrezha/novata-ulitsa-eseninova-so-koja-se-povrzuvaat-aerodrom-kisela-voda-i-tsentar-ke-bide-gotova-za-20-dena/

Нема место за тоа едвај двајца еден до друг може да одат на тротоарчево

Коридорот на Есенинова во ДУП е со 2+2 ленти + комбиниран тортоар. Тоа што сега се изведува е 1+1 + комбиниран тротоар. Имаме поназад образлагано за профилот кој се изведува, ама битно е дека ова не е никаков финален профил на Есенинова.

Ми личи или далноводниот столб го оставиле за преместување за некои подобри времиња, па ќе има тротоар од „5 mm“?

Тука се стопирани работите, и тоа буквално како по план се работеше до ден на предизборен молк. Последниве два работни дена нема никакво движење на мехназаицјата од страна на Кисела Вода, и тротоарите од страна на Аеродром остнаа буквално на сред работа, рабници делумно поставени, шахта избетонирана до пола.

Епа граѓани на Скопје, наздравје гласање за погрешната деструктивна опција. Ќе си го гледаме уличево така баталено 4 години! Македонскиот ген на самоуништување повторно ја елиминираше единствената прогресивна опција.

Edited by user8642 - 02-Nov-2021 at 18:13