Верски објекти (општо)

Една релативно непозната црква и за скопјани...

Верниците задоволни, Општина Карпош ќе врши обнова на еден од најпознатите манастири








Oпштина Карпош на 41. седница (29 Јули) на Советот ја изгласа предлог одлуката за конзерваторски и реставраторски работи на манастирот ,,Св.Пантелејмон” кој датира од 12-тиот век и е еден од културно-историските обележја не само на општина Карпош, туку и на градот Скопје.
Еве зошто овој манастир е толку важен за верниците:
„Св. Пантелејмон“ — манастирска црква во истоимениот манастир во с. Горно Нерези, на планината Водно, се наоѓа на осум километри југозападно од Скопје. Манастирскиот комплекс е ограден со високи ѕидови, а во него се наоѓаат црквата изградена во македонски стил и манастирските конаци. На ѕидовите на овој споменик на културата е сочувано фрескосликарство, коешто по своите квалитети се вбројува меѓу врвните дострели на византиското сликарство од времето на династијата Комнини.
Црквата била подигната од византискиот принц Алексеј Ангел син на Константин Ангел и Теодора, ќерка на византискиот цар Алексеј I Комнин (1081 – 1118). За подигањето на црквата во 1164 година сведочи натписот на мермерниот надвратник помеѓу нартексот и наосот на црквата, а чија содржината вели: „Се разубави овој храм на светиот и славен Великомаченик Пантелејмон со средства на господинот Алексеј Комнин, син на перфирородна госпоѓа Теодора во месец септември индикт 13 година 6673 (=1164), при игуменството на Јоаникиј монах“
За градење на црквата бил употребен обичен кршен камен, изваден во околината на манастирот и тули, кои со големо мајсторство се претворени во полихромни површини што го нагласува впечатокот како објектот да израснал од една монолитна карпа.

Живописот во нерешката црква, е дело на повеќе раце, пред сè на рацете на двајцата главни мајстори. Главниот мајстор е повиканиот мајстор кој дошол од Цариград. Неговата рака го извела живописот на најодговорните и најосветлените делови во црквата. Врвно дело на главниот зограв се композициите Оплакување Христово и Симнување од крст.
Композицијата „Оплакување Христово“ е позната тема која се сретнува речиси во сите цркви насликани пред и после живописувањето на нерешката црква. Оваа композиција во Нерези се смета за предвесник на ренесансата во Италија и дека всушност ги има сите потребни елементи што ја карактеризираат и Џотовата Св. Богородица, која е претставена како млада силна жена со малку натажено лице. Ова значи дека преобразбата во ликовниот израз својствена за него и раноренесансните дејци во Италија е всушност започната во Македонија, 150 години претходно.

https://skopje24.mk/opstina-karpos-ke-obnovuva-eden-od-najpoznatite-manastiri/

Мошне детална видео репортажа од Света Богородица Пречиста, Кичево

Да, некоја купола ќе добива, тоа металната конструкција кога поминав пред една недела веќе беше поставена целосно.

Ми личи дека ова ќе биде камбанарија.

Ima li nekih verskih objekata u okolini Dojrana?

Фреските во „Св.Софија“ оставени на немилост – конзерваторите алармираат итно да се реагира



https://alfa.mk/freskite-vo-sv-sofija-ostgaveni-na-nemilost-konzervatorite-alarmiraat-itno-da-se-reagira/

Има ли причина зошто токму во Шумен се наоѓа најголемата џамија во Бугарија? Некако, Пловдив или Софија имаат повеќе смисла како поголеми градски центри. Еве, гледам на бугарската википедија дека муслиманско население има околу 15%, и тоа во случај сите Турци и Роми да се верници, што не верувам дека е така.

Попознато како Лудогорие кај нас, можеби преку Лудогорец Разград.

Не знам дали овоа е забележено?

https://www.novamakedonija.com.mk/makedonija/%D0%BA%D0%B0%D1%98-%D0%BD%D0%BE%D0%B2%D0%B8%D1%82%D0%B5-%D0%B3%D1%80%D0%B0%D0%B4%D1%81%D0%BA%D0%B8-%D0%B3%D1%80%D0%BE%D0%B1%D0%B8%D1%88%D1%82%D0%B0-%D0%BA%D0%B8%D1%87%D0%B5%D0%B2%D0%BE-%D1%9C%D0%B5/

12:05 08.06.2019

Две децении откако православните гробишта во Кичево добија нова локација, на излезот од градот во правец кон Охрид, на овој локалитет почна да се гради нова црква. Почетокот на изградбата на новиот црковен храм со одобрување беше прифатен од верниците и од свештенството во градот.


– Откако беше обезбедена дозвола за градба на четврти декември минатата година, истовремено беше ставен камен-темелник и почна изградбата на новиот црковен храм на локација во непосредната близина на новите градски гробишта. Црквата ќе биде со површина од околу 80 квадратни метри, а станува збор за објект, кој во значителна мера ќе го растовари единствениот црковен храм во градот „Свети Петар и Павле“. Голема добивка ќе биде и таа што отсега покојните ќе можат директно да се однесат во новиот црковен храм, каде што ќе бидат извршени неопходните обреди. Со изградбата на новата црква, влезот во градските гробишта ќе се промени и ќе се влегува од северната страна – вели Тони Петрески, претседател на црковниот одбор.

Од свештенството од Кичево додаваат дека завршувањето на новиот црковен храм во најголема мера ќе зависи од приливот на средства што ќе се собираат за оваа намена.
– Новата црква што почна да се гради на четврти декември наскоро ќе добие покрив и ќе бидат ставени и ѕидови, а нејзиното целосно завршување ќе зависи од приливот на средства. Ние сме заинтересирани, како и верниците, новиот храм да биде завршен што побргу, но според нашите процени, неговата финализација се очекува во првата половина од наредната година – објаснува отец Александар Матески, свештеник во храмот „Свети Петар и Павле“ од Кичево.








Edited by Makedonij - 03-Oct-2020 at 21:16