Железничка врска до аеродром Скопје

Воз до Скопскиот аеродром ќе има ако најдеме европски пари

Ќе се чека на одлука од Европската Унија за финансирањето на ветената пруга до Скопскиот аеродром и за воспоставување на железничка линија од Скопје до аеродромот. Од Министерството за транспорт и врски за „Мета.мк“ објаснуваат дека ЈП „Железници на РСМ“ допрва ќе треба да аплицира за овој проект, бидејќи тој е предвидено да се реализира во рамките на Секторската оперативна програма за ИПА на ЕУ за периодот 2024-2028 година.

Од министерството објаснуваат дека по апликацијата од наша страна, Европската Унија ќе го направи финалниот избор и ќе одлучи дали ќе го вметне проектот за пруга до Скопскиот аеродром во ИПА програмата, односно дали финансиски ќе ја поддржи реализацијата на инфраструктурниот проект.

Засега не е изработена проектната документација за изградба на железничкиот крак од постојната пруга Скопје-Куманово до Меѓународниот аеродром Скопје, потврдуваат од Министерството за транспорт и врски.

Сепак, директорот на ЈП за железничка инфраструктура, Хари Локвенец, во интервју за порталот „Локално“ објаснува дека со изградбата на пругите кон Бугарија и Албанија, предвидено е патниците од двата македонски аеродрома да добијат железничка врска со Скопје и Охрид. Со изградбата на пругата кон Албанија, планирано е и железничко поврзување на Охридскиот аеродром со Охрид.

Тој наведува дека се планирано и да се поврзе Скопскиот аеродром со главниот град, но не открива поконкретни детали и рокови за реализација на ова.

Новинарите на „Мета“ испратиле прашања до „Железници на РСМ“ околу проектот за воведување на аеродромски воз меѓу скопскиот аеродром и главниот град – до каде е изработката на проектна документација и физибилити студијата за изградба на пруга до скопскиот аеродром, до каде е пронаоѓањето на финансиски средства за овој проект, како и кога би можело да започне изведбата на ветениот железнички крак до аеродромот. Но, од јавното претпријатие нема одговор.

Директорот Локвенец во февруари 2021 година рече дека се изработува идејно решение за изградба на железничкиот крак од постојната пруга Скопје-Куманово до Меѓународниот аеродром Скопје. Тој тогаш напомена дека изградбата на пруга до скопскиот аеродром би можела да се заврши во 2023 година. Сепак, од денешна перспектива на терен не се започнати никакви градежни работи во однос на реализацијата на овој проект, потсетува „Мета“.

https://www.slobodenpecat.mk/voz-do-skopskiot-aerodrom-kje-ima-ako-najdeme-evropski-pari/

Зарем некој е вистински изненаден од неспособноста и арамилакот на сдсм и дуи ? Па човече на qур се качија со та еу еу еу еу за на крај да испадни дека немат ни еден инфраструктурен проект шо е од витално значење ко шо се поврзување со железница на двата аеродрома и поврзување аеродром 1 со градо и аеродром 2 со градо,да им финансират,всушност нејќат да им дат пари оти знат дека ќе ги покрадат.
2милијарди евра само вчера ги украдоа една брза пруга не напраја,шо очекувате..

Originally posted by Denko Na Skopje prvo mu treba asalen avtobuski prevoz do aerodromot pa duri togas ke mozeme da razmisluvame za nesto poveke. Segasniov e kolku da se kaze deka postoi avtobuska vrska!

Ова е апсолутно точно. Град Скопје има соодветно претпријатие ЈСП, има фирма ќерка ЈСП-Турс, има автобуси, има персонал, може ако сака за пола саат да организира градска линија до аеродром.

Едноставно намерно се остава целата работа вака неорганизирана за да може таксисти да ги "кољаат" сите што патуваат во странство. Пошто нели според старата парадигма на просечниот љубоморен маќедоњец "кој лета со авион, значи дека има пари да остави на клетите странци, епа има да плати џеза и на локалните шерифи". Тука лежи барем половина од проблемот зашто нема линија од Скопје до аеродром. Другата половина отпаѓа на неорганизрианост.

Инаку ЈСП има приградски линии кои оперираат и подалеку од аеродром, во општини кои не се дел од Град Скопје, да превезува "граѓани" кои динар не оставиле во буџетите, ниту градски, ниту општински, ниту државен. Медиумот на крај и не е важен, дали бил автобус, дали бил воз, дали биле комбиња, важно е да постои линијата прво.

Ајде ЈСП, пуштете редовна линија Транспортен Центар - Аеродром Скопје.

Со воз од Скопје до аеродромот во Петровец

Македонското Министерство за транспорт и врски, според најавите, кон крајот на август или почетокот на септември треба да потпише меморандум за соработка со српското Министерство за транспорт, со цел нашата држава да се вклучи во проектот за изградба на брзата пруга од Будимпешта, преку Белград и Ниш, до Скопје. Текстот на меморандумот е веќе поминат и одобрен од македонската Влада.

Планот е Македонија да се поврзе на пругата од линијата од Прешево, односно од граничниот премин Табановце до железничката станица во Скопје, а, исто така, треба да добие железнички крак до аеродромот во Петровец. Патниците ќе имаат можност директно да се симнат и на новата железничка станица што ќе биде изградена кај аеродромот во Петровец.

Во март годинава, министрите за транспорт на Србија и на Унгарија потпишаа меморандум и ги поканија колегите од Бугарија, Албанија, Грција и од Турција да ѝ се приклучат на изградбата на брзата железница, која би го поврзала северниот дел од регионот со турскиот и со грчкиот брег за патнички и за каргосообраќај. Брзата пруга од Белград треба да продолжи во три правци, преку Бугарија во правец кон Турција и преку Македонија во насока кон Грција, односно кон Албанија.

https://www.vecer.press/со-воз-од-скопје-до-аеродромот-во-петро/