tuka valjda ima nekoja greska 2011 godina budzet 89.3 mil evra a 2012 13% poveke a i milijardi denari ili 65 mil evra 

foso; so rebalansot vo juli budzetot na skopje se zgolemi na 94 mil evra ne se namali imas na prethodna strana sepak mislam deka se raboti za nekoja greska

Originally posted by my Macedonia Se zbuniv... Znaci gradot Skopje ima svoj Buxhet a skopskite opstitni istotaka svoj? Sto znaci ako gi napravat site Buxheti na Skopje zaedno kje stigneme 100 Millioni evra?? ili gresam?

Општините имаат свој буџет затоа што функционираат одвоено од градската власт, особено што Скопје претставува посебна единица на локалната самоуправа, затоа и се вели Град Скопје, а не Општина Скопје. Во делот на ингеренциите Општините и Градот ги имаат поделено, како што може да се види во последниот случај кога ОпштинаЦентар доби можност со свои возила да има пајак служба.

Заедно кога би ги споиле би оделе и над 120 милиони евра, но и тоа за едно нормално функционирање на градот е премалку.

Ах овие буџети... Оди снајди се...

Еве нешто што избработив. Колку што можев да најдам податоци. Само за 3 Општини најдов податоци, и за Градот Скопје. Другите или немаа воопшто, или пак им беа од 2010, 2009, 2008, дури и од 2007 (приотоа да нема за наредните, како да им застанало времето и тие заедно со него). Тоа од што ги бива... И од што ни ја бива државата воопшто. Или пак јас сум во грешка, да не сум ги нашол, да не сум ги видел, ама ваљда не сум до толку слеп. Пребарав цели страници, барем тие што и воопшто асално работеа, и ништо. Но во секој случај и да ги има, сигурно се негде збутани, и во тој случај пак се недостапни за граѓаните.

Сепак за последниот ребаланс на буџетот на град Скопје не најдов податоци. 

Аеродром пак најверојатно не правел ребаланси, исто и Бутел. Или пак ги немаат прикажано на нивните веб-страници. Гази Баба има направено ребаланс (и претставено) и ја земав таа вредност, со нагласување.

Колку толку, нека стои за претстава... Не е лошо

Општина	Приходи	Расходи	Дефицит
Град Скопје	4.687.150.000 денари (76.213.821 евра)	5.498.765.000 денари (89.410.813 евра)	811.615.000 денари (13.196.991 евра)
Аеродром	1.456.475.331 денари (23.682.525 евра)	1.456.475.331 денари (23.682.525 евра)	0 денари (0 евра)
Бутел	370.120.000 денари (6.018.211 евра)	370.120.000 денари (6.018.211 евра)	0 денари (0 евра)
Гази Баба	740.811.000 денари (12.045.707 евра)*	740.811.000 денари (12.045.707 евра)*	0 денари (0 евра)
Вкупно	7.254.556.331 денари (117.960.265 евра)	8.066.171.331 денари (131.157.257  евра)	811.615.000 денари (13.196.991 евра)

*Гази Баба има направено ребаланс. Првичните приходи и расходи се нешто помали.  

плус како што рече axel. Буџетот на Град Скопје се зголемил на ~94 милиони евра (најверојатно расходите, за приходите незнам)

Со тоа вкупните буџетски расходи за овие 3 скопски општини и Градот Скопје се ~136 милиони евра за 2011.

Фосил ти недостигааат буџетите на пола скопски општини (Центар, Кисела Вода, Карпош, Ѓорче Петров, Шуто Оризари)

Originally posted by UrbanFreak Фосил ти недостигааат буџетите на пола скопски општини (Центар, Кисела Вода, Карпош, Ѓорче Петров, Шуто Оризари)

Точно така. Но не поради тоа што ги заборавив или намерно не ги ставив. Реков. Тие општини воопшто немаат изнесено податоци за своите буџети онлајн. 

Edited by FoSsiL - 29-Oct-2011 at 22:48

Кисела Вода, Центар, Аеродром и Карпош се голеите општини со обично двоцифрени бројки и главните кратори на буџетот. Гази Баба и Чаир се нешто помали, а Бутел, Шуто Оризари, Сарај и Ѓорче со најмали. Буџетот мислам дека и по закон парите за Скопје се делат на половина и така влегуваат во буџетот, само тоа не е секогаш правило по некои приходи има различен сооднос, некаде во корист на општините, некаде во корист на градот. Но и оваа статистика не е конечна, тука се и еднократните транши што се префрлуваат наменски од владата по разни основи, а поготово за последниве години сите споменици и инфраструктурни зафати на кои носители се градот или општина центар само ј пореметуваат статистиката и неможат баш да се замат до толку како дел од приходите, особено не кај овие како да ги кажам не толку комунални зафати како спомениците каи кои законски треба да е носител општината, а сепак де факто носител е владата или министрествата. Така да моја проценка е ако на градот бил планиран 90 милиони, а остварен 65, тогаш треба да е 180 планиран, а 130 остварен фактички. Оваа глупа административна поделба на Скопје и функционирање само стимулира бекатони по маало, љуљашки, фарбање огради наспроти една улица голема, а да не збориме пак за дуплираната администрација, служби, потреба од канцеларии, дупли претпријатија, па инает кај општините кои не се со власта да ги користат услугите на градските јавни претпријатија и да користат свои дооел-и и такви заврзлами. Скопје може да има дупло повеќе проекти од што сега има, само ако се реши администрацијата.

ДОНЕСЕН НАЦРТ БУЏЕТОТ НА ГРАД СКОПЈЕ ЗА 2012 ГОДИНА

Советот на Град Скопје на денешната 55 седница го донесе нацрт Буџетот на Градот Скопје за 2012 година. Нацрт-Буџетот на Град Скопје за 2012 година се проценува на 6.486.484.000 денари. Дополнително, Советот ги усвои и Извештајот за извршување на Буџетот на Град Скопје за 2011 година за периодот од 01.01. до 30.09.2011 година, Одлука за измена на распоредот на средствата во Буџетот на Град Скопје за 2011 година, како и Планот на програми за развој за периодот 2012-2014 година.

На денешната седница Советот одобри и Градот Скопје да земе финансиско учество во повеќе проекти кои ќе бидат реализирани со другите општини во Градот Скопје. Советот одобри воспоставување соработка помеѓу Градот Скопје и Општина Центар заради реализација на проектот за изградба на улица околу стадионот Филип Втори Македонски, за што градот ќе земе финансиско учество во висина од 12 миниони денари. Советот одобри и воспоставување соработка помеѓу Градот Скопје и Општината Бутел, за реализација на фекална канализација во с. Љубанци, за што градот ќе земе финансиско учество во висина од 5 миниони денари, воспоставување соработка помеѓу Градот Скопје и Општината Гази Баба, за изградба на тротоари на улица „Јани Лукровски“ и санација на крак на улица „Јани Лукровски, за што градот ќе земе финансиско учество во висина од 3,5 милиони денари, како и соработка со општина Чаир за реализација на санација на улица „Благоја Паровиќ“, за што градот ќе одвои 3,5 милиони денари.

http://www.skopje.gov.mk/ShowAnnouncements.aspx?ItemID=4658&mid=482&tabId=1&tabindex=0

ЦЕНТАР ГО УСВОИ БУЏЕТОТ ЗА 2012 ГОДИНА

Воздухот ќе се чисти со 500.000 евра

За разлика од лани, годинава се издвоени три пати повеќе средства за ново зеленило, а новина е и заложбата на Центар за обнова на стари фасади на станбени објекти, за што ќе се потрошат околу 450.000 евра

Поради критиките и апелите од граѓаните околу загадениот воздух во Скопје, Општина Центар реши во наредната 2012 година да го одврзе ќесето и да сади три пати повеќе дрвја одошто годинава. Истовремено, со високо и ниско зеленило да ги обнови постојните паркови, а и да подигне нови на своја територија.

За разлика од ланскиот буџет, со оној за наредната година се предвидени три пати повеќе средства за подигање ново зеленило и тоа - околу половина милион евра.

Обнова на старите паркови, но и изградба на нови

Градоначалникот Владимир Тодоровиќ објасни дека ги согледале потребите од зголемување на зеленилото, а и дека имаат слух за граѓанските поплаки.

- Со оглед на препораките околу загаденоста на воздухот, хортикултурно ќе се уредат голем број зелени површини, а голем број запуштени ќе бидат обновени - информира градоначалникот на последната седница на Советот на Центар на која беше усвоен Нацрт-буџетот за 2012 година.

Освен за ново зеленило, средства ќе бидат издвоени и за санација на згради со руинирани фасади во Центар. Само за оваа намена ќе се потрошат околу 450.000 евра. Kако што потенцира градоначалникот, за реализација на оваа инвестиција ќе им помогне искуството на колегите во Kарпош, каде што лани се санирани неколку оштетени фасади.

- Ние како Општина би се вклучиле во реконструкцијата на фасадата, а за замена на прозорци ќе ја разгледаме можноста куќни совети да склучат договор со организацијата „Хабитат”. Се работи за кредит чија рата би била 50 евра месечно, а би се отплаќал на 3 години - појасни Тодоровиќ.

Можност за обнова на надворешноста би ја имале оние што први ќе се јават на распишаниот оглас, с` до распределба на предвидените средства.

Најкритични фасадите на Градски ѕид

Членови на Советот предложија да се формира Kомисија која ќе изврши процена кои фасади се најкритични и опасни, бидејќи има и такви од кои се одлепуваат плочки и опасни се за минувачите. Тодоровиќ се согласи, надополнувајќи дека такви станбени објекти се сите згради и кули на Градски ѕид, чија изведба ќе биде двојно поскапа, бидејќи фасадите се од плочки.

Исто така, половина од буџетот претставуваат средства, трансфер од Владата, кои ќе се одлеат за доизградба и изградба на споменици и фонтани од проектот „Скопје 2014“. Од планираните 2,5 милијарди денари, за оваа намена ќе се потрошат околу една милијарда денари. И тоа за фонтана на плоштадот „Kарпошово востание”, фонтана пред црквата “Пресвета Богородица“, Kолонада, скулптурите на Мостот „Око“, Мостот на уметноста, како и разни споменици и спомен-обележја.

Анела Петрова

http://dnevnik.com.mk/default.asp?ItemID=341484A56BECF941A632A9A259A2C52A

Да да, фабриките нема потреба да стават филтри, доволно е 44 000 садници плус. Абе ти се молам!

Какви дилетанти еј!