Паркови (општо)

Originally posted by gjoko ако не се чепка тоа што досега е реконструирано,е ок, а ако севадат некои елементи и на нивно место се ставаат понови,само ќе се повтори плоштадот

тоа е и поентата, во парков нема што да се реконструира, дури и урбаната опрема е во добра состојба
гарант ќе сменат плочки само

Originally posted by kultuzin 16 илјади евра не е реконструкција туку ОСВЕЖУВАЊЕ.

не м утреба ни освежување, паркот е тип-топ

Потоа ќе купат и мајмуни да се бесат по палмите и да јадат од бананите. Наместо градските власти да се занимаваат со битни работи, се занимаваат со најглупите глупости. Не знам кој им ги смислува проектите.

Originally posted by Џоле Потоа ќе купат и мајмуни да се бесат по палмите и да јадат од бананите. Наместо градските власти да се занимаваат со битни работи, се занимаваат со најглупите глупости. Не знам кој им ги смислува проектите.

најверојатно во нашиве политички институции делат награди за „најглупа идеја“ па сите се тепаат да ја добијат...

Ne daj bože toa da bide

Treba movi barem pomali parkovi. Skopje i palmi👊

КАде е ова поточно?

Originally posted by Џоле Повели координати:41.987323, 21.461473

Blagodaram Dzole. Ubavo e sto se pravat parkcinja samo mi preci sto del od niv se direktno pokraj mnogu prometni ulici. Sepak podobro e da se naogat lokacii koi se pomegi zgradi i pomirna okolina. Ovaa parkce e ubavo ima dosta voda, rekviziti za decinja no vednas do ulica nitu e bezbedno nitu e zdravo (izduvni gasovi, bucava).

Originally posted by Џоле Нешто се подготвува во Аеродром... DSC07604 by george k. 1981, on Flickr

ПОЧНА ИЗГРАДБА НА НОВ ПАРК СПРОТИ „МАЈЧИН ДОМ“

Градочаналниците на Град Скопје и на Општина Аеродром, Коце Трајановски и Ивица Коневски, на денешната, 25.3.2015 година, прес-конференција официјално го означија почетокот на изградба на нов парк спроти „Мајчин дом“, поточно на просторот на аголот меѓу улицата „Васко Карангелевски“ и булеварот „Јане Сандански“.
Новиот парк ќе се простира на површина од 2.319 м2 и ќе содржи пешачки патеки, водени површини, езеро со фонтани и водопади, река и детско игралиште. Во паркот ќе се задржат постојните дрвја кои се наоѓаат на оваа локација, а дополнително ќе биде збогатен со ново зеленило составено од нискостеблести растенија и цвеќе. Водените површини во паркот ќе бидат осветлени со рефлектори, кои ќе го надополнат амбиентот навечер.

„Со хортикултурно и партерно уредување на овој простор ќе се создаде пријатно место за престој“, рече на прес-конференцијата градоначалникот Коневски.
Градоначалникот Трајановски, пак рече дека со изградбата на овој парк ќе се придонесе во подобрувањето на животната средина во Општина Аеродром.
Вредноста на оваа инвестиција ќе биде околу 30 милиони денари. Со овој проект продолжува традицијата на унапредување и заштита на животната средина и на градење паркови во новопроектирани зони во Аеродром, како карактеристично обележје, по кое стана позната и препознатлива општината, во која последниве неколку години се изградени околу 100.000 квадратни метри нова зелена површина.





повеќе на линкот: https://www.facebook.com/media/set/?set=a.966001003434003.1073742166.215229678511143&type=1

Да.

Во меѓувреме...

СТУДЕНТИТЕ НА АРХИТЕКТОНСКИОТ ФАКУЛТЕТ ИЗГОТВИЈА ШЕСТ ИДЕЈНИ РЕШЕНИЈА

Жителите на Ѓорче ќе гласаат како да изгледа реонскиот парк

Во изработката на проектите беа вклучени 24 млади архитекти. Нивните трудови ќе бидат презентирани пред жителите на општина Ѓорче Петров кои самите ќе го издвојат најдоброто решение



Реонскиот парк во Ѓорче Петров ќе добие нов изглед. Шест идејни решенија се изработени од студенти на Архитектонскиот факултет, кои понудија своја визија како да се оплемени овој најпосетуван дел од општината и рекреативното катче да го направат уште поубаво и поатрактивно за посетителите.

На идејните решенија работеа 24 студенти, кои изработија шест проекти со концептуално решение за целиот парк и поединечни проекти за одредени елементи. Сите трудови беа презентирани во просториите на училиштето "Ѓорче Петров#, а на презентација присуствуваа градоначалникот на општина Ѓорче Петров Сокол Митровски, советниците, студентите и професорите од Архитектонскиот факултет кои ги изработија идејните решенија.



- Ова е извонредна можност Архитектонскиот факултет заедно со општината Ѓорче Петров да работат заеднички на конкретни проекти. Студентите на овој начин ќе научат како се работи на одреден проект, а општината ќе добие нови визии од млади идни архитекти. На идејните решенија работеа 24 студенти во рамки на редовни студии во седми семестар, кои изработија шест проекти со концептуално решение за целиот парк и поединечни проекти за одредени елементи во паркот. Ова е голема можност и за општината и за нас како факултет, бидејќи младите луѓе секогаш имаат нови идеи и не се оптоварени со реалноста, така што навистина сметам дека општината ќе добие многу од овие млади луѓе, посочи професорката на Архитектонскиот факултет Дивна Пенчиќ. Според неа, направени се извонредни проекти.

- Студентите пристапија со анализа и темелно работење, заеднички ги поставивме основите, се работеше на анализи од различни аспекти кои се интересни за да им бидат влезни податоци за идните проекти. Се работеше два семестра, односно цела година и се надевам дека ќе се реализираат некои од овие проекти, појасни Пенчиќ.

Студентите се задоволни од финалните резултати и сметаат дека со новите идејни решенија ќе се зголеми атрактивноста на паркот.



- Ние работевме на идејниот проект кој се нарекува Анима и сметавме дека паркот кој е во сегашната состојба има недостаток на активности и дека со нашиот проект можеме да го збогатиме од тој аспект. Во проектот внесовме водени површини, ги уредивме пристапите и патеките. Не го сменивме многу стариот концепт на паркот, го направивме достапно движењето и тие комуникации да бидат видливи и јасни за посетителите. Додадовме некои моменти на монументалност на тие пристапи и овозможивме нови простори за одржување настани, имаме платформи за поставување на бини, а истовремено ги задржавме монументалните вредности, како Саат-кулата. Овој парк го посетуваат голем број граѓани и сметаме дека со ваквите проекти ќе се зголеми неговата атрактивност и ќе привлече уште повеќе посетители кои ќе го поминуваат слободното време токму во овој парк, изјави Катерина Славковска, студент на Архитектонскиот факултет.

Задоволни од понудените решенија беа и претставниците на локалната власт. Градоначалникот Митровски истакна дека секоја идеја од надвор е добродојдена и потенцираше дека е особено горд што овие проекти ги изработија млади архитекти што навестува дека паркот ќе добие елементи привлечни и за младите.

http://vecer.mk/skopska/zhitelite-na-gjorche-kje-glasaat-kako-da-izgleda-reonskiot-park