Пешачки зони и помали плоштади (општо)

Стигнува добра вест од Тетово:
Наскоро почнува уредување од таканаречената улица на бутик? или радован цониќ (rruga e butiqeve), каде се предвидува уредување со калдрма, осветлување итн. коко и во втора фаза уредување на дуќаните во ист стил нешто како скопската чаршија. Инфо од Алсат М на албански.
Јас пред години кога бев таму тешко да се спаси само комплетно уривање на новите згради и реновирање на старите ама ајде ќе видиме што ќе прават...







Edited by my Macedonia - 26-Jan-2024 at 00:18

Хаос кај Порта Македонија, диви таксисти, доставувачи и повторно искршен плочник



На потег се надлежните од Град Скопје да покажат дека сè уште се грижат за Скопје, но и полицијата да покаже дека во градов и државата не се толерира недозволено паркирање и дека за тоа се казнува.

Негрижата комбинирана со неквалитетно работење веројатно е причината што само една година откако се сменија искршените плочки на влезот од Порта Македонија кон градскиот плоштад, тие повторно се расклатени и оштетени. Точно пред толку време „Слободен печат“ пишуваше за ужасната состојба на плочникот, кој беше поставен есента во 2019 година и за тоа беше потрошена значителна сума од градскиот буџет.

Реконструкцијата на овој дел од плочникот се изведуваше заедно со реконструкцијата на просторот пред ГТЦ, во мандатот на поранешниот градоначалник Петре Шилегов. За овој проект беа потрошени околу 33 милиони денари, односно повеќе од половина милион евра од градскиот буџет. Наместо стариот, искривен и полн со дупки асфалт, целиот потег, на двата приода кон плоштадот, беше поплочен со три вида плочки, на површина од околу 5.000 метри квадратни. Беа засадени и дрвореди од костени, поставени клупи и соодветно осветлување.

Но, потоа никому не му текна да забрани на овој простор да влегуваат автомобили, кои за кусо време го уништија тоа што беше направено. На ваквата состојба не реагираше никој, ниту полицијата, ниту градските и општински инспектори, иако паркирањето на недозволено место е, пред сѐ, работа на полицијата. Во отсуство на казни, рампи, хидраулични столпчиња или какви било други направи што можат да го сопрат движењето со возила и паркирањето на овој простор, граѓаните си го тераа „ќефот“, особено што во центарот на градот ретко може да се начека слободно место за паркирање, па уште бесплатно.



По нашето укажување за состојбата во која се наоѓа плочникот, неочекувано брзо реагираше Град Скопје. Покрај Портата беше поставена монтажна куќарка со чувар и се забрани влез со возила освен за станарите на зградите кои немаат друг пристап до своите домови освен од таму.

Една година подоцна куќарката е сѐ уште таму, си стои затворена и напуштена. На средината на преминот после Портата e поставен знак за забранет сообраќај кој возачите вешто го избегнуваат кога влегуваат низ неа. Таксистите што просторот пред Портата го претворија во дива такси-станица, поставениот знак го користат за околу него полукружно да свртат. Само доставувачите на разни производи сега не влегуваат до рестораните накај плоштадот туку се паркираат пред Портата, па таму е вистински хаос. Никој не реагира и не казнува.



https://www.slobodenpecat.mk/haos-kaj-porta-makedonija-divi-taksisti-dostavuvachi-i-povtorno-iskrshen-plochnik/

ШТИП ГО ДОБИ ПРВОТО ШЕТАЛИШТЕ КОЕ ЧИНИ 200.000 ЕВРА, ПРВИ ЌЕ МИНУВААТ УЧЕСНИЦИТЕ НА 16. „ШТИПСКА ПАСТРМАЛИЈАДА“

Улицата Ванчо Прќе во Штип, која до пред еден месец беше еднонасочна за моторни возила, од денеска е само шеталиште за пешаците. Првото штипско шеталиште е долго 150 метри, ширината е над 15 метри, старата подлога целосно е заменета со нови плочки, дрворедот е зачуван, а од двете страна на шеталиштето, каде што се станбените објекти, и натаму ќе работат бројните дуќани. На шеталиштето остануваат и експозитурите на две банки.

Работите на шеталиштето траеја нешто повеќе од еден месец и истовремено е смената старата канализациона и водоводна инсталација, а потоа е извршено поплочување. Севкупно, како што информираат од Општина Штип, се потрошени 200.000 евра. Во овој износ влегуваат и веќе изградените две катни гаражи: едната на шеталиштето кај стоковната куќа „Нама“ и другата до Домот на културата „Ацо Шопов“.

Првото штипско шеталиште ќе го промовираат учесниците на годинашнава манифестација „Штипска пастрмалијада“. Штандовите ќе бидат поставени од двете страни на шеталиштето, на чиј почеток и крај ќе има по една бина. Организаторот за денеска и утре најавува целодневна и целовечерна културно-уметничка и забавна програма.

Денеска на пладне ќе се презентира џиновската пастрмалија долга два, а широка 1,20 метри, а утре ќе се одржат традиционалните натпревари: трка на келнерите и брзо јадење на штипскиот специјалитет, кој годинава на 30 штандови ќе се нуди по цена од 200 денари.

https://sdk.mk/index.php/dopisna-mrezha/shtip-go-dobi-prvoto-shetalishte-koe-chini-200-000-evra-prvi-ke-minuvaat-uchesnitsite-na-16-shtipska-pastrmalijada/