✔ Улица Есенинова

Добро, дали сериозно мислите дека нема да се дозаврши улицата бидејќи се сменила локалната власт? Не е тоа идеја, веќе проектот е во процес на извршување. И тоа не е проект како панормаското тркало, туку проект според ГУП. Така што, ниту малце не очекувам да се прекине проектов.

Дали е ова прв застој на улицава? Зашто јас добро се сеќавам дека градоначалникот Шилегов неколку пати правеше тргни-застани со истава улица. Инаку, Петре ако беше добар градоначалник и оставеше добри спомени ќе го избереа скопјани повторно.

Денешна ситуација,на трасата си се работи најнормално со слично темпо како и претходно.
Нешто се работеше околу инсталациите кај тротоарите на овој дел што е завршен кон раскрсницата со Трета Македонска







на делот каде ја срушија куќата имаше активности со багер се разнесуваше земја и се дооформуваше трасата која треба да се спои со остатокот од улицата кон К.Вода











а екипи од Паркови и зеленило го средуваат делот поред трасата дијагонално од пеглата каде веројатно ќе се оформи некаков парк или сквер

"Граѓаните" се во право, дури и кога грешат!

На трасата уште стои нечепната онаа куќарка за некои пумпи на тутунски комбинат. Веднаш покрај трасата на улицава е изградена нова таква куќарка, ама не е помрдната преселбата на опремата. Можда "си го решиле" проблемот од компанијата на полесен начин, место да плаќаат скапа интервнеција му увалиле некое евро на некое партиско гомце у град Скопје, па им намигнале "уживајте, не брзаме со улицата, и така е на Шилегов".

Edited by user8642 - 04-Dec-2021 at 20:13

Денес минував оттука скоро па да нема никаква промена,нешто ситно се работеше на оној дел што е завршен кон Трета Македонска но местото каде беше куќата сеуште не е асфалтирано и споено со останатиот дел.
Премногу ја развлекоа работата дали има уште 50 метра да ги средат но темпото е пребавно.

Готова од октомври лани??? Ни сега не е готова...

-----------------------------------------

Арсовска не знае кога ќе биде пуштена улицата „Есенинова“, готова од октомври лани

Улицата „Есенинова“ која ги поврзува Чешма во Кисела Вода, до булеварот „Трета македонска бригада“ на влезот во Аеродром во Скопје со години се најавува како добро решение за растоварување на сообраќајот, но и како трето поврзување на овие две општини, сепак, градоначалничката Данела Арсовска не знае кога ќе биде пуштена во употреба, иако е готова од октомври лани.

„Немам информација кога точно ќе биде пуштена во употреба. Како што можете да видите, сето она што е во надлежност на градот ќе биде реализирано со најбрза можна динамика со којашто може да се постапи. Вие и самите знаете дека Градот е затекнат во состојба во која што верувам дека граѓаните треба да се информираат, немаме намера да се жалиме, имаме намера да ги решаваме проблемите, меѓутоа претходното раководство го остави овој град девастиран, со големи проблеми и ние ќе ги решаваме во најкраток можен рок што можеме“, одговори Арсовска на новинарско прашање на настанот по повод големото чистење на улиците низ главниот град, токму кај Чешма во Кисела Вода.

Улицата „Есенинова“, која беше пробиена од Чешма во Кисела Вода, до булеварот „Трета македонска бригада“ на влезот во Аеродром, претставува трето поврзување на двете големи општини Кисела Вода и Аеродром.

Со изградбата на „Есенинова“ се поврзуваат булеварите „Борис Трајковски“ и „Трета Македонска бригада“ во Аеродром. Оваа улица е од огромно значење за жителите на Кисела Вода, Аеродром и Центар.

Булеварот „Трета македонска бригада“ е долг повеќе од 2,6 км, а има само две поврзувања: едното кај булевар „Србија“, со булеварот „Борис Трајковски“ и второто кај Тутунски комбинат каде се создава голем сообраќаен метеж.

Со новата улица се скратува движењето, не мора да се оди на крстосниците кај Тутунски комбинат и метежот ќе се преполови. Ова служи за граѓаните кои патуваат од „Континентал“ во Гази Баба, кон Рампа и Чешма во Кисела Вода и со тоа се избегнува тесното грло кај Тутунски комбинат.

Новоизградената улица „Есенинова“ е долга 730 метри, со променлива ширина, односно, има две коловозни ленти и тротоари од двете страни низ Кисела Вода, а потоа четири коловозни ленти пред влезот во „Трета македонска бригада“. Поставено е улично осветлување со 20 столбови, нова водоводна и канализациска мрежа, а за тоа се дислоцираа постојните резервоари и бунари кои се наоѓаа на таа локација. Вредноста на изградбата на оваа улица е изнесуваше околу 71 милион денари со вклучен ДДВ.

Изградбата на оваа улица ја преоктираа и ја најавуваа градоначалници во повеќе мандати и на Кисела Вода и на Скопје. нејзината изградба ја започна Петре Шилегов.

https://nezavisen.mk/arsovska-ne-znae-koga-kje-bide-pushtena-ulicata-eseninova-gotova-od-oktomvri-lani/

НОВАТА УЛИЦА ЕСЕНИНОВА КОЈА ГИ ПОВРЗУВА АЕРОДРОМ И КИСЕЛА ВОДА УШТЕ НЕ Е ГОТОВА, АРСОВСКА НЕ КАЖУВА КОГА ЌЕ БИДЕ ЗАВРШЕНА



Новата улицата Есенинова, за поврзување на населбите Аеродром и Кисела Вода, уште не е готова и не е пуштена за сообраќај. Лани во октомври, тогашниот градоначалник Петре Шилегов кажа дека изградбата на улицата е при крај и од ноември ќе биде пуштена, и не ќе мора веќе да има враќање до кај „Тутунски комбинат“ за да се стигне од Аеродром до Кисела Вода и обратно.

„Завршена е експропријацијата на двете куќи кои се наоѓаа на трасата, веќе се урнати и во наредните три недели треба да финишираат земјените работи. Изместена и поставена е целата подземна инсталација, завршени се и бунарите кои се наоѓаат кај ‘Тутунски комбинат’. Кон средината на ноември, оваа улица која е од огромно значење за жителите на Кисела Вода, Аеродром и Центар, ќе биде пуштена за сообраќај, со што ќе се реши тесното грло кај ‘Тутунски комбинат’“, рекоа на 21 октомври од кабинетот на Шилегов.

Но, оттогаш поминаа 6 месеци, во Градот дојде ново раководство, а улицата уште не е пуштена во употреба ниту има најава кога ќе биде.

Од градоначалничката Данела Арсовска, како и на сите други наши прашања досега, не добивме одговор кога улицата ќе биде готова, зошто таа досега не е пуштена за сообраќај, дали можеби има некакви проблеми и ако има за што станува збор. Прашањето до кабинетот на Арсовска го испративме на 7 април, но до денеска одговор нема.

Град Скопје почна со пробивање и изградба на улицата Есенинова во агуст 2020. Новата улица ќе биде во должина од 730 метри, ќе почнува од Кисела Вода кај Рампа покрај пругата кон амбулантата „Пролет“ и ќе излегува на булеварот Трета македонска бригада во Општина Аеродром. Ќе има две коловозни ленти и тротоари од двете страни низ Кисела Вода, а потоа четири коловозни ленти пред влезот во Трета македонска бригада.

https://sdk.mk/index.php/dopisna-mrezha/novata-ulitsa-eseninova-koja-gi-povrzuva-aerodrom-i-kisela-voda-ushte-ne-e-gotova-arsovska-ne-kazhuva-koga-ke-bide-zavrshena/

Арсовска да не ја заборава улицата на Шилегов



На Скопје со години му требаат нови улици. Скопје со години и чека локалните власти да му направат нови улици. А има и примери кога главниот град на Македонија со години чека улици кои се почнати да се градат да бидат завршени.

Една таква почната и незавршена улица е „Есенинова“ која треба да ги спојува општините Кисела Вода и Аеродром. Пешаци, но и по некој велосипедист се единствените минувачи кои поминуваат по неа, а предвидена е за автомобили. Така е веќе се месеци откако се прекинати градежните работи на оваа нова сообраќајница предвидена да биде долга 730 метри. Најголемиот дел од нејзината траса е веќе направен и асфалтиран, а останато е само мало парче не подолго од стотина метри. Околу него стојат паркирани градежни машини, оставени канализациски цевки, кабли…

Што се чека?

Секој намерник може да види дека за уривање чека постар објект кој одамна е напуштен. Тој пречи да се дозаврши улицата. Зошто тоа не се среди, зошто не било средено пред да почне да се гради улицата?

Пред него паркираниот багер стои веќе подолго време но команда да се продолжат градежните работи никој не ја дава.

-Секој ден поминувам оттука бидејќи ми е најбрзо пеш да дојдам од Кисела Вода каде живеам до железничката станица. Не ми е јасно зошто улицата не се завршува. Не треба уште многу да се заврши, а ќе биде од голема корист на граѓаните, ни рече Весна М. која вчера ја затекнавме како поминува по трасата на оваа сообраќајница.

Улицата почна да се гради во август 2020 година во време на мандатот на поранешниот скопски градоначалник Петре Шилегов. Тој тогаш најави дека ќе биде готова до средина на минатата година. Но, тоа не се исполни и до застојот во работата дојде во периодот на минатогодишните локални избори. На изборите скопјани ја казнија „брзината“ во работењето на Шилегов. По доаѓањето на градоначалничка функција на Данела Арсовска и оваа сообраќајница беше меѓу оние проекти кои беа подзаборавени. Таа најави дека ќе ги заврши сите почнати проекти. Но, за разлика од мостот „АСНОМ“ и на улицата „Васил Карангелески“, каде по неколку месеци пауза работите некако продолжија, на оваа улица се уште нема поконкретна активност.

Во меѓувреме, крстоницата кај Тутунски комбинат и натаму е главна сообраќајна врска од Кисела Вода за општина Аеродром. Поради бројноста на возилата таа е често задушена и е голем извор на аерозагадување. Идејата со изградбата на улицата „Есенинова“ беше да се растовари оваа крстосница.

Новата градска власт не треба да ја заборави улицата на Шилегов. Да се надеваме дека 100 метри улица нема да се прави со години.

https://skopskoeho.mk/arsovska-da-ne-ja-zaborava-ulicata-na-shilegov/

Originally posted by user8642 Ова е истата логика која ја користеше Шилегов пред избори со мостот што требаше да биде тркало. Го чуваш проектот на 95% изграденост за да после тоа во фото-финиш пред наредни избори му сечеш лента. Тоа е македонската политичка филозофија, дека проект на кој не си му пресекол лента едноставно неможеш политички да го капитализираш! Додуша за оваков сељачки неблагодарен народ, кој се покажува како таков во многу политички ситуации до сега, другачије и не заслужува да биде третиран! И тоа е жалната вистина, ако видиме предвремени парламентарни избори у наредниве месеци, ќе се заврши. Ако не ќе си чекаме до наредни локални.

ако народот после 30 години бидување држава не разликува влада од општина, тогаш заслужува и многу полошо од ова

Originally posted by mr bombastic Што бидна со улицава, каде запнаа работите ?

Pominav pred nekoj den, srushena e kukjarkata za pumpite. Znachi trasata e celosno oslobodena. E sega zashto ne ja dovrshuvaat ulicata seushte, neznam.