Надградба на ГТЦ

Прашање околу ГТЦ. Дали делот кај што се кафичите на ќеј е дел од ГТЦ, кога е тој изграден, и колкава е вкупната површина бруто/нето на ГТЦ со и без тој дел?

Град во Град

Александар Петров

...

Впрочем, битен е ГТЦ. Уште побитен е и со својот контекст во кој тој се вклопува. Да не заборавиме дека тој е вметнат во дотогаш постоечкото градско ткиво. Поставен е без да биде во конфликт со никого. Денес го гледаме како целина мислејќи дека станбените згради што се впишани во него претставуваат единствена компактна градба. Во тоа се состои и неговото совршенство. Тој е толку значаен што и неговото постоење излегува од контекстот на неговиот замислен габарит.

ГТЦ е суштински дополнет со целокупното негово опкружување. Тој е ускладен со зградата на ЕВН, како противтежа на нејзината висина. Пластично е наметнат без никаков визуелен конфликт, а современо и се надополнуваат – како формално, така и содржински. ЕВН, постарото чедо, доминира по вертикала, транспарентно застаклен со совршена технологија за тоа време. ГТЦ е хоризонтален и отворен. Филмски елемент претставува и режирањето на сообраќајната артерија која поминува под него и заедно со долниот паркинг и врвулицата од постоечкиот сообраќај, создава урбанитет оригинален на светско ниво. Во него се внесува и јавниот превоз, како пример на висока социјална вредност.

Влезот од страната на Плоштадот е надополнет со Сити галери, која преку нејзиното закривување претставува насока која од ГТЦ прави една целина.

Ретко каде успеал толкав урбан соживот меѓу постоечките структури. Па дури и кога се наметнува Лумикс, на кој не му е местото во таа потребна празнина, успева да коегзистира, иако како сопка која го задушува зададениот простор.

Влезот од страната на Работничкиот дом е многу романтичен. Дополнет од околниот урбан метеж, Работничкиот дом отспротива и хотелот од десно, испреплетуваат еден возвишен склоп, каде преку скалилата го истакнуваат нашето домашно социјализирање.

Делот од страната на Вардар го надоврзува профилот од строгите станбени згради и создава можеби едно од најшармантните места за дневен и ноќен соживот, рекреација, градско изобилие.

ГТЦ е во перфектна корелација и со Собранието преку празниот парк. Се создава еден архитектонски, динамичен пресек полн со интензивна содржина. Од овој дел (заради просторната перцепција) доаѓаат до израз металната структура обоена во сино и кровните цилиндри, графички исцртани со спирали, кои од возило во движење задаваат вител на кровната плоча. Овие елементи му ја зголемуваат динамичноста и топлината, па дури и кога статички се посматра. Токму на оваа страна, каде јавниот простор преминува во сиже, се надополнуваат двете велосипедски рампи чии симетрични силуети ја исцртуваат буквата Ж (Z).Тие впрочем претставуваат и своевидни иницијали (потпис) на авторот, архитектот Живко Поповски, кој во отсуство на фасади, задава еден вид рамка на ова свое уметничко ремек-дело.

...

Целиот текст на линкот http://okno.mk/node/46080

Десет работи што треба да ги знаете за ГТЦ

1.

Планот и идејата на ГТЦ се учат како задолжителна лекција по предметот „Општествени згради“ на Архитектонскиот факултет во Скопје! За планот на ГТЦ, како ни за еден друг скопски објект, било пишувано во многу југословенски и странски весници.

2.

ГТЦ е продолжение на македонските традиции. Во својата функционалистичка основа и во идејата ГТЦ е континуитет на балканската традиција за отворена чаршија низ која се поминува – токму како старата скопска чаршија. Во својата функционалност ГТЦ може да се чита и како продолжение на традициите на легендарниот македонски и балкански градител Андреа Дамјанов од 19 век (кој направил, во функција на јавни простори, и неколку антологиски цркви).

3.

ГТЦ може да се разбере и како продолжение на белите фасади на Охридската куќа, со своето модернистичко белило (модернистите сакале бели фасади). Дури и самиот Корбизје, таткото на модерната, во своите патувања низ Балканот бил фасциниран од Дебарската куќа! Затоа ГТЦ, и покрај својот модернистички ракопис, во себе содржи и многу традиционалност!

4.

ГТЦ не е бетон! ГТЦ е изграден од монтажни панели и челична конструкција, а монтажната градба е иднина на архитектурата. Бетонскиот начин на градба ќе се напушта, како штетен по здравјето, гломазен и непрактичен. Затоа ГТЦ е технички револуционерен за своето време, но и за денешно време!

5.

ГТЦ има хуманистички граѓански концепт на „покриен“ плоштад. Тоа е систем на покриени улици – концепт кој бил исклучително авангарден, но пред сè функционален. ГТЦ е објект-случување, совршено вклопен во динамиката на градот.

6.

ГТЦ е во согласност со идеите на Кензо Танге за Скопје. Живко Поповски бил дел од тимот кој работел на реализација на проектот на Танге. (Една од фасцинантните идеи на Танге бил и „лебдечкиот“ футуристички мост кој ќе ги поврзува Новата железничка станица и ГТЦ. Посетителите на Скопје на тој начин би можеле да дојдат до Скопје со воз и директно да прошетаат до ГТЦ.

7.

ГТЦ има 114.000 квадратни метри, што го прави еден од најголемите трговски центри на Балканот. Тој не е обичен „шопинг мол“. Денешните шопинг молови се затворени (Рамстор, Сити Мол) и не го поттикнуваат социјалниот дух на градот. Тие немаат излози и немаа однос кон луѓето и опкружувањето. ГТЦ, за разлика од нив, е трговски но и социјален простор чија цел не е првенствено трговијата, туку ползата на граѓаните и вклопеноста на архитектурата во градскиот пејзаж.

8.

ГТЦ совршено се вклопува во контекстот. Иако е голем објект, во секоја смисла, тој не го оптоварува градот, за разлика од габаритните шопинг молови. Живко Поповски на своите предавања велел: „Треба да се прават згради толку добро вклопени во опкружувањето што воопшто нема да се забележи нивното постоење”.

9.

ГТЦ е исклучителен пример за јавен простор кој го симболизира градот. 70% од неговата површина е отворена, како агора во која со децении се развива јавниот живот на скопјани. Во списанието „Млад Борец“ во 1990 Живко Поповски вели: „Не прашувајте ме што ќе сторам јас за градот — прашајте се што ќе направиме заедно за Скопје“.

10.

Нападот на ГТЦ е напад врз урбано Скопјем врз граѓанските вредности, врз самата архитектура. Низ целиот свет објектите од модерната се заштитуваат како културно наследство. Точно е дека планот за доградба и реновирање на ГТЦ постои уште од деведесеттите, но ГТЦ може да биде реновиран само во својот автентичен израз.

http://okno.mk/node/46147

Jas sum za nekakva kombinacija od moderni elementi i moze po nekoj dekorativen stolb ili element vo neoklasicen stil. Kako i da e so GTC mora nesto da se napravi greota e da stoi takov propadnat i neatraktiven a ja ima najubavata mozna lokacija za trgovski vo Evropa.

Дали ова со делење јајца со гтц налепници пред црква денес е сериозно? Имаат ли луѓево грам почит? Па лепат деца со налепници за ГТЦ, песни, поезија, раскази и басни за ГТЦ.

Originally posted by citizenK Дали ова со делење јајца со гтц налепници пред црква денес е сериозно? Имаат ли луѓево грам почит? Па лепат деца со налепници за ГТЦ, песни, поезија, раскази и басни за ГТЦ.

Герила маркетинг.

Иронијата да биде поголема дел од ГТЦ лежи на темели од црква...стварно не знам која им е поентата. Одење од врата на врата е подобра тактика.

против тоа да се реновира ГТЦ. Инаку дали има некој информација колку ќе чини референдумот?

Originally posted by fichot Originally posted by citizenK против тоа да се реновира ГТЦ. Инаку дали има некој информација колку ќе чини референдумот? Хм, кампањата е да се сочува автентичниот изглед, а не против реновирање. Иначе, се вртат бројки околу 2,5-3М денари.

Фала за инфото. Инаку за што е кампањата може кој како сака да гледа на тоа, затоа што и ова што го заговара другата страна е реновирање плус промена на фасада.

Зошто тогаш општина Центар прави промена на веќе постоечки фасади(папагалот)? И тоа е кршење на авторско право без оглед дали била зградата грда или убава. И ГТЦ некому е грд некому убав