Скопски сообраќај (општо)

Голема акција за реконструкција на пет сообраќајници во центарот на метрополата

Партизанска ќе остане без ровови

Ќе се работи во три смени за градежните активности да завршат побрзо од првично предвидениот рок од 60 работни дена. Град Скопје апелира до граѓаните да покажат трпение и додека траат градежните активности да го почитуваат времениот сообраќаен режим

Пет главни сообраќајници во центарот на метрополата ќе добијат свеж асфалт. Целосно ќе се реконструираат 1300 метри од булеварот Партизанска и тоа потегот од крстосницата со булеварот ВМРО до крстосницата со Рузвелтова. Ќе се асфалтира и булеварот Даме Груев, од објектот "Тифани" до трговскиот центар Палома Бјанка; потоа улиците Васил Аџиларски и Стив Наумов, од Градската болница до објектот на МНТ; булеварот Крсте Мисирков, од клучката Детелинка до Судската палата и булеварот Кузман Јосифовски-Питу, од Железничката станица до крстосницата со булеварот Кочо Рацин.

Почетокот на реализацијата на големиот проект вчера го означија екипите на гостиварската градежна компанија "Пелагонија" која е ангажирана за санација на Партизанска. Градоначалникот на Град Скопје, Коце Трајановски информираше дека истовремено ќе се работи на сите планирани локации каде ќе бидат ангажирани екипите на ЈП "Улици и патишта". Целиот проект чини 2,5 милиони евра.
- Почнуваме со обнова на коловозната површина на пет големи сообраќајници во градот од што ќе имаат корист сите граѓани на Скопје. Затоа, сакам да апелирам до учесниците во сообраќајот да покажат трпение додека се изведуваат градежните работи и да го почитуваат привремениот сообраќаен режим - рече градоначалникот Трајановски. Тој појасни дека во овој градежен зафат ќе се изгребе стариот и оштетен асфалт од булеварот во двете насоки, а ќе се работи во фази, една сообраќајна лента по друга. Ќе се уредат и постојните автобуски стојалишта, ќе се нивелираат шахтите и сливниците, ќе се асфалтира и ќе се обнови сообраќајната сигнализација.
- Бевме свесни дека истовремената изградба на сите пет улици во центарот на Скопје ќе предизвика метеж, но доколку ги саниравме една по една ќе изгубевме многу време и ќе не фатеше декември. Затоа, нашите сообраќајни инженери советуваа проектот да се реализира наеднаш, појасни скопскиот градоначалник.

http://www.vecer.com.mk/?ItemID=C3CA25E73EF2F04E9DA4DEA3C2A50159

Вчера прв пат поминав по „новиот“ Мито Хаџи Василев во време кога улицата беше целосно празна....

Многу е фино што сакаат да покажат дека мислат на жителите на Скопје пред избори, ама најпаметно е да не се трошат парите за ваков фушерај...и на новиов слој се осеќаат џумките кои ги имаше и претходно...не знам дали се работи за лош квалитет на асфалт, машини или не знам што, не ми е ни гајле - додека дремам на семафор и покажувам трпение за „зголемените“ активности, барем да знам дека за нешто квалитетно си го губам времето...

Информации за периодите кога ќе почнат и другите реконструкции. (Коце за Курир)

Градоначалникот на Скопје, Коце Трајановски во интервјуто најави дека од мај ќе започне изградба на булеварот „Теодосиј Гологанов“, а во мај или јуни ќе почне реконструкцијата на улицата „Козле“. Во месец јуни исто така ќе започне и реконструкцијата на булеварот „Климент Охридски“.

Инаку штета што нема да се оди на проширување на Климент Охридски. Во сите најави досега се збори само за реконструкција. Не се ваљда дрвата причината...

Originally posted by <Fresno> Градоначалникот на Скопје, Коце Трајановски во интервјуто најави дека од мај ќе започне изградба на булеварот „Теодосиј Гологанов“, а во мај или јуни ќе почне реконструкцијата на улицата „Козле“. Во месец јуни исто така ќе започне и реконструкцијата на булеварот „Климент Охридски“.

Кој дел од Козле ќе се средува? Јас на таа улица живеам и од Васил Ѓоргов до Жданец/Трнодол е одлична улицата. Најверојатно се мисли за делот од висинката кај Жданец/Трнодол до последна 57ца/Реплек. А тоа е за поздравување

Originally posted by 4skopje Mostot kaj NBM e pista!

Пред пола саат поминав по него и си беше градилиште...?

Originally posted by Dave Gahan Вчера прв пат поминав по „новиот“ Мито Хаџи Василев во време кога улицата беше целосно празна.... Многу е фино што сакаат да покажат дека мислат на жителите на Скопје пред избори, ама најпаметно е да не се трошат парите за ваков фушерај...и на новиов слој се осеќаат џумките кои ги имаше и претходно...не знам дали се работи за лош квалитет на асфалт, машини или не знам што, не ми е ни гајле - додека дремам на семафор и покажувам трпение за „зголемените“ активности, барем да знам дека за нешто квалитетно си го губам времето...

Целосно се согласувам! Морав лично да се уверам во квалитетот, а тој е полош него на Орце Николов. На секои 2 метри џумки. Плус дека мокро ептен видливи се. Не ми е јасно дали е тоа само од нестручност, од брзање, од незнаење, од неискуство, од недоволна механизациа? Иако се гледа, ново си е ново, али ипак имав осеќај као по брдска патека да идам. Ај можда со другиве ќе бидат попрофесионални.

читај убаво бе друже... после драматизирај

Денес пројдов по булеварот Кузман Јосифовски Питу, целосно е изгребан асфалтот. Мислам дека тука ќе се брза најмногу зошто нема баш некоја алтернатива за ибегнување на овој булевар. 

Добро на Партизанска се работи негде ? Кога и да пројдам нигде не се работи на цел потег од Тифани до Рузвелтова.

Изледа сеуште се двоумат што да прават. Или пак нешто во случај да се работи за проширување, па евентуално да има луѓе кои се против сеча и искористување на средишниот дел, па чекаат да не официјализираат додека не се почне да се шири.