Никој не сака да инвестира во антички хотел под Кале

Шест часа пред истекот на рокот за учество на лицитацијата нема заинтересирана компанија за парцелата

Ниту една компанија не е заинтересирана да гради ексклузивен хотел на просторот под Кале со фасада во антички стил на каква инсистира државата. Шест часа до истекот на рокот за пријавување на учество за лицитација, повик што го распиша Министерството за транспорт и врски, не била доставена ниту една понуда, па извесно е дека нема да се одржи ниту предвиденото јавно наддавање закажано за втори март.

Од Министерството набргу треба да одлучат дали и кога повторно ќе распишат тендер за оттуѓување на парцелата. Истовремено, надлежните велат дека ќе утврдат и дали ќе бидат распишани објави за продажба на локациите кои се во непосредна близина на локацијата наменета за хотел, имајќи предвид дека парцелите се државни, а урбанистичкиот план предвидува изградба на комплекс од пет ексклузивни хотели и други содржини. Останува нејасно на кој друг начин би се продале парцелите, со оглед на тоа дека актуелната власт е противник на оттуѓување на државна земја со непосредна спогодба.

Инаку, на продажба беше понудена парцела со површина од 4.745 квадратни метри, а објектот може да достигне висина до 14,5 метри. Утврдената почетна цена изнесуваше 6.600 денари. На повикот за продажба на парцелата, хотел со фасада во антички стил беше еден од главните урбанистичко архитектонски услови што би требало да ги исполнува инвеститорот. Надлежните образложија дека тоа, всушност, е наложено со планираниот изглед воопшто на сите објекти што се градат и допрва ќе се градат по течението на Вардар, за да се добие една целина. Фасадите на хотелите треба да се приспособат кон оние на Уставен суд, Театарот, музејот на ВМРО и другите во реонот од кои речиси сите ќе имаат антички примеси. (Дс.Т.)                                                                                                                                          http://www.utrinski.com.mk/?ItemID=F433189AD0571C46859CA27DE149BBFF   

Море море како се јуриша со вцртување на хотели на секое ќоше. Ова веројатно е навремена подготовка за сите оние силни туристи што ќе навалат да ги видат убавините на Скопје 2014 и традиционалните двокатни скопски автобуси  

Еве една листа на „идните“ хотели во Скопје од она што веднаш ми текнува, без особено да листам или да истражувам. Веројатно ќе пропуштам по нешто, но мислам и ова е доволно за да се стекне слика. Покрај посточеките, моментално се гради (ако може така да се дефинира нивото на активности и вкупниот прогрес до сега) и Радисон зад Рамстор, а и Соравиа Ресорт ќе содржи хотел. Но еве што следува наводно:

Огромен хотел на Плоштад Македонија
5 хотели на кејот на Вардар, под Кале, еден до друг
2 хотели на кејот на Вардар во населба Јане Сандански (овие од веста)
Хотел кај МОБ
Хотел на местото на печатницата Гоце Делчев
Хотел зад постоечкиот хотел Јадран
Хотел во комплексот Александрија
Кулите на G-Mall се спомнуваат со намена за хотелско сместување
Хотелско сместување зацртано во облакодерите карши Холидеј Ин
После фијаското со турската болница, кај Панорама пак ќе се правел хотел
Хотели кај „идните“ терени за голф во Петровец (како беше, три Хилтони и два Шератони или обратно? )... Лани имаше лицитација на 150.000 квадратни метри за еден хотел, ама не слушнавме како заврши 
Хотели на аеродромот Александар Велики (а да го видевме прво планот за претворање на аеродромот во транзитен а? бидејќи не се ломоти само за онакви мали хотели за потребите на екипажите, како најавениот на скајвингс...)

П.С.
Дури и Тинекс-Тодоровиќ начука хотел во трговскиот центар „катна гаража“ Зебра...

Ај баш да видиме до кога ќе се пумпа овој балон

ОПШТИНА АЕРОДРОМ
Покрај Вардар ќе никнат два хотела Жителите на општина Аеродром ќе добијат тениски игралишта, сали за хокеј и забавен воден парк, кои ќе се градат во околина на два сосема нови хотели, покрај реката Вардар на крстосницата на булеварите Трета македонска бригада и Србија. За таа цел општината објави тендер, за кој ќе се собираат понуди од физички и од правни лица, кои ќе ги исполнуваат воспоставените услови за изградба на хотелите. Двете земјишта што се отуѓуваат се со вкупна површина од 11972 квадратни метри, а се очекува завршувањето на хотелите да биде за четири години, од денот на правосилноста на одобрението за градба. Оној што ќе го добие земјиштето за градење, како најповолен понудувач, должен е да обезбеди студија за оцена на влијанието на проектот врз животната средина, која треба да биде одобрена од органот на државната управа надлежен за работите од областа на животната средина.                                                                                                                                                                                                                                                                    http://www.vreme.com.mk/DesktopDefault.aspx?tabindex=3&tabid=1&EditionID=1991&ArticleID=138188

Државата продава земјиште за хотели на Голак и во Кратово Министерството за транспорт и врски бара купувач за неизградено државно градежно земјиште во општина Делчево, предвидено за изградба на Хотел во туристичкиот локалитет Голак. Парцелата е со вкупна површина од 2.420 метри квадратни, а урбанистичкиот план налага максимална површина за градење од 1001 метар квадратен, максимално дозволена висина до венец од 14,6 метри и коефициент на искористеност од 1,24. Земјиштето ќе се продава на јавно наддавање кое ќе се одржи на 29.05.2010, а пријавите за учество ќе се примаат до 20.05.2010. Почетната цена за квадрат е утврдена на 3.200 денари. Министерството исто така објави оглас за продажба на неизградено државно градежно земјиште наменето за хотелски комплекс во Кратово. Деталниот урбанистички план предвидува изградба на објект со приземје и три спрата, висок 13,6 метри. Парцелата е со големина од 1.657 метри квадратни, додека површината за градба изнесува 887 метри квадратни. Пријавувањето на заинтересираните ќе трае до 19.05.2010, а наддавањето е закажано на 27.05.2010. Почетната цена за квадрат е исто така 3.200 денари.

http://www.build.com.mk/?p=2881

Козјак е атрактивен за диви викендички, но не и за легален хотел

Трипати неуспешно се нуди на продажба земјиштето во близина на селото Здуње, покрај езерото Козјак, кое се смета за главен адут за развој на еден од најсиромашните и најзаостанати краишта во Македонија
Пропадна и третиот обид на државата да ги продаде двете парцели на езерото Козјак во општината Македонски Брод, кои се наменети за изградба на хотел. Јавното наддавање, закажано за минатата недела, не се одржа, бидејќи ниту еден инвеститор не се пријавил за да учествува. Земјиштето, кое се наоѓа во близината на селото Здуње, првпат се продаваше во октомври 2008 година, а потоа и во јуни лани, но ниту тогаш никој не се пријавил. Станува збор за плацеви со вкупна површина од речиси шест илјади квадратни метри, на кои почетната цена им беше 60 денари за квадрат, односно околу 60 илјади евра за целиот простор. Процентот на изграденост изнесува до 60 отсто, а висината до 5,5 метри, што значи дека инвеститорите ќе можат да искористат околу четири илјади квадрати за градење, а објектот би имал најмногу два ката. Од Скопје до Здуње сега се стигнува само преку Кичево и Македонски Брод и треба да се помине пат од речиси 250 километри, од кои дел се во многу лоша состојба, иако селото е оддалечено само педесетина километри од главниот град. Се гради само една делница од регионалниот пат, што треба да го поврзе Скопје со поречкиот крај, таа од Коломот до Близанско долга 8,4 километри, а допрва треба да се доврши делот кон Самоков и да се најде начин како да се пробие коловоз низ резерватот „Јасен“. Од друга страна, евентуалниот купувач на плацот за хотелот ќе има обврска уште веднаш да почне да гради, што значи дека е можно неговиот угостителско-сместувачки капацитет да биде отворен долго време пред да се овозможи квалитетен сообраќаен пристап до него. Покрај езерото Козјак, кое се смета за главен адут за развој на еден од најсиромашните и најзаостанати краишта во Македонија, веќе се изградени педесетина викендички-дивоградби и за сите нив е издадено решение за уривање. Некои од нив веќе се урнати, а Државниот градежен инспекторат најавува дека тие активности ќе продолжат и во иднина за да се расчисти теренот. Покрај брегот на оваа вештачка акумулација, долга 30 километри, со урбанистички план се предвидени и 540 плаца за викенд-куќи, но и тие слабо се продаваат. На последниот оглас се нудеа осум, а се продадоа пет, иако цената е само 10 евра за квадрат.

http://www.novamakedonija.com.mk/NewsDetal.asp?vest=42710102878&id=10&prilog=0&setIzdanie=21969

Каде е ова

Да бидам искрен воопшто не ми мириса на арно работава. Горица 1 има прилично елитна локација и заслужува многу повеќе. Рендерот кој го прикажаа на Сител делува како најобична станбена зграда. На таблата пишува времено сместување (апартмани). Кој тоа ќе менаџира со тие апартмани. Фирмата Градежник која е инвеститор?



Во случајов воопшто не важи девизата "Добро е, нека се гради", само нека продолжи вака Охрид и ќе го дочека елитниот туризам на свети никогаш. Секогаш кога одам таму се запрепастувам колку дифтарски се гради вон подрачјето на стариот град.

Охрид буквално е под капата на урбана мафија.

Каква заштита, каков УНЕСКО, ке го претворат градот во КАСАБА.

Поентата ми е дека елитен/неелитен објектов нема ама баш никакво обележје за хотелски комплекс.. освен што е зграда

Originally posted by SkyBoy И мене ова не ми личи на елитен хотелски комплекс, туку некој гради станбена зграда чии станови ќе служат за изнајмување за ден/недела за време на летен период и веројатно месечно за студенти во останатиот вонсезонски период... како и да е, чекаме фотки/рендери па ќе процениме..   и да додадам, елитен хотелски апартман во ваква (стабнена) зграда...?! каде се базените, ако ништо повеќе тобогани ќе се гледаа на сликава ?  Ова повторно ми мириса на она типично охридско, квантитет (масовност) пред квалитет (е да, во џиновски хостел има пари)..

Дури и голем хостел може да се направи со многу повеќе стил. Ова е ужасно, ова ме потсеќа на архитектурата од крајбрежјето во Драч каде комплетно уништија плажа од 30км со вакви незграпни грдосии веднаш покрај езерото.

Делот помежу каналот Биљанини извори па токму до Хотел Парк е единствениот простор на Охридскиот дел од крајбрежјето каде можат да се развијат сериозни туристички капацитети како што му доликуваат на Охрид. Можеби плажите тука не се спектакуларни но единствено тука Галичица го дозволува тоа, како се оди понатаму ниту има простор а би се навлегло на некои места во националниот парк. ПРосто не ми се верува дека со ваква грдосија се уништува и овој дел од Охрид.

Постојат многу критики за стариот дел од градот каде дефинитивно се имаат направено штети. Но штетите таму не се ни приближни на дивеењето во остатокот на градот каде се гради на секој слободен квадрат, без никакви градежни линии, непостоење на венец, никаква унификација на објектите, со нималку стил, кич, кич, бескрајно многу кич...

Во прилог еве една моја постара нишка околу Охридскиот кеј токму  на оваа тема

http://www.build.com.mk/forum/forum_posts.asp?TID=226