Центар за управување и контрола на сообраќајот

Да де! Плашила требаше да бидат камерите. Имам памет ние, знаеме за што треба да се. Ако имаат намера да ЦУК-от за сообраќај да го користат и за оваа казнена политика како втора функција ќе ги испеглаат законите и нема да ги има овие правни вакууми и противречности.

Камерите поставени, следува купување на софтверот   Набавката на камерите е првата фаза од имплементацијата на проектот за видеонадзор на сообраќајот, а во следните фази ќе биде купен софтвер и сé ќе се спои со центарот за мониторинг во дежурната служба на полицијата       „Умните раскрсници“ постојат долго време во развиените земји и се составен дел од сообраќајот Безбедносните камери поставени на прометните раскрсници, на влезот и на излезот од градот, не снимаат и не се поврзани во систем. Системот за кој се потрошени милиони денари не е оперативен. Кога тој ќе профункционира во целост не се знае. Набавката на камерите е првата фаза од имплементацијата на проектот, а во следните фази ќе биде купен софтвер и сé ќе се спои со центарот за мониторинг во дежурната служба на полицијата. Сé зависи од финансиските средства кога врз основа на видео и на фотозапис ќе почнат да се пишуваат прекршочни пријави, велат во Министерството за внатрешни работи. - „Умните раскрсници“ постојат долго време во развиените земји и се составен дел од сообраќајот. Камерите требаше да бидат поставени само на најфреквентните места во центарот на Скопје и веднаш да се поврзат со дежурниот оперативен центар. Втората и третата фаза предвидуваа надградување на системот со инсталирање камери на другите раскрсници и на влезовите и излезите од градот, велат за „Нова Македонија“ извори од МВР. Во ресорното министерство не даваат информации колку средства биле потрошени за набавка на камерите, за што беше распишан и тендер пред повеќе од две години. Овие податоци биле од класифициран карактер, зашто станува збор за купување опрема наменета за подобрување на општата безбедност во градот. Експертите за сообраќај велат дека овие камери служат само за следење на сообраќајот и нарушување на јавниот ред и мир. Тие забележуваат дека повеќето семафори во градов се од првата генерација и не се компатибилни за употреба на „трафипакс-уред“, односно не може да се синхронизираат вклучувањето и исклучувањето на камерите со црвеното светло на семафорот. Помошник-министерот за информирање во МВР, Иво Котевски, вели дека работите со проектот за поставување камери на крстосниците одат според планот. - Со безбедносни камери се покриени сто позиции во градот. Камерите се со европски стандарди и на проектот се работеше врз искуства од државите каде што ваквиот начин на „регулирање“ на сообраќајот се применува со години. На триесетина места се поставени камери со можност да снимаат најситни детали. Ниеден сообраќаен прекршок нема да и побегне на камерата - вели Котевски.       Автор: Томислав Кежаровски   Фотографија: Дарко Андоновски

http://www.novamakedonija.com.mk/NewsDetal.asp?vest=316119679&id=12&setIzdanie=22232

Не сакам да шпекулирам, но сакам одговор од оние кои ги следат правните настани и одлуките на Уставен суд, мислам дека се донесе одлука на Уставен која го проблематизираше користењето на камерите од страна на МВР, дали сум во право?

Досега никој нема поднесено иницијатива до Уставниот суд во врска со видео надзорот во сообраќајот од страна на МВР. Се работи за контраверзна тема по која се имаат произнесено уставните судови на неколку држави во Европа и пошироко. Во најголем дел од земјите каде што е одлучувано се донесени решенија со кои овој метод не се смета за противуставен.

Сепак, многу поважно е што се случува со снимениот материјал. Дали тој се користи само како доказ кога некој ќе ги прекрши сообраќајните правила или пак се чува во архивите на полицијата.

Во Македонија е предвидено снимениот материјал да се чува 6 месеци по што истиот мора да биде уништен, освен кога таквиот материјал претставува доказ во кривичната или прекршочната постапка. Токму оваа одредба од Законот за безбедност во сообраќајот може да биде спорна од уставна гледна точка. На пример во Германија закон кој предвидуваше архиварање на снимки од видео надзор беше прогласен за неуставен во 2008. Од друга страна пак во Англија полицијата го надгелдува целиот патен систем а снимките ги брише по дури 5 години и сето тоа е легално. Со оглед на тоа што нашето право се заснова на Континенталниот систем, постои веројатност дека иницијатива до Уставниот суд во врска со архивирањето на снимениот материјал може да биде прифатена и тој дел од законот поништен.

Имајќи го в предвид нашиот систем за заштита на човекови права, ваква иницијатива се чини потребна. Едноставно полицијата нема оправдување за архивирање на таков материјал. Законот е за безбедност во сообраќајот и на тоа и треба да се сведе снимањето а снимките да се бришат на секои 24 часа освен во случаи кога е сторен прекршок или кривично дело.

Ја делам твојата фрустрација, но мислам дека исклучување на семафорите би било преголем безбедносен ризик.

Не е никаков проблем да ги програмираат на различни интервали за различен период во денот и за тоа не мора да го чекаат ЦУКС. Ете после неколку години празни најави, пред некое време се фалеа дека конечно почнале масовно да ги менуваат застарените контролери кои беа пречка за такво програмирање. Ама како тргна, сега изгледа ќе ги чекаме уште неколку години да ја совладаат оваа „комплицирана“ постапка, програмирање на различни интервали во различни периоди на денот.

Што може да се очекуваме од овие, кога поминаа две години откако Владимир Комаров стана еднонасочна, а пешачкиот семафор (41°59'19.65"N  21°27'16.61"E) сеуште не е прештелуван и напразно свети црвено во интервалот кога оние од булевар Јане Сандански тогаш вртеа лево, кон сега еднонасочниот сегмент? 


Edited by Cloverstack - 07-Jul-2011 at 02:51

Датум: 06.05.2012, 14:52
ПОЧНУВА ПРОЕKТОТ БЕЗБЕДЕН ГРАД
Kамерите на МВР од денеска снимаат во Скопје



Безбедносните камери што беа поставени речиси пред две години на сите прометни раскрсници во Скопје од денеска се очекува и официјално да профункционираат. Проектот наречен „Безбеден град“ ќе биде пуштен во употреба денеска, кога се прославува 7 Мај - Денот на полицијата. Отсега натаму над 100 камери поставени на најфреквентните места, на раскрсниците, на влезот и излезот од Скопје, булеварите, мостовите и на улиците што се оптоварени со сообраќај ќе снимаат сообраќајки, инциденти, прекршоци, а снимките ќе може да се користат и за откривање криминалци. Има камери што снимаат само во една позиција, но има и такви што снимаат 360 степени.

Kамерите ќе снимаат 24 часа на ден и првенствено ќе ги ловат сообраќајните прекршоци, возачите што ќе поминат на црвено светло, тие што непрописно ќе се престројат или нема да пропуштат пешак. Kако и во големите европски метрополи и овде казната за несовесните возачи што ќе бидат фатени од камерата ќе им стигнува на домашна адреса.

- Над сто позиции во главниот град се покриени со овие безбедносни камери, а на дел од позициите се поставени камери со можност да снимаат најситни детали. Ниеден сообраќаен прекршок нема да ~ побегне на камерата - велат во МВР.

Снимките како доказ

Овие камери последниве неколку месеци биле тестирани и поврзани во еден единствен мониторинг-систем. Првата фаза од проектот беше спроведена во 2009 година, кога камерите беа набавени. Потоа требаше да се набави софтвер со кој тие не само што ќе се стават во функција туку и ќе се поврзат во единствен систем. Проектот беше одложен, а од МВР тврдеа дека процесот е во застој поради економската криза.

Електронското набљудување ќе се врши во оперативниот центар на МВР. Се очекува таму да се собираат сите податоци, на пример, во случај на сообраќајка ќе се обезбедат видеозапис и фотографија.

Од полицијата велат дека на снимката ќе се види кој е виновникот, а надлежните во оперативниот центар ќе може навреме да ја алармираат и итната медицинска помош.

- Со камерите ќе можеме да реагираме и за брзо решавање на сообраќајниот хаос што се случува во определени периоди од денот и ќе регистрираме неправилности во сообраќајот - велат во МВР и додаваат дека снимките ќе послужат и како доказен материјал за прекршоци или кривични дела што не се поврзани со сообраќајот.

Kамерите ќе се користат и за анализа на густината на сообраќајот во одредени денови и во одредени периоди од денот. Потоа преку анализата ќе може да се усогласи протокот на моторни возила, ќе се штелуваат семафорите за да се усогласат во таканаречен зелен бран.

Експертите предупредуваат дека камерите ќе помогнат да се скрати за четвртина времето потребно за патување од едно до друго место во главниот град со што би се намалила и потрошувачката на гориво кај моторните возила.

Според Законот за безбедноста во сообраќајот на патиштата, полицијата е овластена да снима на јавни места на кои се одвива сообраќај и на кои може да се извршуваат прекршоци во сообраќајот. Снимањето може да се врши и со посебни возила на МВР опремени со посебни уреди. Снимените материјали се чуваат во полиција шест месеци, по што се уништуваат, освен материјалот што претставува доказ во кривична или прекршочна постапка. (А.М.)
http://www.dnevnik.com.mk/default.asp?ItemID=6E36FFA56A0D374E9026858EF80F172A

што ако на сликата како си поминал на црвено се гледа на совозачкото седиште `непозната дама`?мора тие слики да се заматуваат за сите патници освен возачот

Originally posted by Cloverstack И патем, камериве колку и да се корисни, сепак можат да бидат меч со две острици, така да мора да се воспостави жестока контрола дека ќе се користат единствено за потребите за кои се предвидени! Конторлата не смее да остави ни трунка сомнеж дека постои можност за било какви злоупотреби.

Подготвувам иницијатива до Уставниот суд (види пост #87 во врска со #85).

Ме чуди тоа што нема камери на обиколницата и кај клучките. Што мислам дека и не е точно, со оглед на тоа што најверојатно оваа мапа е правена како мапите на гугл или пак википедија... односно волонтерски од ‘‘обични‘‘ луѓе, мапмејкери, и секој би можел да ја надоградува... па најверојатно во недостиг на информации тие камери се испуштени... незнам... може и грешам...

Мапа на камери во Скопје

Да де...